Thursday, September 19, 2019

सानाकिसान कृषि सहकारी देवदहको २१ औ साधारणसभा सम्पन्न

सानाकिसान कृषि सहकारी सस्था लिमिटेड देवदह रुपन्देहीको २१औ साधारण सभा सम्पन्न भएको छ । सस्थाकी अध्यक्ष्य टिका न्यौपानेको अध्यक्ष्यता तथा प्रदेश न् ५ का सभासद डा कृष्ण न्यौपानेको प्रमुख आतिथ्यतामा सम्पन्न साधारण सभामा अध्यक्ष न्यौपानेले वार्षिक प्रतिबेदन प्रस्तुत गर्दै आय ब्यय प्रस्तुत गर्नुभएको थियो ।

सो साधारण सभामा बोल्दै सभासद न्यौपानेले कृषिको आधुनिकिकरण आवश्यक रहेको बेला कृषि शहकारीले खेलेको भूमिका ठुलो रहेको बताउनुभयो । उहाले स्थानिय तहको निर्माण र सहकार्यसंगै सहकारीले ससाना उद्दमी देखि कृषि, पशुपालनमा आकर्शित भईरहेका ग्रामीण भेगका किसनहरुकालागी महत्वपूर्ण भूमिका खेलेको बताउनुभयो । सस्थाको प्रगतिमा साथ दिने सबैलाई धन्यवाद दिदै उहाले कृषिमै जीबनयापन भन्दा माथि रहेर ब्यबसायिकता र आधुनिकीकरण ल्याई अगाडि बढ्न यस्तो सहकारीको ठुलो भूमिका रहने बताउनुभयो । सहकारीको माध्यमबाट उत्पादन बृद्धि गरी गरिवी निवारण गर्न सकिने प्रदेश ५, का प्रदेश सभा सदस्य डा. कृष्णप्रसाद न्यौपानेले बताउनु भएको छ । उहाले समृद्ध राष्ट्र निर्माण गर्न सरकारले ३ खम्बे अर्थ नितीलाई अगाडि सारेको बताउनुभयो । साना किसान कृषि सहकारी संस्था देवदहको २१ औं बार्षिक साधारण सभामा बोल्दै उहाले उक्त कुरा बताउनु भएको हो ।

सांसद न्यौपानेले नेपाल कृषि प्रधान देश भएको बताउदै कृषि उपजको उत्पादन बृद्धि तर्फ सवै लाग्नु सकेमात्र आयातलाई प्रतिस्थापन गरी निर्यात बढाउन सकिनेमा जोड दिनु भयो । उहाले उत्पादन बृद्धि नगर्दा सम्म राज्यले लिएको लक्ष्य प्राप्त गर्न नसकिने बताउदै सहकारीहरुले उत्पादन क्षेत्रमा लगानी गर्न आवश्यक रहेमा जोड दिनु भयो । उहाले सरकारले कानुन निर्माणलाई तिव्रता दिईरहेको बताउदै निर्वाचनमा गरेका प्रतिवद्धताहरुलाई कार्यान्वयन गर्दै जाने बताउनु भयो । सांसद न्यौपानेले संघीय सरकारले भूमि विद्येयक पास गरिसकेको र अव समयपछि प्रदेश सरकारले पनि उक्त विद्येयक पास गरी सुकुम्वासी र अव्यवस्थित बसोवास समस्या समाधान गर्ने दावी गर्नु भयो । उहाले आगामी ३ बर्ष भित्र सामाजिक सुरक्षा भत्ता ५ हजार पु¥याउने गरी सरकारले काम गरीरहेको बताउनु भयो ।

सोही अवसरमा बोल्दै देवदह नगरपालिका उपप्रमुख विद्यालक्ष्मी गुरुङ्गले देवदह नगरपालिकाले सहकारी विद्येयक पास गरेपनि ऐन तयार हुन नसक्दा सहकारीको अनुगमन र नियमन गर्न नसकिएको बताउनु भयो । राज्यले लिएको नारालाई सार्थक बनाउन उत्पादनलाई जोड दिनु पर्ने बताउदै देवदह नगरपालिकाले कृषकलाई अनुदानको व्यवस्था गरेको बताउनु भयो । उपप्रमुख गुरुङ्गले देवदह नगरपालिकाले कृषि र पशुपालनलाई विशेष प्राथमिकता दिएको बताउदै दुध उत्पादन बृद्धि गर्न यस बर्षदेखि निशुल्क रुपमा सेक्ससिमेनको व्यवस्था गरेको बताउनु भयो ।

२१ औ साधारण सभाको अवसरमा बोल्दै सस्थाकी अध्यक्ष टिका न्यौपानेले सस्थाको प्रगतिमा साथ दिने सबैलाई धन्यवाद ब्यक्त गर्नुभएको थियो । देवदहकै सबैभन्दा ठुलो सहकारीको रुपमा रहेको सो कृषि सहकारीले अहिले देवदह नगरपालिका भरि आफ्नो लोकप्रिय अभियानहरु प्रस्तुत गर्दै आएको छ ।

