Friday, June 14, 2019

मोड्लिङ्मा जम्दै ईश्वर, काली काली सार्वजनिक

    मोहन न्यौपाने ,तिलोत्तमा सिटी । लामो समयदेखि जापान बसाई सकाएर हाल नेपालमै रहेका ईश्वर मल्ल अहिले चर्चामा छन् । हसिलो अनुहार चकलेटी फेश, अनि सुहाउदो जिउडाल नै उनको आकर्षक व्यक्तित्वको कडी हो । जापान र नेपाल गर्दै आएका मल्ल अहिले पूर्ण नेपाल बसाइमा छन् । उनको सानैदेखिको कलाकारिता र अभिनयप्रतिको चाहना बल्ल आएर पुरा भएको छ । त्यो अभिनयको सौख पुरा गरेको छ , दुर्गा साउद र सुशिल सिलवालको स्वरमा रहेको ‘काली काली’ बोलको गीतले । भर्खरै बजारमा युट्युब मार्फत सार्बजनिक भएको रोमान्टिक शैलीको गीत सङ्स नेपालबाट सार्वजनिक गरिएको हो ।

नेपालमै चर्चा बटुलेकी मोडल तथा आइटमगर्ल एबम अभिनेत्री माला लिम्बुको क्यामेस्ट्रि अभिनय रहेको सो गीतसंगै अहिले ईश्वरको चर्चा पनि चुलिएको छ । उनि डेब्यु अभिनयमा म्युजिक भिडियो गरेपनि सबै किसिमले पोख्त देखिन्छन । लाग्छ, उनको अभिनय हेर्दा अहिलेसम्म इश्वरले धेरै अभिनय गरिसकेका छन् । त्यसो त उनको अभिनयमा साथ् दिएकि माला लिम्बुसंग उनको क्यामेस्ट्रि मिलेको स्पस्ट देखिन्छ । निकै सुहाएको उनीहरुको जोडीलाई गीत काली कालीले झनै न्याय गरेको छ । रमणिय स्थलमा छायांकन गरिएको सो म्युजिक भिडियोहेर्दा आखालाई समेत शितलता प्रदान गर्दछ । हेर्दा चकलेटी देखिएपनि फरक फरक खालका अभिनयमा रुचि रहेको ईश्वर बताउछन ।

काली काली बोलको गीतमा गायिका दुर्गा साउदको आफैले कोरेका शब्दमा आफै संगीत भरेकी छन् । सन्दिप कार्कीको संगीत संयोजनले गीतको भाव झनै खुलेको छ । सन्तोष लामिछानेको कोरियोग्राफी रहेको गीतको भिडियोमा माला लिम्बू र ईश्वर मल्लको शसक्त अभिनय रहेको छ । उत्तम हुमागाईँको छायांकन र ललित सिंह साउतको सम्पादन रहेको भिडियोको निर्देशन गौरव गिरीले गरेका हुन् ।

प्रदिप जी,यो शुक्रबार एउटै फिल्मलाई शुभकामना ?

मोहन न्यौपाने  । नेपाली चलचित्र क्षेत्रमै आफ्नो छुट्टै पहिचान बनाउन सफल व्यक्ति हुन् प्रदिप कुमार उदय । चलचित्र निर्माता एबम चलचित्र संघका अध्यक्ष र हालै मात्र प्रदीश ५ को राप्रपा अध्यक्षमा निर्बाचित भएका प्रदिप कुमार उदय नेपाली चलचित्रलाई माया गर्ने मध्ये औलामै गन्न सकिने निर्माता हुन् । यस बर्ष रिलिज फिल्म बढिजसो शुक्रबार नै भए । सबै फिल्म लाई उत्तिकै माया र साथ् दिदै गए उदय । तर भोलि देखि लाग्ने फिल्म लाई आजै शुभकामना दिने उदयले चैत्र १५ गतेको शुक्रबारलाई भने आफ्नै फिल्म भित्र मात्रै थाति राखे । सधै एकनाशले रिलिज हुन लागेका फिल्म लाई एक दिन अगावै मज्जाले शुभकामना दिदै आएका प्रदिप कुमार उदय बर्षको एक दिन चाहि आफ्नै लागि स्टाटस पोस्ट्याए । हुन त छरछिमेक सबैलाई माया लागेपनि आफ्नै छोरा या छोरीको अल्लि बढि माया लाग्ने गरि हेर्ने उदयले चलचित्र सबैलाई उत्तिकै माया गरिएको देखिएको छ । तथापि उनले आफै निर्माण गरेको फिल्म शुभलभ को पनि यहि समयमा फिल्म साईलीसंग हुने भिडन्तमा उनि निर्माताकै रुपमा खरो उत्रिएका छन् ।
न उत्रिउन पनि कसरि ? पछिल्लो समय नेपाली फिल्मको बजारमा निकै गिरावट पनि आएको छ। बर्षमा ३ देखि ५ ओटा मात्र फिल्मले लगानी सुरक्षित गर्ने गरेको छ । यसै सन्दर्भमा समसामयिक कथासंगै दर्शकलाई नयाबर्षको उपहार स्वरुप निर्माण गरिएको फिल्म शुभ लभ युट्युव मा समेत रिलिज नहुने भएपछी दर्शका लागि नहेरी नहुने फिल्म बनेको छ । ज्योतिष बाट एकाएक करोडौको मन जितेका हरिहर अधिकारि को आफ्नै कथा भएकाले पनि फिल्म चल्नेमा निर्माता उदय ढुक्क छन् ।

