Thursday, January 23, 2020

तिलोत्तमा शुन्य पोलिथिनका लागि वडाबाइज रुपमा जनसागर उर्लिदै

मोहन न्यौपाने , तिलोत्तमा माघ ९ / रुपन्देहीको तिलोत्तमा नगरपालिका माघ महिनाभित्र शुन्य पोलिथिन नगरपालिका बन्ने तयारीमा छ । त्यसो त तिलोत्तमा शुन्य पोलिथिनका लागि वडाबाइज रुपमा जनसागर उर्लिदै गएको छ । बिद्यालय ,क्याम्पस , सार्बजनिक स्थान पार्क, टोल , समाज गर्दै सबै १७ वटै वडामा आ आफ्नो तबरबाट फोहोर संकलन गर्ने , प्लास्टिक जन्य फोहोर पदार्थ ब्यबस्थापन गर्ने काम द्रुत गतिमा भैरहेको छ । सबै कुलो, नहर, खोला, नाला लगायत सबै ठाउ जसो अहिले प्लास्टिक सोहोर्ने जनसागर ले घेरिएको देखिन्छ । गाउघर टोलमा सरसफाई सम्बन्धि जनचेतना , वृत्तचित्र , सडकनाटक समेत हेर्न पाइएको छ , त्यसो त तिलोत्तमा नगर प्रवेशद्वार मै नगरपालिकाको शुन्य पोलिथिनका लागि आग्रहित ब्यानर झल्किएको छ ।

प्लाष्टिकजन्य पदार्थलाई प्रयोगमा रोक लगाई सकेको नगरपालिकाले माघमा विशेष कार्यक्रम गरेर शुन्य पोलिथिनयुक्त नगरपालिका घोषणाको तयारी थालेको हो । सम्भव भएमा तिलोत्तमा नगरपालिका माघको अन्तिम साता भित्र शुन्य पोलिथिन नगर घोषणा हुदैँछ । घोषणापछि नगरपालिका क्षेत्रभित्र प्लाष्टिकजन्य बस्तु फाल्न नपाईने र फालेको फेला परेमा नगरपालिकाले कार्वाही गर्ने समेत भनेको छ । त्यसो त फोहर ब्यवस्थापनका लागि विभिन्न स्थानमा डष्टविनहरु राख्न थालेको छ । नगरलाई सफा, सुन्दर र प्रयावरणमैत्री/हरियालीमय बनाउनका लागि शुन्य पोलिथिनयुक्त नगरपालिका अभियानलाई सक्रिय रुपमा अगाडि सारिएको छ ।

नगरपालिकाको करहिया सामुदायिक बनको क्षेत्रको करिव दुई विगाहा क्षेत्रफलमा वास सहकारी संस्था मार्फत फोहर ब्यवस्थापनको प्लान्ट (केन्द्र) बनाइएको छ । तिलोत्तमा–८ मा पर्ने त्यहाँ फोहरलाई मोहरका रुपमा परिणत गर्ने योजना छ । त्यहा कुहिने, नकुहिने, प्लाष्टिकजन्य र अन्य सिसाजन्य फोहरहरु संकलन गर्ने, संकलन भएको फोहर मध्य विक्रि हुनेलाई विक्रि गर्न, नमिल्नेको ब्यवस्थापन र प्रशोधन गर्न मिल्नेलाई प्रशोधन गर्ने तथा अन्यलाई मलका रुपमा प्रयोग गर्ने गरि त्यहाँ केन्द्र स्थापना गरिएको छ । सँगै घोषणापछि नगरपालिका क्षेत्रभित्र प्लाष्टिकजन्य बस्तु फाल्न नपाईने र फालेको फेला परेमा नगरपालिकाले कार्वाही गर्ने समेत भनेको छ । तथापि घोषणा गर्नु पहिले ब्यवस्थापन र निरन्तरतामा कमि आउने हो कि भन्ने विषयमा स्थानीयले चिन्ता गर्न थालेका छन् भने घोषणापछी ब्यवस्थापकीय समस्या आउने होकी भन्नेतर्फ पनि स्थानीयको चासो बढेको छ ।