साना किसान कृषि सहकारी संस्थाका अध्यक्ष टिका न्यौपानेको अध्यक्षतामा भएको कार्यक्रममा ओमसतिया गाउपालिकाका अध्यक्ष हिरा केवट, राष्ट्रिय सहकारी विकास बोर्डका प्रकाश अर्याल, कोलि देवदह साकोसका अध्यक्ष ऋषिराम सापकोटा, देवदह आर्दश बहुमुखी क्याम्पसका अध्यक्ष ध्रुव खरेल, साना किसान विकास लधु वित्तिय संस्थाका पदम रेग्मी, कृषि सहकारी संघ रुपन्देहीका विष्णुप्रसाद वस्याल, नेपाल रेडक्रस सोसाईटीका कृष्ण न्यौपाने, शेयर सदस्य मैना आर्चाय लगायतले बोल्दै सहकारीले शेयर सदस्यहरुलाई उत्पादन संग जोडनु पर्नेमा जोड दिएका थिए । कार्यक्रममा जेष्ठ नागरिक, उत्कृष्ट कृषक, उत्कृष्ट व्यवसायीहरुलाई सम्मान गरिएको थियो । कार्यक्रममा संस्थाका अध्यक्ष न्यौपानेले प्रगति प्रतिवेदन र लेखा संयोजक सरस्वती पोखरेले लेखा प्रतिवेदन प्रस्तुत गर्नु भएको थियो । संस्थाका उपाध्यक्ष दण्डपानी भट्टराईको स्वागत र व्यवस्थापक सरला सुवेदीको संचालनमा कार्यक्रम सम्पन्न भएको थियो ।

 

 

गौतम बुद्घ मा.वि. केवलानीमा निशुल्क ड्रेस र शिक्षकलाई तलब वितरण

तिलोत्तमा / भाद्र २६ गते । रूपन्देहीको तिलोत्तमा ९, स्थित गौतम बुद्घ मावि केवलानीमा बिहिवार निशुल्क ड्रेस वितरण एंव निजि श्रोतका शिक्षकलाई तलब बितरण गरिएको छ ।

गौतम बुद्घ मावि केवलानीद्घारा आयोजित एक कार्यक्रमका बीच मन्टेश्वरीदेखि कक्षा ३ सम्मका ६० जना विद्यार्थीलाई नि:शुल्क टिसर्ट र ट्रयाक वितरण गरिएको  विद्यालयले जानकारी दिएको छ । कार्यक्रमका प्रमुख अतिथि समेत रहेका तिलोत्तमा ९, का वडाध्यक्ष नारायण न्यौपानेले आफ्नै खर्चमा वालबालिकालाई करिब ३० हजार बराबरको ड्रेस बितरण गरेका हुन । त्यसैगरि सोही विद्यालयमा निजि श्रोतमा अध्यापनरत शिक्षिका गीता न्यौपानेको तलब शिर्षक पनि वडाध्यक्ष न्यौपानेले ब्योहोर्ने घोषणा गर्दै नगद रू ३० हजार प्रदान गरेका छन । त्यस्तै फुटवलको ड्रेस बापत १० हजार नगद समेत अध्यक्ष न्यौपानेले विद्यालयलाई हस्तान्तरण गरे । सो अवसरमा विद्यालयका अध्यक्ष भेषराज पाण्डेले विद्यालयमा फर्निचर निर्माणका लागी रू २० हजारको चेक हस्तान्तरण गरेका छन ।
विद्यालयका अध्यक्ष भेषराज पाण्डेयको अध्यक्षता एंव तिलोत्तमा ९ का अध्यक्ष नारायण न्यौपानेको प्रमुख आतिथ्यमा सम्पन्न कार्यक्रममा बोल्ने बक्ताहरूले, जिर्ण अवस्थामा रहेको विद्यालयलाई सहयोग गर्ने हातहरूलाई धन्यवाद दिदै आगामी दिनमा समेत सहयोगको अपेक्षा सधै रहिरहने बताएका थिए । विद्यालयका प्रअ. हेमलाल पौडेलको स्वागत एंव सन्चालनमा कार्यक्रम सम्पन्न भएको थियो ।

लिटल प्रिन्स एन्ड प्रिन्सेस भैरहवा सम्पन्न

रुपन्देहीको भैरहवामा लिटल प्रिन्स एन्ड प्रिन्सेस भैरहवा सिजन २ सम्पन्न भएको छ । महिना दिनअघि सुरु भएको यो प्रतियोगिताको जुनियर प्रतिस्पर्धामा मनिष भट्टराई र रोसलिन पौडेलले उपाधि उचाले । प्रतिस्पर्धामा प्रिन्स जुनियरतर्फ फस्ट रनर्सअप सिओन श्रेष्ठ , सेकेन्ड रनर्सअप अभिनव मिश्र घोषित भए । त्यस्तै जुनियर प्रिन्सेसमा फस्ट रनर्सअप सुभांगी आर एल राणा, सेकेन्ड रनर्सअप रक्षा श्रेष्ठ घोषित भए । बुटवलपछि तिलोत्तमा हुदै भैरहवामा सफल भएको यो प्रतिस्पर्धामा सिओन श्रेष्ठ र बर्षा गुरुङले भ्युअर च्वाइसको उपाधि चुमेकी थिइन् ।

त्यस्तै अर्गनाइजर चोइस तर्फ़ आश्रय यादव ,फोटोजेनिक तर्फ सिओन श्रेष्ठ र सुभांगी आर एल राणा, मस्ट पपुलर बर्षा गुरुङ र आश्रय यादव, त्यस्तै ब्युटी विथ पर्पोज आन्या गोएल , एको फ़्रेण्ड्लिमा समयत जंग राणा , रोसलिन पौडेल मस्ट कनजुनालिटि आलिया बेरुयड भएकी छिन । १५ जना ग्राण्ड फिनालेका लागि समाबेश भएको प्रतियोगितामा ड्रेस डिजाइन आइ एफ सी बुटवल  तथा कोरियोग्राफर ज्योसनमान गौचनले गर्नुभएको एड्भेण्ट नेपालका एम.डी. धिरेन तुलाधरले बताए ।

