Monday, June 17, 2019

मिस्टर एण्ड मिस जिनेरेसेनको अडिसन सम्पन्न

मिस्टर एण्ड मिस जिनेरेसेन २०१९ ब्युटी पेजेन्टको अडिसन सम्पन्न भएको छ । जेनेरेसन मल्टिमिडिया एण्ड इन्टरटेन्मेन्टले रुपन्देहीको सौ फर्सा्टिकरमा सो प्रतियोगिताको अडिसनमा २२ प्रतिस्प्रधीहरु छनोटभएका छन ।

फर्सा्टिकरको रिद्धिसिद्धि पार्टि प्यालेसमाभएको अडिसनमा अडिसनमायुवायुवतीहरुको सौन्दर्य, संस्कृति र प्रतिभाको आधारमामुल्यांकनगरि छनोट गरिएको आयोजक संस्थाकाप्रमुख रवि रानाले जानकारि दिए । कार्यक्रममादुर्गा थापा ड्रेस डिजाइनर, तिलोत्तमाबोर्डिङ स्कुलकिब्यबस्थापक राधिका केसि, मिस प्रफेक्ट गलाम २०१९ अन्जलि खड्का, मिस्टर लुम्बिनी २०१७ सुजन क्षेत्री , अनिलचौधरी लगायतले निर्णायकको भुमिकामाथिए । प्रतियोगितामाविजेता, फस्ट रनर अप र सेकेण्ड रनरअपलाई नगद पुरस्कारका साथै स्थानिय रेडियो र टेलिभिजनमाकामगर्ने अवसर पनिप्रदानगरिने रानाले जानकारी दिए ।

यो संगै अडिसनमा छनोट भएकाहरुलाई बिभिन्नतालिमको समेत व्यावस्थागरिएको उनले जानकारी दिए । रानाले आत्मबिश्वास तथाव्याक्तित्वविकास, रेडियो तथा टेलिभिजनकार्यक्रम प्रस्तोता, उत्प्रेरणा, नेतृत्वविकास लगायतकाअन्यथुप्रै बिषयमा २० दिन सम्मतालिमप्रदानगरिने बताए ।

‘पानीफोटो’ मार्फत खगेन्द्रको निर्देशनमा डेब्यू

कलाकारको रुपमा आफ्नो छुट्टै स्थान बनाइसकेका खगेन्द्र लामिछानेले अब चलचित्र निर्देशन गर्ने भएका छन् । उनको लेखन तथा निर्देशनमा बन्न लागेको नयाँ चलचित्र ‘पानीफोटो’ घोषणा गरिएको छ । पन्ध्र बर्ष अगाडि वेपत्ता भएको आफ्नो छोराको पर्खाइमा बसेका बाबुआमाको कथामा यो चलचित्र बन्न लागेको पत्रकार सम्मेलनमा जानकारी दिइएको थियो ।

चलचित्रमा सुनिल पोखरेल, निशा शर्मा पोखरेल, अनुप बराल, मेनुका प्रधान, खगेन्द्र लामिछाने, प्रकाश घिमिरे, माओत्से गुरुङ, वुद्दि तामाङ, कमलमणी नेपाल, आशान्त शर्मा, श्यामकुमार खड्का लगायतका कलाकारको अभिनय रहनेछ । चलचित्रको बिषयमा खगेन्द्रले भने–‘यो कथामा सन् २०११ मै चलचित्र बनाउँछु भन्ने सपना थियो । यही सपना पुरा गर्न म निर्देशकको रुपमा डेब्यू गर्दैछु । यसको अर्थ, अरु निर्देशकको चलचित्रमा कामै गर्दिनँ भन्ने होइन ।’खगेन्द्रले इमान्दार बनेर आफूले चलचित्र निर्देशन गर्ने बताए । यो चलचित्रलाई सन् २०२० मा रिलिज गर्ने पत्रकार सम्मेलनमा जानकारी दिइयो ।