सिनका अध्यक्ष निपेश ढाकाले थुप्रो संख्यामा स्वयम् सेवक परिचालन गरेर नगरलाई शुन्य पोलिथिन नगर घोषणाको तयारीमा लाग्नु भएको छ । उहाँभन्नुहुन्छ–‘स्थानीयले टोलबाट हामीलाई फोहर उठाउनुस् भनेर बारम्बार फोन गर्नुहुन्छ । यसले हामीलाई चिन्तित बनाएको छ । यो टोलमा पोलिथिन ब्यवस्थापनको चुनौति हो ।’ सिन नेपालले नगरबासीलाई माटोको महत्व, पर्यावरणीय संरक्षण, पोलिथिनजन्य पदार्थको संकलन र ब्यवस्थापन गर्ने बारे सिकाई रहेको ढाकाले बताउनुभयो । उहाँले आम नागरिकलाई सुन्दर र स्वच्छ नगर बनाउने कुरामा दायित्व बोध गराउने दिशातर्फ आफुहरु लागेको सुनाउनुभयो । नगरपालिकाले ब्यवस्थापनमा अझैबढी महत्व दिएमा घोषणाले निरन्तरता पाउने सुझाव दिनुहुन्छ ।

सभामुखमा सापकोटा निर्विरोध, १२ गते औपचारिक घोषणा

काठमाडौं । मंगलबार प्रतिनिभिसाको सभामुखका लागि उम्मेदवार दर्ता गरेका नेपाल कम्युनिस्ट पार्टी (नेकपा)का उम्मेदवार अग्निप्रसाद सापकोटा एक्लो उम्मेदवार भएपछि निर्विरोध भएका छन् । मंगलबार ११ बजेदेखि दिउँसो २ बजेसम्मका लागि मनोनयन दर्ताको समयावधि तोकिएको थियो । समयअ अवधिभित्र सापकोटाको मात्र उम्मेदवार परेपछि निर्विराध भएका छन् ।

प्रतिनिधिसभाका सचिव गोपालनाथ योगीले उम्मेदवार दर्ता गर्ने समय अवधिमा सापकोटोको मात्र दर्ता भएको जानकारी दिए । ‘एकजनाको मात्र उम्मेदवारी दर्ता भएको छ,’ उनले भने, ‘एकजनाको मात्र उम्मेदवारी दर्ता भएपछि निर्विरोध जस्तै हो । औपचारिक घोषणा माघ १२ गते हुन्छ ।’सापकोटाको मात्र उम्मेदवारी दर्ता भएपछि सभामुखको निर्वाचन नहुने भएको छ । ‘उम्मेदवारका समर्थक र प्रस्तावकले सदनमा सम्बोधन गर्नुहुन्छ,’ उनले भने, ‘अनि सभाअध्यक्षले निर्विरोध भएको घोषणा गरेपछि सभामुखको निर्वाचन सकिन्छ ।’

सभामुखका एक्ला उम्मेदावर सापकोटाका प्रस्तावकमा सुवास नेम्बाङ तथा समर्थकमा देव गुरुङ, लक्ष्मणलाल कर्ण र ओनसरी घर्ती रहेका छन् । प्रमुख प्रतिपक्ष दल नेपाली कांग्रेसले सभामुखका लागि उम्मेदवारी नदिएपछि सापकोटा निर्विरोध भएका हुन् ।

बुटवलमा जारी राष्ट्रपति रनिङ शिल्ड सम्पन्न, छनौट प्रतियोगिताको उपाधि कालिका मानवज्ञानलाई

बुटवल, माघ ८ । बुटवलमा संचालित प्रथम नगरस्तरीय राष्ट्रपति रनिङ शिल्ड छनौट प्रतियोगिताको उपाधि कालिका मानव ज्ञान माबिले जितेको छ । २४ पदक सहित कालिकाले उपाधि रक्षा गरेको हो । उसले १० स्वर्ण, ७ रजत, ७ कास्य पदक जितेको हो । त्यस्तै एभरेष्टले १४ पदक जितेको छ । यसले १० स्वर्ण, ३ रजत र १ कास्य जितेको छ । न्युहोराइजनले ४ स्वर्ण, ७ रजतसहित ११ पदक जित्न सफल भएको छ । नबिन औद्योगिक माबिले ९ रजत र ५ वटा कास्य पदक जितेको छ ।