बालबालिकाहरूमा अन्तर्निहित प्रतिभा प्रस्फुटन गर्ने उद्देश्यले एड्भेण्ट नेपालको आयोजना तथा लायन्स क्लब अफ लुम्बिनी क्रियटिभ लेडीको संयोजनमा सम्पन्न यो प्रतियोगितामा भैरहवाका विभिन्न विद्यालयका ८५ जना बालबालिकाको सहभागिता थियो । निर्णायक भूमिकामा एम पुन, माला सुनार, र कविता पुन रहेको कार्यक्रमको संचालन सुमन श्रेष्ठले गरेका थिए ।

“डेंगुको महामारी अवस्था भएको छैन,भ्रम नछरौं “: सरकारी पक्षको दाबी

२४ भदौ,बुटवल । प्रदेश नम्बर ५ मा डेंगु रोग महामारीको रुपमा अझै नफैलिएको सरकारी पक्षले दाबि गरेको छ । प्रदेश न ५ मा डेंगुको संक्रमणबाट १ जनाको मृत्यु भैसकेको सयौं जना बिरामी भएर थला पर्दा पनि सरकारी पक्षले भने यसलाइ सामान्य र बिगतका बर्षभन्दा कम प्रभाब भनेको छ । सरकारले दिने तथ्यांकमा पनि एकरुपता छैन । रिपोर्टर्स क्लव प्रदेश ५ ले आज बुटवलमा आयोजना गरेको साक्षात्कारमा बोल्दै प्रदेश ५ सामाजिक बिकास मन्त्रालयका निमित्त सचिब थानेश्वर ज्ञवालीले बाहिर हल्ला पिटिएजस्तो भयावह अबस्था नरहेको दाबि गरे ।

उनले रोग नियन्त्रणका लागि सरकार लागि परेको जानकारी दिए । उनले सरकार लागि परेको र यस्मा सबैपक्ष जिम्मेबार बन्नुपर्ने भन्दै प्रदेश सरकारले स्थानीय सरकारसंग समन्वय गरिरहेको दाबि गरे । प्रदेश ५ का स्वास्थ्य निर्देशक डा बिनोद गिरीले अहिले भयावह रुपमा डेंगु फैलिन नपाएको उनले बताए । उनले प्रदेश ५ मा १२६ बिरामी र ८७ जना अस्पतालबाट डिस्चार्ज भएको जानकारी दिए । डेंगुबाट बच्नका लागि अब फुल कपडा लगाउनुपर्ने उनले सुझाव समेत दिए । ब्यबहार परिबर्तन गरेर डेंगु नियन्त्रणमा सबै लाग्न डा गिरिको सुझाब छ ।

उनले हरेक दिन स्वास्थ्य निर्देशनालयले प्रदेशको डेंगुको तथ्यांक सार्बजनिक गरिने बताए । बुटवलको लुम्बिनी प्रादेशिक अस्पतालका मेडिकल सुपरीटेन्डेट डा. कृष्ण खनालले अस्पतालमा अहिलेसम्म ६९ जना डेंगुका बिरामी उपचारका लागि आएको बताए । यी मध्ये २३ जना बुटवलका र अन्य बुटवल बाहिरका भएको डा खनालले जानकारी दिए । उनले किट अभाब भयो भन्दै बजारमा हल्ला फैलिएको भन्दै भयाबह अबस्था नरहेको दाबि गरे । ९० प्रतिशत डेंगु आफै निको हुने र १० प्रतिशत हेरचाह,स्वास्थ खानपान र उपचारपछि ठिक हुने बताए । त्यस्तै जिल्ला स्वास्थ्य कार्यालय रुपन्देहीका प्रमुख डा राजेन्द्र गिरिले रुपन्देहीमा ९० मध्ये २० जनामात्रै उपचाररत रहेको र ७० जना घर फर्किसकेको बताए । उनले सचेतना र खोज र नष्ट अभियान जारी राखिएको जानकारी दिए ।

बुटवल उपमहानगरपालिकाको शिक्षा तथा स्वास्थ्य महाशाखाका प्रमुख मित्रमणि खनालले ४० जना मात्रै बिरामी भेटिएको र अहिलेसम्म १ जनाको पनि मृत्यु नभएको दाबि गरे । उनले बुटटवलका १९ वटै वडा,३०२ टोल,९५ वटा स्कुलमा अभियान चलाइएको बताए । उनले फगिङ् गर्ने अबस्था नरहेको जानकारी दिए । मर्सिसिटी अस्पतालका अध्यक्ष जनक कोइरालाले ३२ जना बिरामी आफ्नो अस्पतालमा डेंगुको उपचार गरेको बताए । अहिलेपनि १२ जना अस्पतालमै उपचाररत रहेको जानकारी दिए । यता बुटवल हस्पिटल प्रालिका डाइरेक्टर मुक्तिराज पौडेलले सरकारी बेवास्ताकै कारण दैनिक बिरामीको संख्या बढ्दै गएको बताए ।

उनले बुटवल अस्पतालमा ६४ जना बिरामीको उपचार भएको बताए । उनले डेंगुको प्रभाव सकिएपछि मात्रै सरकार जाग्ने गरेको भन्दै आफुहरुले नीजि अस्पतालमा गरेको उपचारको सरकारीपक्षले बेवास्ता गर्ने गरेको गुनासो गरे । साक्षात्कार कार्यक्रम रामकुमार क्षेत्रीको अध्यक्षता तथा कपिल ज्ञवालीको संचालनमा भएको थियो ।

