Friday, February 15, 2019

रिसन रूपन्देहीको खेल महाेत्सव कुन्जलापुरमा जारी

फाल्गुन ३ गते / तिलोत्तमा रुपन्देही एकीकृत विद्यालय संगठन नेपाल रिसनको आयोजनामा तिलोत्तमाको कुन्जलापुरमा आयोजित ३ दिने खेल महोत्सवमा शुक्रबार पनि विभिन्न विधामा खेलहरू सम्पन्न भएका छन । बिहीबारबाट शुरू भएको रिसन खेल महोत्सवमा एथलेटिक्स तर्फको छात्र छात्रा दुवै विधामा सव जुनियर १०० मीटर, जुनियर १०० मीटर तथा सिनियर विधा तर्फको १०० मीटर दौंडको फाईनल प्रतिस्प्रधा सम्पन्न भए भने सव जुनियर तर्फको ५० मीटर दौंडको फाईनल प्रतिस्प्रधाहरू पनि शुक्रबार नै सम्पन्न भएका छन ।

त्यस्तै छात्र छात्रा दुवै विधामा २०० मीटर दौंड प्रतियोगिताको फाईनल प्रतिस्प्रर्धा सम्पन्न भए भने जुनियर, सव जुनियर एंव सिनियर तर्फको फाईनल रिले ४०० मीटर दौंडका फाईनल प्रतिस्प्रर्धाहरू समेत शुक्रवार नै सम्पन्न भएका छन । यसैगरि सिनियर तर्फको सटपुट, सिनियर तर्फकै ज्याभलिंग थ्रो र जुनियर तर्फको ४००,मीटर दौंड प्रतियोगिता समेत शुक्रवार नै सम्पन्न भएका छन ।

छात्र तर्फको भलिबलमा शुक्रबार सेमीफाईनलका खेल सम्पन्न भए भने भोली उपाधीका क्रिस्टल एकेडेमी मंगलापुर र लिटील प्याराडाईज भलवारी भिड्ने छन । भने छात्र तर्फकै तेस्रो स्थानका लागी लिटील स्टार र नमुना बोर्डिंग स्कूल सेमरा बजारले प्रतिस्प्रर्धा गर्ने भएका छन । त्यस्तै महिला तर्फ भने क्रिष्टल एकेडेमी मंगलापुर, लर्डबुद्द बोर्डींग स्कूल, निलगिरी बोर्डिंग स्कूल कान्छीबजार र नमुना बोर्डिङ्ले सेमीफाईनलमा सिट सुरक्षित गरेको खेल संयोजक दिपक खनालले जानकारी दिएका छन ।

शैक्षिक क्रियाकलाप सँगसँगै अतिरिक्त क्रियाकलापमा पनि विद्यार्थीलाई अब्बल बनाउने उद्देश्यले आयोजित खेल सप्ताहको शनिबार समापन हुने कार्यक्रम रहेको रिसन रूपन्देहीका अध्यक्ष मधु प्रकाश ज्ञवालीले जानकारी दिए । खेल सप्ताहमा कक्षा एकदेखि दशसम्मका छात्र छात्रा सहभागी छन । जसमा एक देखि चार, पाँचदेखि सात र आठदेखि दस गरी जुनियर, सव जुनियर र सिनियर गरि विभिन्न ५० विधामा खेलहरु आयोजना गरिएको रिसन रूपन्देही उपाध्यक्ष के.एन. सागर ज्ञवालीले जानकारी दिए ।

अंकका आधारमा खेलहरू खेलाईएको रिसन खेल महोत्सवमा अंकका आधारमा बिजेता घोषणा गराईएको छ । प्रतियोगितामा प्रथम, द्वितीय र तृतीय हुनेलाई शिल्ड, मेडल तथा प्रमाणपत्रले शनिबार एक समारोहका रिसन रूपन्देहीका सचिव लक्ष्मण अर्यालले जानकारी दिए । कुन्जलापुरस्थित उमा निमाविको खेल मैदानमा जारी खेल महोत्सवमा मणिमुकुन्द स्पोर्ट्स क्लब बुटवलले प्रविधिक सहयोग रहेको छ । रिसनको दसौं संस्करण अन्रगत जारी खेल महोत्सव शनिबार एक कार्यक्रमका बिच समापन हुने कार्यक्रम रहेको छ ।