सन्तोष बाबु लोहनिले निर्देशन गरेको फिल्म ‘शुभ लभ’मा हरीहर अधिकारी, क्रिस्टिन पौडेल, डा.सुर्या थापा, सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बाँस्तोल, अनुज पाण्डे लगायतका कलाकारको अभिनय रहेको छ । बुद्ध इन्टरटेनमेन्टको ब्यानरमा निर्माण भएको फिल्मलाई निर्माता समेत रहेका प्रदीप कुमार उदयले वितरण गर्दै छन । धर्मराज शर्मा सुवेदीको लगानी रहेको फिल्ममा नायक अधिकारीकै कथा, अभिमन्यु निरवीको पटकथा तथा संवाद, अर्जुन पोखरेलको संगीत रहेको फिल्ममा रामेश्वर कार्कीको छायाँकन, रोशन विक्रम भट्टराईको द्वन्द, बनिष शाह र भुपेन्द्र अधिकारीको सम्पादन रहेको छ।

चर्चाको शिखरमा समीर आचार्य

मोहन न्यौपाने, बुटवल । एकपछि अर्को बेजोड सांगीतिक प्रस्तुतिले मन छुन सफल गायक समिर आचार्यको मिठास सहितको टिप्पिकल नेपाली गीतले चर्चा कमाएको छ । मेरो दुनियाँ बेग्लै छ , पिचरोड, घिनघिन बज्यो मादलु, हैन भन्देउन, घाममा सुकाइदेउ लगायतका चर्चित गीतका गायक समिर आचार्यको साथमा अराज केशवको र्या्पिंग शैलीमा निर्माण भएको सो गीत ‘ सानोमा सानो एटके एभरेस्ट मोशन पिक्चर्सको युटुव च्यानल मार्फत भिडियो सहित सार्वजनिक भएको थियो ।

हालसम्म १० लाख बढीले हेरिसकेको सो गीत सानोमा सानु गायक समिर स्वयंले लेखेका र संगीत भरेका हुन् । भाइभवेभ टिम सहित राहुल शाहको बेजोड अभिनय रहेको यो गीतलाई पवन सुस्लिंगले छायांकन तथा सम्पादन गरेका छन । मनोज बस्नेतको प्रस्तुति रहेको सो म्युजिक भिडियो मोडल समेत रहेका राहुल शाहले कोरियोग्राफी र निर्देशन गरेका छन् । हाल अस्ट्रेलियामा बस्दै आएका समीर आचार्यको पछिल्लो गीतहरुमार्फत उनको चर्चा युवाको माझ चुलिएको छ ।

मन्त्रीले गरे “गुल्मी”को रोइलागीत बिमोचन

मोहन न्यौपाने,चैत्र १ बुटवल । गुल्मीको समग्र चिनारी झल्केको रमाइलो रोइला गीत गुल्मी सार्बजनिक भएको छ । बुटवलमा सम्पन्न एक कार्यक्रमका बीच प्रदेश न. ५ का सामाजीक बिकाश मन्त्री सुदर्शन बरालले क्लिक गर्दै युट्युबमा गीत रिलिज गरेका हुन् । गुल्मी बोलको रोइला भाकामा ल्याइएको सो गीतलाई समग्र गुल्मीको पहिचानको रुपमा हेरिएको छ ।

लोक भाका तथा दोहोरीले समग्र देशको बिकाश र समाजको दर्पनको रुपमा काम गर्ने भएकाले जनतालाई सुसुचित गर्ने र समाजलाई सकारात्मक दिशामा अघि बढाउने खालको संगीत रचना गर्न मन्त्री बरालको सुझाव छ । गीत बिमोचन कार्यक्रममा बोल्दै उनले देशको पर्यटकिय धार्मिक तथा सास्कृतिक परम्पराको चिनारी दिने खालका गीतले समाज परिबर्तान्मा ठुलो भूमिका खेल्ने बताए । गुल्मी बोलको रोइला गीतलाई आकाश दर्पण क्रियशनले बजारमा ल्याएको हो भने गीतमा दीपक परियार र स्वस्तिका पन्थको आवाज रहेको छ ।