नृत्य शक्ति खुल्ला एकल नृत्य प्रतियोगिता २०७६ को ग्राण्ड फिनाले बुटवलमा हुदै

बुटवलमा नृत्य शक्ति खुल्ला एकल नृत्य प्रतियोगिता २०७६ को ग्राण्ड फिनाले हुने भएको छ । नृत्य शक्ति डान्स एण्ड फिटनेस स्टुडियो बुटवलको आयोजनामा यहि साउन २५ गते बुटवल मिलनचोक स्थित डोल्से होटलमा हुन गैरहेको सो प्रतियोगितामा १६ प्रतिश्प्रधिले आफ्नो प्रतिभा देखाउने छन् । लुम्बिनी अञ्चलका १५० प्रतिश्प्रधिलाई उछिन्दै टप १६ मा पर्न सफल रत्नहरुबाट ग्राण्ड फिनालेमा उत्कृस्टका लागि प्रतिश्प्रधा हुने आयोजकका तर्फ़बाट प्रशिक्षक राकेश टि खत्री ( लाहुरे) ले बताए ।

अनुमानित खर्च ५ लाख राखिएको सो प्रतियोगितामा प्रथम हुनेले नगद रु ४० हजार, दोस्रो हुनेले २० हजार , तेस्रो हुनेले १० हजार, र प्रोत्साहन हुनेले ५ हजार सहित मेडल र प्रमाणपत्र पाउने आयोजक मध्यकी कार्यक्रम संयोजक कोमल पाण्डेले बताइन । साउन २५ गते शनिबार डोल्से होटल मिलनचोकमा हुने सो प्रतियोगितामा १६ प्रतिश्प्रधिको रोचक र दमदार नृत्य सहित प्रशिक्षक हरुको समेत बेजोड नृत्य रहने जज संयोजक रेनुका थापाले बताइन ।

दिउसो ११ बजे देखि शुरु हुने सो प्रतियोगितामा यस क्षेत्रमै पहिलो पटक प्रस्तुत हुन लागेको सिल्क डान्स, हिपहप , फ़िट्नेश डान्स , जुम्बा, लगायतका सास्कृतिक नाच हरु पस्कने आयोजकको भनाइ छ । साथै डिआइडि र सुपर डान्स मा टप मा पुगेका नेपालका प्रतिभा रितेश बस्याल सहितको डान्स समेत प्रस्तुत गरिने छ । मात्र १ सय रुपैया टिकट डर राखिएको सो ग्राण्ड फिनालेमा उत्कृस्ट हुने र प्रतिभावान कलाकारलाई एक महिना फ्री वर्क्ससप सहित अन्तरास्ट्रिय लेभलमा पहिचान हुने गरि सहभागी गराइने मुख्य प्रशिक्षक राकेश टि खत्रीले बताए ।

प्रतियोगितामा लुम्बिनी अञ्चलका जिल्ला हरुबाट प्रतिश्प्रधा गर्न आएका थिए जसको टप ५० , ३५ र १६ गरि सेमी फ़ाइनल बाट ग्राण्ड फिनालेका लागि १६ जना प्रतिश्प्रधि छानिएको हो ।

तिलोत्तमामा गर्भवती र बालबालिकालाई पौष्टिक आहार

तिलोत्तमा। रुपन्देहीको तिलोत्तमा नगरपालिकामा गर्भवती महिला तथा बालबालिकालाई पौष्टिक आहार वितरण गरिएको छ । नगर प्रमुख बासुदेव घिमिरे र उप–प्रमुख जागेश्वरी चौधरीले सोमबार वडा नं. ४ को सीमानगरबाट पौष्टिक आहार वितरण गर्नुभएको हो । प्रारम्भिक चरणमा वडा नं. ३ र ४ का २४० जना गर्भवती महिला तथा दुई वर्षमुनिका बालबालिकालाई पौष्टिक आहार प्रदान गरिने स्वास्थ्य शाखा ईञ्चार्ज काशिनाथ बञ्जाडेले जानकारी दिनुभयो ।

आगामी दिनमा ‘उप–प्रमुखसँग गर्भवती महिला’ कार्यक्रममार्फत् पौष्टिक आहार वितरण कार्यक्रमलाई सबै वडामा कार्यान्वयन गरिने स्वास्थ्य शाखाले जनाएको छ । सामुदायिक विद्यालयमा दिवा खाजा चलाएको नगरपालिकाले सुनौलो हजार दिनका महिला तथा बालबालिकालाई पौष्टिक आहार दिएको हो । पोषण आहारमा एक क्यारेट अण्डा, एक लिटर खानेतेल, आयोडिनयुक्त नुन, साबुन, सर्वोत्तमपिठो, बालभिटालगायत छन् । दुई वर्षभित्र बालबालिकाको झण्डै ८० प्रतिशत मानसिक विकास हुने स्वास्थ्यकर्मीहरु बताउँछन् ।

पोषण आहार वितरण शुभारम्भ गर्दै नगर प्रमुख घिमिरेले गर्भवती महिला र दुई वर्षमुनिका बालबालिकाको स्वास्थ्यमा सुधार ल्याउन चेतना अभिवृद्धिका लागि यसप्रकारको अभियान सुरु गरिएको बताउनुभयो । यो अभियानले बालबालिकाको नियमित स्वास्थ्य चेकजाँच गर्ने बानीको समेत विकास गराउने उहाँको विश्वास छ ।

