Wednesday, June 19, 2019

महिला राष्ट्रिय भलिबल टिम घोषणा, कप्तान नै टिमबाहिर

नेपाल भलिबल संघले राष्ट्रिय महिला भलिबल टोलीको घोषणा गरेको छ । संघले १३औं दक्षिण एसियाली खेलकुद प्रतियोगिता (साग) को लागि २५ सदस्यीय महिला भलिबल टिमको प्रारम्भिक टोली छनोट गरेको हो । तर छनोटको प्रारम्भिकमै नियमित कप्तान विनिता बुढाथोकीसहित चार जना खेलाडी टोलीमा परेका छैनन् । कप्तान विनिता, नेविका चौधरी, मञ्जु गुरुङ र कोपिला उप्रेती टोलीमा परेका छैनन् ।

टिममा छनोट भएका खेलाडीमा प्रतिभा माली, सरस्वती चौधरी, निरुता ठगुन्ना, उषा भण्डारी, उषा विष्ट, रेष्मा भण्डारी, चन्द्रकला खरेल, संगम महतो, ममता डगौरा, जानकी भण्डारी, अरुणा शाही रहेका छन् । त्यस्तै, शान्ति थारु, लक्ष्मी कुमाल, पुष्पा शाही, आरती सुवेदी, सुनिता खड्का, पुनम चन्द, कविता भट्ट, सोफिया पुन, हिरा केसी, सरस्वती कटेल, कमला पुन, सलिना श्रेष्ठ, शान्ती तामाङ र यमकली कुँवर मगर रहेका छन् । राष्ट्रिय खेलकुद परिषद्सँग समन्वयन गरेर आगामी असारदेखि बन्द प्रशिक्षणमा राख्ने संघले जनाएको छ ।

तिलोत्तमा क्रीकेट बिकाश समितिको साधारणसभा सम्पन्न, खेलाडी र पत्रकार सम्मानित

। तिलोत्तमा क्रीकेट विकास समितिको तेस्रो साधारणसभा शनिबार सम्पन्न भएको छ । साधरणसभाले अध्यक्षको बार्षिक प्रतिवेदन र कोषाध्यक्ष लक्ष्मी क्षेत्रीको आर्थिक प्रतिवेदन बहुमतले पारित गरेको छ ।

साधारणसभाले समितिका सदस्य गङ्गा बहादुर रानालाइ रिक्त रहेको लेखा समिती पदमामा मनोनित समेत गरेको छ ।

कार्यक्रममा पत्रकार स्वस्तिक श्रेष्ठ र पुर्व खेलाडी केवल सिंह राना, किस एफ एमका प्रबन्ध निर्देशक कृष्ण भण्डारि लगायतले शुभकामना मन्तव्य राखेका थिए ।

समितिका अध्यक्ष अच्युतराज ढुंगानाको अध्यक्षता, पुर्व क्रीकेट खेलाडी तथा समितिका सल्लाहकार यम बहादुर रानाको प्रमुख आतिथ्यता र समितिका सदस्य श्रीराम नेपालिको स्वागत मन्तव्य रहेको कार्यक्रमको संचालन समितिका सदस्य मिलन रानाले गरेका थिए ।

पत्रकार श्रेष्ठ र पुर्व खेलाडी राना सम्मानित

तिलोत्तमा क्रीकेट बिकास समितिले साधारण सभाको अवसरमा क्रीकेट खेलको बिकासमा भुमिका खेल्ने एक जना पुर्व खेलाडी र संचार क्षेत्रबाट खेलको बिकासमा भुमिका खेल्ने एक जना पत्रकारलाई सम्मन समेत गरेको छ ।

जस अन्तरगत  पत्रकार स्वस्तिक श्रेष्ठलाई समितिले सम्मान  गरेको छ । क्रीकेटको बिकासमा सन्चार क्षेत्रबाट महत्त्वपूर्ण भुमिका खेलेको भन्दै समितिले श्रेष्ठलाई नगद सहित दोसल्ला ओढाएर सम्मान पत्रले सम्मन गरेको हो ।

समितिले यस बर्षदेखि सुरु गरेको पत्रकार सम्मन कार्यक्रम अन्तर्गत पहिलो पटक बुटवल टुडेका पत्रकार श्रेष्ठलाई सम्मन गरेको हो । श्रेष्ठ पत्रकार महासंघ रुपन्देहीका कोषाध्यक्ष समेत हुन ।