प्रेमराज खरेल र दीपक परियारको शब्दमा दिपक स्वयम् ले संगीत भरेको सो रोइला गीत गुल्मीको म्युजिक भिडियोलाई रबिन बि.क. र रमेश रसाइलीले सम्पादन गरेका हुन् । बिजय पोख्रेलले क्यामेरा घुमाएको सो गीतमा पुजा श्रेष्ठ, सुर्य खड्का, मन्जरी गौतम लगायतका कलाकारको मुख्य भूमिका रहेको छ । फोर एस मिडियाको निर्माणमा रहेको गीतको निर्देशन शिव बिक ले गरेका छन् ।

चलचित्र पत्रकार संघ रुपन्देहीको संयोजनमा सम्पन्न बिमोचन कार्यक्रममा अध्यक्ष सुमन श्रेष्ठ , प्रमुख अतिथि प्रदेश न. ५ का सामाजिक बिकास मन्त्री माननीय सुदर्शन बराल , गीतकार शिव पी. सुबेदी, गायक दिपक परियार लगायतले बोलेका थिए । सो बिमोचन कार्यक्रमको संचालन मोहन न्यौपानेले गरेका थिए ।

एक्सपर्टको धम्की,पीडित भन्छिन्ः प्लिज हाम्रो सेक्युरिटी गर्दिनुस् (भिडियोसहित )

अस्ट्रेलियाकाे दर्ता खारेज भएर डिप्लोमा नर्सिङ कोर्स बन्द भएको एआइबिटीको पीडा पोख्ने विद्यार्थीलाई कन्सल्टेन्सी सञ्चालकहरूले ज्यान मार्ने धम्की दिएका छन् । मिडियालाई भनेको र धेरैको ‘ब्रेनवास’ गरेको भन्दै आफू र आफ्नो परिवारलाई यस्तो धम्की आएको पीडित विद्यार्थीले बताएकी छिन् । अस्ट्रेलियाको सिड्नीमा आयोजित एक कार्यक्रममा ती विद्यार्थीले यस्तो बताएकी हुन् ।
के भनिन् ज्यान मार्ने धम्की पाएकी ती विद्यार्थीले ?
‘कन्सल्टेन्सीहरूले नेपालबाट फल्स इन्फर्मेसन दिएर यहाँसम्म लिएर आइपुग्नुभयो । हामीले एआइबिटीको वेबसाइटमा हेर्दा पनि त्यहाँ पहिले अर्कै इन्फर्मेसन थियो । अहिले अर्कै इन्फर्मेसन छ । हामी सबै जना भएर नेपाली मिडियासम्म यो कुरा पु¥यायौँ रवि लामिछानेजीको सिधा कुरा जनतासँगमा । मलाई धेरै नै पर्सनल थ्रेटहरू आइरहेको छ । यो मैले एक्लैले बोलेको छैन ।

मेरो भोइस भनेको पन्ध्र सय बढी विद्यार्थीहरूको भोइस हो । त्यही भएर मेरो घरमा हिजो एक्सपर्ट कन्सल्टेन्सीले फोन गर्नुभएको रै’छ । हुन त उहाँहरू हाम्रै फ्यामिली मेम्बरको कोही आफन्त हुनुहुँदो रहेछ । घरमा फोन गरेर तपाईंको छोरीले यस्तो गर्याे । तपाईंको छोरीलाई यस्तो गर्दिन्छु उस्तो गर्दिन्छु भन्नुभयो । मलाई यस्तो थ्रेट आउँदा मलाईभन्दा मेरो बाबाआमालाई समस्या हुन्छ । मेरो कारणले मेरो बाबाआमालाई केही होस् भन्न म चाहन्नँ ।
मलाई मात्रै होइन, यहाँ भएका धेरै विद्यार्थीहरूलाई पर्सनल थ्रेट आउन थालेको कारणले प्लिज हाम्रो सेक्युरिटीको लागि म हजुरहरूलाई धेरै अनुरोध गर्छु ।’

हजार बढी नेपाली नर्सिङका विद्यार्थीलाई अलपत्र पार्ने अस्ट्रेलियाको अस्ट्रेलियन इन्टिच्युट अफ बिजनेस एन्ड टेक्नोलोजी (एआइबिटी) कलेज नभएर छोटा कोर्स गराउने इन्टिच्यूट मात्रै भएको खुलासा भएको छ । अस्ट्रेलियामा दर्ता नै नभएर नेपालका कन्सल्टेन्सीहरूबाट भर्ना लिएको उक्त शैक्षिक संस्था कलेज समेत नभएको र सामान्य इन्टिच्युट मात्रै भएको फेला परेको छ ।

कुनै विश्वविद्यालयको सम्बन्धन नभएर नेपालमा छोटकरी सिपमूलक लालिम दिने जस्तै इन्टिच्यूट मात्रै भएको खुलासा भएको छ । तीन बषे डिप्लोमा नर्सिङ कोर्स कुनै विश्वविद्यालयको नभएको पाइएको छ । नेपालको सिटिभइभिटी कोर्स जस्तै अस्टे«लियाको भिइटी अथर्ता भोकेसनल एजुकेसन एन्ड ट्रेनिङ कोर्स हुन्छन् । यस्तैगरि, विदेशी विद्यार्थीहरूको अध्ययनको लागी सिआरआइसिओएस अर्थात् ‘कमनवेल्थ रेजिस्टर अफ इन्टिच्युसन एन्ड कोर्सेस फर इन्टरनेसनल स्टुडेन्ट’ को पनि सम्बन्धन पाउनुपर्छ ।