यस्तै उप–प्रमुख जागेश्वरी चौधरीले गर्भवती महिला र बालबालिकाको पोषणले जीवनको समग्र स्वास्थ्य अवस्था निर्धारण गर्ने भएकाले नगरपालिकाले यो विषयलाई महत्व दिएको जानकारी दिनुभयो । स्वास्थ्य संस्थामा सुत्केरी हुने महिलालाई तिलोत्तमा नगरपालिकाले थप प्रोत्साहन भत्ता उपलब्ध गराउँदै आएको बताउँदै उहाँले अबका दिनमा पौष्टिक आहार वितरणलाई पनि निरन्तरता दिइने बताउनुभयो ।

मूलतः विपन्न तथा मजदुरी गर्दै आएका गर्भवती तथा सुत्केरी महिलाहरुलाई लक्षित गरेर सीमानगरबाट पौष्टिक आहार वितरण अभियान शुरु गरिएको हो । अभियानलाई शहरी स्वास्थ्य केन्द्र र स्वास्थ्य चौकीहरुमार्फत सञ्चालन गरिने छ । वडा नं. ४ का वडाध्यक्ष दिवाकर ढकालको अध्यक्षतामा भएको कार्यक्रममा वडा नं. ३ का वडाध्यक्ष टंक टिवारी, स्वास्थ्य शाखाका गणेश गौतमलगायतले बोल्नुभएको थियो ।

सबैको प्रतिबद्दता : तिलोत्तमा साउन १ बाट प्लाष्टिक झोला निषेधित क्षेत्र

मोहन न्यौपाने , असार २९ तिलोत्तमा ।
कसरी हुन्छ खै घोषणा मात्रै त होला ! अभियान शुरु हुदा यस्तै आवाज सुनिन्थ्यो । तर अहिले लाग्छ अभियान शुरु नगरेको भए सायद यतिसम्म पनि सम्भव हुने थिएन । शत प्रतिशत त हामी नगरबासी नलागी यो सम्भव हुने कुरै थिएन । देशभरिका धेरै नगरपालिकाहरुमा यस्तो कसरत समेत गरिएको छ तर केहि नगरपालिका प्लास्टिक मुक्त भएका छन् अहिले ति नगरपालिकामा जादा त्यहाको जनताको कुरा सुन्दा अचम्म लाग्छ । आखिर गरे के हुदैन र ? एउटा स्कुल या अस्पताल या कुनै संघ सस्थालाइ प्लास्टिक मुक्त गराउन सकिन्छा भने नगर लाई नसकिने कुरा के छ र ? सधै फोहोरमा बस्ने कि सफा पनि गर्ने ? यी प्रश्नहरुको समग्र जवाफ अब तिलोत्तमा नगरबासीहरुले पहिले आफ्नो व्यक्तिगत सरसफाई अनि घर, टोल, समाज वार्ड हुदै नगरलाइ प्लास्टिक मुक्त बनाउने घोषणाले दिनेछ ।
घोषणाको तयारी
रुपन्देहीको तिलोत्तमा नगरपालिकालाई प्लाष्टिक झोला निषेधित नगरपालिका घोषणा गर्ने तयारी भैरहेको छ । हुनत अहिले धेरै जसो बजार आउने हरूको हातमा प्लास्टिक को झोला त्यति देखिदैन यो भएकै एक बर्ष अघिको अभियान हो । पछिल्लो समय बजार अनुगमन र प्लास्टिकका झोलाको बिकल्पका झोलाहरुको बारेमा नगरबासीहरु सुचित भैसकेका छन् । सबै सरोकार वाला निकाय संगको सुझाब संकलन र प्रतिबद्दताको आधारमा नगरपालिकाले यो एक बिशेस कार्यक्रम गरि घोषणा गर्दैछ । नगरपालिकाले सरोकारवाला संघ–संस्थाहरुसँगको साझेदारीमा २०७५ वैशाख १ गतेदेखि प्लाष्टिक निषेधित अभियान सञ्चालन गरेको थियो । ‘प्लाष्टिकको प्रयोगले मानव स्वास्थ्य र सहरी सौन्दर्यमा प्रतिकूल असर पारेकाले यसको प्रयोगलाई कम गराउन हामीहरु प्लाष्टिक झोला निषेधित नगरपालिका बनाउने अभियानमा जुटेका हौं ।’ नगर प्रमुख बासुदेव घिमिरेले भने । नगरपालिकाले यहीँ साउन १ गते नगरलाई प्लाष्टिक झोला निषेधित घोषणा गर्ने तयारी गरेको छ । नगर प्रमुख घिमिरे भन्छन्,‘सबैले संकल्प गरौं, नगरलाई प्लाष्टिक झोलामुक्त बनाउन सकिन्छ ।’ नगरपालिकाले अभियान चलाएपछि कतिपय विद्यालयसमेत प्लाष्टिक झोला निषेधित घोषणा गरिएको छ । नगरपालिकामा विभिन्न संघ–संस्था, क्लब, टोल विकास संस्था, सहकारीलगायतले समेत प्लाष्टिक झोलाको विकल्पमा जुट, अल्लो, कपडाबाट बनेका झोलाहरु वितरण गर्दै आएका छन् ।नगरपालिकाले प्लाष्टिक झोलाको विकल्पमा अन्य वस्तुबाट बनेका झोला वा वैकल्पिक साधनको प्रयोग गर्न नगरबासीमा आह्वान गर्दै आएको छ । नगरपालिकाको यो अभियानसँगै फाइबर झोला बनाउने उद्योगहरु नगरमा थपिन थालेका छन् भने रहेका उद्योगहरुले समेत फाइबरका नयाँ–नयाँ आकार-प्रकारका झोला बनाउन थालेका छन् । नगरमा भएका प्लाष्टिक झोला उत्पादन उद्योगले आफ्नो उत्पादन बन्द गरेका छन् ।

