Friday, April 19, 2019

मुलुकमै पहिलो ‘क्यासलेस’ बन्दै तिलोत्तमा नगरपालिका, प्रशासनिक भवनभित्रै खुल्यो बैंक

रुपन्देही । रुपन्देहीको तिलोत्तमा नगरपालिकाको प्रमुख प्रशासनिक कार्यालयमा बैंक खुलेको छ । तिलोत्तमाका प्रमुख प्रशासकीय अधिकृत कृष्णप्रसाद सापकोटाले काउण्टर सञ्चालनले नगरपालिकाका काम–कारवाहीलाई ‘क्यासलेस’ बनाउने उदेश्यका साथ् कार्यालय परिसरमै एनआईसी एशिया बैंकले विस्तारित काउन्टर सञ्चालनमा ल्याएको छ । मुलकमै पहिलोपटक सेवाग्राहीको सुविधाका लागि स्थानीय तहको कार्यालयमैं विस्तारित काउन्टर सञ्चालनमा ल्याइएको बैंकले जनाएको छ । बैंकको यो ४० औं विस्तारित काउन्टर हो ।बैंकका हाल मुलुकभर २८१ शाखा छन् तीमध्ये प्रदेश नं. ५ मा मात्र ५१ वटा शाखा छन् ।नगरपालिका कार्यालयमा स्थापना गरिएको विस्तारित काउन्टरको एक कार्यक्रमबीच नगर प्रमुख बासुदेव घिमिरेले उद्घाटन गरे । त्यसअवसरमा नगर प्रमुख घिमिरेले सेवाग्राहीको सुविधाको लागि नगरपालिकाको आग्रहमा विस्तारित काउन्टर सञ्चालनमा ल्याएकोमा एनआईसी एशिया बैंकप्रति आभार व्यक्त गरे । काउन्टर सञ्चालनले अब नगरपालिकामा सेवाग्राहीले बुझाउनु पर्ने रकम बैंकमार्फत् हुने र यसले कार्य व्यवस्थापनमा सहजता ल्याउने नगर प्रमुख घिमिरेको भनाइ छ ।

उप–प्रमुख जागेश्वरी चौधरीले बैंकको एक्सटेन्सन काउन्टर सञ्चालनले नगरपालिकाको सेवा प्रभावलाई थप छिटो–छरितो बनाउने विश्वास व्यक्त गरे । यस्तै बैंकका प्रादेशिक कार्यालय प्रमुख तिलकसुन्दर कार्कीले तिलोत्तमा निकै संभावना बोकेको नगरपालिका रहेको र नमूना काम गर्दै अघि बढिरहेकाले नगरपालिकासँग सहकार्य गर्दै कार्यालयमैं विस्तारित शाखा सञ्चालनमा ल्याएको जानकारी दिए। उद्घाटनकैं दिनबाट विस्तार काउन्टरमा सेवा सुरु भएको जानकारी गराउँदै उनले नगरपालिकासँग मिलेर अन्य सामाजिक उत्तरदायित्वका काम गर्न बैंक इच्छुक रहेको उल्लेख गरे ।

तिलोत्तमाका प्रमुख प्रशासकीय अधिकृत कृष्णप्रसाद सापकोटाले काउण्टर सञ्चालनले नगरपालिकाका काम–कारवाहीलाई ‘क्यासलेस’ बनाउने बताउँदै नगरपालिकाले विस्तारै करहरुसमेत अनलाइनबाट तिर्न मिल्ने गरी काम अघि बढाउन चाहेको उल्लेख गरे । बैंकका दिपक आचार्य,विनोद पोखरेलको लगायतले बोलेका थिए ।

चैतेदशैं , रामनवमी र भगवान रामचन्द्र

ज्यो.चक्रपाणी डुम्रे ( शास्त्री) । चैत महिनाको शुक्ल पक्षको नवमी तिथिमा मनाइने पर्व हो रामनवमी । रामनवमीका दिन श्रद्धा भक्तिपूर्वक भगवान् श्री रामचन्द्रको पूजा आराधना गरी मनाइन्छ । नौ अंक आफैमा पूर्ण अंक हो । नौ भन्दा ठूलो अर्को कुनै अंक छैन जो कि संयुक्त नहोस् ।भगवान रामचन्द्र पनि आफैमा पूर्ण मर्या्दित पुरूषोत्तम हुनुथ्यो ।