चलचित्रको कथावस्तु र आफ्नो भूमिका मन परेपछि खेल्न लागेको कलाकार सुनिल पोखरेलले जानकारी दिए । यस्तै, कलाकार निशा शर्माले पनि आफ्नो भूमिका शक्तिशाली लागेपछि गर्न लागेको बताइन् । चलचित्रमा रोजिना सिटौला र रविन्द्र बज्रचार्यको लगानी रहनेछ । चलचित्रमा पुष्पासंगमको पाश्र्व संगीत, घनश्याम श्रेष्ठको कला निर्देशन, निमेष श्रेष्ठ र अर्जुन कार्कीको सम्पादन, दिपक बज्रचार्यको छायांकन रहनेछ । खगेन्द्रले द्धन्द्धकालको कथामा चलचित्र बनाउन लागेको बिषयमा भने–‘अबको पुस्तालाई द्धन्द्ध किन आवश्यक छैन र त्यसले के कस्ता घटना घटाउँछ भनेर वुझाउन आवश्यक छ । यसैले पनि यस्तो कथामा चलचित्र अब बनाउन आवश्यक छ भन्ने मलाई लागेको छ ।’

तिलोत्तमा नगरपालिकामा राष्ट्रिय मुक्तक महोत्सव सम्पन्न

    मोहन न्यौपाने, तिलोत्तमा सिटी बैशाख २४ । रुपन्देहीको तिलोत्तमा नगरपालिकामा पहिलोपटक राष्ट्रिय मुक्तक महोत्सव सम्पन्न भएको छ । तिलोत्तमा साहित्य कला, सङ्गीत प्रतिष्ठान रुपन्देहीको आयोजनामा सम्पन्न महोत्सवमा देशभरका ११ जिल्लाका मुक्तककारहरुको उपस्थिती रहेको थियो । कार्यक्रममा रुपन्देही सहित नवलपरासी, पाल्पा, सिन्धुली, मोरङ, रुकुम, बाग्लुङ, बर्दिया , कास्की, रौतहट, जाजरकोट, बाँके लगायतका जिल्लाका मुक्तककारहरुले मुक्तक वाचन गरेका थिए ।

नगरपालिकाको ड्राइभरटोल स्थित न्यु होराइजन कलेजको सभाहलमा सम्पन्न महोत्सवमा साहित्यकारहरुले माया प्रेम, राजनिति र अन्य समसामयिक बिषयमाथी मुक्तक प्रहार गरे । पहिलो सत्रमा सबै मुक्तक बाचन गरियो भने दिवासत्रमा सम्पन्न मुक्तक वाचन पुर्व बिहानी सत्रमा एक कार्यपत्र र त्यसमाथीको टिप्पणी सम्पन्न भयो । नेपाली मुक्तकको परम्परा शिर्सकमा डा. मुरारी पराजुलीले प्रस्तुत गरेको कार्यपत्रमाथी साहित्यकार ऋषिराम भुषाल, प्रा. डा. बिष्णु प्रसाद पौडेलले टिप्पणी गरेका थिए ।

प्रतिष्ठानका अध्यक्ष डा. मुरारी पराजुलिको अध्यक्षता, सरुभक्तको प्रमुख अतिथ्यतामा सम्पन्न कार्यक्रममा प्रतिष्ठानका संरक्षक तथा तिलोत्तमा नगरपालिकाका नगरप्रमुख बासुदेव घिमिरे, बरिष्ठ गितकार तथा मुक्तककार राजेन्द्र थापा, प्रगतिबादी साहित्कार रामचन्द भट्टराई, प्रा. डा. बिष्णु प्रसाद पौडेल, बरिष्ठ आख्यानकार एबं मुक्तककार बनमाली निराकार, लगायतले सुभकामना मन्तब्य राखेका थिए । प्रतिष्ठानका उपाध्यक्ष कविराज नेपालको स्वागत मन्तव्य रहेको कार्यक्रमको संचालन महासचिव लिलाधर पाण्डेयले गरेका थिए ।