 घोषणा प्रतिबद्दता
यो अभियानमा राजनीतिक दल, व्यवसायिक संघ–संस्थाहरुले ऐक्यवद्धता जनाउँदै कार्यान्वयनमा सहयोग गर्ने प्रतिबद्धता जनाएका छन् । ‘आजको अवस्थासम्म आइपुग्दा प्लाष्टिक झोलाको प्रयोगमा ३० प्रतिशत जतिले कमी आएको हामीले पाएका छौं । अब कडाइका साथ बजार अनुगमन गर्ने हो भने यो अभियान सफल हुन्छ ।’ नेपाली कांग्रेसका नगर सभापति हरिलाल पाण्डेयले भने । केही दिनअघि बसेको सर्वपक्षिय बैठकपछि जनप्रतिनिधि, राजनीतिक दल, संघ–संस्थाका प्रतिनिधिहरुले संयुक्त रुपमा आह्वान गर्दै नगरबासीलाई प्लाष्टिक झोला प्रयोग नगर्न आग्रह गरेका थिए । नगरपालिकाले यस सम्बन्धमा पटक–पटक सार्वजनिक सूचना जारी गर्नुका साथै माइकिङसमेत गर्दै आएको छ । सत्तारुढ नेपाल कम्युनिष्ट पार्टी तिलोत्तमा नगर कमिटीले यो अभियानलाई सफल बनाउन नगरबासीलाई आह्वान गरेको छ । नगरपालिकामा प्लाष्टिक निषेधित अभियान सञ्चालन गरिएसँगै फाइवरका झोलाको प्रयोग बढिरहेको छ । तिलोत्तमा च्याम्बर अफ कमर्शले नगरका सबै हाटबजारमा पुगेर फाइबरका झोला वितरण गरिसकेको छ । फाइबरका झोलाहरु समेत प्लाष्टिकका झोलाकैं आकार-प्रकार र उस्तै शैलीमा आएका छन् । प्लाष्टिक झोलाको विकल्पमा नगरबासीहरुमा फाइबरको झोला प्रयोग बढ्दै गएको तिलोत्तमा च्याम्बर अफ कमर्शका अध्यक्ष जेपी कँडेल बताउँछन् । उत्पादक तथा विक्रेताहरु फाइबर झोलाको बजारीकरणका लागि पसल–पसल पुग्ने गरेका छन् । तिलोत्तमामा प्लाष्टिक झोलाका साथै प्लाष्टिकका प्लेट, कप, चम्चाको प्रयोगलाई पनि निषेध गरिएको छ ।पछिल्लो समय प्लाष्टिकको झोला, प्लेट, चम्चा, गिलास बनाउने उद्योगहरु नगरमा नखुलेको तिलोत्तमा उद्योग वाणिज्य संघका अध्यक्ष गुणनिधि भण्डारीले जानकारी दिए । अभियानमा व्यवसायीहरुको पनि साथ रहेको अध्यक्ष भण्डारीले बताए । ‘व्यापारीले नदिने हो भने प्लाष्टिक झोलाको प्रयोग स्वतः घट्छ । यो मानव स्वास्थ्यसँग जोडिएको अभियान भएकाले सबैले सहयोग गर्नुपर्छ,‘नेकपाका नगर सचिव लक्ष्मण खनाल भन्छन्, ‘सुरुमा हेही अप्ठ्यारो भए जस्तो लाग्न सक्छ । तर क्रमशः बानी पर्दै जान्छ । खुला दिसामुक्त अभियान पनि एक्कासी सफल भएको होइन, क्रमशः यो अभियानले पनि पूर्णता पाउँछ ।’ भारतीय सुनौली बजारमा समेत प्लाष्टिक झोला निषेध भैरहँदा त्यहाँ प्रयोग हुने फाइबर झोला समेत यहाँ आउन थालेको व्यापारीहरु बताउँछन् । केही महङ्गो भए पनि पुनः प्रयोग गर्न सकिने र वातावरणीय प्रदुषण न्यून हुने भएकाले नेपालका विभिन्न नगरपालिकासहित भारतमा समेत अचेल फाइबरको प्रयोग बढ्दै गएको छ ।