तर, एआइबिटीले यी दुवै मापदण्ड पुग्नेगरि दर्ता नगरिकन विद्यार्थीहरू ल्याएर भर्ना गरेको थियो । अस्ट्रेलिया सरकारको भिइटी र सिआरआइसिओएसको हेर्ने आधिकारी निकाय एएसक्युए अर्थात् अस्ट्रेलियन स्किल्स क्वालिटी एथोरिटीले दर्ता प्रक्रिया खारेज गरेपछि नेपालीहरू बिचल्लीमा परेका थिए । एएफक्यूएले यही फे्रबुअरी १९ तारिकमा यस्तो गरेको थियो । एआइबिटीको दर्ताका सम्पूर्ण प्रकृयाहरु २६ मार्च भित्र सकिनेगरि एएफक्युएले यस्तो निर्णय गरेको अस्ट्रेलियन मिडियाले बताएका छन् ।

धनगढ़ीमा जन्मेको मध्यमबर्गीय परिवारको कथा”रणबीर” : शुशिल सिटौला

माघ १८ मा ३ चलचित्रको महाभिडन्त हुदै छ । कृषिप्रधान देशमा कृषि पशुपालनमा बनेको फिल्म गोपी , कमेडी फिल्म  सयकडादश र एक्सन तथा लभस्टोरी फिल्म रणबीर । आफैमा एउटा मध्यमबर्गीय परिवारमा जन्मिएर पनि सबैकुरा पाउन विभिन्न त्याग र तपस्या गर्ने दमदार युवकको भूमिकामा शुशिल देखिदैछन् । फिल्ममा एक्सनसंगै कमेडी , लभस्टोरी रोमान्स र विभिन्न मनछुने संगीत पनि छ । तिरिमिर तिरिमिर तिन तारा अहिले चलेको गीत मध्ये एकपर्दछ सो गीतले पनि रणबीरलाइ उचाइमा पुर्याइरहेको छ ।

धनगढ़ीको सामाजिक घटनाको चित्रण गरेको यस फिल्मलाइ गोबिन्द सिंह भण्डारीले लेखन तथा निर्देशन गरेका छन् । मधेसबाटै उदाएको कथालाई धनगढ़ी डडेलधुरा पोखरा हुदै काठमान्डौसम्म खिचिएको छ । करिब एक करोड ७५ लाखमा निर्माण भएको फिल्ममा पुराना शसक्त कलाकारदेखि नया कलाकार समेत देख्न पाइने छ ।
फिल्म रणबीर प्राबिधिक उपकरण मेहनत र कलाकार को संयुक्त प्याकेज भएकोले फिल्म सबै तरहले एकदमै ससक्त बनेको फिल्मकि निर्माता गोमा बिस्ट थापा बताउछिन ।

आफुले डेब्यु गरेको फिल्म कथा र निर्माण पक्ष सशक्त र मन परेको पाएकोले नै २०१२ मै मिस नेपालमा सहभागी हुदै आएको फिल्म खेल्ने प्रस्तावाहिले स्वीकारेको डेब्यु नायिका सुबेच्छ्या खड्का बताउछिन । आफैमा आरजे भिजे समेत रहदै केहिगीत समेत गुनगुनाएकि नायिका खड्का पछिल्लो फिल्म इण्डस्ट्रिकि सम्भावना बोकेकी कलाकार हुन् । फिल्म मेकिङ्गमा निकै रमाइलो अनुभव गरेकी खड्काले फिल्म रणबीरमा एउटि सोझी युवती प्रियाको भूमिकामा छिन ।

साउथ इन्डियन फिल्ममा समेत काम गरिसकेका निर्देशक भण्डारीद्वारा लिखित फिल्ममा टिका पहाडी, प्रशान्त ताम्रकार, रवि गिरी, नरेश पौडेल,शैलेश्वरी सिंह, शुशील सिटौला, सुवेक्षा खड्का र सुपुष्पा भट्ट लगायतको सशक्त अभिनय रहेको छ । फिल्ममा माया, मित्रता र बदलाको कथालाई प्रस्तुत गरिएको छ ।फिल्म माघ १८ बाट प्रदर्शनमा आउँदैछ ।

बेरोजगार युवाको स्वरोजगार कथा”गोपी”

