Wednesday, November 20, 2019

पन्चामृत दुग्ध उत्पादक सहकारीको १९औं वार्षिक साधारणसभा सम्पन्न

मोहन न्यौपाने, कार्तिक २९ तिलोत्तमा । ब्यबसायिक कृषि र पशुपालनले मात्र कृषकको घरमा समृद्दी आउन सक्ने कुरामा एक कार्यक्रमका बक्ताहरुले जोड दिएका छन् । पन्चामृत दुग्ध उत्पादक सहकारी संस्था तिलोत्तमा–६ को १९ औं वार्षिक साधारण सभाको अवसरमा बोल्ने बक्ताहरुले सो कुरा बताएका हुन् सम्पन्न भएको छ । शुक्रबार प्रदेश ५ कि भुमि ब्यबस्था कृषि तथा सहकारी मन्त्रि आरति पौडेलको प्रमुख आतिथ्यता, तिलोत्तमा नगरपालिकाका नगरप्रमुख बासुदेव घिमिरेको बिशिष्ठ आतिथ्यतामा तथा दुग्ध उत्पादक सहकारी संस्थाका अध्यक्ष माधव पाठकको अध्यक्षतामा कार्यक्रम सम्पन्न भएको हो ।


साधारण सभामा गत वर्षको लेखा समिति संयोजक बाबुराम आचार्यले प्रस्तुत गर्नुभएको आर्थिक तथा वार्षिक प्रगति विवरण र आगामी कार्य योजनालाई अनुमोदन गरिएको थियो । करिव १ करोड २३ लाखको कुल पुजी सहितको विवरण उल्लेख गर्दै उहाले बार्षिक ४ लाख ६८ हजार लिटर दुध खरिद बिक्रि गरेको उल्लेख गर्नुभएको हो ।

सो अवसरमा बोल्दै प्रदेश ५ कि भुमि ब्यबस्था कृषि तथा सहकारी मन्त्रि आरति पौडेलले मेहनती कृषकको सम्मान सबै तरहले गरेमात्रै कृषि र पशुपालनले कृषकको घरमा समृद्दी ल्याउने बताउनुभयो । उहाले हरेक एक लिटर दुधमा प्रदेशले समेत अनुदानको ब्यबस्था गरेकाले कुनै पनि अनुदान बाट कृषक नाचुकना अनुरोध गर्नुभयो ।

त्यस्तै तिलोत्तमा नगरपालिकाका नगर प्रमुख बासुदेव घिमिरेले कृषकका लागि छुट्याइएको बजेट कृषि कै लागि भएकाले नगरपालिका बाट प्राप्त हुने अनुदान , बिउ बिजनहरुको सदुपयोग गर्न अत्यावश्यक रहेको बताउनुभयो । उहाले सबै पशुपालकलाइ आफ्ना पशुको बिमा तत्काल गराउन र भविष्यमा हुने क्षति बाट बच्न समेत अनुरोध गर्नुभयो ।

साधारण सभाको अवसरमा बढी दुध उत्पादन गर्ने , बढी खरिद गर्ने , महिला दुघ्ध उद्दमी , बढी दान बिउ बिजन लैजाने कृषक , बढी दुध खरिद गर्ने ग्राहक गरि एक दर्जन बढीलाई सम्मान गरिएको थियो ।संस्थाका अध्यक्ष माधव पाठकको अध्यक्षतामा सम्पन्न भएको कार्यक्रममा कृष्ण प्रसाद आचार्य, थानेश्वर देवकोटा , मोहनिलाल आचार्य , सिता सापकोटा लगायतकाले मन्तव्य व्यक्त गरेका थिए । सो कार्यक्रमको संचालन सस्थाका सचिव अर्जुन प्रसाद उपाध्यायले गर्नुभएको थियो ।

तिलोत्तमाका किसानलाई ४०% अनुदानमा गहुँको बीउ बितरण

मोहन न्यौपाने , कार्तिक २८ / तिलोत्तमा । बिहिबारबाट तिलोत्तमा नगरपालिकाका किशान बर्गलाई ४०% अनुदानमा गहुँको बीउ बितरण कार्यक्रम शुरु भएको छ ।तिलोत्तमा-७ को कृषि शाखा उपकेन्द्रबाट सुभारम्भ भएको सो कार्यक्रममा जना किसानलाई ४०% अनुदानमा गहुँको बीउ बितरण गरिएको नगरपालिकाका प्रबक्ता सुरेन्द्र श्रीले बताए ।