विकल्प के त ?
बीस वर्ष पहिलेसम्म व्यापारीले कागजको थुङ्गामा सामान दिने गर्दथे । प्लाष्टिक झोलाको प्रयोग अत्यन्त न्यून थियो । तर पछिल्ला वर्षहरुमा प्लाष्टिक झोलाको प्रयोग यत्ति बढेको छ कि फोहोरमैलाको प्रमुख कारण यहीँ नै बनेको छ । नकुहिने फोहोरमैलामा प्लाष्टिक अग्रस्थानमा छ । प्लास्टिक झोलाको बढ्दो प्रयोगसँगै पानीको स्रोत, जमिन, वायु प्रदूषण, चौपाया तथा खेतीमा हानि पुर्याउने जस्ता समस्या भित्रिएका छन् । तिलोत्तमा–८, शिवपुरका व्यवसायी ढालानन्द चालिसे नगरबासीमा प्लाष्टिक प्रयोग गर्नुहुँदैन भन्ने सचेतना वृद्धि भएको बताउँदै कागजको थुंगामा सामान बेच्न सकिने बताउँछन् । नगरपालिकामा प्लास्टिक निषेधित अभियान सञ्चालन गरिएसँगै यहाँ अचेल फाइबरका झोलाको प्रयोग बढिरहेको हो । फाइबरका झोलासमेत प्लास्टिकका झोलाकै आकाररप्रकार र उस्तै शैलीमा आएका छन् । प्लास्टिक झोलाको विकल्पमा नगरवासीहरूमा विस्तारै फाइबरको झोला प्रयोग बढ्दै जान थालेको र ब्यबसायी मित्र हरुले पनि यस्तो झोला पसल पसलमा राख्ने क्रम बढेको तिलोत्तमा व्यापार संघका अध्यक्ष जेपी कँडेल बताउँछन् । नगरपालिकामा विभिन्न संघ–संस्था, क्लब, टोल विकास संस्था, सहकारीलगायतले प्लास्टिक झोलाको विकल्पमा जुट, अल्लो, कपडाबाट बनेका झोला वितरण गर्दै आएका छन् ।

सामुदायिक बिद्यालयको कक्षा ११ र १२ मा दिवा कक्षा संचालन हुने

रुपन्देहीको तिलोत्तमा नगरपालिकामा रहेका सामुदायिक विद्यालयहरुमा कक्षा ११ र १२ मा दिवा कक्षा संचालन गर्न आग्रह गरेको छ । नगरपालिकाले सबै बालबालिकाहरुलाई उनीहरुको आधारभूत शिक्षाका लागि सबै मावि तहका बिद्यालयहरुमाकक्षा ११ र १२ मा दिवा कक्षा संचालन गर्न आग्रह गरेको हो । नगरपालिकाले यस अघि कक्षा ५ सम्मका सबै बालबालिकाहरुलाई घरबाट खाजा ल्याउन टिफिन बक्स र खाजा समेत उपलब्ध गराएको छ ।

सामुदायिक विद्यालयमा आकर्षण बढाउँदै विद्यार्थीहरुको पोषणमा सुधार ल्याउने लक्ष्यका साथ दिवा खाजा कार्यक्रम सुरु गरिए संगै यस बर्षबाट कक्षा ११ र १२ मा दिवा कक्षा संचालन गर्न सबै बिद्यालयलाई आग्रह गरेको नगर प्रमुख बासुदेव घिमिरेले जानकारी दिए । नगरपालिकाका प्रमुख प्रशासकीय अधिकृत कृष्णप्रसाद सापकोटाले सामुदायिक विद्यालयको गुणस्तरमा सुधार ल्याउन र विद्यार्थीको अडिगपनालाइ ध्यान दिदै कक्षा ११ र १२ मा दिवा कक्षा संचालन गर्न सुरु गरिएको जानकारी गराउँदै आगामी दिनमा सामुदायिक विद्यालयको गुणस्तर सुधारका लागि अन्य कार्यक्रमहरु समेत सञ्चालन गरिने बताए । तिलोत्तमा नगरपालिकामा ४३ वटा सामुदायिक विद्यालय छन् । सामुदायिक विद्यालयहरुमा विद्यार्थीको आकर्षण खड्किइरहँदा नगरपालिकाले दिवा खाजा कार्यक्रम अघि सारेको हो ।

असार ३० देखि साउन ५ गते सम्मको राशिफल

मेष (चु,चे,चो,ला,लि,लु,ले,लो,अ)
तपाईंकोलागि यो साता निकै राम्रो छ । मान प्रतिष्ठा बढ्ने छ। यात्रा र सहयात्रा सफल हुनेछ । सभासम्मेलनमा सहभागी भइने छ । गरिएका काम बाट सन्तुष्टि मिल्ने छ । ब्यापारमा फाइदा होला सप्ताहन्तमा केहि चुनौती देखा पर्ने छ्न ।

वृष (इ,उ,ए,ओ,वा,वि,वु,वे,वो,)
यो साता राम्रो छ । जागीर नोकरीमा पदोन्नति हुने छ । कार्यमा प्रगति होला । साताको अन्त्य तिर अझ राम्रो समय आउने छ ।आट उत्साह बढ्ने छ । परिक्षा सफल हुनेछ ।

मिथुन (का,कि, कु,घ,ङ,छ,के,को,ह)
राम्रो समय छ । धन,धर्म , प्रतिष्ठा बढ्ने छ।कृषि तथा ब्यापार बाट फाइदा होला । घरमा शुभ कार्य सम्पन्न होला । बिपरित लिङ्गीको सहयोग मिल्ने छ।मुद्दा मामिलामा फैसला तपाईंको पक्षमा हुनेछ ।

कर्कट (हि,हु,हे,हो,डा,डि,डु,डे,)
उत्तम समय छ । धर्म तथा अध्यात्ममा रुची बढ्ने छ । प्रेममा सफलता मिल्ने छ । ब्यापार व्यवसायबाट फाइदा होला , मिष्टान भोजन प्राप्ति होला । मान प्रतिष्ठामा वृद्धि होला।परिक्षा सफल हुनेछ ।

सिह (मा,मि,मु,मे,मो,टा,टि,टु,टे)
यो साता तपाईंको लागी सामन्य छ । स्वास्थ्यमा चिसो सम्बन्धि बिमारले सताउने छ । सप्ताहन्तमा राम्रो समय छ । पठनपाठन तथा लेखन कार्य मा रुचि बढ्ने छ । प्रेममा सफलता मिल्ने छ ।