नेपाली युवाहरुमा देखिएको बेरोजगार समस्यालाई उजागर गरिएको फिल्म हो गोपी । देशमै केहि गर्न चाहने र स्वरोजगारमा रमाएको एक युवाको शसक्त कथा गासिएको फिल्म गोपी यहि माघ १८ गते देखि देशभर प्रदर्शन हुदैछ । गाइपालनमा रमाएको युवा र त्यसमा परिवारले लगानी गर्न अकस मानेको कथा बिचको तारतम्य फिल्म गोपी मा देखाइएको छ । गोपी यस वर्षको प्रतिक्षीत फिल्ममध्येको एक हो । मौलिक कथामा निर्माण भएको फिल्मले विदेशी मोह त्यागेर स्वदेशमै नीजि गाई पालन गरेर बसेको एक युवकको संघर्ष र सफलताको कथा भन्छ । माघ १८ गतेबाट प्रदर्शनमा आउने तयारीमा रहेको फिल्मलाई दीपेन्द्र लामाले निर्देशन गरेका हुन् ।

हालसालै रिलिज भएको फिल्म ‘प्रसाद’ मा निःसन्तान श्रीमानको भूमिका निभाएका अभिनेता विपिन कार्की यस फिल्ममा एक गाईपालक किसानको चरित्रमा छन् । अभिनयबाट पात्रलाई न्याय दिलाउन सक्नुपर्छ भन्ने मान्यता बोकेर कलाकारितामा होमिएका उनी ‘गोपी’ लाई पृथक फिल्म भन्न रुचाउँछन् । गोपी युवा सोरोजगारको अभियान समेत भएको बताउदै अभिनेता कार्कीले पहिलो पटक फिल्ममा किसानको भूमिका निभाएको र सम्भवत कृषिप्रधान देशको फिल्म दुनियामै कृषि पेशालाई अपनाइएको फिल्म गोपी पहिलो रहेको बताएका छन् । फिल्मको प्रचारका लागि चितवन,हुदै बुटवल पोखरा पुगेका उनले पत्रकारसँग गफिँदै भने, ‘यसअघिका फिल्मभन्दा मलाई यस फिल्ममा फरकरुपमा देख्न पाउनुहुन्छ ।’ उनी फिल्ममा सबैले देखेभोगेकै कथा रहेको बताउँछन् ।
‘हामी सबैले नजिकबाट देखेको र भोगेकै कथा भएता पनि फिल्ममा यो कुरा आजसम्म आएको थिएन । यसकारण ‘गोपी’ दर्शकलाई मन पर्नेमा विश्वस्त छु’, उनले भने । यो फिल्ममा उनको अपोजिटमा दुई अभिनेत्री छन्, सुरक्षा पन्त र वर्षा राउत । दुवै फिल्ममा विपिनको प्रेमिकामा भूमिकामा छन् ।
फागुन २ गते प्रेमी संजोग कोइरालासँग लगनगाँठो कस्ने तयारीमा रहेकी वर्षा पनि अहिले फिल्मको टिमसँगै मोफसल दौडाहामा छिन् । उनि बुटवल आउदा दह्सक फ्यानले बिहेको शुभकामना संगै ब्राइटर लभ को केक तथा पुष्पगुच्छाले शुभकामना समेत दिएका छन् । उनले फिल्ममा आफू भेटेरिनरी डाक्टरको भूमिकामा रहेको बताइन् । पशु चिकित्सकको भूमिका निभाउन गाह्रो भएको उनको अनुभव छ । उनी भन्छिन्, ‘गाईवस्तु निकै मनपर्छ तर धेरैनजिक भने कहिल्यै भइनँ । यसकारण पशु चिकित्सकको भूमिका निभाउन साह्रै गाह्रो भयो ।’ कलाकारसँगै मोफसल टुरमा रहेको फिल्मका लेखक सामीप्यराज तिमल्सिनाले विदेश जाने लहर चलिरहेको अवस्थामा ‘गोपी’ ले स्वदेशमै केही गर्न सकिन्छ भन्ने सन्देश दिने बताए ।
काठमाण्डौ नजिकै रहेको टोखामा सुटिङ्ग गरिएको फिल्म १ करोड ५० लाखको लागतमा निर्माण भएको फिल्मका कार्यकारी निर्माता श्रीधर पौडेल हुन् । आरोही केसी निर्माता रहेको यसमा भोला सापकोटा, अंकित खड्का, प्रकाश घिमिरे, रमेश अधिकारी, कुन्ती सिमलीलगायतका कलाकारहरुको पनि अभिनय छ । शैलेन्द्र डि. कार्कीले फिल्म खिचेका हुन् ।