त्रेतायुगमा अयोध्याका राजा दशरथ र महारानी कौसल्यादेवीका सुपुत्रका रुपमा श्री रामचन्द्रको जन्म चैत्र शुक्ल नवमीकै दिन भएको थियो ।भगवान विष्णुको सातौँ अवतार मानिने रामचन्द्रको जन्म हुँदा पुनर्वसु नक्षत्र थियो । कुण्डलीमा चन्द्रमाका साथ बृहस्पति रहेको कर्कट लग्नको योग परेको थियो । भगवान् रामचन्द्रको कुण्डलीमा पाँचग्रह सूर्य, मङ्गल, गुरु, शुक्र र शनि एकसाथ हुने दुर्लभ योग परेको थियो । वर्षका चार नवरात्रमध्येको बसन्तीय नवरात्रका नवमीका दिन जन्मिएका रामचन्द्रले राक्षसी प्रवृत्तिको अन्त्य गरी रामराज्य स्थापना गर्नु भएको थियो ।

प्रायः जसो चाडहरू वर्षमा एकपटक पर्दैछ्न् । तर शास्त्रमा उल्लेख भए अनुसार वर्षमा चार दसैं( नवरात्र वा दुर्गा पूजा पर्छन् । प्रत्येक ३(३ महिनामा नवरात्री पर्व आउँछन् । ती हुन आश्विन,पौष ,चैत र असार शुक्ल पक्षको प्रतिपदादेखि नवमीसम्म । यद्यपि त्यसमध्ये पनि चैतको र आश्विन शुक्ल पक्षमा पर्ने नवरात्रको विशेष महत्त्व रहेको हुन्छ । आषाढ र पौष महिनामा पर्ने लुप्त दसैं हुन् । नवरात्रीका दिनहरूमा दुर्गा भवानीले नौ रूप धारण गर्ने भएकीले नवदुर्गा को छुट्टाछुट्टै स्वरूपको पूजाआजा , व्रत, उपासना गरिन्छ । के भनिन्छ भने पहिले चैते दसैंलाई नै दसैं रूपको रूपमा मनाईन्थो। पछी असोजलाई अनुकुल मानी शरदीय नवरात्रिमा दसैं मनाउन थालियो ।

चैत शुक्ल नवमीमा भगवान श्रीरामचन्दको जन्मोत्सवका दिन जसले व्रत उपबास बसी श्रद्धा भक्तिपूर्वक भक्तिपूर्वक रामचन्द्रको पूजा गर्नाले अनेक जन्मका पाप नाश भई बैकुण्ठ बासको प्राप्ति हुन्छ भन्ने शास्त्रीय मान्यता पनि छ । चैतेदसैंको महत्त्वबारे विभिन्न धर्मग्रन्थमा भनिएको छ ( चैत शुक्ल अष्टमीको दिन भवानी उत्पन्न हुनुभएको दिन हो। यसदिन भवानीको बिधिपूर्वक पूजाआजा गर्नाले रोगशोक हटेर आनन्द र सुख मिल्छ भन्ने विश्वास छ। यसै यश दिन देवीको शक्तिपीठमा दर्शनपूजा गर्नेको भिड लाग्दछ।

चैत्र शुक्ल रामनवमी विषयमा यस्तो किम्वदन्ती छ – कुनै समयमा मिथिलामा राजा जनकले आफ्नी छोरीको विवाह पराक्रमी र बलवान् पुरूषसङ्ग मात्र गरिदिने अठोट गरेका थिए ।उनले आफूसँग रहेको शिव धनुष उठाएर त्यसमा ताँदो चढाउन जसले सक्छ उसैसङ्ग सीताको विवाह गरिदिने प्रतिज्ञा गरेका थिए । बाल्यकालमा सीताले सो धनुष कुनै परिश्रमविना उठाएको जनक स्वयंले देखेका थिए । सीता विवाहा योग्य भइसकेपछि उनले स्वयंवर समारोहको आयोजना गरेका थिए । त्यसमा भागलिन राजा जनकले विभिन्न राजा र राजकुमारहरूलाई आमन्त्रण गरेका थिए ।एकसे एक वीर योद्धाहरू उपस्थित भए ।अयोध्याका राजा दशरथका पुत्र श्रीरामचन्द्र पनि मिथिला पुगेका थिए ।