फुटबलको महाकुम्भ तिलोत्तमा गोल्डकप फागुन ४ देखि शुरु हुने

यस क्षेत्रकै गरिमा बोकेको सबैभन्दा ठुलो राशिको फुटबल प्रतियोगिता तिलोत्तमा गोल्डकप फाल्गुन ४ गतेदेखि शुरु हुने भएको छ । फागुन २ गतेबाट शुरु हुने भनिएको २१ औ संस्करणको तिलोत्तमा गोल्डकप फुटबल प्रतियोगिता दुई दिन पछि धकेलिएको छ ।
देशभर नै फुटबल प्रतियोगिता चलिरहदा टिम ब्यस्तताको समस्याले फागुन ४ गतेबाट प्रतियोगिता हुने भएको हो । गत बुधबार बुटवलमा पत्रकार सम्मेलन गरि रुपन्देही जिल्ला फुटबल संघका वरिष्ठ उपाध्यक्ष हरी क्षेत्रीले तयारीका साथै टिम ब्यस्तता र मौसमका कारण खेल दुई दिन पछि सारेको बताए ।

देविनगरस्थित एन्फा एकेडेमी सेन्टरमा आयोजना हुने प्रतियोगिताको तयारी तिब्र भैरहेको उनले बताए । टिकटबाट २५ लाख उठ्ने अनुमान रहेको उनले बताए । मैदानको पूर्वतर्फ १५ सय क्षमताको स्थाई प्याराफिट बनेको छ । दर्शकहरुलाई पहिलो चरणमा एक सय र दुई सय तथा दोस्रो चरणमा दुई सय र चार सय टिकट दर राखिने उनले बताए ।

प्रतियोगितामा शसस्त्र प्रहरीको एपीएफ क्लब र नेपाल पुलिस दुई विभागिय टिमसहित झापा ११, सुनसरी ११, रुपन्देही ११, च्यासल ११, संकटा क्लब, मनाङ्ग मस्यार्दी क्लब, ब्रदर्श युनाईटेड क्लब भारत, डफिन(क्यामरुन) गरि १० टिमले भाग लिने भएको छ । यशोधा फुड प्रालिले प्रतियोगितालाई मुख्य प्रायोजन गरेको सचिब लोक पुनले बताए ।

