राजन पन्थी । नेपाल राष्ट्रिय शिक्षक संगठन तिलोत्तमाको प्रथम नगर परिषद रुपन्देहीको तिलोत्तमा–८ दिपनगरमा आज (शनिवार) सम्पन्न भयको छ । कार्यक्रममा अध्यक्ष डोलराज पाण्डेले वार्षिक प्रतिवेदन र कोषाध्यक्ष बिष्णु खरेलले आर्थिक प्रतिवेदन प्रस्तुत गर्नुभयको थियो।

प्रमुख अतिथी संगठनका जिल्ला अध्यक्ष मोती सुबेदीले “इतिहासमै शिक्षकहरुको पहिलो पेशागत संस्थाका का रुपमा जन्मिएको संस्था, नेपाल राष्ट्रिय शिक्षक संगठन भयको बताउदै सबैखाले शिक्षकहरुको प्रतिनिधी संस्था बनेको दावी गर्नुभयो । संगठनका पू्र्ब अध्यक्ष बुध्दीसागर भट्टराईले सक्षम भैसकेका सामुदायिक विद्यालयहरुलाई मात्र मलजल गर्ने तर उठ्न नसकेकालाई गोरु चुट्ने प्रबृतीले शिक्षाको बिकास नहुने बताउनुभयो ।

कार्यक्रममा बोल्दै शिक्षक महासंघका जिल्ला अध्यक्ष डिल्लीराज भण्डारी, प्रदेश सदस्य डिलुराम तिवारी, नगर उपाध्यक्ष शंकरदत्त उपाध्याय, सचिव सम्भू पराजुली, त्यसैगरी संगठनका नगर उपाध्यक्ष चक्रपाणी बश्याल र सचिव तेज प्रसाद पौडेल लगायतका वक्ताहरुले शिक्षक महासंघ र शिक्षक संगठनले खेलेको भूमिकाबारे बताउनुभयको थियो ।

SHARE