तिलोत्तमाका किसानलाई ४०%अनुदानमा १४५ मेट्रिक टन ( १ लाख ४५ हजार किलो) गहुँको बीउ बितरण गर्ने माग भै आएकोमा सो मात्राको गहु वितरण गरिने नगरप्रमुख बासुदेव घिमिरेले बताउनुभयो । किसानलाई दिइएको यस योजनाले किसानलाई राहत , उत्पादनमा वृद्धि र आयत प्रतिस्थापन हुने र किसान बर्गको आय आर्जनमा टेवा पुर्याउने नगर प्रमुख घिमिरेको ठम्म्याइ छ ।

सो अवसरमा तिलोत्तमा नगरपालिकाका प्रमुख बासुदेव घिमिरे, उपप्रमुख जगेश्वर देवी चौधरी , प्रमुख प्रशासकीय अधिकृत माधव शर्मा , वार्ड अध्यक्ष सहदेव थारु, नारायण न्यौपाने, सुखदेव न्यौपाने, कृष्ण पौडेल, वार्ड सदस्यहरु, प्रबक्ता सुरेन्द्र श्री लगायतको उपस्थिति रहेको छ । किसानलाई चाहिएको गहु बिउबिजन तिलोत्तमा-७ को कृषि शाखा उपकेन्द्रबाट सहुलियत दरमा अनुदान स्वरुप पाइने तिलोत्तमा नगरपालिकाले जनाएको छ ।

आनन्दवन स्वास्थ्य चौकी १५ शैंयाको अस्पतालको रुपमा स्तरोन्नती हुने

तिलोत्तमा नगरपालिका वडा नं. ६ मा रहेको आनन्दवन स्वास्थ्य चौकीलाई १५ शैंयाको अस्पतालको रुपमा स्तरोन्नती हुने भएको छ । संघीय संसदका सांसद एवं पूर्वअर्थमन्त्री तथा नेकपा महासचिव विष्णु प्रसाद पौडेलले सो अस्पतालको रुपमा स्तरोन्नती गर्ने प्रतिबद्धता जनाउनु भएको हो ।

बिहिबार सम्पन्न एक कार्यक्रममा बर्थिङ सेन्टर समेत रहेको स्वास्थ्य चौकीलाई अस्पतालको रुपमा स्तरोन्नती गर्ने पौडेलले प्रतिबद्धता जनाउनुभएको हो । तिलोत्तमा नगरपालिकाले वडा नं. १० मा रहेको सेमराबजार स्वास्थ्य चौकीलाई पनि १५ शैंयाको अस्पतालको रुपमा स्तरोन्नती गर्ने योजना अघि बढाएको छ । हरेक वडामा कम्तिमा एउटा स्वास्थ्य संस्था (शहरी स्वास्थ्य केन्द्र, स्वास्थ्य चौकी, अस्पताल) पुर्याउने तिलोत्तमा नगरपालिकाको नीति रहेको छ ।

“सिद्धबाबामा सुरुङमार्ग निर्माणको काम केही दिनमा सुरु हुन्छ”

कार्तिक २७, 
बुटवल । पूर्व अर्थमन्त्री,नेकपाका महासचिव तथा प्रतिनिधि सभा सदस्य विष्णु पौडेलले प्रदेश ५ को स्थायी राजधानी बुटवलमै हुने दाबी गरेका छन् । ‘प्रदेश ५ को राजधानी हल्काफूल्का ढङ्गले राखिएको होइन ।’ –उनले अघि भने ‘बुटवलमा रहेको प्रदेशको राजधानी अब स्थायी नै हो भनेर बुझ्दा पनि हुन्छ ।’ प्रदेशको नामाकरणको विषयमा प्रदेश सभाले गठन गरेको आयोगले छिट्टै टुङ्गो लगाउने विश्वास व्यक्त गर्दै उनले नामाकरणमा समेत कुनै विवाद सिर्जना नहुने उल्लेख गरे ।