राजा जनकले “ जसले शिवको धनुष उठाएर त्यसमा ताँदो चढाउन सक्छ उसैसङ्ग आफ्नी पुत्री सीताको विवाह गरिदिने घोषणा गर्दै सुरू गर्न आज्ञा दिए । देवी सीतापनि त्यहाँ उपस्तिथि थिइन् । उनको हातमा वरमाला कैयौं राजा र राजकुमारहरूले प्रयास गरे तर विफल भए । राजालाई सीताको बिवाहा नै हुन नसक्ने हो कि भन्ने चिन्ता र्पयो । त्येत्तिकैमा महर्षी विश्वामित्रले आफ्ना शिष्य श्रीरामचन्द्रलाई शिव धनुष उठाउने आज्ञा दिए । श्रीरामले आफूले हासिल गरेको बिद्याका प्रभाव सो धनुष उठाई तादो चढाउन लाग्दा धनुष भाचिएर टुक्रा भयो । सीताले रामचन्द्रलाई वरमाला पर्हियाईन् सीता( रामको विवाह सम्पन्न भयो ।

सीता र रामचन्द्रको बिवाहा बिवाहा पञ्चमीका दिन सम्पन्न भएता पनि सीतारामको सम्झनामा प्रत्येक वर्ष रामनवमीका दिनमा पनि सीता जन्मभूमि जनकपुरमा ठूलो मेला लाग्दछ । भगवान रामचन्द्रले पितृ आज्ञामा दृढ रहनुका साथै धार्मिक,सामाजिक मुल्य र मान्यतालाई उल्लंघन गर्ने रावणरूपी दुष्टहरूको विनाश गर्नु भयो । रामको चरीत्र नियालेर मनन गर्दा पथप्रदर्शक पावन चरित्रको वर्णन पाउदछै । अतस् रामनवमी मनाउदै गर्दा भगवान रामचन्द्रका विचार ,सिद्धान्त र आदर्शलाई जीवन ब्यवहारमा अभ्यास गर्नु हो।

सीताको चरीत्रवाट त्यागको भावना जगाउनु पर्छ।सीताबाट हरेक गृहिणीले प्रेम,विश्वास र समर्पणको शिक्षा लिनु जरुरी छ । आपसी सद्भाव ,भातृत्व प्रेमको शिक्षा राम,लक्ष्मण,भारत र शत्रुघ्नको चरीत्रवाट सिक्न सकिन्छ।तसर्थ पर्व मनाउदै गर्दा त्येसबाट आदर्श र सकारात्मक चरीत्रलाई ग्रहण गर्नु आवश्यक छ तब मात्र पर्व मनाउनुको सार्थकता हुन्छ । अस्तु। ( लेखक नेपाल ज्योतिष परिषद् रूपन्देहीका अध्यक्ष हुन् )

किन हिडे हरिहर शुभलभ हलमा दर्शक भेट्न ?

     मोहन न्यौपाने , चैत १८ बुटवल । अहिले शुभलाभ नायक प्रख्यात ज्योतिष समेत रहेका हरिहर अधिकारि हलहलमा दर्शक भेट्न हिडेका छन् । प्रख्यात ज्योतिष हरिहरको यो पहिलो फिल्म हो, आफ्नै कथामा निर्मित यो फिल्म दर्शकका लागि नया स्वाद भने पक्कै छ । निर्माता प्रदिप कुमार उदयको साथमा दर्शक भेट्न बुटवल आएका हरिहरलाई जब दर्शकले घेरे तब उनि आफैलाई नर्भस फिल गरे । बालबच्चादेखि टिनएज हुदै बृद्दबृद्दा सबैको मन जित्न सफल उनले सोचेका पनि थिएनन । तर एक्कासी परिक्षाकेन्द्रित समयमा फिल्म रिलिज हुदा पनि दर्शकको ओइरो देखेपछि उनि आश्चर्यचकित भए । अझै फिल्मको कथाबस्तु र आफ्नो मेहनत भरपुर दिएकाले पनि फिल्म हेर्ने लहर सोमबारपछि ह्वात्तै बढ्न सक्ने अनुमान उनको छ ।

पत्रकारसंग कुरा गर्दै अधिकारीले आफु प्रोफेशनल पेशामा लगाव भैरहेकाले फिल्ममा कमाउन न आएको तर आफ्नो करिअरलाइ थप उर्जा दिन दर्शकमाझ प्रत्यक्ष आएको बताएका छन् । बढीजसो समय आफ्नै करिअरका लागि बिताउने हरिहरले परिवारमा बसेर रमाउन नपाउदा दुख लाग्ने बताउछन । घरको फुल सपोर्ट पाएकोमा भने उनि खुसि छन् ।
शुक्रबार रिलिज फिल्मले सोमबारसम्म आउदा राम्रो ग्रसकलेक्सन गरेकोले पनि उनि अझै उत्साहित छन्। मंगलबारबाट दर्शकले अझै माया गर्ने र एसईई दिएका बिद्यार्थीहरुलाई पोजिटिभ भाइव्सका लागि शुभलभ एउटा कोशेढुंगा साबित हुने र केहि हदसम्म भएपनि पुनर्ताजगी दिने उनको भनाइ छ ।