बुटवल उपमहानगरपालिकाका सामुदायिक र संस्थागत गरी २५ बिद्यालय सहभागि प्रतियोगितामा २ सय ५८ वटा पदक बितरण गरिएको नगरखेलकुद विकास समितिका अध्यक्ष नन्दु कउचाले जानकारी दिए । बुटवल उपमहानगरपालिका नगर खेलकुद विकास समितिको आयोजनामा एन्फा टेक्निकल सेन्टर देबिनगरमा व्यवस्थित तरिकाले खेलहरु भएका थिए । खेलको बुधबार एक भव्य समारोहका बीच समापन गरिएको छ । उपमहानगरपालिकाका कार्यबहाक नगर प्रमुख रामप्रसाद रेग्मीले विजेता र खेलमा उत्कृष्ट खेलाडीलाइ पुरस्कार प्रदान गर्दै खेलको समापन गरेका थिए । त्यसअवसरमा कार्यबाहक नगर प्रमुख रेग्मीले खेलकुदका माध्यमबाट समृद्धिको अभियानलाई प्रभाबकारी बनाउन सकिने धारणा राखेका थिए ।

समापन समारोहमा वडा न ११ वडाध्यक्ष रामचन्द्र क्षेत्री, समितिकी सदस्य सचिब कोपिला ज्ञवाली, आयोजक समितिका अध्यक्ष नन्दबहादुर काउचा, खेलकुद बिकास समितिका कार्यालय प्रमुख संगमसिहं थापा, कान्ति माबिका प्रमुख गोबिन्द ज्ञवाली,नगरको सामाजिक समिति संयोजक सीता थापा, कालिकाका प्राचार्य घनश्याम पाठक, समितिका सदस्यहरु नवीन थापा, मणिरत्न भण्ण्डारीलगायतले पुरस्कार बितरण गरेका थिए । त्यस्तैगरि दीप बोर्डिङले १ स्वर्ण, १ रजत र ४ कास्य पदक, प्रगति माबिले १ स्वर्ण, २ रजत र २ कास्य गरि ५ पदक, कान्ती माबिले २ स्वर्णमात्रै हात पारेको छ ।

मणिमुकुन्द माबिले ७ पदक, १ स्वर्ण, २ रजत र ४ कास्य पदक जितेको छ । भने लुम्बिनी बोर्डिङ स्कुलले १ रजत, उजिर सिंहमाबिले २ कास्य, नेपाल एभरग्रिनले १ कास्य पदक, स्कलर्स र जितेश्वरीमाबि २—२ वटा कास्य तथा त्रिभुवन युनाइटेड एकेडेमीले १ कास्य जितेको प्रथम नगरस्तरीय राष्ट्रपति रनिङ शिल्ड छनौट प्रतियोगिताका सदस्य सचिब प्रेमबहादुर बस्नेतले बताए । प्रतियोगितामा ४८ वटा ईभेन्टमा २ सय ५८ वटा पदकका लागि उनीहरुले भाग लिएक थिए । नगरभित्रका सामुदायिक र नीजि गरि २५ वटा विद्यालयका करीब ६ सय खेलाडीहरुको सहभागिता रहेको प्रतियोगिताको बुटवल उपमहानगरका प्रमुख शिवराज सुवेदीले गरेका थिए । उद्घाटनका अवसरमा विशाल मार्चपाससहित विभिन्न किसिमका झाँकीहरु प्रदर्शन गरिको थियो ।

शुन्य पोलिथिनका लागि आफैबाट शुरु गरौ : तिलोत्तमा नगरप्रमुख बासुदेव घिमिरे

६ माघ २०७६, सोमबार,तिलोत्तमा । हरेक अभियानको शुरुवात आफैबाट गर्नुपर्ने एक कार्यक्रमका बीच तिलोत्तमा नगरप्रमुख बासुदेव घिमिरेले बताउनुभएको छ । तिलोत्तमा मिडिया क्लबले आयोजना गरेको शुन्य पोलिथिन अभियानको सन्दर्भमा आयोजित अन्तरक्रियामा बोल्दै उहाले सो कुरा बताउनुभएको हो । हामि आफै प्रयोग गरेका प्लास्टिक जन्य पदार्थको उचित प्रयोग पछिको सहज ब्यबस्थापनाका लागि आफ्नै खल्ती , घर, समाज, टोल र नगरको सरसफ़ाइमा सहभागी हुन आफै बाट शुरु गर्नुपर्ने घिमिरेले बताउनुभयो । नगरप्रमुख बासुदेव घिमिरेले नगरपालिकाले सम्पूर्ण रुपमा प्लाष्टिकजन्य सामानको प्रयोगमा निषेध नगरेको स्पष्ट पार्दै पोलिथिनजन्य फोहोरलाई उचित व्यवस्थापन गर्न खोजेको बताए । शुन्य खुला पोलिथिन अभियानमा नगरबासीले देखाएको सक्रियताप्रति आभार व्यक्त गर्दै उनले यो माटो बचाउने अभियान पनि रहेको स्पष्ट पारे ।
यस्तै उप–प्रमुख जगेश्वरदेवी चौधरीले नगरबासीको आनीबानी र सोंच परिवर्तनले शुन्य खुला पोलिथिन अभियान सफल बनाउने बताए । अभियन्ता निपेश ढाकाले अभियानमा नगरबासीले देखाएको उत्साहले आफूहरुलाई निकै प्रेरणा मिलेको बताए ।