त्यसैगरी उनले सिद्धार्थ राजमार्गको बुटवल–पाल्पा सडक खण्डमा चासो र चिन्ताको विषयममा रहेको सिद्धबाबामा केही हप्ता दिनमा सुरुङमार्ग निर्माणका लागि टेन्डर प्रक्रिया सुरु हुने बताए । बुधबार नमस्ते नेपाल रुपन्देहीले तिलोत्तमामा आयोजना गरेको चुनावी प्रतिबद्धता खुल्ला समिक्षामा बोल्दै उनले १ दशमलव ३ किलोमिटरको सुरुङ मार्ग सहित ३ दशमलव ३ किलो मिटरको बाटो निर्माणका लागि डिपिआर तयार भएको जानकारी गराए । स्विटजरल्याण्ड सरकारको आर्थिक तथा प्राविधिक सहयोगमा बन्ने यो सुरुङमार्ग नेपालको दोस्रो सुरुङ मार्गका रुपमा रहने उनले बताए ।

यस क्षेत्रका जनताको चासो रहेको काली गण्डकी तिनाउ डाइभशर्नको डिपिआर यसै आर्थिक वर्षको अन्त्य सम्ममा तयार भइसक्ने बताउँदै नेता पौडेलले सबैलाई विश्वासमा लिएर काम गर्ने बताउँदै कसैले पनि अबरोध नगर्ने विश्वास व्यक्त गरे । प्रतिनिधी सभाको २ वर्ष अगाडी भएको निर्वाचनमा गरेका प्रतिवद्धताहरुलाई सम्झँदै उनले रुपन्देहीलाई भौतिक पूर्वाधारको विकासमा देशकै नमूना जिल्ला बनाउने प्रतिबद्धतालाई दोहोर्याए ।

अर्को फरक प्रसङ्गमा नेता पौडेलले नेपाल सरकार तथा चीनसँगको सम्बन्धलाई सम्मानजनक र सुमधुर बनाउन प्रतिबद्ध भएको उल्लेख गर्दै उनले सिमा विवादलाई समाधान गर्न सरकार सफल हुने उल्लेख गरे । कालापानी, लिपुलेक तथा लिम्पियाधुरा नेपालकै भएको कुरा इतिहासले साबित गरेको तथा १९५० को सन्धिले समेत उल्लेख गरेको बताउँदै उनले अतिक्रमित जग्गा नेपालकै हो भन्ने कुरा स्थापित गराएरै छाड्ने प्रतिबद्धता जनाए । ‘सरकार राजनीतिक तथा कुटनीतिक रुपले सिमा समस्या समाधानमा लागेको छ ।’–उनले अघि भने ‘नेपालको एक इन्च जग्गा पनि हाीले छोड्नेवाला छैनौं । हामी कुनै पनि हालतमा राष्ट्रघाती सम्झौता गर्ने पक्षमा छैनौं ।’ नेपाल अब नाकाबन्दीको कालोमा समेत नपर्ने भन्दै उनले चीनसँगको सम्बन्धले मुलुक भू–परिबेष्ठित नभई भू–जडित राष्ट्र भएको उल्लेख गरे । 

कार्यक्रममा बोल्दै प्रदेश ५ का उद्योग, प्रयटन वन तथा वातावरण मन्त्री लिला गिरीले रुपन्देहीको विकासले अब फड्को मार्ने दाबी गरे । चुनावी प्रतिबद्धता खुल्ला समिक्षामा सहभागी तिलोत्तमा नगरपालिकाका मेयर बासुदेव घिमिरले नगरलाई ग्रीन सिटीको रुपमा विकास गरेरै छाड्ने प्रतिबद्धता दोहोर्याए । नमस्ते नेपालका अध्यक्ष अर्जुन खरेलको अध्यक्षतामा भएको कार्यक्रममा जनवादी गायक जीवन शर्माको विशेष प्रस्तुती रहेको थियो ।