ज्योतिषबाट एक्कासि फिल्म क्षेत्रमा आउदा आफुलाई खुबै सन्तुस्टि मिलेको र अब झन् अर्को दमदार फिल्ममा अभिनय गर्न इच्छुक भएको र दर्शकले फरक-फरक ढंगमा अभिनयको स्वाद चाख्न पाउने उनको भनाइ छ ।
फिल्मलाई दर्शकबाट मिश्रित प्रतिक्रिया मिलेको छ । ज्योतिष विधामा छोटो समयमै लोकप्रियता कमाएका हरिहर अधिकारी र नव-अभिनेत्री क्रिस्टिन पौडेलको कामलाई फिल्म हेर्नेहरुले मनपराएका छन् । साथै, फिल्मको कथाले धेरैको ध्यान खिचेको छ । प्रदीप कुमार उदय निर्मित यो फिल्मलाई सन्तोष बाबु लोहनीले निर्देशन गरेका हुन् ।

तस्बीर तथा भिडियो : आकाश दर्पण क्रियशन ( आकाश पन्थ )

नासाले दिनेभयो सुति सुति २ महिनामै २१ लाख

यदि आनन्दले सुतेर टिभी/फिल्म हेर्ने, भिडियो गेम खेल्ने, पढ्न पाउने जागिर भेटियो भने को खुसी नहोला ? नासा र युरोपियन स्पेस एजेन्सी (एएसए) शून्य गुरुत्वाकर्षणको परीक्षणका लागि यस्तै २४ जनाको खोजीमा छ । यो परीक्षण ६० दिनसम्म चल्नेछ । यसका लागि प्रत्येकले तलब पनि पाउनेछन् । यो परीक्षण जर्मनीमा गरिनेछ । यसमा २४ स्वयंसेवकको आवश्यकता छ जो १२–१२ को समूहमा हुनेछन् । सबैले ६० दिन ओछ्यानमा नै बिताउनेछन् ।

यतिबेला स्वयंसेवकको टाउको हल्का तल र खुट्टा माथि हुनेछ । यसले रक्तसंचारमा कमी आउनेछ ।लामो समयसम्म अन्तरिक्षमा बसेपछि अन्तरिक्षयात्रीका मांशपेशीमा असामान्य परिवर्तन आउन थाल्छ । नासा र इएसए शून्य गुरुत्वकर्षणमा शरीरमा कस्ता परिवर्तन आउँछ भनेर थाहा पाउन चाहन्छ । वैज्ञानिकले दोस्रो राउन्डका लागि १२ स्वयंसेवकलाई लिनेछन् । यतिबेला उनीहरु टिभी, फिल्म हेर्न सक्छन्, गेम खेल्न सक्छन् र किताब पढ्न सक्छन् । यसका लागि नासाको समूहले प्रत्येक व्यक्तिलाई १९ हजार डलर अर्थात् २१ लाख रुपैयाँ दिनेछन् ।

सम्वन्धबिच्छेद गर्न आउनेलाई निशुल्क सिफारिस

तिलोत्तमा सिटी , चैत्र ५ । कपिलवस्तुको विजयनगर गाउँपालिकाको चौथो गाउँ सभाले सम्वन्ध बिच्छेदकालागि आउनेलाई निशुल्क सिफारिस दिने नौलो प्रकृतिको निर्णय गरेकोछ । यो सहित १२ वटा सेवा निशुल्क दिने गाउ सभाले निर्णय गरेको हो । गाउँ सभामा १२ प्रकार सेवा सुविधा गाउँपालिकाले निशुल्क प्रदान गर्ने निर्णय भएको छ ।

नागरिकता सिफारीस ,प्रतिलिपि सिफारिस,जेष्ठ नागरिक सिफारिस,एकल महिला शिफारिस,विपन्न महिला सिफारिस, अविवाहित सिफारिस,दलित सिफारिस, बसाईसराई आउनेलाई निशुल्क दर्ता,छात्रवृती सिफारिस,अपागंता सिफारिस,सम्बन्ध विच्छेद सिफारिस र दैवि प्रकोप सिफारिस निशुल्क प्रदान गाउँपालिका अध्यक्ष गोपाल थापाले जानकारी दिनुभयो ।