मोड्लिङ्मा जम्दै ईश्वर, काली काली सार्वजनिक

    मोहन न्यौपाने ,तिलोत्तमा सिटी । लामो समयदेखि जापान बसाई सकाएर हाल नेपालमै रहेका ईश्वर मल्ल अहिले चर्चामा छन् । हसिलो अनुहार चकलेटी फेश, अनि सुहाउदो जिउडाल नै उनको आकर्षक व्यक्तित्वको कडी हो । जापान र नेपाल गर्दै आएका मल्ल अहिले पूर्ण नेपाल बसाइमा छन् । उनको सानैदेखिको कलाकारिता र अभिनयप्रतिको चाहना बल्ल आएर पुरा भएको छ । त्यो अभिनयको सौख पुरा गरेको छ , दुर्गा साउद र सुशिल सिलवालको स्वरमा रहेको ‘काली काली’ बोलको गीतले । भर्खरै बजारमा युट्युब मार्फत सार्बजनिक भएको रोमान्टिक शैलीको गीत सङ्स नेपालबाट सार्वजनिक गरिएको हो ।

नेपालमै चर्चा बटुलेकी मोडल तथा आइटमगर्ल एबम अभिनेत्री माला लिम्बुको क्यामेस्ट्रि अभिनय रहेको सो गीतसंगै अहिले ईश्वरको चर्चा पनि चुलिएको छ । उनि डेब्यु अभिनयमा म्युजिक भिडियो गरेपनि सबै किसिमले पोख्त देखिन्छन । लाग्छ, उनको अभिनय हेर्दा अहिलेसम्म इश्वरले धेरै अभिनय गरिसकेका छन् । त्यसो त उनको अभिनयमा साथ् दिएकि माला लिम्बुसंग उनको क्यामेस्ट्रि मिलेको स्पस्ट देखिन्छ । निकै सुहाएको उनीहरुको जोडीलाई गीत काली कालीले झनै न्याय गरेको छ । रमणिय स्थलमा छायांकन गरिएको सो म्युजिक भिडियोहेर्दा आखालाई समेत शितलता प्रदान गर्दछ । हेर्दा चकलेटी देखिएपनि फरक फरक खालका अभिनयमा रुचि रहेको ईश्वर बताउछन ।

काली काली बोलको गीतमा गायिका दुर्गा साउदको आफैले कोरेका शब्दमा आफै संगीत भरेकी छन् । सन्दिप कार्कीको संगीत संयोजनले गीतको भाव झनै खुलेको छ । सन्तोष लामिछानेको कोरियोग्राफी रहेको गीतको भिडियोमा माला लिम्बू र ईश्वर मल्लको शसक्त अभिनय रहेको छ । उत्तम हुमागाईँको छायांकन र ललित सिंह साउतको सम्पादन रहेको भिडियोको निर्देशन गौरव गिरीले गरेका हुन् ।

संस्कृति जोगाउन बिबिध सांस्कृतिक कार्यक्रमको आयोजना

     मोहन न्यौपाने, बैशाख २०७६ l तिलोत्तमा प्रगति युवा क्लबको आयोजनामा भएको नया बर्ष २०७६ को उपलक्ष्यमा भएको बिबिध सास्कृतिक कार्यक्रम सम्पन्न भएको छ l नेपालका ख्याती प्राप्त रास्ट्रीय तथा स्थानिय कलाकारहरु पुरुसोत्तम भण्डारी पुर्खे बा, गायक तथा संगीतकार चिरन्जीवी भण्डारी, गायिका ऋतु थापा, गायक नारायण बिपी, बुटवल प्रदशनी आइडल आकाश झा, गायक कृष्ण भट्टराई, नृत्यकार प्रसिद्दि ढकाल साथै तिलोत्तमा सास्कृतिक परिवारको तर्फ़बाट तिलोत्तमा नगरपालिका स्थित प्रगतिचोकमा आयोजित २०७६ नयाबर्ष धमाकामा बेजोड प्रस्तुति गरे l

उक्त मनोरंजन साँझमा नेपालीपन झल्कने विविध साँस्कृतिक प्रस्तुतीबाट स्थानिय प्रगतिचोक बासिहरुले बिबिध मनोरञ्जन लिए l पुरुसोत्तम भण्डारी पुर्खे बा को हास्य प्रहसन तथा चिरन्जीवी भण्डारी र ऋतु थापाको गीत र स्थानिय कलाकार निकिता पाण्डे, अस्मिता चौधरी, कमल भण्डारीको नृत्यसंगै अन्य कलाकारको बेजोड प्रस्तुतिले कार्यक्रम स्थल कर्तल ध्वनिले गुञ्जयमान हुन् पुगेको थियो l