तिलोत्तमाका रुप कार्की भारत्तोलनमा विश्व च्याम्पियन

२५ कात्तिक, तिलोत्तमा। रूपन्देहीको तिलोत्तमाका रूप कार्कीले इन्टरनेसनल वर्ल्ड पावर लिफ्टिङ (भारत्तोलन) प्रतियोगितामा स्वर्ण पदक जितेका छन् ।आयरल्याण्डको लाइमरिकमा चार दिनसम्म सञ्चालित प्रतियोगितामा कार्कीले २ सय २० पौण्ड तौल समूहबाट स्वर्ण पदक जितेका हुन् । प्रतियोगितामा विश्वभरका दुई सय बढी देशबाट ७ सय बढी सहभागी थिए । कार्कीले आफनो तौल समूहका प्रतिस्पर्धीलाई पछि पार्दै विश्व च्याम्यिपयन बनेका हुन् ।

कार्कीले यसअघि सन् २०१७ मा अमेरिकाको एट्लान्टामा भएको फस्र्ट मास्टर इन्टरनेसनल पावरलिफ्टिङ प्रतियोगितामा पनि विश्व च्याम्पियन बन्दै स्वर्ण पदक जितेका थिए । नेपालको खेल इतिहासमा यो खेलमा स्वर्ण पदक जित्ने उनी पहिलो नेपाली खेलाडी भएको कार्कीको दाबी छ ।

अमेरिकामा बसोबास गर्दै आइरहेका उनले त्यहाँको राष्ट्रिय स्तरको प्रतियोगितामा झण्डै दर्जन खेलमा स्वर्ण पदक जित्दै च्याम्पियन बनेको कार्कीले बताए । कार्की ड्रग टेस्टेड ( शक्तिबद्र्धक औषधि नखाने ) खेलाडी हुन् । सन् २००९ देखि भारत्तोलनको अभ्यास सुरु गरेका कार्की सन् २०१२ देखि पूर्ण रूपमा भारत्तोलन खेलमा सक्रिय छन् ।

कार्कीले केही वर्षपछि नेपाल फर्केर भारत्तोलन खेलमा बाँकी जीवन बिताउने बताए । बागलुङ जिल्लाको गल्कोटमा जन्मेका कार्की बसाइँ सरेर रूपन्देहीको तिलोत्तमा –६, कुन्जलापुरमा आएका हुन् ।

दृष्टिविहीनहरुका लागी ५ दिने क्रिकेट प्रतियोगीता सम्बन्धि तालीम सम्पन्न

लक्ष्मी पान्डे / दृष्टिविहीनहरुको लागी शनिबार बुटवलमा ५ दिने क्रिकेट प्रतियोगीता सम्बन्धि तालीम सम्पन्न भएको छ । सस्थाका अध्यक्ष निर्मल पौडेलको अध्यक्षता एसीया दृष्टिविहीन क्रिकेट सघंका कोषाध्यक्ष पवन घिमिरेको प्रमुख आतिथ्यतामा भएको कार्यक्रममा ३० जना दृष्टिविहीन ,न्युन दृष्टिविहीनहरुको सहभागीता रहेको थियो । कार्यक्रम बोल्दै एसीया दृष्टिविहीन क्रिकेट सघंका कोषाध्यक्ष घिमिरेले २०२० मा भारतमा हुने महिला दृष्टिविहीन क्रिकेट प्रतियोगीतामा र २०२१ मा बेलायतमा हुने प्रतियोगीताको लागी लुम्बिनीबाट अधिक खेलाडी सहभागी गराउने उदेस्य सहित तालीम आयोजना गरिएकोे बताउनुभयो । कार्यक्रममा दृष्टिविहीन राष्ट्यि खेलाडी राम प्रसाद पौडेल ,सरोज पौडेल , गीता रेग्मी , नहेन्द्र निरौला लगायतले बोल्नुभएको थियो । तालिमको प्रशिक्षण सरोज पौडेल, गीता पौडेल , खेमराज सापकोटा लगायतले दिनुभएको थियो । त्यस्तै आउदो फाल्गुनमा बुटवलमा हुने रास्ट्रीय स्तरको खेलकुद प्रतियोगितामा समेत खेलाडीहरु समाबेश हुनेगरि तालिम को आयोजना गरिएको सस्थाका अध्यक्ष निर्मल पौडेलले बताए ।