प्रमोशन गुमनाम, स्टारहरुको भिडमा साइलीको भट्टी सुनसान शुभलभले बाजी मार्नसक्ने अनुमान

कुरा साइलिको प्रमोशन यात्राको हो ।  शनिबार नै बुटवल आएको सैली टिम साँझको एक कार्यक्रममा फितलो अनुभव गर्दै फिर्ता भयो । ब्यबस्थापनको क्रममा त्रुटि भएको भन्दै फिल्म साइली टिमका सहभागीले आफुहरुको गल्ति स्वीकार गरे । तामझाम सहित स्टार कलाकार , गीतकार , संगीतकार , गायक , नायक , नायिका सहित ब्यबस्थापनको जम्बो टोलि लिएर आएको साइलिको टिम जब उत्साहका साथ् बुटवलको एक होटलमा कार्यक्रम गर्न पुग्यो । त्यसपछि कलाकारहरु एक अर्कालाई हेर्दै कालो अनुहार लगाएको अनुभव देखिन्थ्यो । तथापि स्टेज कार्यक्रम त गर्नु नै थियो त्यसैले १ सय जना भन्दा पनि कम दर्शकको उपस्थितिमा कार्यक्रम अघि बढ्यो होटल संचालकका अनुसार कलाकारहरु तोकिएको समयमा आउन अबेर गर्नाले सो कुरा भएको स्वीकार गरे ।

यो के तरिका हो भन्दै रिसाए दयाहाङ
प्रदर्शन मिति नजिकिदै गर्दा प्रचारप्रसारलाई तिब्रता दिन बुटवल आएको फिल्म ‘साईली’ टिम बुटवलमा आफ्नो १०० जना भन्दा कम दर्शक बिच आफ्नो फिल्म प्रचारप्रसार गरेको छ पत्रकारलाई बिना खबर नै आयोजना गरेको उक्त कार्यक्रममा दर्शकको न्युन सहभागीता थियो दर्शकले कलाकार सग तस्बिर खिच्न खोज्दा नायक दयाहाङ राईले यो के तरिका हो भन्दै रिसाएर बाहिर निस्केका थिए जस्ले गर्दा दर्शक निरास भएका थिए । प्रचारप्रसारका लागि फिल्मका नायक गौरभ पहारी, नायिका मेनुका प्रधान, र अभिनेता दयहाङ राई संगै फिल्मका टिम उपस्थित रहेका थिए । गायक हेमन्त रानाको चर्चित गित सुन साइँलीको भावलाई आधार बनाएर निर्माण गरिएको नेपाली चलचित्र साइली आगामी चैत्र १५ गतेबाट प्रर्दसनीमा आउने भएको छ । फिल्ममा साइँलीको भुमिकामा मेनुका प्रधान देखिएकी छन् । फिल्ममा भने दर्शकले आफ्नो चरित्रलाई फरक फरक रुपमा देख्न पाउने उनले बताईन् । ‘भिडियोमा देखिएकी जस्ती साइँली आखिर के बाध्यताले त्यस्तो भईन् । खासमा उनको बिगत कस्तो थियो ? जस्ता दर्शकको मनमा उठेको प्रश्न फिल्मले दिनेछ ।

के भयो पत्रकार सम्मेलनमा
आइतबार बिहानै बिना सुचना कार्यक्रममा उपस्थित हुन आग्रह गरेको प्रति चलचित्र पत्रकार संघ रुपन्देहीले हात झिकेको थियो । आफुहरुलाई आधिकारिक सुचना जानकारी नआएको भन्दै चलचित्र पत्रकार संघ रुपन्देहीका अध्यक्ष सुमन श्रेष्ठले कोशाध्यक्ष मोहन न्यौपानेलाइ सुचना जारि गर्न लगाउदै खबर नभएको कार्यक्रममा नजान आग्रह गरे । त्यसो त चलचित्र पत्रकार संघ रुपन्देहीकै सल्लाहकार समेत रहेका पत्रकार टिआर शर्माले सो कार्यक्रमको सम्पुर्ण जानकारी पाएको भन्दै केहि चलचित्र बिट भन्दा बाहिरका पत्रकार समेत राखी पत्रकार सम्मेलन गरियो । त्यसो त पत्रकार सम्मेलनमा कलाकारलाई नै झिझ्याट लाग्ने र सामान्य कुराको समेत आकलन नहुने खालका प्रश्नोत्तर आदानप्रदान भयो । जहाँ स्वयं चलचित्र पत्रकार संघ रुपन्देहीका कोशध्यक्ष समेत आफुलाई सो कार्यक्रम नै हो भन्ने जानकारी नभएको र उपस्थित भैसकेपछि निस्कन मनोभावनाले नमिलेको स्विकार्छन र आफुले कुनै पनि प्रश्न नराखेको उनले बताए । धेरैमा १० मिनेटमा सम्पन्न सो सम्मेलन बाट बाहिरिदै कलाकारहरु निराशाजनक स्थितिमा रहेको देखिएको थियो । पहिलो पटक फिल्मी प्रचारप्रसारमा आएका दयाहांग राइलाइ पत्रकारले नै तपाइको नाम के हो रे भन्दा सबै गलल्ल हासेको अनुभव पत्रकार सम्मेलनमा देखियो । चलचित्र पत्रकार सघ रुपन्देहीले साइँलीको प्रेसमिट सम्बन्धी कुनै जानकारी नआएको हुँदा फिल्ममा साइँलीको कार्यक्रममा नजान भनेर बुटवलका पत्रकारहरुलाई फेसबुकमा म्यासेज गरेको थियो।