रिसनको खेल महोत्सव बिहिबारदेखि कुन्जलापुरमा शुरु

   प्रकाश पाण्डे । एकीकृत बिद्यालय संगठन रिसन रुपन्देहीको खेल महोत्सब बिहिबारदेखि शुरु भएको छ । संसदीय दलका प्रतिपक्षि नेता एबम प्रदेश नम्बर ५ का जेष्ठ सभासद बलदेव शर्मा पोखरेलले खेलकुद र शिक्षा क्षेत्र राजनीतिबाट टाढा रहेमात्र देश बिकाशको बाटोमा अघि बढ्ने बताएका छन् । साथै उनले आजका बालबालिका भविष्यका कर्णधार भएको भन्दै शिक्षा क्षेत्र पूर्णत राजनीतिबाट मुक्त हुनुपर्नेमा जोड समेत दिए ।
एकीकृत बिद्यालय संगठन रिसन रुपन्देहीको तिलोत्तमा -६ कुन्जलापुर स्थित उमा निमाविको खेल मैदानमा जारि खेल महोत्सबमा प्रमुख अतिथिको रुपमा बोल्दै शर्माले सो कुरा बताएका हुन् । उनले बिद्यालय स्तरबाटै रास्ट्रीय स्तरका खेलाडीहरुको उत्पादन हुने भएकाले रिसनले आयोजना गरेको ३ दिने खेल महोत्सवले प्रतिभा प्रश्फुटनमा टेवा पुग्ने समेत औल्याए ।
बिहिबारबाट शुरु भएको खेलमा एल्थ्लेक्टिक्सतर्फ हिट राउण्डका ५० मिटर र १०० मिटर दौड तथा भलिबलको प्रथम चरणका खेलहरु सम्पन्न भएको छन भने ४०० मिटरदौडको फाइनल प्रतिश्प्रधा भने बिहिबारनै सम्पन्न भएको छ । बिहिबार सम्पन्न ४०० मिटर दौडको छात्रतर्फ लर्डबुद्द बोर्डिंग स्कुल टिकुलिगढ़का छात्र निशान्त बुढाले प्रतियोगितामै पहिलो गोल्डमेडल जित्न सफल भए । त्यस्तै सो दौडमा निलगिरी बोर्डिंग स्कुलका सुमन परियार दोस्रो स्थान र लिटिलप्याराडाईजका राहुल गुप्ताले तेस्रो स्थानमा चित्त बुझाए ।
त्यस्तै सिनियरतर्फकै छात्रा तर्फको ४०० मिटर दौडमा होराइजन जिबिएसकि रिचा ज्ञवालीले पहिलो स्थान हातपार्दै गोल्ड मेडल जीतिन भने लिटिल प्याराडाईज भलवारिकी बिपना चौधरी दोस्रो र न्यु इन्भारमेंटकि स्वरुपा अर्यालले तेस्रो स्थान हात पारीन । त्यस्तै बिहिबार सम्पन्न छात्र भलिबलतर्फ कुल १० वटा विद्यालयको सहभागिता रहेको थियो उद्घाटनको पहिलोखेलमा कुवरवर्ति प्रदिपनगरलाइ हराउदै न्यु इन्भार्मेन्ट बिजयी भयो भने दोस्रो खेलमा होराइजन जिबिएसलाइ हराउदै सेन्ट जोसेफ भलवारी दोस्रो चरणमा प्रवेश गरेको छ । त्यस्तै अर्को खेलमा निलगिरी बोर्डिंग स्कुल कान्छीबजारलाइ हराउदै नमुना बोर्डिंग स्कुलले दोस्रो चरणमा प्रवेश गरेको छ । यसैगरी लर्डबुद्द टिकुलीगढलाइ हराउदै लिटिल स्टारले दोस्रो चरण तय गरेको छ शुक्रबार भलिबल र दौडका दोस्रो चरणका खेलसंगै ज्याबलिन थ्रो , शटपुट लगायतका खेलहरु हुने रिसन खेल महोत्सवका कार्यक्रम संयोजक दिपक खनालले बताए ।
रिसन रुपन्देहीका अध्यक्ष मधु प्रकाश ज्ञवालीको अध्यक्षतामा शुरु सो कार्यक्रममा तिलोत्तमा वार्ड न. ६ का अध्यक्ष सुखदेव न्यौपाने , प्याब्शन रुपन्देहीका उपाध्यक्ष एबम रिसन रुपन्देहीका सल्लाहकार खेमेंद्र राना , डीबी थापा , कमल प्रसाद रेग्मी , उपाध्यक्ष तथा खेल संयोजक दिपक खनाल, के.एन.सागर ज्ञवाली, कोशाध्यक्ष माया थापा, प्राबिधिक सहयोगीको रुपमा रहेको मणिमुकुंद क्लबका मिलन राना लगायतले बोल्दै विद्यार्थीका अन्तर्निहित प्रतिभा प्रष्फुटन गराउन सबै बिद्यालय एक हुनुपर्नेमा जोड दिएका थिए । खेल संयोजक दिपक खनालको स्वागत मन्तब्य बाट शुरु कार्यक्रमको संचालन रिसन रुपन्देहीका सचिब लक्ष्मण अर्यालले गरेका थिए ।