अलुमनाईको ७ लाख कोषले ४ जना विद्यार्थीलाई छात्रवृत्ति

शान्ति विद्यालय अलुमनाई एशोसिएसनको आयोजनामा बृहत्त पुर्न मिलन एवं सम्मान समारोह सम्पन्न भएको छ । वि.स. २०१६ सालदेखि शान्ती नमुना विद्यालयमा अध्ययन गरेका विद्यार्थीहरुको संस्था एशोसिएसनले आपसी सद्भाव र भाईचारा कायम गर्ने उद्देश्यले पुर्न मिलन कार्यक्रमको आयोजना गरेको हो ।एशोसिएसनका अध्यक्ष होमनाथ अर्यालको अध्यक्षता, मणि परिबारका एक सदस्य एवं तत्काललिन समयमा जग्गा दिने किशोरमणी दिक्षितको प्रमुख आतिथ्यतामा कार्यक्रम भएको थियो ।

वि.स. २०६६ मा गठन भएको अलुमनाईले ७ लाख कोषमा जम्मा गरेर त्यसबाट कक्षा ११ र १२ मा अध्ययान गर्ने ४ जनालाई छात्रबृद्धि दिईदै आएको अध्यक्ष अर्यालले बताए । सो अवसरमा शान्ती स्मारिका समेत विमोचन गरिएको थियो ।कार्यक्रममा बोल्दै प्रमुख अतिथि दिक्षितले अलुमनाईले रचनात्मक कार्य गर्दै अगाडि बढ्नुपर्नेमा जोड दिए । सर्वोच्च अदालतका न्यायाधिस तेज बहादुर केसीले अमुमनाईको अझ बढि सक्रिय बनाउँदै समाज रुपान्तरणको अभियानमा लाग्नुपर्ने बताए । नेपाली कांग्रेसका प्रमुख सचेतक बालकृष्ण खाँडले शान्ती नमुनामा पढेकाहरु देशका प्रमुख प्रशासन एवं उच्च तहमा पुगेको भन्दै विद्यालयको स्तर बृद्धिसंगै विद्यालयलाई सहयोग गर्दै जानुपर्ने बताए ।

तिलोत्तमा नगरपालिकाका बासुदेव घिमिरेले नगरसरकारले सामुदायिक विद्यालयहरुको शैक्षिक गुणस्तर बृद्धिका लागि विभिन्न योजना ल्याएको भन्दै सामुदायिक विद्यालयमा शान्ती नमुनाले खेलेको भुमिका प्रति प्रसंसा व्यक्त गरे ।कार्यक्रम एशोसिएसनका सदस्य एवं पुर्व शिक्षक अर्जुन उपाध्ययाको स्वागत एवं सचिव नन्दलाल बञ्जाडेको सञ्चालनमा सम्पन्न भएको थियो ।

राजनीतिक र कुटनितिक होइन ‘वान टू वान’ वार्ता गर्नुस ओली ज्यु : डा. डिला संग्रौला

बुटवल । प्रमुख प्रतिपक्षी दल नेपाली कांग्रेसकी नेतृ डा. डिला संग्रौलाले भारतसँगको सिमा विवाद दुई देशका प्रधानमन्त्री बीच ‘वान टु वान’ बार्ताबाट समाधान गर्नुपर्ने बताएकी छन् । रिपोटर्स क्लब नेपाल प्रदेश ५ ले आइतबार बुटवलमा गरेको साक्षात्कारमा बोल्दै प्रतिनिधिसभा सदस्य समेत रहेकी नेतृसंग्रौलाले सो कुरा बताएकी हुन् ।