भ्रष्टाचार बिरुद्दको अभियानमा १०० कडा १० : नायिकाको पहिरनले अझै कडा बन्दै

देशमा मौलाईरहेको भ्रष्टाचार न्यूनिकरणमा केही भएपनि सहयोग पुर्याउने आशामा निर्माण भएको फिल्म १०० कडा १० माघ १८ गते बाट प्रदर्शन हुदैछ । चलचित्रको टोलि यतिबेला देश दौडाहामा छ । फिल्म मार्फत नेता कार्यकर्ता ले समेत ओहो मैले त गल्ति गरेरैछु भन्ने कडा जवाफ र सवाल दिने निश्चित भएको भन्दै यसै चलचित्रका कलाकार तथा निर्माता समेत रहेका राजाराम पौडेल ले बताउदै आएका छन् । उनि भन्छन ” फिल्म हेर्ने बित्तिकै दर्शकले घरमा भएको समान कहाँबाट आयो कसरि किन्नुभयो भन्ने प्रश्न गर्छन ” ।
त्यसो त १०० कडा १० ब्याज जत्ति कडा छ त्यत्तिनै कडा बुटवलमा भएको पत्रकार सम्मेलनमा नायिका करुणा श्रेष्ठ भईन । हेर्दा जति सरल र खुलस्त देखिन्थिन करुणा त्यति नै चिसो मौसममा कडा र हटकेक देखिएकी थिइन् । पत्रकार सम्मेलन शुरु भएको करिब ४५ मिनेट पछि निर्माता रज्जु प्रधानसंगै आएकी उनि आउदा सबैका नजर आफैतिर पार्न सफल भईन । रातो शर्टवानपिसमा आएकी उनलाई जति लुगा कफ़र्टेबल भैरहेको थियो त्यति नै पत्रकार दीर्घामा रहेकालाई असजिलो महसुस भैरहेको थियो ।

संचालकले स्वागत गर्दै सिटमा बस्न आग्रह गरेसंगै केहि पत्रकार जुम मै ब्यस्त भए भने केहि मुख फर्काएर क्यामेरा अफगर्न बाध्य भए । खासै चासो नदिए जस्तै केहिले हेरे तर प्रतिक्रिया देखाएनन तथापि नायिका करुणा आफुलाई केहि असजिलो नमानी मज्जाले जवाफ दीइरहिन । आफ्नो भूमिका डेब्यु भएकाले शसक्त अभिनय गरेको र चलचित्रले आफ्नो कलाकारिताको टर्निङ्ग पोइण्ट सफलताको बाटोमा दोहोर्याउने उनको भनाइ छ । हाइट र मिलेको ज्यानमा मसक्क खुलेकी करुणा नेपाली चलचित्रमा सम्भावना बोकेकी अनुहार समेत हुन । हरेक सवालको मुश्काउदै जवाफ दिने उनको कंफीडेण्ट बोलि र ब्यबहारमा मात्र होइन पहिरनमा समेत देखिएको थियो ।

मंगलबार बुटवलमा आयोजित पत्रकार सम्मेलनमा चलचित्रका निर्माता तथा कलाकार राजाराम पौडेलले नेपाली चलचित्र क्षेत्रले फड्को मारिरहंदा यस चलचित्रले पक्कै समाजमा सकारात्मक प्रभाव पार्ने बताए । उनले देशमा मौलाईरहेको भ्रष्टाचार न्यूनिकरणमा यस चलचित्रले केही भएपनि सहयोग पुर्याउनेमा आफ्नो समूह विश्वस्त रहेको समेत जनाए । चलचित्रका नायक उत्सव न्यौपानेले युवा जमातले देशमा भइरहेको नकारात्मक कार्य रोक्नका लागि खेल्न सक्ने भूमिकाको बारेमा चलचित्रले जानकारी दिने बताउंदै पहिलो चलचित्र भएकाले सबैले आफ्नो अभिनय मन पराईदिने आशा रहेको उल्लेख गरे ।

करिब १ करोड ७० लाख लागतमा बनेको यस चलचित्रको गित दाईलाई कुरा लाईदिने सातो खाईदिने युट्युबमा चर्चित भइसकेको छ । माघ १८ गतेदेखि देशभर प्रदर्शन हुन लागेको फिल्ममा रामशरण पाठकको निर्देशन रहेको छ। ३ वटा रिलिज चलचित्र संगै उत्रिएको चलचित्रमा राजाराम पौड्याल, मनोज गजुरेल, उत्सव न्यौपाने, करुणा श्रेष्ठ, अमृत ढुंगाना, सोनिया राई लगायत मुख्य भूमिकामा रहेका छन् ।

बुढो जवानको प्रेममाला “चौकादाउ”पुष २७ गतेबाट

विभिन्न कमेडी स्टारकास्टका कारण घोषणाको बेलादेखि नै चर्चामा रहेको फिल्म ‘चौका दाउ’ यही पुष २७ गतेबाट दर्शक भेट्न तयार छ । ‘राधा पियारी…’ बोलको गीतले फिल्मको लोभलाग्दो हाइप निर्माण गर्दैगर्दा अहिले निर्माण टिम प्रचार-प्रसारलाई चुस्त बनाउन मोफसल दौडाहामा निस्किएको छ । आजै बुटवल आएको सो टिमले द्वारिका उदय सिनेमा हल बुटवलमा एक पत्रकार भेटघाट कार्यक्रम गर्दै सम्पूर्ण तबरको मरमसला फिल्म चौका दाउमा रहेको बताएको छ ।