रिसनको भब्य खेल महोत्सब बिहिबारदेखि शुरुहुदै

मोहन न्यौपाने। तिलोत्तमा नगरपालिकाका सस्थागत बिद्यालयहरुको छाता संगठन रुपन्देही एकीकृत बिद्यालय संगठन नेपाल रिसनको आयोजनामा खेल महोत्सब २०७५ हुने भएको छ । यहि फाल्गुन २ गते प्रदेशनम्बर ५ का संसदको प्रमुख प्रतिपक्ष दल नेपाली काग्रेसका दलका नेता बलदेव शर्मा पोखरेलले उद्घाटन गर्दै ४ गतेसम्म चल्ने सो महोत्सवमा यस क्षेत्रका १७ विद्यालयले भाग लिएका छन् । कक्षा १ देखि ४ सम्म सब जुनियर तह , ५ कक्षा देखि ७ कक्षासम्म जुनियर तह तथा ८ कक्षा देखि १० कक्षासम्मका छात्र छात्रा बिचको ५० भन्दा बढी खेल हुने रिसनका तिलोत्तमा नगर अध्यक्ष मधु प्रकाश ज्ञवालीले बताए ।

तिलोत्तमा-६ स्थित कुन्जलापुरको मैदानमा हुने सो खेल महोत्सव मा एथ्लेक्टिक्स, भलिबल , लम्जंप, हाइजम्प, ज्याब्लिन थ्रो , त्रिपाल जम्प रिले रेस , म्याराथुन लगायतका खेल हुने खेल संयोजक रिसनका कोशाध्यक्ष दिपक खनालले बताए। उनले बिहीबार, शुक्रबार र शनिबार गरि तीनदिन हुने खेल सप्ताहमा तिलोत्तमा नगरपालिका भित्र रहेका १७ संस्थागत विद्यालयका १ हजार २ सय विद्यार्थी सहभागी हुने रिसनका जानकारी समेत दिए। शैक्षिकसंगै अतिरिक्त क्रियाकलापमा पनि विद्यार्थीलाई अब्बल बनाउन खेल सप्ताहको आयोजना गरिएको संयोजक खनालले जानकारी दिनुभयो ।

अंकका आधारमा बिजेता घोषणा गरिने प्रतियोगितामा प्रथम, द्वितीय र तृतीय हुनेलाई शिल्ड, मेडल तथा प्रमाणपत्रले पुरस्कृत गरिने रिसनका अध्यक्ष मधुप्रकास ज्ञवालीले बताउनुभयो । कुन्जलापुरमा हुने खेल सम्पन्न गर्न मणिमुकुन्द स्पोर्ट्स क्लब बुटवलले समन्वय गरेको सचिब लक्षण ज्ञवालीले जानकारी दिए । करिब ५ लाख अनुमानित लागत राखिएको सो खेल महोत्सव रिसनको दसौं संस्करण हो । खेल महोत्सवको आर्थिक जोहो सदस्य बिद्यालयबाट गरिएको बताइएको छ ।

बिहिबार लखन थापा दिवस, शुक्रबार प्रदेश स्थापना दिवस तथा शनिबार बिदाकै दिन भएकाले खेल महोत्सवबाट बिध्यर्थिलाई कुनै असर नपर्ने र अतिरिक्त क्रियाकलापको यो महासंग्राममा प्रतिभा प्रष्फुटन हुने प्याब्शनका खेमेंद्र रानाले बताए । सो बिषयमा जानकारी गराउन मणिग्राममा पत्रकार सम्मेलनको आयोजना गरिएको थियो । रिसनका सचिव लक्ष्मण अर्यालको संचालनमा भएको सो कार्यक्रममा तिलोत्तमा रिसनका सस्थापक अध्यक्ष डीबी थापा, किरण गौतम, के.एन.सागर ज्ञवाली, ज्ञान बहादुर थापा, लगायतको उपस्थिति रहेको थियो ।