त्यस्तै शुन्य खुला पोलोथिन अभियानलाई सफल बनाउन जथाभावी फोहोर फ्याक्नेलाई दण्ड–जरिवाना गर्नुपर्नेमा सरोकारवालाहरुले जोड दिएका छन् । सबैले आ–आफ्नो क्षेत्रबाट जिम्मेवारी पूरा गर्दा यो अभियानले साकार रुप लिने भन्दै सरोकारवालाहरुले अभियानसँगै जथाभावी फोहोर फ्याक्नेलाई जरिवाना तिराउने संयन्त्र निर्माण गर्न तिलोत्तमा नगरपालिकालाई सुझाव दिएका छन् । तिलोत्तमा मिडिया क्लवको सोमबार मणिग्राममा आयोजनामा गरेको शुन्य खुला पोलिथिन अभियानमा सरोकारवालाहरुको भूमिका विषयक अन्तरक्रिया कार्यक्रमका सहभागीहरुले जानकारी हुँदाहुँदै फोहोर गर्नेलाई दण्ड जरिवानाले मात्र व्यवहार परिवर्तन गराउने बताएका हुन् ।

कार्यक्रममा बोल्दै शंकरनगर खानेपानी तथा सरसफाई उपभोक्ता संस्थाका अध्यक्ष हरि तिवारीले अटेर गरी जथाभावी फोहोर फ्याक्नेलाई जरिवाना तिराउने संयन्त्र निर्माण गर्न नगरपालिकालाई आग्रह गरे । नगरपालिकाले सञ्चालन गरेको शुन्य खुला पोलोथिन अभियान अत्यन्त सान्दर्भिक रहेको चर्चा गर्दै उहाँले यो मानिसको व्यवहार परिवर्तनसँग सम्बन्धित रहेको उल्लेख गरे ।यस्तै आनन्दवन शंकरनगर खानेपानी तथा सरसफाई उपभोक्ता संस्थाका अध्यक्ष केशवराज न्यौपानेले खुला दिसामुक्त अभियान जस्तै शुन्य खुला पोलोथिन अभियान पनि सफल हुने बताए । जथाभावी फोहोर फ्याक्नेलाई टोल विकास संस्थामार्फत् जरिवाना तिराउने व्यवस्था मिलाउन सकिने उनको भनाइ छ ।

छत्तीस मौंजा सामुदायिक सिंचाई प्रणालीका अध्यक्ष कृष्णप्रसाद पौडेलले नगरपालिकाले सञ्चालन गरेको अभियानबाट किसानहरु सबैभन्दा बढी हर्षित भएको बताए । उनले अभियानलाई सफल बनाउन सिंचाई प्रणालीले नहर तथा शाखा कुलाहरुमा रहेको पोलिथिनजन्य फोहोर उठाउन विशेष कार्यक्रम सञ्चालन गर्न थालेको जानकारी दिए । वास सहकारीका अध्यक्ष खेमप्रसाद गौतमले पोलोथिनजन्य फोहोरलाई नजलाउन नगरबासीलाई आग्रह गर्दै फोहोर व्यवस्थापनमा सहकारीले कार्यक्षेत्र बढाउँदै लैजाने बताए ।

कार्यक्रममा तिलोत्तमा चेम्बर अफ कमर्शका अध्यक्ष जेपी कंडेल, प्यारामाउण्ट माविका संस्थापक प्राचार्य दामोदर भुसाल, शान्ति माविका प्रधानाध्यापक कुलप्रसाद लामिछाने, यातायात व्यवस्था कार्यालय रुपन्देहीका मुक्ति पाण्डेय, क्लवका सल्लाहकार खिमानन्द भट्टराई, जनउत्थान साकोसकी अन्जु जोशी, युवराज कंडेल, डोलबहादुर थापा, कृष्णप्रसाद पन्थीलगायतले बोलेका थिए ।