के गीतले मात्रै चल्ला फिल्म
प्रदिप उदयको निर्माण र प्रख्यात ज्योतिष हरिहर अधिकारीको डेब्यु प्रेमकथामा आधारित फिल्म शुभलभसंग प्रतिश्प्रधामा खरो उत्रिएको गीतमार्फत चर्चामा रहेको बैदेशिक जिबन कथामा आधारित फिल्म साइली प्रमोशनबाटै निराशा जनक स्थितिमा छ । हरेक ठाउको प्रमोशनमा चलचित्र पत्रकारसंग खासै समन्वय नगरेकोले पनि सो फिल्मको गीत त आयो तर फिल्म कहिले आउने भन्ने दर्शकलाई थाहा नहुन सक्छ । तथापि आफ्नो बलबुताले भ्याएसम्म लागिपरेर लागेको फिल्म युनिट , र स्टार कलाकार संगीतकार र धेरै फ्यान कमाएका गायक आफै हिड्दा कसो फिल्म नचल्ला र भन्ने आकलन पनि छ । आफ्नो लगानीबारे नबताएका फिल्मका निर्माता समेत रहेका नायक गौरव पहाडी फिल्म चल्ने दिनसम्म खर्च हुने बताउछन । त्यसो त आफै फिल्म वितरक समेत रहेको कम्पनि एफडिबाटै शुभलभ हलहलमा पठाउने तयारि गरेका प्रदिप उदयको योजनामा के साइली अटाउला ? त्यसैले हेर्दै जाउ,प्रमोशनमै डेन्जर जोनमा परेको साइलिको भट्टी कतै स्टारहरु आएरा खादा समेत शुन्य हुने त होइन ? त्यो हेर्न भने चैत्र १५ लाइ नै कुर्नुपर्ला ।

रामशरणको प्रश्न : प्रचारबाजीमा मात्रै समय बिताएर हुन्छ ?

१ चैत्र, बुटवल । नेपाली कांग्रेसका केन्द्रिय सदस्य तथा पूर्व अर्थमन्त्री डा रामशरण महतले मन्त्रीपरिषदले नेकपालाइ प्रतिबन्ध लाउनुभन्दा देशमा भैरहेको आतंकबादी गतिबिधि रोक्न तर्फ लाग्नुपर्ने बताएका छन् । देशभर आतंकबादका गतिबिधि श्रृङ्खलाबद्ध रुपमा भैरहेको भन्दै उनले कानुन बिपरित गतिबिधि गर्न कोहि कसैलाइ पनि छुट नभएको प्रष्ट पारे ।

‘मन्त्रीपरिषदले नेकपालाइ प्रतिबन्ध लगाउदैमा मुलुकमा बिप्लवका गतिबिधि रोकिने होइनन्,सरकारले बार्ताको माध्यमबाट द्वन्द्व समाधान गर्नुपर्छ ’रिपोर्टर्स क्लव प्रदेश ५ बुटवलमा आयोजित साक्षात्कारमा बोल्दै डा महतले सरकारले देशमा शान्ति सुब्यबस्था कायम गर्नुपर्ने बताए । बिप्लव नेकपामाथि प्रतिबन्ध ठिक की बेठिक भन्ने प्रश्नमा उनले भने—‘कानुन बिपरित गतिबिधि गर्न कसैलाइ छुट छैन,सरकारले निर्णय गरेर मात्रै बस्ने होइन ।’