ओमसतियामा फागुन ३ देखि भोजपुरी मेला हुदै, प्रचण्डले उद्घाटन गर्ने

    मोहन न्यौपाने, तिलोत्तमा सिटी । यहि फागुन ३ गतेदेखि शुरु हुन गैरहेको ओमसतिया कला सस्कृति खेलकुद तथा कृषि प्रबर्धन महोत्सवको तयारि पुरा हुने चरणमा छ । नेकपाका अध्यक्ष पुष्पकमल दाहाल प्रचण्डले फागुन ३ गते उद्घाटन गर्ने कार्यक्रम रहेको सो मेला फागुन ११ गतेसम्म चल्ने आयोजकका तर्फबाट संयोजक शिव कुमार धवलले बताए ।श्री रामजानकी मन्दिर रंगशाला सभाहल ब्यबस्थापन समितिको आयोजनामा हुन लागेको सो मेलामा बिशेसगरि थारु मधेसी भोजपुरी कला सस्कृति र भेसभुसाहरुको प्रदर्शनी , स्टल, खाना , बृहत सास्कृतिक कार्यक्रम अन्तरास्ट्रिय कबड्डी प्रतियोगिता, भलिबल प्रतियोगिता , थारु नाच झुमडा प्रतियोगिता , ओमसतिया डान्स आइडल मार्शल आर्ट तेक्वान्दो पुरुष तथा महिला कुस्ती महा-मुकाबुला प्रतियोगिता, बाल उद्दान, मतका कुवा , कृषि , ब्यापार , उद्योग , अटो प्रदर्शनी बिज्ञान प्रबिधि लगायतको प्रबर्धन गरिने संयोजक धवलले बताए । ओम सतिया-६ नरैनापुर, रंगशालाको प्राङ्गणमा हुने महोत्सवको समुद्घाटन गर्न नेकपाका अध्यक्ष प्रचण्ड आउने भएकाले पनि सो मेलालाइ ऎइतिहासिक दृष्टिकोणले गरिमामय मानिएको छ ।

मेलामा हाल चर्चित बनेका बालगायक अशोक दर्जी , ए आर बुढाथोकी , टंक बुढाथोकी , भोजपुरिका सुपरस्टार गायक नायक तथा भोजपुरी र बिहारी डिजेहरुको समेत उपस्थिति रहने बताइएको छ । नेपालमा तराइ क्षेत्र मै पहिलो मानिएको यस्तो मेलाले स्थानिय भाषा सस्कृति र रहनसहनलाई अझै माथि उकास्न सहयोग पुग्ने आकलन गरिएको छ ।

जनज्योति माविको स्वर्ण महोत्सव हुदै

शारदा शाही । श्री जनज्योति मावि तिलोत्तमा ४ डिङ्गरनगर रुपन्देहीको स्वर्ण महोत्सव २०७५ हुने भएको छ । पौष २९ गते देखि शुरु भै माघ ७ गतेसम्म चल्ने सो स्वर्ण महोत्सब कार्यक्रममा विभिन्न खाले बिशेष कार्यक्रमहरु रहने आयोजक स्कुलका प्रधानाध्यापक रघुनाथ पोखरेलले बताउनुभयो ।

स्वर्ण महोत्सवका अवसरमा बिद्यालयमा जिल्ला स्तरिय छत्र भलिबल प्रतियोगिता , आन्तरिक सास्कृतिक कार्यक्रम , अभिभावक कुर्ची रेस , बोरादौड , घैटोफोर, रक्तदान , आन्तरिक हाजिरीजवाफ प्रतियोगिता , शेरबहादुर अन्तर मावि लोक नृत्य प्रतियोगिता , फुड फेस्टिबल, स्मारिका बिमोचन, नया भवन उद्घाटन, बिधार्थी द्वारा विभिन्न कला प्रस्तुति सम्मान कार्यक्रम लगायतका कार्यक्रमहरु गरिने बिद्यालय ब्यबस्थापन समितिका अध्यक्ष मानकाजी श्रेष्ठले बताए ।

माघ ७ गते प्रदेश न ५ का मुख्यमन्त्री द्वारा उद्घाटन हुने सो स्वर्ण महोत्सब समारोहमा प्रतियोगितामा उत्कृस्ट हुनेलाई पुरष्कार वितरण गरिने बताइएको छ । १० लाख अनुमानित लागत रहेको स्वर्ण महोत्सबमा पुर्व शिक्षक र बिद्यार्थी मिलन कार्यक्रम समेत राखिने छ ।  बि. स. २०२५ सालमा स्थापना भएको सो बिद्यालयको हाल ७ सय ४० बिद्यार्थी रहेको पत्रकार भेटघाटमा बताइएको थियो । पत्रकार सम्मेलनको संचालन शिक्षक बिष्णु प्रसाद न्यौपानेले गरेका थिए ।