क्लवका अध्यक्ष लक्ष्मण पौडेलको अध्यक्षता, सचिव टीआर शर्माको सञ्चालन र उपाध्यक्ष बीपी गौतमको स्वागतमा कार्यक्रम भएको हो । नगरलाई सफा बनाउन नेपाल भ्रमण वर्ष–२०२० को प्रारम्भसँगै तिलोत्तमा नगरपालिकाले सिम नेपालको सहकार्यमा सुरु गरेको अभियान तीव्र रुपमा अघि बढेको छ । अभियानमा टोल विकास संस्था, विभिन्न संघ–संस्था, क्लव, आमा समूह, खानेपानी संस्थालगायत सबैको सहकार्य छ ।

क्याम्ब्रिज मन्टेश्वरी तिलोत्तमाको उद्घाटन

मोहन न्यौपाने , तिलोत्तमा । क्याम्ब्रिज मन्टेश्वरी एण्ड प्री स्कुल तिलोत्तमाको औपचारिक उद्घाटन भएको छ । सस्थाका संचालक छत्र बहादुर कार्कीको अध्यक्षता तथा रुपन्देही प्रमुख जिल्ला अधिकारी महादेव पन्थको प्रमुख आथित्यतामा सम्पन्न सो मन्टेश्वरीको एक कार्यक्रम का बीच समुद्घाटन गरिएको थियो । सो कार्यक्रममा सम्पूर्ण वक्ताहरुले बिद्यालयले अङ्गीकार गरेको mind lab , खेलकुद व्यवस्था , कक्षा कोठाको व्यवस्था , स्विमिङ्ग पुल तथा दक्ष शिक्षिकाहरुको व्यवस्था भएकोले क्याम्ब्रिज मन्टेश्वरी तिलोत्तमकै नमुना मन्टेश्वरी बन्नेतर्फ उन्मुख रहेको जनाउनुभयो ।

बिद्यालयका अभिभावक तथा नवलपरासी इलाका प्रहरी कार्यालयका प्रहरी नायव उपरीक्षक निवन कुमार खड्काले आफ्नो छोरीको प्रगति प्रति निकै खुशी रहेको ब्यक्त गर्नुभयो । साथै यस बिद्यालयले आफ्नै करेसावारीमा तरकारी खेति गरि नानि बाबुहरुलाइ प्रांगारिक खानेकुरा मात्र उपलब्ध गर्न तर्फ लागेको कुरा बिद्यालयका प्रिन्सिपल सुनिल पोख्रेलले ब्यक्त गर्नुभयो । उक्त कार्यक्रममा प्रदेश न ५ कृषि मन्त्रालय अन्तर्गत योजना तथा अनुगमन महाशाखाका प्रमुख बिनोद घिमिरे , सामाजिक बिकाश मन्त्रालय प्रदेश न ५ का शाखा अधिकृत माधव पोख्रेल, तिलोत्तमा नगरपालिका शिक्षा विभाग उपप्रमुख शारदा भट्टराई , ति न पा वार्ड न ३ का वडा अध्यक्ष टंक प्रसाद तिवारी र सामाजिक बिकाश मन्त्रालय प्रदेश न ५ का उपसचिव थानेश्वोर ज्ञवालीको विशिष्ट आथित्यता रहेको थियो ।

तिलोत्तमा योगीकुटीमा बिगत १ बर्ष अगाडिबाट संचालित सो प्रि स्कुलका प्रिन्सिपल सुनिल पोख्रेलको स्वागत मन्तब्यबाट शुरु सो कार्यक्रम को संचालन सस्थापक लक्ष्मण प्रसाद भण्डारीले गरेका थिए ।

फोहरलाइ प्रशोधन गरि मोहर बनाउदै तिलोत्तमा नगर

तिलोत्तमा, २३ पुष । रुपन्देहीको तिलोत्तमा नगरपालिकालाई प्लाष्टिकमुक्त बनाउने र प्रांगारिक मल उत्पादन गर्ने उद्देश्यले स्थापना गरिएको ‘जन सहभागिता स्वास्थ्य सहकारी संस्था’ले नगरभित्र उत्पादन हुने फोहोर–मैला प्रशोधन गरी बिक्री–वितरण सुरु गरेको छ । जसका लागि सहकारीले तिलोत्तमा–८ का करहिया सामुदायिक वनको ५ बिघा क्षेत्रफलमा फोहोर प्रशोधन केन्द्र स्थापना गरेको छ । प्लाष्टिकजन्य फोहोर वस्तुलाई प्रशोधन गर्नका लागि केन्द्रमा हाइड्रोलिक प्रेसर मेसिन जडान गरिएको छ । केन्द्रमा मेसिन, विद्युतीय यन्त्र, दुई वटा सेड, दुई वटा ट्याक्टर खरिद गरिएको छ । सो क्रममा हालसम्म तीस लाख रुपैयाँ लगानी भइसकेको सहकारीका अध्यक्ष खेमप्रसाद गौतमले बताउनुभयो ।