यस्तै समितिले क्रीकेटका पुर्व खेलाडी केवल सिंह रानालाइ पनि सम्मान गरेको छ । लामो समय सम्म क्रीकेट खेल खेलेर यसको बिकासमा योगदान गरेको भन्दै रानालाइ समितिले सम्मान गरेको हो ।

बिदेश खबर

सुडानमा विशाल प्रदर्शन
खाद्यन्न र इन्धनमा गरिएको मूल्यवृद्धिको विरोधमा सुडानमा सुरु भएको प्रदर्शन थप चर्किएको छ । चार महिनादेखि विरोधमा सहभागी हुँदै आएका प्रदर्शनकारीहरु राजधानी खार्तुमस्थित राष्ट्रपति भवन नजिकै रहेको सैनिक मुख्यालयसम्म पुगेका छन् । प्रदर्शनकारीहरु सैन्य मुख्यालयमै पुगेपछि सुरक्षाकर्मीले अश्रुग्यास प्रहार गरेको छ । राष्ट्रपति ओमार अल वसिर विरुद्ध नारा लगाउँदै अघि बढेका प्रदर्शनकारीहरुलाई रोक्ने क्रममा सुरक्षाकर्मीले अश्रुग्यास प्रहार गरेको अन्तराष्ट्रिय सञ्चारमाध्यमहरुले जनाएक ाछन् । प्रदर्शनकारीहरुले राष्ट्रपतिको राजीनामा नआएसम्म आन्दोलन नरोक्ने चेतावनी दिएका छन् । मानव अधिकार समूह ह्यूमन राइट्स वाचले प्रदर्शनका क्रममा सुरक्षा फौजको कारबाहीमा बालबालिका समेत ४० बढीको मृत्यु भइसकेको जनाएको छ ।

नेपाल र चीन शिष्टाचार भेटवार्ता
युएई । यूएईका लागि नेपाली राजदूत कृष्णप्रसाद ढकाल र चिनियाँ राजदूत चाङ हाउबीच बुधबार शिष्टाचार भेटघाट भएको छ । चिनियाँ दूतावासको कार्यालय आबुधाबीमा भएको भेटमा द्धिपक्षीय हितका विषयमा छलफल भएको नेपाली दूतावासले जनाएको छ । चीन र युएई तथा नेपाल र चीनबीचको व्यापार व्यवसायका बारेमा दुवै देशका राजदूतले एकआपसमा जानकारी राखेको दूतावासकी द्धितीय सचिव तथा सूचना अधिकारी विष्णुकुमारी अधिकारीले बताइन् । भेटमा राजदूत ढकालले नेपालको पर्यटन र आर्थिक विकासमा चीनले गर्दै आएको सहयोग बारे जानकारी गराएका थिए ।

युएईमा दुर्घटना २ जनाको मृत्यु २ गम्भीर
उपचारका लागि अस्पताल जाँदै गरेका नेपाली सवार ट्याक्सी युनाइटेड अरब इमिरेट्स (यूएई) मा दुर्घटना हुँदा २ जना नेपालीको मृत्यु भएको छ । २ जना गम्भीर घाइते भएका छन् । युएईको आबुधाबीमा भएको दुर्घटनामा निरोज परियार र शान्ति विश्वकर्माको ज्यान गएको हो । परियार नवलपरासी कावासोतीका हुन् भने विश्वकर्माको स्थायी ठेगाना खुलेको छैन । निरोजका आफन्त जोतीलाल परियारले उनीहरु सवार ट्याक्सीलाई कारले ठक्कर दिँदा उनीहरुको मृत्यु भएको जानकारी दिए । जोतीलालका अनुसार, उपचारका लागि आएकी शान्तिलाई बिन जायद सिटीमा छोड्न निरोज गएका थिए। अहिले मृतकको शव खालिफा अस्पतालमा राखिएको छ। सोही दुर्घटनामा २ जना घाइते भएका छन् । गम्भीर घाइते २ जनाको अबुधाबीस्थित खालिफा अस्पतालमा उपचार भइरहे पनि परिचय खुल्न सकेको छैन ।

सम्झना युवा परिवारको अध्यक्षमा धिरज

मोहन न्यौपाने । सम्झना युवा परिवार मंगलापुरको १६ औ साधारण सभा तथा ८ औ अधिबेशनबाट धिरज पुन मगरको अध्यक्षतामा नया कार्य समिति चयन भएको छ ।