छैठौं नमुना खुल्ला भलिवलको उपाधि ब्रेभ गोर्खालाई

९ पुस,तिलोत्तमा। रुपन्देहीकोतिलोत्तमा सेमरामा भएकोछैठौं नमुना खुल्ला भलिवलको उपाधि ब्रेभ गोर्खा क्लबले हात पारेको छ । नमुना युवा क्लवको आयोजनामा तिलोत्तमा नगरपालिका ७, सेमराबजारमा सोमबार भएको फाईनल खेलमा माली ब्रदर्श सेमरामाथि ३–२ को रोमाञ्चत जित निकाल्दै ब्रेभ गोर्खाले उपाधि कब्जा गरेको हो ।

उपाधिसंगै ब्रेभले नगद ५१ हजार, कप, मेडल तथा प्रमाणपत्रबाट पुरस्कृत भएको छ । उपविजेतामा चित्त बुझाएको माली ब्रदर्श नगद २५ हजार, कप, मेडल तथा प्रमाणपत्र तथा मणिमुकुन्द भलिबल क्लब तृतिय हुदै नगद ११ हजार, कप, मेडल तथा प्रमाणपत्रबाट पुरस्कृत भएको छ ।

प्रतियोगितामा ब्रेभका दिपेन्द्र श्रेष्ठ उत्कृष्ट खेलाडी, प्रबिन सारुमगर उत्कृष्ट सटर र ओम परियार उत्कृष्ट डिफेन्सबाट पुरस्कृत भएको क्लवका अध्यक्ष बलिराम मालीले बताए ।

प्रतियोगितामा सघीयं सांसद छबिलाल बिश्वकमा , क्लवका अध्यक्ष बलिराम माली, खेल संयोजक तथा उपाध्यक्ष दील बहादुर रानाले विजेता, उपविजेता टिम तथा उत्कृष्ट खेलाडीहरुलाई पुरस्कार वितरण गरे।
पुस ५ देखि शुरु भएको प्रतियोगितामा २० टीमले उपाधिका लागि प्रतिस्प्रर्धा गरेका थिए ।

जनउत्थान महोत्सव सम्पन्न, उत्कृस्ट सदस्य सम्मानित

मोहन न्यौपाने ,पुष ७ । जनउत्थान वचत तथा ऋण सहकारी संस्था लिमिटेडले बिशेस कार्यक्रमका बीच तेर्हौ जनउत्थान महोत्सब सम्पन्न गरेको छ । तिलोत्तमा १५ कोटिहवा पशुपति माविमा सम्पन्न महोत्सवमा विभिन्न विधामा सम्मान गरिएको छ । २० जना उत्कृस्ट उज्जवल भविष्य बचतकर्ता सम्मान , १७ जना उत्कृस्ट खुत्रुके बचत कर्ता सम्मान,१० जना नया सदस्य निर्माण सदस्य सम्मान , तिलोत्तामाका ४ बिद्यालयका १२ जना गरिब तथा जेहेन्दार बिद्यार्थी छात्रवृत्ति बितरण , १० उत्कृस्ट सफल व्यवसायी सम्मान , एक किलो महसंगै कप दीई ६० जना जेष्ठ नागरिक सम्मान , उत्कृष्ट कर्मचारी बास्ना श्रेष्ठलाइ सम्मान, साथै विभिन्न नृत्य तथा गायन प्रस्तुति संगै रमाइला खेलकुद , हाजिरी जवाफ प्रतिगिता जस्ता विभिन्न कार्यक्रम गरि मनाइएको छ ।