मंच अगाडी भरिभराउ दर्शक कलाकारलाई साथ दिदै झुमेका थिए भने क्लबको प्रस्तुतिले दर्शकहरु उत्साहित थिए l नेपालि कला सस्कृतिको जगेर्ना तथा स्थानिय कलाकार हरुलाई प्लेटफर्म दिने उदेश्यले २०७६ नयाँ वर्ष बिबिध सास्कृतिक कार्यक्रम अपार सफलताको साथ सम्पन्न भएको क्लबका अध्यक्ष तुलसीराम कंडेलले बताए l
कार्यक्रममा कलाकारहरुलाई मायाको चिनो सहित सम्मान गर्दै क्लब प्रतिको सहयोगको लागि अध्यक्ष तुलसीराम कंडेलले धन्यबाद ज्ञापन गरेका थिए l क्लबका अध्यक्ष तुलसीराम कंडेलको अध्यक्षता तथा तिलोत्तमा वार्ड न. १ का अध्यक्ष तामानाथ पाण्डेयको प्रमुख आतिथ्यता, नेपाली कांग्रेसका नगर सभापति हरिलाल पाण्डे र सोह्र छत्तिस संयुक्त सिचाई प्रणालीका सचिव हेमन्त पाण्डेको बिशिष्ठ आतिथ्यतामा सम्पन्न सो कार्यक्रम पुरुसोत्तम भण्डारीको संचालनमा भएको थियो l कार्यक्रममा सहयोग गर्ने स्थानिय तथा विदेशबाट समेत सहयोग गर्ने तथा रोयल म्युजिक ब्यान्डलाई धन्यबाद ज्ञापन गरिएको थियो l कार्यक्रममा सहयोगीको रुपमा शाइन रेसुङ्गा बैंक ज्योतिनगर शाखा, तिलोत्तमा वार्ड न. १ का अध्यक्ष तामानाथ पाण्डे , नमस्ते लुम्बिनी बिजनेश प्रालि योगीकुटी, ओम कस्मेटिक एन्ड किराना पसल प्रगतिचोक, स्काइल्याण्ड रेस्टुरेन्ट प्रगतिचोक, कतारबाट सहयोग गर्ने खिमु पाण्डे लगायत रहेका थिए l

‘मह जोडी’ लाई बसुन्धराश्री र मानश्री पुरस्कार

बसुन्धरामान प्रज्ञा प्रतिष्ठानले वरिष्ठ हास्यकलाकारद्वय मदनकृष्ण श्रेष्ठ र हरिवंश आचार्य ‘मह जोडी’ लाई बसुन्धराश्री र मानश्री पुरस्कार प्रदान गर्ने निर्णय गरेको छ ।बसुन्धरामान प्रज्ञा प्रतिष्ठानका कुलपति डा दुबसु क्षेत्रीको अध्यक्षतामा बसेको बैठकले ‘मह जोडी’लाई सम्मान गर्ने निर्णय गरेको हो । उक्त पुरस्कारको राशी जनही ५० हजार रुपैयाँ छ ।

बैठकले नेपाली हास्य व्यङग्य, नाटक, चलचित्र र टेलिचलचित्रहरुको सिर्जना तथा अभिनयका माध्यमबाट नेपाली कला, रंगमञ्च र हास्य व्यङग्य क्षेत्रलाई सार्थक, समृद्ध र समुन्नत बनाई नेपाली वाङ्मयलाई वैभवशाली र गरिमामय बनाउन विशिष्ट योगदान गरे बापत वरिष्ठ हास्य कलाकार मदनकृष्णश्रेष्ठ लाई बसुन्धराश्री पुरस्कार प्रदानगर्ने निर्णय गरेको हो ।