१३ सदस्यीय सो कार्यसमितिको उपाध्यक्षमा नारायण प्रसाद पौडेल, पंकज गौतम, सचिवमा अर्जुन न्यौपाने, कोशाध्यक्षमा दिपक बस्नेत, चयन भएका छन् । निर्बा्चित सबै सदस्य हरुलाई संरक्षक बाबुराम रानाले आगामी कार्यकालको सफलताको कामना गर्दै शुभकामना दिएका थिए ।

परिवारको साधारण सभाको उद्घाटन गर्दै तिलोत्तमा नगरपालिका वार्ड न ९ का अध्यक्ष नारायण न्यौपानेले निर्बा्चित सबैलाई बधाई तथा शुभकामना दिदै यस क्षेत्रमा युवा हरुको योगदान उल्लेखनिय रहेको र मंगलापुरको शान बचाउन युवाले खेलेको भूमिका गौरवपूर्ण रहेको बताएका थिए ।

सो साधारण सभामा क्लबका निबर्तमान अध्यक्ष खेमेंद्र राना, पुर्व सचिव सचिन घिमिरे, टिका प्रसाद अर्याल, यम बहादुर पुन, शुसिल घिमिरे, लगायतले बोल्दै सम्झना युवा परिवारको सफलताको कामना गरेका थिए ।

होली खेल्दै हुनुहुन्छ सावधान ! रङ्गबाट छालालाई जोगाउन यसो गर्नुहोस

बजारमा पाइने रसायनयुक्त रङले छालामा नराम्रो असर गर्छ। जसले गर्दा छाला पोल्ने, रातो हुने, एलर्जी हुने, इन्फेक्सन हुनका साथै यस्ता रङले छालालाई सुक्खा र रुखो बनाइदिन्छ। केही उपाय अपनाएर छालालाई हानि हुनबाट बचाउन सकिन्छ।

होली खेल्दा सकेसम्म हर्बल रङ प्रयोग गर्नुपर्छ। हर्बल रङले छालालाई नोक्सान गर्दैन। छालाको रोग भएकाले होली खेल्दा विशेष ध्यान पुर्‍याउनुपर्छ। छालालाई रङको प्रभावबाट बचाउन सनस्क्रिन वा भिटामिन ‘ई’युक्त क्रिम अथवा म्वइस्चराइजर लगाउनुपर्छ। यसो गर्नाले छालामा रासायनिक प्रभाव कम हुने हुन्छ।

होलीमा छालालाई रङको प्रभावबाट जोगाउन शरीर ढाक्ने गरी पहिरन लगाउनुपर्छ। हात र नङलाई रङबाट बचाउन क्रिम वा म्वइस्चराइजर लगाउनुपर्छ। म्वइस्चराइजरले छालालाई सुक्खा हुनबाट जोगाउँछ र छालामा लागेको रङ छिट्टै जान्छ।

जतिबेला अहिले जस्तो व्यावसायिक रूपमा रङ उपलब्ध हुन्थेनन्, त्यतिबेला होलीमा पानको पातबाट, गुलाबपत्र, सयपत्री, पालुंगो, बेसार, मेहदी आदिबाट तयार पारिने प्राकृतिक रङ एकापसमा दलेर होली मनाइने गरिन्थ्यो।

होली रङको पर्व हो। यो दिन विभिन्न किसिमका रङ एकापसमा दलेर रमाइलो गर्ने गरिन्छ। तर, आफ्नो छालाको अवस्था र रङमा प्रयोग भएको रसायनबारे जानकारी नहुँदा होलीलगत्तै छालामा विभिन्न समस्या लिएर उपचार गर्न आउनेहरू थुप्रै छन्। होलीमा रङ खेलेर रमाइलो गर्नुअघि केही तयारी गर्न सकियो भने रङबाट छालामा पर्ने नकारात्मक असरबाट जोगिन सकिन्छ।

कालो रङमा लिड अक्साइड, हरियोमा नीलो तुथो कपर सल्फेट, सिल्भर रङमा अल्मुनियम ब्रोमाइड, नीलोमा कोबाल्ट जिंक, रातो रङमा पारो ९मर्करी० तथा अब्रकको धुलो मिसाइएको हुन्छ। यी तत्वले हाम्रो छालामा असर गर्छन्। सामान्य एलर्जीदेखि क्यान्सरसम्म हुने खतरा हुन्छ। कालो रङले किड्नीमा असर गर्छ।