कार्यक्रमको उद्घाटन गर्दै प्रदेश न ५ का उद्योग, पर्यटन बन तथा बाताबरण मन्त्रि लिला गिरिले जनताको जीवनस्तरलाई माथि उठाउन सहयोग गरेकोमा संस्थालाई धन्यवाद दिनु भएको छ। प्रदेशमै उत्कृस्ट सहकारीको पगरी गुथेको जनउत्थान साकोसले ग्रामिण जनताको जिबनस्तर उकास्न गरेको महत्वपुर्ण कार्यको प्रशंशा गर्दै यस क्षेत्रमै यो संस्था गर्व गर्न लायक भएको बताउनुभएको छ । समग्र जनताको ब्यापार साना ठुला उद्योग तथा बिषेशत कृषिको क्षेत्रलाइ फराकिलो बनाउदै लगेकोमा यस सस्थाका हरेक सदस्यको व्यत्तिगत रुपमा पनि आर्थिक पाटो सफल हुँदै जाओस भनि शुभकामना दिनुभएको थियो ।
सहकारीका व्यवस्थापक रनबहादुर थापाका अनुसार महोत्सवका अवसरमा १२ जना बाख्रापालक कृषकलाई निब्र्याजी ऋण उपलब्ध गराइएको थियो । सो महोत्सवका अवसरमा भएको सदनात्मक हाजिरी जवाफ प्रतियोगितामा सुनौलो बिहानी जनउत्थान समूह प्रथम, पृथ्वी जनउत्थान समूह दोस्रो , र कानापारा जनउत्थान समूह तेस्रो स्थान हासिल गर्दै क्रमश ५ हजार, ४ हजार र ३ हजार प्राप्त गरेका थिए ।

संस्थाको अध्यक्ष ज्ञानु पौडेलको अध्यक्षयता संस्थाका उपाध्यक्ष गिरि पुनको स्वागत तथा सचीव अन्जु जैसिको संचालन कार्यक्रम सम्पन्न भएको थियो । अन्य विभिन्न विधाका कार्यक्रम हरु भने प्रकृति अनुसार रनबहादुर थापा,लक्ष्मी भुसाल, सरु राना लगायतले गरेका थिए । महोत्सबमा तिलोत्तमा नगरपालिकाकि उपप्रमुख जागेश्वर देवी चौधरी, खाद्द प्रबिधि गुण नियन्त्रण कार्यालयका खाद्द अनुसन्धान अधिकृत आनन्द डंगोल , तिलोत्तमा नगरपालिका वार्ड न. १३ का अध्यक्ष गणेश न्यौपाने , ओमसतिया वार्ड न १ का अध्यक्ष बेल बहादुर बलाल , नेफस्कुनका केन्द्रिय सदस्य कृष्णप्रसाद नेपाल लगायतका बुद्दिजिबि समाजसेवी तथा जनउत्थान सदस्य एबम शुभचिन्तकको उपस्थिति रहेको थियो ।

रोयल शंकरनगर र मणिग्राम किङ्स बिजयी : टिपिएल शुरु

तिलोत्तमा, १ मंसिर । तिलोत्तमा क्रीकेट बिकाश समितिको आयोजना भएको आजदेखी शुरु टिपिएलको पहिलो खेलमा रोयल शंकरनगर र दोस्रो खेलमा मणिग्राम किङ्स बिजयी भएका छन।

आजै भएको उद्घाटन खेलमा रोयल शंकरनगरले रोयल च्यालेन्जर भैरहवालाई ८ विकेटले पाखा लगाएको हो । टस जितेर ब्याटिङ रोजेको च्यालेन्जरले १२३रनको टार्गेट दिएको थियो । १२४ रनको लक्ष्यमा ब्याटिङ मा उत्रीएको शंकरनगरले ८ विकेट मै लक्ष्यसाथ प्रतिद्वन्दीलाई पाखा लगाएको हो । आफ्नो ब्लास्टिङ खेल प्रदर्शन गरेको शंकरनगरका रोहित पौडेलले पहिलो खेलको म्यान अफ द म्याच प्राप्त गरे ।