कुटनीतिक र राजनीतिक वार्ताले मात्र समस्याको समाधान हुन नसक्ने उनको तर्क छ । ‘अब कुटनीतिक र राजनीतिक वार्ताले मात्र पुग्दैन’ उनले भनिन्, ‘स्वयम् प्रधानमन्त्री केपी शर्मा ओली र भारतीय प्रधानमन्त्रीबीच ‘वान टू वान वार्ता’ बाटै सिमा विवाद अन्त्य गरिनुपर्छ ।’ नेतृ संग्रौलाले नेपालको सिमा रक्षाका लागि सबै दल एक ठाउँमा उभिनुको विकल्प नभएको बताइन् । ‘सिमा विवाद समाधानका लागि सबै दल एक ठाउँमा उभिनुपर्ने बेला आएको छ’ उनले भनिन्, ‘सबै दलबीचका एकताका आधारमा प्रधानमन्त्रीले वार्ताबाटै सिमा विवाद अन्त्यको पहल गर्नुपर्छ ।’ भारतले आफ्नो डिजिटल नक्सामा नेपालको कालापानी, लिपुलेक तथा लिम्पियाधुरालाई समेटेपछि अहिले चौतर्फि विरोध भैरहेको छ ।


एक फरक प्रसङ्गमा बोल्दै उनले सरकारले प्रदेश प्रमुखको बर्खास्ती गरेर गलत नजिर बसेको बताइन् । संविधान लागू गर्ने कुरालाई राजनीतिक प्रतिशोधको विष बनाउने नहुनेमा उनको जोड् छ । सरकार संविधान कार्यान्वयन भन्दा पनि प्रतिशोधको बाटोमा उन्मुख भएको भन्दै उनले यसबाट संघीयता कमजोर हुने तर्क गरिन् । नेतृ संग्रौलाले हरेक मुद्धामा कमजोर हुदै गएको आरोप समेत लगाएकी छन् । ‘सरकारले सुशासन कायम गराउन तथा भ्रष्टाचार रोक्न सकेको छैन ।’ उनले भनिन्, ‘जनताले दुईतिहासरको सकारकाबाट शान्ति सुरक्षाको समेत प्रत्याभूति पाउन सकेनन् ।’
पछिल्लो समय महिलाहरुमाथी बलात्कार तथा हत्याका घटनाहरु बढ्दै गएको बताउँदै उनले निर्मला बलात्कार तथा हत्या काण्ड अहिलेसम्म पत्ता लाग्न नसक्नु त्यसको उदाहरण भएको उल्लेख गरिन् ।

जनअपेक्षा अनुसारको काम भएन : केन्द्रीय सदस्य पौडेल
कार्यक्रममा नेकपाको केन्द्रीय सदस्य तथा संविधानसभा सदस्य सिता पौडेलले भारतले नेपालको नालापानी र कालापानी आफ्नो नक्सामा राख्दा सिमा विवाद थप पेचिलो भएको उल्लेख गरिन् ।
उनले यो समस्या समाधानका लागि सरकारले उच्चस्तरबाटै पहल गर्नुपर्नेमा जोड् दिएकी छन् । नेपालका अन्य ठाउँहरुमा पनि भारतले नेपालको सिमा मिचेको उल्लेख गर्दै उनले सिमा सुरक्षाका लागि सरकारले सर्वदलीय बैठक बोलाएर मात्र नपुग्ने बताइन् । सर्वदलीय बैठकका निर्णयलाई कार्यन्वयन गर्नतर्फ पनि सरकारले जोड्नुपर्ने उनको भनाई छ ।


अर्को फरक प्रशङ्गमा नेतृ पौडेलले सरकारले जनअपेक्षा अनुसारको काम गर्न नसकेको गुनासो गरिन् । ‘दुई तिहाईको सरकारबाट जनताले जुन अपेक्षा गरेको थिए त्यो पूरा हुन सकेको छैन ।’ उनले भनिन्, ‘अब सरकारले जनअपेक्षा अनुसारका काम गर्दै अघि बढ्नुपर्छ ।’ कार्यक्रम रामकुमार क्षेत्रीको अध्यक्षता तथा कपिल ज्ञवलिको सन्चालनमा भएको थियो ।