हरियो रङले आँखाको एलर्जी, अनुहार सुनिने र अस्थायी अन्धोपन ल्याउने खतरा हुन्छ। सिल्भर कलरले छालाको क्यान्सरको जोखिम हुन्छ। नीलो रङले एलर्जी र रातोले स्किन क्यान्सरको खतरा रहन्छ।

रङलाई लेदो बनाएर, पाउडरका रूपमा पानीमा घोल बनाएर प्रयोग गर्ने गरिन्छ। रङले छालामा प्रयत्क्ष तथा अप्रत्यक्ष रूपमा असर गर्छ।

प्रत्यक्ष रूपमा गर्ने असर

रङमा रसायन मिसिइने भएकाले छालामा दलेपछि यसबाट धेरैलाई एलर्जी हुन्छ। जसको छालामा पटक–पटक एलर्जी हुन्छ, सुक्खा छ, घाउखटिरा छ भने रङ दल्दा यो अझै बढेर जान्छ। रंङका कारण छाला चिलाउने, रातो हुने, पानी भरिएको फोका आउने समस्या देखापर्छ। एक्जिमाको रूपमा पनि देखापर्न सक्छ। कसै–कसैलाई रङका कारण रुघाखोकी लाग्ने पनि हुन्छ।

अप्रत्यक्ष रूपमा गर्ने असर

छालामा रङ दलेपछि यसलाई हटाउन विभिन्न किसिमका साबुन, फेसवास प्रयोग गरेर रगड्दा छालाको माथिल्लो भाग खुइलिन्छ। त्यसपछि छालाको संक्रमण हुने खतरा हुन्छ। छाला पोल्ने, दाग बस्ने समस्या हुन्छ। डन्डीफोर, छालाको एलर्जी भएकाहरूलाई रङले अझै धेरै दुःख दिन्छ। कपालमा रङ लगाउँदा पछि कपाल झर्ने समस्या देखापर्छ। नङको कापमा रङ पर्दा नङ पाक्ने समस्या देखापर्छ। रङका कारण आँखा तथा कानको एलर्जी हुन्छ। घाउखटिरा छ भने एलर्जी हुने सम्भावना अझै बढ्छ।

होली खेल्नुअघि

आफ्नो शरीरको तथा अनुहारको छालामा कुनै समस्या छैन र रङको एलर्जी पनि छैन भने होलीमा रङ दलेर रमाइलो गर्न सकिन्छ। होली खेल्नुभन्दा अघिल्लो दिन शरीरमा जैतुन वा नरिवलको तेल लगाउनुपर्छ। हातखुट्टामा भ्यासलिन लगाए बेस हुन्छ। पूरै शरीर ढाक्ने गरी खुकुलो कपडा लगाउनुपर्छ। शरीरमा तेल लगाएपछि रङ दल्दा त्यसले छालालाई खासै असर पुर्‍याउँदैन। होलीको दिनमा पनि बिहान शरीरमा तेल, अनुहारमा सनस्क्रिन तथा म्वइस्चराइजर लगाएर होली खेल्न निस्कनुपर्छ। सकेसम्म कम रसायन मिसिएको रङ छनोट गर्नुपर्छ।

होली खेलेपछि

एक वा दुई घण्टा होली खेलेर नुहाउनुपर्छ। नुहाउँदा नरम खालको साबुन प्रयोग गर्नुपर्छ। नुहाएपछि तेल वा म्वइस्चराइजर प्रयोग गर्नुपर्छ। रङ खेलेपछि छालामा कुनै असर देखिएमा तुरुन्त छालारोग विशेषज्ञसँग परामर्श गरेर उपचार गराउनुपर्छ। होली खेलिसकेपछि शरीरमा लागेको रङ हटाउन र छाला सफा गर्न नुहाउनु एक घण्टाअघि शरीरमा बेसन लगाउने।