सरकारले सहि गति लिन नसकेको भन्दै उनले प्रचारबाजीमा मात्रै समय बिताएको आरोप लगाए ।रेल,पानीजहाजका गफ चुटेर संबृद्धि नआउने भन्दै उनले जनताले अनुभूति हुने गरि काम गर्न सरकारलाइ सुझाए । कांग्रेसका केन्द्रिय सदस्य समेत रहेका उनले कांग्रेस एक भएपनि संगठनात्मक कमजोरी रहेको उल्लेख गरे । अहिले शशक्त प्रतिपक्षको भूमिका पनि निर्बाह गर्न नसकेको भन्दै गति बढाउनुपर्ने बताए । क्लवका प्रदेश प्रमुख रामकुमार क्षेत्रीको अध्यक्षतामा भएको कार्यक्रमको संचालन क्लवका प्रदेश सदस्य कपिल ज्ञवालीले गरेका थिए ।

समाजमा सहज वातावरण बन्नुपर्छ : मन्त्री बराल

झविन्द्र देवकोटा, बुटवल । प्रदेश नम्बर ५ का सामाजिक विकास मन्त्री सुदर्शन बरालले यौनिक तथा लैङ्गीक अल्पसंख्यकमैत्री प्रदेश बनाउने आफ्नो प्रतिवद्धता रहेको बताउनुभएको छ । लैङ्गिक समानता मुलक प्रदेशको परिकल्पना आफुले गरेको उल्लेख गर्दै मन्त्री बरालले महिला, पुरुष तथा तेस्रो लिङ्गी सबैका अधिकारको प्रत्याभूतिका लागि मन्त्रालय सदैव सकारात्मक रहेको बताउनुभयो । निल हिरा समाजको आयोजना तथा ओपन सोसाईटी फाउण्डेशनले आज बुटवलमा गरेको यौनिक तथा लैङ्गीक अल्पसंख्यकका अधिकार र चासो विषयक कार्यक्रमलाई सम्बोधन गर्दै मन्त्री बरालले सबैका अधिकार दिलाउने र समृद्ध प्रदेश बनाउने कुरामा प्रदेश सरकारको चासो रहेको बताउनुभयो ।
उहाले यौनिक तथा लैङ्गीक अल्पसंख्यकहरु अझै पनि समाजमा लुकेर हिड्नु पर्ने तथा परिवार र समाजले विभेद गरेका घट्ना सुन्नपर्नु दुखद् विषय भएको जिकिर गर्नुभयो । उहाले उनीहरुको अधिकार र उनीहरुलाई सक्षम बनाउनका लागि बजेट, कार्यक्रम तथा सहभागिताका सवालमा समय समयमा छलफल तथा कार्यक्रमहरु गर्नु र निरन्तरता दिनु पर्ने सुझाव दिनुभयो ।
कार्यक्रममा प्रदेश संसद थानकुमारी थापा, कमला देवी विश्वकर्मा, पुर्व संसद बिनोद पहाडी, निल हिरा समाजका रुपन्देही अध्यक्ष आनीक रानामगर लगायतले लैङ्गीक मैत्री समाज नै समृद्धिको आधार भएको बताउनुभयो। लैङ्गिक यौनिक तथा अल्पसंख्यकहरुका लागि समाजमा सहज वातावरण सृजना गर्नु अहिलेको अवाश्यकता रहेको उनीहरुको भनाई थियो । कार्यक्रममा निल हिरा समाजका केन्द्रीय अध्यक्ष पिंकी गुरुङ्गले मुलुकमा संघिय संरचना निर्माणभएसँगै प्रदेश सरकारले यौनिक तथा लैङ्गीक अल्पसंख्यकका अधिकारका विषयमा निती तथा कार्यक्रम बनाउनु पर्ने बताउनुभयो।उहाले तेस्रो लिङ्गी अनुकुलनै नीति तथा कार्यक्रम बनाउनु पर्ने सुझाव दिनुभयो । चिकित्सकीय उपचारबाट लिङ्ग परिवर्तन गर्ने होईन, प्राकृतिक रुपमा भएका पहिचानकै आधारमा आफुहरुले पहिचान पाउनु पर्ने भन्दै त्यहि पहिचान प्राप्तिको अभियानमा आफुहरु भएको अध्यक्ष गुरुङ्गको माग थियो । कार्यक्रमको संचालन निल हिरा समाजका उप निर्देशक संजय शर्माले गर्नुभएको थियो ।