कन्या (टो,प,पि,पु,ष,ण,ठ,पे,पो)
अनुकुल समय छ । रोकिएको धन हाता पर्ने छ । आफन्तको सहयोगले कार्य सम्पादन होला । मन प्रसन्न रहला । धार्मिक यात्राको योग छ । ब्यापारमा फाइदा होला । पारिवारिक सुखशान्ती मिल्ने छ । स्वास्थ्यमा भने केहि चुनौती सामना गर्नु पर्ला ।

तुला (रा रि,रु,रे,रो,ता,ती,तु,ते )
तपाईंको लागी यो साता आफ्नो पक्षमा रहेको छ । जागीर नोकरीमा पदोन्नति होला । प्रेममा सफलता मिल्नुका साथै कारोबारमा फाइदा होला । आत्म सन्तुष्टि मिल्नेछ । आफन्तसंग भेटघाट होला ।

वृश्चिक (तो ना,नि,नु,नो,या,यी,यु,)

राम्रो समय छ । गरिएका कामबाट सन्तुष्टि मिल्ने छ।बिद्यामा प्रगति होला । सन्तान पक्षबाट सहयोग मिल्ने छ । खानपिनमा रुचि बढ्ने छ । धार्मिक तथा परोपकारीक क्षेत्रमा रुचि बढ्ने छ ।

धनु (ये यो,भा,भि,भु,ढा,फा,ढा,भे,)
सामान्य समय छ । आयव्यय बराबर रहने छ । पारिवारिक विवादले सताउन सक्छ । बुधबार पछिका दिन धेरै राम्रो छ । भाग्योदयको योग छ । प्रेम प्रस्ताव आउन सक्छ ।

मकर (भो,जा,जि,खि,खु,खे,खो,गा,गि)
उत्तम समय छ । राजनीतिक क्षेत्रमा राम्रो छ । कारोबारमा फाइदा होला । गरिएको काम बाट सन्तुष्टि मिल्ने छ । शुभ समाचार सुन्न पाइने छ । आकस्मिक यात्रा होला । मन प्रसन्न रहने छ।

कुम्भ – (गु,गे,गो,सा,सि,सु,से,सो,द)
सामान्य समय छ । आय ब्याय बराबर हुनेछ ।आफन्तबाट धोका हुन सक्छ । पारिवारिक बिवाद बढ्न सक्छ । बुधबार पछिका दिन राम्रा छ ।लक्षित लक्ष्य पुर्ती हुनेछ । स्वास्थमा सुधार आउने छ । गरिएका काम बाट सन्तुष्टि मिल्ने देखिन्छ । मन प्रसन्न रहने छ ।

मीन (दि,दु,थ,झ,ञ,दे,दो,चा,चि)
समय राम्रो छ । भाग्योदयको समय छ । धर्मकर्म प्रति रूचि बढ्ने छ । सभा सम्मेलन सहभागी भैयोला । रोजगारमा पदोन्नति हुनेछ । शिक्षा तथा खेलकुदमा रुचि बढ्ने छ।साताको अन्त्य तिर कार्यमा केहि चुनौती सामना गर्नु पर्ला ।स्वास्थमा समस्य आउन सक्छ ।

प्रस्तुतकर्ता : ज्यो.चक्रपाणी डुम्रे (शास्त्री)
अकला देवी ज्योतिषएववास्तु सेवा केन्द्र
ति.न. पा. १ नयाँमिलचोक
सम्पर्क : ९८५७०३५४६१

विषादी मापन प्रयोगशाला संचालनमा

कर्मचारी अभावले बन्द यहाँस्थित विषादी मापन प्रयोगशाला मंगलबारदेखि सञ्चालनमा आएको छ । प्रदेश सरकारले समायोजन भएका प्राविधिक अधिकृतलाई प्रयोगशालामा पठाएपछि कृषिउपज थोक बजार केन्द्रमा विषादी मापन सुरु भएको हो । कृषि तथा सहकारीमन्त्री आरती पौडेलले प्रदेशबाट तलबभत्ता खाने गरी कर्मचारी पठाएर प्रयोगशाला सञ्चालनमा आएको बताउनुभयो । ‘कर्मचारी प्रदेशमा आउँदा प्रयोगशाला बन्द थियो । विषादी मापन नहुँदा जनस्वास्थ्यमा असर पर्ने देखियो,’ उहाँले भन्नुभयो, ‘कृषि निर्देशनालयमा समायोजन भएका कर्मचारी पठाएर काम सुरु गरेका छौं ।’

विषादी अवशेष द्रुत विश्लेषण प्रयोगशाला एकाइमा २ प्रकारका विषादीको परीक्षण हुन्छ । प्रयोगशालाको स्तरोन्नति गरी सञ्चालन गर्न र प्रदेश मातहत ल्याउन मन्त्रालयले कसरत थालेको छ । त्यसका लागि संघमा मौखिक र लिखित प्रस्ताव गरेको छ । कृषि तथा पशुपन्छी विकास मन्त्रालयका सचिव वैकुण्ठ अधिकारीले प्रयोगशाला चलाएर तत्कालका लागि संघीय सरकारलाई सहयोग गरेको बताए । यसको निरन्तरताका लागि प्रयोगशाला हस्तान्तरण गर्न उपयुक्त हुने बताउनुभयो । कृषिउपज थोक बजार केन्द्रमा आउने फलफूल तथा तरकारी मापनका लागि ३ वर्षअघि विषादी अवशेष द्रुत विश्लेषण प्रयोगशाला एकाइ स्थापना गरिएको थियो ।

RECENT POSTS