त्यस्तै नेपाली कला र रंगमञ्चका क्षेत्रमा आफ्नो अलग र विशिष्ट स्थान, पहिचान र वैशिष्ट्य कायम गरेका वरिष्ठ हास्यकलाकार हरिवंश आचार्यलाई वि.सं २०७६ सालको मानश्री पुरस्कार प्रदान गर्ने निर्णय गरिएको हो ।

चलचित्र संघको अध्यक्षबाट प्रदीपकुमार उदयको राजिनामा

हल सञ्चालक र वितरकहरुको छाता संस्था नेपाल चलचित्र संघका अध्यक्ष प्रदीप कुमार उद्यले आगामी जेठको पहिलो साताबाट लागू हुनेगरी आफ्नो पदबाट राजिनामा दिएका छन् । उदयको कार्यकाल अझै एक वर्ष बाँकी थियो । दुई वर्ष अघि हेटौंडामा भएको अधिवेशनबाट उनी अध्यक्षमा चयन भएका थिए ।

आफ्नो कार्य ब्यस्तताका कारण काठमाडौंमा बस्न नभ्याउने जनाउँदै उनले राजिनामा दिएको संघका एक पदाधिकारीले ब्युटी न्युज नेपाललाई जानकारी गराए । बुटबलमा ६ महिना अघि फिल्म हल द्धारिकाज सिनेमा खोलेपछि अध्यक्ष उदय बुटबलतिरै व्यस्त रहने गरेका छन् । उनले दुई महिना यतादेखि कार्य व्यस्तता देखाउँदै नेपाल चलचित्र संघबाट बिदा लिएका छन् । राष्ट्रिय प्रजातन्त्र पार्टी प्रदेश ५ को अध्यक्ष भएपछि उनी पछिल्लो समय राजनीतिमा पनि व्यस्त छन् ।

सोही कारण पनि काठमाडौं भन्दा बढी बुटबलमा बस्नु पर्ने भएकाले उनले राजिनामा पठाएको हुन सक्ने नेपाल चलचित्र संघका एक पदाधिकारीले बताए । अध्यक्ष उदयले आफ्नो राजिनामा सबै पदाधिकारीलाई म्यासेन्जर मार्फत पठाएर आफु जेठदेखि अध्यक्ष पदमा नरहने उल्लेख गरेको पनि ति पदाधिकारीले खुलाए ।

२०७५ः नेपाली फिल्मको ‘कालो वर्ष’ ९६ रिलिज, २ नाफामा

नेपाली चलचित्रको बजारमा यो बर्ष ९६ वटा चलचित्र रिलिज भए । औषत रुपमा हेर्दा हरेक हप्ता २ वटा चलचित्र रिलिज भएका छन् । वैशाख ७ गते ‘स्वर्ग मेरो गाउँ’बाट सुरु भएको चलचित्रको रिलिज प्रक्रिया चैत्र २९ गते रिलिज हुने ‘ए मेरो हजुर ३ र यात्रा’मा आएर यो बर्षका लागि टुंगिनेछ । जम्मा ९६ वटा चलचित्र यो बर्ष रिलिज हुँदा ब्लकबस्टर हुने चलचित्रको संख्या १ मात्र छ ।

यो बर्षको दशैंमा रिलिज भएको चलचित्र ‘छक्का पन्जा ३’ले १६ करोड भन्दा बढी ग्रस कलेक्शन (निर्माताका अनुसार) गरेको छ । यो बर्ष ब्लकबस्टर हुने एक मात्र चलचित्रमा पर्छ ‘छक्का पन्जा ३’ । यस्तै, यो बर्ष नै रिलिज भएको चलचित्र ‘नाई नभन्नु ल ५’ सुपरहिट भएको थियो । चलचित्रले नेपालबाट निर्मातालाई राम्रै शेयर दिएको छ । यस्तै, यो बर्षको दशैंमा नै रिलिज भएको चलचित्र ‘जय भोले’ले नेपाली पर्दाबाट लगानी मात्र उठाएको छ । यस्तै, नेपालबाट मुश्किलले लगानी उठाउने चलचित्रमा ‘यी बाहेक केही चलचित्रमात्र छन्, जुन औषत चलेका छन् ।