नुहाउँदा रङ लागेको छालाको भागमा भिजेको बेसनलाई राम्ररी दल्ने। त्यसपछि केही समय राखी सुक्न दिने र सुकेपछि सफा पानीले पखाल्ने। यसले शरीरमा लागेको रङलाई हटाउ मद्दत गर्छ। फेसवासले अनुहार धुने। अनुहार सफा गरेपछि म्वइस्चराइजर लगाउने। रङको सबैभन्दा बढी प्रभाव हातमा पर्ने हुन्छ। हातबाट रङ सफा गरिसकेपछि भिटामिन ‘ई’ युक्त क्रिमले मसाज गर्ने। जसले हातलाई मुलायम, कोमल र स्वस्थ बनाउँछ। अन्नपूर्णबाट ।

सैनामैनामा मेयरकप नकआउट फुटबल प्रतियोगिता हुने

रुपन्देहीको सैनामैना नगरपालिका–७ देउवापारमा दोस्रो सैनामैना मेयर कप नकआउट फुटबल प्रतियोगिता हुने भएको छ । स्थानीय जनप्रिय स्पोर्टस् क्लबले आयोजना गरेको पत्रकार भेटघाटमा प्रतियोगितमा प्रथम हुनेलाई रु एक लाख ५१ हजार राशि प्रदान गरिने क्लबका अध्यक्ष किशोर रानाले जानकारी दिनुभयो । उहाँले द्धितीय स्थान हासिल गर्नेलाई रु ८८ हजार ८८८, सेमी फाइनलमा पराजित टिमलाई रु २० हजार, सर्वाधिक गोलकर्तालाई रु पाँच हजार ५०० प्रदान गरिने बताउनुभयो ।

यही चैत ९ गतेदेखि २० गतेसम्म सञ्चालन हुने सो प्रतियोगितमा रु नौ लाख ११ हजार ६६५ खर्च हुने अनुमान छ । सोमध्ये सैनामैना नगरपालिकाले रु चार लाख प्रदान गरेको छ । प्रतियोगितमा उत्कृष्ट अग्रपङ्क्तिका खेलाडीलाई, उत्कृष्ट रक्षापङ्क्तिका खेलाडीलाई, उत्कृष्ट मध्यपङ्क्तिका खेलाडीलाई, उत्कृष्ट गोलरक्षकलाई र उत्कृष्ट प्रशिक्षकलाई जनही रु पाँच हजार ५०० प्रदान गरिने छ । प्रतियोगितमा स्थानीय केही क्लब, नवलपरासी, चितवन, काठमाडौँका समूहसहित १६ समूहले भाग लिने छन् ।

विश्वकप २२ औं संस्करणमा ४८ राष्ट्रको प्रतिस्पर्धा

तिलोत्तमा सिटी , चैत्र ५ । कतारमा आयोजना हुने फिफा विश्वकप फुटबलको २२ औं संस्करणमा ४८ राष्ट्रले प्रतिस्पर्धा गर्ने भएका छन् । अमेरिकाको मियामीमा बसेको फिफा काउन्सिलको बैठकले सन् २०२२ को विश्वकपमा सहभागी राष्ट्र बढाउने निर्णय गरेको छ । फिफा काउन्सिलको बैठकले सन् २०२२ को विश्वकपमा ३२ राष्ट्रबाट बढाएर ४८ राष्ट्र बनाउने निर्णय गरेको हो । सन् २०२६ को विश्वकपमा भने ४८ राष्ट्र हुने यसअघि नै तय भईसकेको छ ।

यस्तै बैठकले सन् २०२२ को विश्वकपमा कतारसँगै एक सह आयोजक राष्ट्र थप्ने निर्णय पनि गरेको छ । कतार विश्वकप जाडो मौषममा आयोजना हुनेछ । यसअघिका सबै विश्वकप गर्मी मौषममा हुँदै आएको थियो । फिफाको बैठकले कतार विश्वकप नोभेम्बर २१ देखि डिसेम्बर १८ सम्म आयोजना गर्ने निर्णय गरेको थियो । यस्तै, भारतले सन् २०२० को १७ वर्षमुनीको महिला विश्वकप आयोजना गर्ने भएको छ । अमेरिकामा हिजो बसेको फिफा काउन्सिलको बैठकमा अध्यक्ष जियानी ईन्फान्टिनोले उमेर समुहको महिला विश्वकपको आयोजना भारतलाई दिने घोषणा गर्नुभएको हो ।