निर्देशक पुणेन्द्र झा सहित बर्षा रावत , सन्तोष पन्तसंगै डब्बु क्षेत्रिको टिम सहित आएको टिम ५ नम्बर प्रदेशको राजधानी बुटवलपछि पोखरा पुग्ने बताएका छन् । पत्रकारसँग साक्षात्कार गर्दै निर्देशक पुर्णेन्द्रु झाले फिल्मले सामाजिक यथार्थ बोकेको कमेडी कथा उठान गरिएको बताए । फिल्मले उठान गरेका विषयवस्तु हाम्रै समाजमा भेटिएको कथा रहेको ले जस्तो सुकै दर्शकले पनि फिल्म हेर्न सक्ने उनी बताउँछन् ।
निर्देशक झा भन्छन्, ‘नेपाली समाजमा हुने गरेको यथार्थ घटनालाई हास्यरसको चास्नीमा घोलेर देखाउन खोजेका छौं । दर्शकले फिल्म हेरिरहँदा भरपूर मनोरञ्जन लिन्छन् ।’ उनले यसअघि विभिन्न शर्ट फिल्म संगै प्रदिप उदयको निर्माणमा रहेको पोलिटिकल-क्राइम जानराको फिल्म ‘संरक्षण’ निर्देशन गरेका थिए ।

आफुलाई उत्कृस्ट साबित गर्दै आएकी अभिनेत्री वर्षा राउतले ‘चौका दाउ’ ले समाजमा हास्यव्यंग्यको माध्यमबाट सकारात्मक सन्देश दिन खोजेको बताइन् । चार जना दाउपार्ने कलाकारकोहरुको मौका पर्खेर बस्ने उर्वशीको भुमिकामा रहेको उनी बताउँछिन् ।आफ्नो भूमिकाले अरु फिल्म मा जस्तै दर्शकको लागि न्याय गर्ने र रमाइलो फिल्म दर्शकले हेर्न पाउने बताएकी छिन।

‘अन्जानमा गरिने गल्तीले भविष्यमा आउने समस्या र त्यसको भागिदार आफै हुनुपर्ने कथा फिल्ममा देखाइएको छ । फिल्म निकै रमाइलो बनेको छ । मनोरञ्जनसँगै फिल्मले पाठ पनि सिकाउँछ भन्ने लाग्छ’, उनी सुनिइन् । उनले सिनियर आर्टिस्टहरूसँग काम गर्न पाउँदा निकै खुशी लागेको पनि बताइन् ।

दशक अगाडि टेलिभिजनमा प्रशारण हुने ‘हिजो आजका कुरा’ का चर्चित हास्यकलाकार सन्तोष पन्त यस फिल्ममा लिड रोलमा छन् । ३ बर्ष पछि पुन: दर्शकको माझ आइ सोचेको जस्तो फिल्ममा अभिनय गर्न पाएको उनले बताए । आफ्नो चाहाना हुदा हुदै पनि राम्रो कथा र भूमिका नहुदा फिल्म गर्न नपाएको गुनासो उनको थियो । यस फिल्ममा २० बर्ष पछि भूमिकामा देखिएका तैयब शाह, कमेडी मास्टर विल्सन बिक्रम राई, रबिन्द्र झालगायतका कलाकारको पनि अभिनय छ ।

“प्रसाद”कहाँबाट आयो कसैले सोध्छ र ? मौलिकताभित्रको सामाजिक-कथा

मोहन न्यौपाने , बुटवल । एउटै बिषयले ओकलेको कथा ! परापुर्व कालदेखि समाजमा चल्दै आएको घटना जसलाई एउटा पबित्र मन्दिर भनेपनि खासै फरक पर्दैन। उही मन्दिर भित्रका पुजारी र धर्मानुरागी हामी जनता । छुवाछुत भित्र रहेको समाजबाट जति टाढा हुन खोजे नि नसकेको समाज अनि समाजको पछाडी लागेको बास्तबिक कहालीलाग्दो जिबन संघर्ष, त्यहि कथाको अनुरुपता हो प्रसाद ।

ग्रामिण भेगमै कथा सक्याएको मौलिकता भित्र आधुनिकता बोकेको शहर पनि लुकेको देखिन्छ यसको पछाडी निर्देशक दिनेश राउत निकै चल्ती देखिन्छन उनले कुनै कसुर बाकि राखेका छैनन् सबै जसो स्थानमा निर्देशकीय क्षमता देखाउन । पहिल्यै अनुमान लगाउदै मनोवृति धकेल्दै फिल्म हेर्ने हरुका लागि कथाले न्याय गरेको छ । हेर्दा एउटा साधारण लाग्ने कथाले देश , बेरोजगारी , गरिबी , छुवाछुत , भेदभाव र समाज अनि जनता बिचको दुरी नजिक पारेको छ ।