हाप्किडो संघको प्रदेश अध्यक्षमा धन बहादुर दमाई निर्वाचित

बुटवल, २४ कार्तिक । नेपाल मार्सल आर्टस हाप्किडो संघ प्रदेश ५ को बुटवलमा भएको पहिलो अधिवेशनले नयाँ समिति गठन गरेको छ । संघको आईतबार बुटवलमा भएको भेलाले रुपन्देहीका धनबहादुर दमाईको अध्यक्षतामा १३ सदस्यीय प्रदेश समिति चुनेको हो । सम्पन्न अधिवेशनले समितिको प्रदेश उपाध्यक्षमा विश्वास गुरुङ्ग र यमु थापा, सचिवमा भुवन बुडामगर र कोषाध्यक्षमा मुक्ति पोखरेललाई चयन गरेको हो । त्यसैगरी सदस्यमा यमुना घर्तिमगर, रामु सुनार, रमेश महरा, राधा पौडेल, देवु थापा, टुल्केबहादुर थापा र सागर खवार रहनु भएको छ ।

निर्वाचित नयाँ नेतृत्वलाई बधाई तथा शुभकामना दिदै प्रदेश ५ का सामाजिक विकास मन्त्री सुदर्शन बरालले अबको केही महिनामा प्रदेश खेलकुद परिषदलाई पुर्णता दिनेतर्फ प्रदेश सरकार लागि परेको बताउनुभयो । उहाँले खेलकुदको विकास र खेलकुद क्षेत्रमा लगानी बढाउनका लागि परिषद आवश्यक रहेको उल्लेख गर्दै खेदकुद परिषदलाई पुर्णता दिनुको विकल्प नभएको बताउनुभयो । कार्यक्रममा नेपाल मार्सल आर्टस हाप्किडो संघका केन्द्रीय अध्यक्ष कालिबहादुर घर्तिमगर, नेपाल कपडा ब्यवसायि संघका अध्यक्ष सरोज गौतम, लोकबहादुर परियार लगायतले नव निर्वाचित प्रदेश समितिका पदाधिकारी तथा सदस्यलाई बधाई तथा शुभकामना दिनु भएको थियो ।

रुपन्देही, पाल्पा, नवलपरासी, अर्घाखाँची, गुल्मी, कपिलबस्तु, बाँके, वर्दिया, दांङ्ग, प्यूठान, रोल्पा लगायतका जिल्लाबाट प्रतिनिधिहरु सहभागि भएको कार्यक्रमको संचालन मुक्ति पोखरेलले गर्नु भएको थियो ।

तेस्रो नवएकता कप खुल्ला नकआउट फुटबल प्रतियोगिता संचालनमा

तेस्रो नवएकता कप खुल्ला नकआउट फुटबल प्रतियोगिता शनिबारदेखि सुरु भएको छ । तिलोत्तमा -८ जनभावना मा विको खेल मैदान प्रदिपनगरमा खेल भैरहेको आयोजकले बताएको छ । ‘युवा एकता, समाज परिवर्तनमा हाम्रो प्रतिवद्धता’ भन्ने लक्ष्यसहित वि सं २०७३ सालमा स्थापना भएको क्लवले स्थापनाकालदेखि नै नकआउट फुटबल प्रतियोगिता आयोजना गरिरहेको यवुाक्लवका अध्यक्ष देशराज गुरुङले बताए ।

प्रतियोगितामा आयोजक नव एकता युवाक्लव सहित रुपन्देहीका १५ टिमको सहभागिता रहेको छ। प्रतियोगितामा विजेता हुने टिमले १ लाख रुपैया नगद, कप, मेडल प्रमाणपत्र प्राप्त गर्नेछन भने उपविजेता हुने टिमले ५० हजार रुपैया, कप, मेडल प्रमाणपत्र प्राप्त गर्नेछन ।त्यस्तौ प्रतियोगितामा म्यान आफ दि म्याच, म्यान आफ दि सिरिज लगायतलाइ मेडल ट्रपीबाट पुरस्कृत गरिने आयोजकले बताएको छ ।

प्रतियोगिता सम्पन्न गर्नको लागी ७ लाख खर्च हुने खेल संयोजक गोबिन्द अर्यालले बताए ।प्रतियोगितको एक कार्यक्रमका बीच शनिबार तिलोत्तमा नगर उपप्रमुख जागेश्वर देवी चौधरीले उद्घाटन गरेकी छिन । दिनको ३ बजे सुरु हुने खेल मंसिर ७ गते सम्म सञ्चालन हुनेछ ।

RECENT POSTS