मन्त्रीले गरे “गुल्मी”को रोइलागीत बिमोचन

मोहन न्यौपाने,चैत्र १ बुटवल । गुल्मीको समग्र चिनारी झल्केको रमाइलो रोइला गीत गुल्मी सार्बजनिक भएको छ । बुटवलमा सम्पन्न एक कार्यक्रमका बीच प्रदेश न. ५ का सामाजीक बिकाश मन्त्री सुदर्शन बरालले क्लिक गर्दै युट्युबमा गीत रिलिज गरेका हुन् । गुल्मी बोलको रोइला भाकामा ल्याइएको सो गीतलाई समग्र गुल्मीको पहिचानको रुपमा हेरिएको छ ।

लोक भाका तथा दोहोरीले समग्र देशको बिकाश र समाजको दर्पनको रुपमा काम गर्ने भएकाले जनतालाई सुसुचित गर्ने र समाजलाई सकारात्मक दिशामा अघि बढाउने खालको संगीत रचना गर्न मन्त्री बरालको सुझाव छ । गीत बिमोचन कार्यक्रममा बोल्दै उनले देशको पर्यटकिय धार्मिक तथा सास्कृतिक परम्पराको चिनारी दिने खालका गीतले समाज परिबर्तान्मा ठुलो भूमिका खेल्ने बताए । गुल्मी बोलको रोइला गीतलाई आकाश दर्पण क्रियशनले बजारमा ल्याएको हो भने गीतमा दीपक परियार र स्वस्तिका पन्थको आवाज रहेको छ ।

प्रेमराज खरेल र दीपक परियारको शब्दमा दिपक स्वयम् ले संगीत भरेको सो रोइला गीत गुल्मीको म्युजिक भिडियोलाई रबिन बि.क. र रमेश रसाइलीले सम्पादन गरेका हुन् । बिजय पोख्रेलले क्यामेरा घुमाएको सो गीतमा पुजा श्रेष्ठ, सुर्य खड्का, मन्जरी गौतम लगायतका कलाकारको मुख्य भूमिका रहेको छ । फोर एस मिडियाको निर्माणमा रहेको गीतको निर्देशन शिव बिक ले गरेका छन् ।

चलचित्र पत्रकार संघ रुपन्देहीको संयोजनमा सम्पन्न बिमोचन कार्यक्रममा अध्यक्ष सुमन श्रेष्ठ , प्रमुख अतिथि प्रदेश न. ५ का सामाजिक बिकास मन्त्री माननीय सुदर्शन बराल , गीतकार शिव पी. सुबेदी, गायक दिपक परियार लगायतले बोलेका थिए । सो बिमोचन कार्यक्रमको संचालन मोहन न्यौपानेले गरेका थिए ।

लियो तथा लायन्स क्लब ३२५ बि २ को सातौ महाधिबेशनको तयारी पुरा

यहि चैत्र २ गते तिलोत्तमा नगरपालिकाको नयामिल स्थित होटल लक्ष्मीमा सम्पन्न हुन गैरहेको लियो सातौ महाधिबेशनको तयारी पुरा भएको छ । एरिया ४ अन्तर्गत ब्यबस्थापन को जिम्मा पाएको सो क्लबको महाधिबेशनको तयारी ९५ प्रतिशत पुरा भएको एरिया को अर्डिनेटर सुदिप बेलबासेले बताए । लियो र लायंश गरि लगभग २५ देखि २६ सयजनाको उपस्थिति रहने सो महाधिबेशनले लायन्सको छुट्टै तयारी लायन्सले आफै गरेको छ भने लियोको तयारी पुरा भएको बेलबासेले बताएका छन् ।

स्वागत गेटदेखि हाइवे स्वागत एबम प्रचार प्रसार, पर्चा पम्प्लेट , खाना आवाश तथा सबै ब्यबस्थापनको जिम्मा सकिएको र तयारी समेत पुरा भएको उनको भनाइ छ । लियो ३२५ बि २ अन्तर्गत देशभरी १०८ भन्दा बढी क्लबका सहभागी सो महाधिबेशनमा उपस्थित हुन लागेका हुन् । महाधिबेशनले आगामी बर्ष २०१९/२० को लागि नया कार्यसमिति चयन र योजना समेत निर्माण गर्ने छ । लायन्स र लियो ओ सो महाधिबेशन ब्यबस्थापनमा करिव १ करोड खर्च हुने लियो संयोजक सुदिप बेलबासेले बताएका छन् । महाधिबेशनमा लायन्सको ड्रिम ल्याण्ड गोल्ड रिसोर्टमा हुने छभने सोहि दिन लियोहरुको सम्मेलन लक्ष्मी होटलमा हुने आयोजकले बताएको छ ।

RECENT POSTS