मोहन न्यौपाने, बुटवल । एकपछि अर्को बेजोड सांगीतिक प्रस्तुतिले मन छुन सफल गायक समिर आचार्यको मिठास सहितको टिप्पिकल नेपाली गीतले चर्चा कमाएको छ । मेरो दुनियाँ बेग्लै छ , पिचरोड, घिनघिन बज्यो मादलु, हैन भन्देउन, घाममा सुकाइदेउ लगायतका चर्चित गीतका गायक समिर आचार्यको साथमा अराज केशवको र्या्पिंग शैलीमा निर्माण भएको सो गीत ‘ सानोमा सानो एटके एभरेस्ट मोशन पिक्चर्सको युटुव च्यानल मार्फत भिडियो सहित सार्वजनिक भएको थियो ।

हालसम्म १० लाख बढीले हेरिसकेको सो गीत सानोमा सानु गायक समिर स्वयंले लेखेका र संगीत भरेका हुन् । भाइभवेभ टिम सहित राहुल शाहको बेजोड अभिनय रहेको यो गीतलाई पवन सुस्लिंगले छायांकन तथा सम्पादन गरेका छन । मनोज बस्नेतको प्रस्तुति रहेको सो म्युजिक भिडियो मोडल समेत रहेका राहुल शाहले कोरियोग्राफी र निर्देशन गरेका छन् । हाल अस्ट्रेलियामा बस्दै आएका समीर आचार्यको पछिल्लो गीतहरुमार्फत उनको चर्चा युवाको माझ चुलिएको छ ।

SHARE