नेपाली टोलीको घोषणा

तिलोत्तमा सिटी , चैत्र ३ । अखिल नेपाल फुटबल संघ एन्फाले कतारमा आयोजना हुने एएफसी २३ वर्षमुनिको च्याम्पियनसिपको छनोट खेल खेल्ने नेपाली टोलीको घोषणा गरेको छ । सन् २०२० मा थाइल्याण्डमा आयोजना हुने च्याम्पियनसिपका लागि दोहामा हुने छनोटका लागि नेपालले २३ सदस्यीय टोलीको घोषणा गरेको हो ।

समूह ‘ए’ मा रहेको नेपालले बलियो टोलीहरु कतार, ओमान र अफगानिस्तानसँग खेल्नेछ । नेपालले पहिलो खेल ओमानसंग मार्च २२ मा दोस्रो मार्च २४ मा कतारसँग र अन्तिम खेलमा मार्च २६ मा अफगानिस्तानसँग खेल्नेछ । छनोटको शीर्ष टोलीले एएफसी २३ वर्षमुनीको च्याम्पियनसिप खेल्नेछ भने दोस्रो टोली मध्ये उत्कृष्ट चार टोलीले पनि च्याम्पियनसिप खेल्ने मौका पाउनेछन् ।

नाइकोको गोलसगै पाहुना रास्ट्र दाफिन्सले उचाल्यो तिलोत्तमा गोल्डकपको उपाधि

तिलोत्तमा गोल्डकपको उपाधी दफिन्सलाई

बुटवल, १३ फागुन । बुटवलमा जारी २१ औ तिलोत्तमा गोल्डकपको उपाधी पाहुना टोली दाउफिन्स क्यामरुङ्गले जितेको छ । सोमबार भएको फाईनल प्रतिष्पार्धमा नेपाल पुलिसलाई सडेनडेथमा ५–४ गोलले हराउदै उपाधि जेतको हो । नेपाल प्रहरीले पटक पटक गोल गर्ने मौका पाएपनि मौका चुकाउदा दफिन्सले उपाधि रक्षा गरेको हो ।
यसअघि पोखरा कप र बुढासुब्बा गोल्डकपको उपाधि जितेको दाउफिन्सले तिलोत्तमा गोल्डकप जित्दै उपाधिमा ह्याट्रिक गरेको हो । नेपाल पुलिसका तर्फबाट पेनाल्टीमा गोल गर्दा दाफिन्सका किपरले रोकिदिएपछि दाफिन्स क्यामरुनका खेलाडी जर्सी न ८ का नाइकोको गोलसगै दाफिन्स बिजयी भएको हो । दोस्रो हाफमा नेपाल प्रहरीका तिर्थ राना मगरले गोल गरे पनि अफसाईड गोल भएको थियो । सडेन डेथमा नेपाल प्रहरीका तेज तामांगको प्रहार गरेको गोल क्रसोले रोकीदिएका थिए । यस्तै जर्सी नम्बर ८ का नियाले प्रहार गरेको गोल रोशन खड्काले रोक्न सकेनन् र जालि चुम्न सफल भयो । यो संगै दफिन्सले उपाधि कब्जा गरेको हो ।
सबैभन्दा ठूलो पुरस्कार राशीको खप्तड कप जितेको पुलिस क्लबले तिलोत्तमा गोल्डकप पाँचौ पटक उचाल्न सकेन ।
रुपन्देही ११ लाई हराएर दाफिन्स र च्यासल युथ क्लबलाई हराएर नेपाल पुलिस क्लबले उपाधि जितेको हो । विजेताले ८ लाख ८० हजार नगदसहित गोल्डकप प्राप्त गरेको छ ।

प्रतियोगितामा बेस्ट गोलाकिप्पर दाफिन्स एफसीका प्रिसो , बेस्ट स्ट्राइकर रबि पासवान , बेस्ट मिड फिल्ड नेपाल पुलिशका हेम तामाङ्ग, बेस्ट डिफ़ेण्डर नेपाल पुलिसका बिक्रम धिमाल, बेस्ट कोच नेपाल पुलिस अनन्त तामांग बनेका छन् । सबै उत्कृस्ट बनेका खेलाडी तथा कोचलाई जनही २५ हजार प्राप्त गरेका छन्प्रतियोगिताको सर्बोत्क्रिस्ट खेलाडी लाली रुपन्देहीका आशिष गुरुङ स्कुटर प्राप्त गरेका छन् ।