त्यस्तै दोस्रो खेलमा नुसि वारियर्स लाई बाहेक गराउदै मणिग्राम किङ्सले आफ्नो अगाडिको यात्रा तय गरेको छ । १६४ रनको शानदार टार्गेट दिएको नुसि वारियर्सलाई ६ विकेटमै मणिग्राम किङ्सले हराए पछि दोस्रो खेलको पहिलो जित किङ्स ले गरेको हो ।किङ्सका तर्फ बाट अमरसिङ् राउटे म्यान अफ द म्याच घोसित भएका छन ।

भोलिको पहिलो खेल ज्ञानोदय गोल्ड्स भर्सेस लुम्बिनी कासाई र दोस्रो खेल बुटवल डाइनामाइट भर्सेस एस आर एनएसपिए टाइगर बिच बिहान ९ बजे र दिउँसो १ बजे खेल हुने आयोजकका तर्फबाट खेल सम्योजक दिपक भुर्तेलले बताए ।

शंकरनगर क्रिकेट क्लबले गर्यो खेलाडी सम्मान तथा जर्शी हस्तान्तरण 

   शंकरनगर क्रिकेट क्लबले आज खेलाडी सम्मान तथा जर्शी वितरण समारोह सम्पन्न गरेको छ।  यहि मङ्सिर १ गते देखि शुरु हुन गैरहेको टिपीएलमा सहभागी हुन लागेको क्लबले आफ्ना खेलाडि परिचय गराउदै आफ्नो जर्शी समेत प्रदर्शन गरेको छ । क्लबका अध्यक्ष निरज बराल को अध्यक्षता तथा स्थानिय समाजसेवी कल्याण पौडेलको प्रमुख आतिथ्यतामा सम्पन्न सो कार्यक्रममा सबै खेलाडीलाइ सम्मान तथा आफ्नो नामको जर्शी हस्तान्तरण गरिएको थियो ।
अघिल्लो बर्षको टिपिएलमा सेमी फाइनलसम्म पुगेको सो क्लब यस बर्षको खेलमा आफ्नो क्लबमा नेपालबाट खेल्ने रास्ट्रिय खेलाडीहरु धेरै भएकोमा उपाधि चुम्न सकिने आशा रहेको क्लबका अध्यक्ष निरज बराल ले बताए ।
सो कार्यक्रममा बोल्दै जागृति युवा क्लबका अध्यक्ष अर्जुन प्रसाद पौडेलले स्थानिय युवाहरुलाई राष्ट्रिय स्तरसम्म पुर्याउन यस्तो खेलको अभ्यासले योगदान पुग्ने भन्दै खेलमा उपाधि चुम्न सफल होस् भनि शुभकामना दिएका थिए ।
त्यस्तै क्लबका सहयोगी तथा अतिथि ज्ञानु कार्कीले खेल र खेलाडीको सम्मानमा सबै डटेर लाग्नुपर्ने र खेलकुदको बिकाशमा सबै एकताबद्द हुनुपर्ने बताए ।
त्यस्तै सो कार्यक्रममा बोल्दै प्रमुख अतिथि कल्याण पौडेलले खेल र खेलाडी एक सिक्काको दुइपाटा भएकाले सरकारी र गैर सरकारी संघसस्थाबाट यसको क्षेत्रलाई  फराकिलो बनाउन भूमिका खेल्नुपर्ने बताए । उनले समाजमा रहेर कुलत र विसंगतिमा लागेका युवा खेलकुदमा लाग्दा समाज र देश बिकाशमा टेवा पुग्ने भन्दै क्लबको सफलताको कामना गरेका थिए ।
क्लबको सो कार्यक्रममा नेपालि राष्ट्रिय टिमका रोहित पौडेल , शुसंता भारी, सन्जिब सुनार, रुपेश बास्तोला लगायतका सबै खेलाडीलाई सम्मान गरिएको थियो। सो अवसरमा प्रमुख अतिथि कल्याण पौडेल , सभापति निरज बराल , गोकुल चापागाईं , प्रशिक्षक  बसन्त शाहीले सबै खेलाडीलाई ड्रेस हस्तान्तरण गरेका थिए सो कार्यक्रमको संचालन गंगाराम सुनारले गरेका थिए  ।
- Advertisement -

RECENT POSTS