यो बर्ष औषत चलेका चलचित्रहरुमा ‘रामकहानी, इन्टु मिन्टु लण्डनमा, प्रसाद, क्याप्टेन’ लगायतका छन् । जसले नेपाली बक्स अफिसमा औषतको कमाई गरेका छन् । औषत चलेका यी चलचित्रबाट पनि निर्माता सुरक्षित भने छैनन् । यी बाहेक जतिपनि चलचित्र रिलिज भएका छन्, ती सबै चलचित्रले निर्मातालाई ठूलै घाटा दिएका छन् । केही चलचित्रले नेपाली बक्स अफिस, डिजिटल विक्री, विदेशी बजारबाट लगानी त उठाएका होलान् तर नेपालका हलबाटै चलचित्र सफल नभएसम्म त्यसलाई सफल भएको मान्न सकिदैन । चैत्रमा अहिलेसम्म ‘जानी नजानी, दि म्यान फ्रम काठमाण्डौ, पुरानो बुलेट, कागजपत्र, प्रेमलिला, साइँली, शुभ लभ, लभ स्टेशन’ रिलिज भैसकेका छन् ।

यसमध्ये ‘लभ स्टेशन र साइँली’ हलमा चलिरहेकाले अहिले नै सफल वा असफल भन्न सकिदैन । यो महिना अब चैत्र २९ गते रिलिज हुन लागेको चलचित्र ‘यात्रा र ए मेरो हजुर ३’ आशा धेरै गरिएको छ । नेपाली चलचित्रका लागि यो बर्ष ‘कालो बर्ष’को रुपमा रहेको छ । किनकी, यो बर्ष रिलिज भएका ९६ वटा चलचित्रमा जम्मा २ वटाले मात्र निर्मातालाई नाफा दिन सक्नु आफैमा उदेकलाग्दो कुरा हो ।

करिब २ अर्ब भन्दा बढी लगानी भएको चलचित्र क्षेत्रले यसपटक धेरैलाई सडकमा ल्याइदिएको छ । यसैले पनि नेपाली चलचित्रका लागि बर्ष २०७५ निकै नै खराब बर्षको रुपमा रह्यो ।

होटल टुलिपको न्यु इयर नाइटमा ख्यातिप्राप्त कलाकार आउने

मोहन न्यौपाने । आफ्ना शुभचिन्तक तथा ग्राहकमा नयाबर्ष २०७६को शुभकामना बाड्ने उदेश्यले नयाबर्षकै संघारमा होटल टुलिप ड्राइभरटोलको आयोजनामा बृहत सास्कृतिक कार्यक्रम न्यु इयर २०७६ इण्टरटेन्मेण्ट नाइट हुने भएको छ ।

दर्शकको माग र चाहनालाई मध्यनजर गर्दै यस क्षेत्रमै नया प्रस्तुतिका साथ् संचालनमा आएको र छोटो समयमै चर्चा पाउन सफल टुलिपले बृहत सास्कृतिक कार्यक्रमका साथ बेजोड ख्यातिप्राप्त कलाकारको प्रस्तुति दिने बताइएको छ । यहि चैत्र ३० गते यो बर्षको अन्तिम दिन नया बर्ष २०७६ लाइ स्वागत गर्ने सो कार्यक्रममा ख्यातिप्राप्त लोक तथा दोहोरि गायक पुरुसोत्तम न्यौपाने, बाधबादनामा ख्यातिप्राप्त कलाकार हरुको समूह लक्ष्य ब्याण्डको इन्स्ट्रुमेण्टल प्रस्तुति , गायक बैकुण्ठ महत , गायिका प्रिया भण्डारी , ख्यातिप्राप्त डान्सर राज केसी, गायिका सरिता सारु मगर, सुशील आचार्य , प्रदर्शनी आइडलहरुको बिशेस प्रस्तुति सहित रास्ट्रीय तथा स्थानिय कलाकारहरु सहित टप कलाकाकरको प्रस्तुति रहने छ । सांझा ७:३० बजे देखि शुरु हुने सो कार्यक्रममा सहभागी हुन रु १५०० र २५०० को टिकट राखिएकोमा सो टिकटमा डिनर, स्न्याक्स ड्रिङ्क समेत फ्री रहने होटलले जनाएको छ । आफ्नो टिकट विभिन्न स्थानबाट पाउन सकिने र बुटवलका लागि गण्डकी ट्रेडर्स ट्राफिक चोक , होलिडे फन ट्रावल्स मणिग्राम , फेमिली मार्ट डिङ्गरनगर तथा होटलको आफ्नै भवनमा टिकेट पाइने बताइएको छ । लक्ष्य ब्यान्डको इण्ट्रुमेण्टल प्रस्तुति सम्भवत: यो क्षेत्रमै पहिलो भएकाले दर्शको घुइचो हुने आयोजकले नजाएको छ ।