फोहोर संकलन र प्रशोधनका लागि १४ जना कर्मचारीहरुले काम गर्दै आएका छन् । ‘बोराबाट खन्याइने प्लास्टिक र आल्मुनियमका बोतललाई मेसिनले च्यापेर वर्गाकारको प्याकेट आकार बनाइदिन्छ । जसले गर्दा बिक्रीका लागि ढुवानी गर्न सहज हुन्छ । ५० बोरा बोत्तल प्रशोधन गर्दा एक क्वीन्टल, ५० केजी तौल निस्कन्छ’, केन्द्रका प्राविधिक आरके भुसालले बताउनुभयो । प्रशोधित प्लास्टिकजन्य पदार्थलाई नेपालगञ्जका व्यवसायी सलाउद्दिन खानले खरिद गर्ने सम्झौता भइसकेको छ । प्लास्टिकको बोत्तल प्रतिकिलो ३१ देखि ३५ रुपैयाँ र रेडबुल क्यान, क्यान बियर, क्यान जुस लगाएतका आल्मुनियमका बोत्तलको मूल्य प्रतिकिलो ९० रुपैयाँमा सम्झौता भएको छ ।

तिलोत्तमा नगरपालिकामा दैनिक ३० टन फोहोर उत्पादन हुँदै आएको छ । अहिले सहकारीमा ५ हजारदेखि एक लाख रुपैयाँसम्म लगानी गरेका दुई सय जना शेयर सदस्य छन् । नगरभित्रका सबै घरधुरीलाई स्वेच्छिक शेयर सदस्य बनाउने र फोहोर संकलनका लागि ढुवानीका साधन थप्ने सहकारीको योजना रहेको अध्यक्ष गौतमले बताउनुभयो । सहकारीले प्लास्टिक, प्लास्टिकका बोत्तल, सीसाको बोत्तल, आल्मुनियम, फलाम आदिलाई संकलन र प्रशोधन गर्दै आएको छ ।

तिलोत्तमामा प्रथम उपमेयर खुल्ला महिला कप भलिबल प्रतियोगिता हुने

मोहन न्यौपाने , पौष २३ तिलोत्तमा । तिलोत्तमा नगरपालिकाको आयोजनामा प्रथम उपमेयर रनिङ्ग कप खुल्ला महिला भलिबल प्रतियोगिता हुने भएको छ । स्वास्थ्यका लागि खेलकुद रास्ट्रका लागि खेलकुद भन्ने मूल नारासहित यहि पौष २५ र २६ गते कुँवर वर्ति माविको खेल मैदान तिलोत्तमा ८ प्रदिप नगरको खेल मैदानमा हुने सो प्रतियोगितामा प्रथम दित्तीय तृतीय र सान्तवना हुने टिमले क्रमश: नगर रु २५ हजार , १५ हजार ,१०हजार र ५ हजार नगद सहित ट्रफी मेडल र प्रमाणपत्र प्राप्त गर्ने नगर उप प्रमुख जागेश्वरी देवी चौधरीले बताउनुभयो ।

भलिबलमा पुरुष खेलाडीका साथै महिला खेलाडीहरूको पनि विकास गर्ने उद्देश्यले खुल्ला महिला भलिबल प्रतियोगिता आयोजना गरिएको बताइएको छ । प्रतियोगितामा १० भन्दा बढी टिमले सहभागिता जनाउने अनुमान गरिएको नगरपालिका संगै सहकार्य गर्ने सस्था मणिमुकुन्द भलिबल क्लब र कुँवरवर्ति माविले जनाएको छ । प्रतियोगिताको महिला प्रतियोगिता भिवाको नियममा खेलाइने बताइएको छ ।