उपविजेताले नेपाल पुलिसले ५ लाख ५० हजार नगद प्राप्त गर्ने आयोजक रुपन्देही जिल्ला फुटबल संघका अध्यक्ष दीर्घबहादुर केसीले जानकारी दिए । समापन कार्यक्रममा प्रमुख अतिथि रास्ट्रिय खेलकुद परिषदका केशव कुमार बिस्ट रहेका थिए। प्रतियोगिताको अन्त्यमा जिल्ला फुटबल संघ रुपन्देहीका दिर्घ कुमार केसीले ७१लाख ७२ हजार २ सय बराबरको आर्थिक आयव्यय सार्बजनिक गरेका थिए । प्रतियोगिताले यसबर्ष २ लाख बराबर घाटा व्यहोर्नु परेको अध्यक्षले बताएका थिए ।

रास्ट्रमैत्री बन्दै तिलोत्तमा गोल्डकप, दाफिन्स र पुलिस सोमबार फाइनलमा भिड्दै

????????????????????????????????????

बुटवल । बुटवलमा जारी २१ औँ संस्करणको तिलोत्तमा गोल्डकपमा क्यामरुनी दाफिन्स र नेपाल पुलिस क्लब फाइनलमा प्रवेश गरेको छ । बुटवलस्थित एन्फा टेक्निकल सेन्टरको मैदानमा भैरहेको २१ औं तिलोत्तमा गोल्डकप नकआउट फुटबल प्रतियोगिताको सेमीफाइनलमा रुपन्देही ११ लाई शुन्यका बिरुद्ध २ गोलले पराजित गरी क्यामरुनी दाफिन्स र दश खेलाडीमा सिमित च्यासल युथ क्लबलाई ३–१ ले हराउदै नेपाल पुलिस क्लब फाइनलमा प्रवेश गरेको हो । आयोजक लाली रुपन्देही–११ लाई हराउन प्रतिस्पर्धात्मक खेलमा दाफिन्सका लागि दुवै गोल डिडेर टिनाले गरेका थिए । उनले खेल शुरु भएको दोस्रो मिनटमै पेनाल्टीबाट पहिलो गोल गरे भने दोस्रो हाफको अन्तिमतिर ८४ औं मिनटमा दोस्रो गोल गर्दै घरेलु टोलीलाई निराश तुल्याए ।

त्यस्तै च्यासललाइ हराउन पुलिसका लागि बिक्रम धिमालले खेलको १५ र ५७ औं मिनटमा गरी दुई गोल गरे । त्यस्तै थप एक गोल ८० औं मिनटमा रवि पासवानले गरे । खेल शुरु हुनु अघि च्यासललाई जितको हकदार मानिए तापनि दोस्रो हाफको ६० औं मिनटमा कप्तान आमिर श्रेष्ठले दोहोरो पहेंलो कार्ड खाँदै मैदान छाडेपछि च्यासल थप दबाबमा पर्न पुगेको थियो । च्यासलका लागि खेलको ९० औं मिनटमा सन्त बहादुर गुरुङले एक मात्र सान्त्वना गोल फर्काए । प्रतियोगितामा पुलिसको यो लगातार दोस्रो फाइनल हो । यसअघि पुलिसले गत संस्करणको फाइनल पनि खेलेको थियो । यद्यपि त्यतिबेला विभागीय टिमले थ्रीस्टारसँग उपाधि गुमाएको थियो ।

क्यामरुन र पुलिसको यो खेललाइ एउटा हारजित संग मात्र नभएर दुइ राष्ट्र बिचको मैत्रीपुर्ण सम्बन्ध र समन्वयकारी भूमिकाको एउटा पगरी समेत दिइएको छ । उपाधि देशमै राख्ने कि विदेश लैजाने भन्ने निर्णय सोमबार हुने फाइनल खेलबाट मात्र थाहा हुने हुदा आयोजकले सो रोमाञ्चक खेल अबलोकन गर्न दर्शकलाइ आब्हान समेत गरेको छ । एन्फा टेक्निकल सेन्टर, बुटवलको खेलमैदानमा भैरहेको फागुन १३ गतेसम्म चल्ने गोल्डकपको बिजेताले ८ लाख ८० हजार र उपविजेता टोलीले ५ लाख ५० हजार रुपैयाँ हात पार्नेछन् ।

RECENT POSTS