किन हिडे हरिहर शुभलभ हलमा दर्शक भेट्न ?

     मोहन न्यौपाने , चैत १८ बुटवल । अहिले शुभलाभ नायक प्रख्यात ज्योतिष समेत रहेका हरिहर अधिकारि हलहलमा दर्शक भेट्न हिडेका छन् । प्रख्यात ज्योतिष हरिहरको यो पहिलो फिल्म हो, आफ्नै कथामा निर्मित यो फिल्म दर्शकका लागि नया स्वाद भने पक्कै छ । निर्माता प्रदिप कुमार उदयको साथमा दर्शक भेट्न बुटवल आएका हरिहरलाई जब दर्शकले घेरे तब उनि आफैलाई नर्भस फिल गरे । बालबच्चादेखि टिनएज हुदै बृद्दबृद्दा सबैको मन जित्न सफल उनले सोचेका पनि थिएनन । तर एक्कासी परिक्षाकेन्द्रित समयमा फिल्म रिलिज हुदा पनि दर्शकको ओइरो देखेपछि उनि आश्चर्यचकित भए । अझै फिल्मको कथाबस्तु र आफ्नो मेहनत भरपुर दिएकाले पनि फिल्म हेर्ने लहर सोमबारपछि ह्वात्तै बढ्न सक्ने अनुमान उनको छ ।

पत्रकारसंग कुरा गर्दै अधिकारीले आफु प्रोफेशनल पेशामा लगाव भैरहेकाले फिल्ममा कमाउन न आएको तर आफ्नो करिअरलाइ थप उर्जा दिन दर्शकमाझ प्रत्यक्ष आएको बताएका छन् । बढीजसो समय आफ्नै करिअरका लागि बिताउने हरिहरले परिवारमा बसेर रमाउन नपाउदा दुख लाग्ने बताउछन । घरको फुल सपोर्ट पाएकोमा भने उनि खुसि छन् ।
शुक्रबार रिलिज फिल्मले सोमबारसम्म आउदा राम्रो ग्रसकलेक्सन गरेकोले पनि उनि अझै उत्साहित छन्। मंगलबारबाट दर्शकले अझै माया गर्ने र एसईई दिएका बिद्यार्थीहरुलाई पोजिटिभ भाइव्सका लागि शुभलभ एउटा कोशेढुंगा साबित हुने र केहि हदसम्म भएपनि पुनर्ताजगी दिने उनको भनाइ छ ।

ज्योतिषबाट एक्कासि फिल्म क्षेत्रमा आउदा आफुलाई खुबै सन्तुस्टि मिलेको र अब झन् अर्को दमदार फिल्ममा अभिनय गर्न इच्छुक भएको र दर्शकले फरक-फरक ढंगमा अभिनयको स्वाद चाख्न पाउने उनको भनाइ छ ।
फिल्मलाई दर्शकबाट मिश्रित प्रतिक्रिया मिलेको छ । ज्योतिष विधामा छोटो समयमै लोकप्रियता कमाएका हरिहर अधिकारी र नव-अभिनेत्री क्रिस्टिन पौडेलको कामलाई फिल्म हेर्नेहरुले मनपराएका छन् । साथै, फिल्मको कथाले धेरैको ध्यान खिचेको छ । प्रदीप कुमार उदय निर्मित यो फिल्मलाई सन्तोष बाबु लोहनीले निर्देशन गरेका हुन् ।

तस्बीर तथा भिडियो : आकाश दर्पण क्रियशन ( आकाश पन्थ )

RECENT POSTS