तिलोत्तमा नगरपालिका बालमैत्री नगरपालिका घोषणा हुदै

मोहन न्यौपाने , पौष २३ तिलोत्तमा । बालमैत्री स्थानीय शासन लागु गर्ने प्रतिबद्दता अनुरुप तिलोत्तमा नगरपालिका आउदो २०७७ साल ज्येष्ठ ३० गते बालमैत्री नगरपालिका घोषणा हुदै छ । नगरपालिकाको ७५औ कार्यपालिका बैठकबाट सो निर्णय गरिएको नगरका प्रबक्ता सुरेन्द्र श्री ले बताउनुभयो । नगरपालिकाबाट निर्माण गरिने कानुन संरचना, बिकाश आयोजना लगायतका सबै क्षेत्रमा बाल बचाउ, बाल संरक्षण, बाल सहभागिता र बाल बिकाशका सुचकहरुलाइ लागु गर्दै सो घोषणा गरिने उहाले बताउनुभयो ।

नगर कार्यपालिकाको २०७६ साल पौष १० गते नगर प्रमुख बासुदेव घिमिरेको अध्क्षयता बैठक बसी २०७७ साल ज्येष्ठ ३० गते वालमैत्री नगर घोषणाको लागि कार्ययोजना पारित गरेको छ | सो सम्बन्धि अभिमुखीकरण कार्यक्रम यस अघि मंसिरमै गरिएको थियो । बैठकले नगरप्रमुख बासुदेव घिमिरेको अध्यक्षता रहने गरि उपप्रमुख जागेश्वरी देवी चौधरी सहित १२ सदस्यीय समिति गठन गरेको छ जसमा सदस्य सचिव प्रमुख प्रशाशकिय अधिकृत माधव प्रसाद शर्मा रहनुभएको छ भने सहजकर्ताको रुपमा चन्दा भुसाल लाइ चयन गरेको छ ।

बालमैत्री तिलोत्तमा नगरपालिकाको लागि वाल क्लब बाल संजालको गठन, परिचालन, प्राध्यानध्यापक, स्वास्थ्य संस्था प्रमुख, महिला स्वास्थ्य स्वयमसेविका, नगरकार्यपालिकाका पदाधिकारीहरु, समन्वय समिति वाल संजाललाई अभिमुखीकरण, आचार संहिता मापदण्ड, रणनीति योजना तयारी वाल प्रोफाईल र स्थितिपत्र तयारी गर्ने जस्ता क्रियाकलाप तय गरिएका छन |

माघे संक्रान्तिमा प्रदेश ५ मा २ दिन सार्वजनिक बिदा

२१ पुस, बुटवल । प्रदेश ५ सरकारले आगामी माघ १ र २ गते सार्वजनिक बिदा दिने निर्णय गरेको छ । माघे संक्रान्तिको अवसरमा प्रदेश सरकारले २ दिन बिदा दिने भएको हो ।सोमबार बसेको मन्त्रिपरिषद्को बैठकका निर्णय सुनाउँदै प्रवक्ता बैजनाथ चौधरीले पुस २९ गते मुख्यमन्त्री निवासमा माघी पर्व मनाउने र २ दिन सार्वजनिक बिदा दिइएको जानकारी गराए । गतवर्ष पनि प्रदेश ५ सरकारले माघी पर्वको अवसरमा २ दिन बिदा दिएको थियो । मन्त्रिपरिषद्को बैठकले फागुन १० गतेदेखि १२ गतेसम्म ३ दिन दाङमा प्रदेश स्थापना एक्स्पो गर्ने निर्णय गरेको छ ।

प्रदेश सरकारले गरेका गतिविधि एवं सूचना, प्रविधिसहितको एक्स्पो गर्न लागिएको प्रवक्ता चौधरीले बताए । बैठकले सूचना तथा सञ्चार प्रविधि प्रतिष्ठान संगठन संरचना एवं दरबन्दी स्वीकृत गरेको छ । बैठकले एक निर्देशकसहित १० जनाको दरबन्दी स्वीकृत गरेको हो । बैठकले रुपन्देहीका ईन्द्रप्रसाद पछाईलाई प्रदेश वन निर्देशनालयको निमित्त निर्देशकमा खटाएको छ । बैठकले प्रदेश पदक निमावली स्वीकृत, प्रदेश चलचित्र निर्माण, प्रदर्शन एवं वितरण अवधारणापत्र स्वीकृत गर्ने निर्णय पनि गरेको छ ।

तिलोत्तमानगरको मध्यावधि समिक्षा कार्यक्रम सम्पन्न, उल्लेखनिय काम गर्नेलाई सम्मान

मोहन न्यौपाने , तिलोत्तमा पौष २१ गते । तिलोत्तमा नगरको मध्यावधि समिक्षा कार्यक्रम सम्पन्न भएको छ । नगरपालिकाका प्रमुख बासुदेव घिमिरेको अध्यक्षता तथा उद्योग पर्यटन बन तथा बाताबरण मन्त्रि माननीय लिला गिरीको प्रमुख आतिथ्यतामा सम्पन्न समिक्षा कार्यक्रमममा नगरको तर्फबाट नगरप्रमुख बासुदेव घिमिरेले अढाई बर्षमा गरिएको नगरको समग्र बिकाश र योजनाको खाका प्रस्तुत गर्नुभएको थियो ।