आफुमा भएको सिप दुखेसोमा काम लाग्ने गराएका बिपिन कार्कीको शशक्त अभिनय कुनै कालजयी गायक गायिकाको संघर्ष र सफलता भन्दा कम छैन । त्यहि सुनमा सुगन्ध थपेकी नम्रता श्रेष्ठले हेर्दा नाटकीय लाग्ने मौलिक अभिनय गरेकी छिन । गरिबी र बेरोजगारीलाई ट्याक्क टेकेर अभिनय गरेका निश्चल बस्नेत फेरी कालेदाई किल्लर को भूमिकामा जमेका छन् । यिनै ३ कलाकारको बास्तबिक जिबन र प्रयोगको खुड्किलोको सान्दंर्भिक कथा हो प्रसाद अहिले देशभरिका सबै जसो हलमा दोस्रो सातामा सफलतापुर्बक चलिरहेको फिल्मलाइ अहिलेको मौलिकता भित्रको सामाजिक कथाको रुपमा हेरिएको छ ।

‘मन्दिर भनेको पवित्र स्थल हो। त्यहाँ ईश्वरको बास हुन्छ। चढाइएका सबै नैवेद्य भगवान्का प्रसाद बन्छन्। विशुद्ध प्रसाद। कस्तो हातले चढायो ? कुन जातिले चढायो ? वा कत्ति स्वच्छ चढायो ? कसैले सोध्दैन।’ फिल्म ‘प्रसाद’को अन्त्यमा यस्तै केही सुुनाउँछन् अभिनेता विपिन कार्की (बाबुराम परियार)। अन्त्यतिर बोलिने यो संवादले सम्पूर्ण फिल्मको सार बताउँछ।
कमेडी फिल्मले धानेको अहिलेको नेपाली फिल्मको बजारमा निर्देशक दिनेश राउतले ‘प्रसाद’ मार्फत भिन्न स्वाद पस्केका छन्। हामी फिल्मलाई समाजको ऐना भन्छौं तर प्रसादले समाजललाई नै एकपटक ऐना हेर्न आग्रह गरेको छ।

‘नेपाली फिल्ममा हाम्रा आफ्नै कथा छैनन्। मौलिकता हुँदैन। कलाकारले गर्ने अभिनय र संवाद आयातीतझैं लाग्छन्।’ जस्ता तमाम आरोपलाई प्रसादले चिरेको छ। फिल्म अन्तरजातीय विवाह र निःसन्तान दम्पतीको कथामा आधारित भनिए पनि मूलतः गर्भमाथि आमाको अधिकार रहने विषयको उठान गरिएको छ। एक बलात्कृत महिला गर्भवती हुन्छे भने उसको कोखलाई समाजले मान्यता दिने कि नदिने ? फिल्ममा यही प्रश्न उठान गरिएको छ।

‘बीउको अधिकार बीउसम्म नै सीमित हुन्छ। त्यो हुर्किएर रूख बनेपछि त्यसमा लाग्ने फलमाथि किसानको अधिकार हुन्छ’, फिल्ममा नारायणी (नम्रता श्रेष्ठ)ले आफ्नो गर्भमाथिको अधिकारलाई यसरी नै व्याख्या गरेकी छन्। बलात्कारपछि गर्भमा आइसकेको बच्चा नाजायज हुन्नन्। त्यो त भगवान्को प्रसाद हुन्छ। र, भगवान्को प्रसादलाई कसरी अस्वीकार गर्ने ? फिल्ममा भन्न खोजिएका यी वाक्यले हाम्रो समाजिक मनोविज्ञानलाई परिवर्तन गर्न खोजेको छ।

प्रसादमा विपिन कार्की (बाबुराम) तल्लो र नम्रता श्रेष्ठ (नारायणी) उपल्लो जातको भूमिकामा छन्। त्यस्तै फिल्ममा निश्चल बस्नेत (रमेश) यी दुई दम्पतीका साथी छन्। यिनको भूमिका भगवान् हो कि राक्षसको ? कथावस्तु सामान्य भए पनि सञ्चारकर्मी सुशील पौडेलको लेखन तारिफयोग्य छ। सशक्त पटकथाबाट फिल्मको वजन बढेको छ। फिल्ममा लेखकले ट्रिकी संवादको प्रयोग गरेका छन्।

कलाकार विपिनको अभिनयले कथामा अझै ज्यान थपेको छ। उनको गेटअप, संवाद, भाषाप्रतिको पकड जबरजस्त छ। नेपाली समाजमा तल्लो जाति मानिने ‘परियार’को भूमिकामा छन् उनी। नायिका नम्रता श्रेष्ठको अभिनय जीवन्त छ। निश्चल बस्नेतको भूमिकाले फिल्मलाई तर्कपूर्ण बनाएको छ। केहि सम्बाद टिप्पिकल हुदा मनमा छेड हानेको पत्तै हुदैन । समग्रमा फिल्म प्रसाद साच्चिकै दर्शकका लागि प्रसाद साबित बनेको छ ।

RECENT POSTS