सो कार्यक्रममा बोल्दै उद्योग पर्यटन बन तथा बाताबरण मन्त्रि माननीय लिला गिरीले नगरपालिकाले अढाई बर्षमा गरेको समग्र कार्य स्थानिय तहमै उल्लेखनीय रहेको बताउदै यसमा सहयोग गर्ने सबै जनप्रतिनिधि तथा नगरबासीहरुमा बधाई एबम धन्यबाद ज्ञापन गर्नुभएको थियो ।

कार्यक्रममा बोल्दै नगरप्रमुख बासुदेव घिमिरेले स्थानिय तहमा काम गर्ने शैली र नगरबासीको सहयोग ले आधा कार्यकालमा ५० प्रतिशत काम पुरा गर्न सफल रहेकोमा सम्पूर्ण नगरबासीहरुमा धन्यबाद ज्ञापन गर्नुभएको थियो । सोहि कार्यक्रममा बोल्दै नेपाल कम्युनिस्ट पार्टीका नगर अध्यक्ष मोहन चापागाईं , नेकपाका नेता यज्ञ गैरे, उद्योग बाणिज्य संघ तिलोत्तमाका अध्यक्ष गुणनिधि भण्डारी माधव, पुर्व जिशिअ टेक बहादुर थापा, लिल बहादुर केसी, सस्थागत बिद्यालयका प्रधानाध्यापक खेमराज पाण्डे लगायतले बोल्दै नगरको समग्र बिकाशमा जनचासो बढेकाले नगरको बिकाश अझ सशक्त बनेको बिश्वास ब्यक्त गरेका छन् ।

सोहि अवसरमा नगरका तर्फ़बाट स्वागत मन्तब्य राख्दै नगर उपप्रमुख जागेश्वरी देवी चौधरीले सबै क्षेत्रको समग्र बिकाशमा सबैको सहयोगले यहासम्म आएकोमा सबै नगरबासिमा धन्यबाद ब्यक्त गर्नुभएको थियो । उहाले नगरको न्यायिक क्षेत्र देखि शिक्षा , स्वास्थ्य, रोजगार र महिला तथा युवाको क्षेत्रमा समेत नगरपालिकाले समग्र बिकाश आयोजनाहरु सबैलाई समेट्ने गरि अघि बढेको बताउनुभयो ।
त्यस्तै नगरका प्रबक्ता सुरेन्द्र श्री ले नगरको भरपुर सेवा र सेवाग्राही बिचको तारतम्य मिलाई नगरको बिकाशलाई अघि बढाइएकोले काम गर्न सहज बाताबरण भएको र सबैको सहयोगले अझ अघि बढ्न उत्प्रेरणा मिलेको बताउनुभयो ।

नगरको शिक्षा स्वास्थ्य रोजगार बिकाश योजना कृषि तथा पशुपालनको क्षेत्रमा उल्लेखनीय योगदान गर्ने सामजिक संघ सस्थालाई सो कार्यक्रममा सम्मान गरिएको थियो । उत्कृस्ट बिद्यार्थी, सामुदायिक तथा सस्थागत बिद्यालय, ज्येष्ठ नागरिक, आमा समुह, क्लब, उत्कृस्ट करदाता, कृषक, परोपकारी समाज सस्था, कर्मचारी, पत्रकारिता क्षेत्रमा योगदान गरेबापत पत्रकार टिआर शर्मा, उत्कृस्ट वार्ड कार्यालय लगायतलाई नगद सहित सम्मान तथा प्रशंशा पत्र र दोसल्ला ओढाई सम्मान गरिएको थियो ।

नगरपालिकाका प्रमुख प्रशासकीय अधिकृत माधव प्रसाद शर्माको संचालनमा सम्पन्न सो कार्यक्रममा विभिन्न राजनीतिक दल, संघ सस्था, सुरक्षा निकाय , शैक्षिक सस्था , क्लब, आमा समूह, टोल बिकाश समिति , कर्मचारी तथा जनप्रतिनिधिको उपस्थिति रहेको थियो ।

RECENT POSTS