Wednesday, December 19, 2018

“प्रसाद”कहाँबाट आयो कसैले सोध्छ र ? मौलिकताभित्रको सामाजिक-कथा

मोहन न्यौपाने , बुटवल । एउटै बिषयले ओकलेको कथा ! परापुर्व कालदेखि समाजमा चल्दै आएको घटना जसलाई एउटा पबित्र मन्दिर भनेपनि खासै फरक पर्दैन। उही मन्दिर भित्रका पुजारी र धर्मानुरागी हामी जनता । छुवाछुत भित्र रहेको समाजबाट जति टाढा हुन खोजे नि नसकेको समाज अनि समाजको पछाडी लागेको बास्तबिक कहालीलाग्दो जिबन संघर्ष, त्यहि कथाको अनुरुपता हो प्रसाद ।

ग्रामिण भेगमै कथा सक्याएको मौलिकता भित्र आधुनिकता बोकेको शहर पनि लुकेको देखिन्छ यसको पछाडी निर्देशक दिनेश राउत निकै चल्ती देखिन्छन उनले कुनै कसुर बाकि राखेका छैनन् सबै जसो स्थानमा निर्देशकीय क्षमता देखाउन । पहिल्यै अनुमान लगाउदै मनोवृति धकेल्दै फिल्म हेर्ने हरुका लागि कथाले न्याय गरेको छ । हेर्दा एउटा साधारण लाग्ने कथाले देश , बेरोजगारी , गरिबी , छुवाछुत , भेदभाव र समाज अनि जनता बिचको दुरी नजिक पारेको छ ।

आफुमा भएको सिप दुखेसोमा काम लाग्ने गराएका बिपिन कार्कीको शशक्त अभिनय कुनै कालजयी गायक गायिकाको संघर्ष र सफलता भन्दा कम छैन । त्यहि सुनमा सुगन्ध थपेकी नम्रता श्रेष्ठले हेर्दा नाटकीय लाग्ने मौलिक अभिनय गरेकी छिन । गरिबी र बेरोजगारीलाई ट्याक्क टेकेर अभिनय गरेका निश्चल बस्नेत फेरी कालेदाई किल्लर को भूमिकामा जमेका छन् । यिनै ३ कलाकारको बास्तबिक जिबन र प्रयोगको खुड्किलोको सान्दंर्भिक कथा हो प्रसाद अहिले देशभरिका सबै जसो हलमा दोस्रो सातामा सफलतापुर्बक चलिरहेको फिल्मलाइ अहिलेको मौलिकता भित्रको सामाजिक कथाको रुपमा हेरिएको छ ।

‘मन्दिर भनेको पवित्र स्थल हो। त्यहाँ ईश्वरको बास हुन्छ। चढाइएका सबै नैवेद्य भगवान्का प्रसाद बन्छन्। विशुद्ध प्रसाद। कस्तो हातले चढायो ? कुन जातिले चढायो ? वा कत्ति स्वच्छ चढायो ? कसैले सोध्दैन।’ फिल्म ‘प्रसाद’को अन्त्यमा यस्तै केही सुुनाउँछन् अभिनेता विपिन कार्की (बाबुराम परियार)। अन्त्यतिर बोलिने यो संवादले सम्पूर्ण फिल्मको सार बताउँछ।
कमेडी फिल्मले धानेको अहिलेको नेपाली फिल्मको बजारमा निर्देशक दिनेश राउतले ‘प्रसाद’ मार्फत भिन्न स्वाद पस्केका छन्। हामी फिल्मलाई समाजको ऐना भन्छौं तर प्रसादले समाजललाई नै एकपटक ऐना हेर्न आग्रह गरेको छ।

‘नेपाली फिल्ममा हाम्रा आफ्नै कथा छैनन्। मौलिकता हुँदैन। कलाकारले गर्ने अभिनय र संवाद आयातीतझैं लाग्छन्।’ जस्ता तमाम आरोपलाई प्रसादले चिरेको छ। फिल्म अन्तरजातीय विवाह र निःसन्तान दम्पतीको कथामा आधारित भनिए पनि मूलतः गर्भमाथि आमाको अधिकार रहने विषयको उठान गरिएको छ। एक बलात्कृत महिला गर्भवती हुन्छे भने उसको कोखलाई समाजले मान्यता दिने कि नदिने ? फिल्ममा यही प्रश्न उठान गरिएको छ।

‘बीउको अधिकार बीउसम्म नै सीमित हुन्छ। त्यो हुर्किएर रूख बनेपछि त्यसमा लाग्ने फलमाथि किसानको अधिकार हुन्छ’, फिल्ममा नारायणी (नम्रता श्रेष्ठ)ले आफ्नो गर्भमाथिको अधिकारलाई यसरी नै व्याख्या गरेकी छन्। बलात्कारपछि गर्भमा आइसकेको बच्चा नाजायज हुन्नन्। त्यो त भगवान्को प्रसाद हुन्छ। र, भगवान्को प्रसादलाई कसरी अस्वीकार गर्ने ? फिल्ममा भन्न खोजिएका यी वाक्यले हाम्रो समाजिक मनोविज्ञानलाई परिवर्तन गर्न खोजेको छ।

प्रसादमा विपिन कार्की (बाबुराम) तल्लो र नम्रता श्रेष्ठ (नारायणी) उपल्लो जातको भूमिकामा छन्। त्यस्तै फिल्ममा निश्चल बस्नेत (रमेश) यी दुई दम्पतीका साथी छन्। यिनको भूमिका भगवान् हो कि राक्षसको ? कथावस्तु सामान्य भए पनि सञ्चारकर्मी सुशील पौडेलको लेखन तारिफयोग्य छ। सशक्त पटकथाबाट फिल्मको वजन बढेको छ। फिल्ममा लेखकले ट्रिकी संवादको प्रयोग गरेका छन्।

कलाकार विपिनको अभिनयले कथामा अझै ज्यान थपेको छ। उनको गेटअप, संवाद, भाषाप्रतिको पकड जबरजस्त छ। नेपाली समाजमा तल्लो जाति मानिने ‘परियार’को भूमिकामा छन् उनी। नायिका नम्रता श्रेष्ठको अभिनय जीवन्त छ। निश्चल बस्नेतको भूमिकाले फिल्मलाई तर्कपूर्ण बनाएको छ। केहि सम्बाद टिप्पिकल हुदा मनमा छेड हानेको पत्तै हुदैन । समग्रमा फिल्म प्रसाद साच्चिकै दर्शकका लागि प्रसाद साबित बनेको छ ।

नेपाल आईडलमा अमित बरालको यात्रा निरन्तर

विष्णु खत्री,कार्तिक १७ सैनामैना
रुपन्देही सैनामैना ४ मुर्गियाका २४ वर्षीय अमित बराल नेपाल आईडल को यात्रामा निरन्तरता दिन सफल भएका छन् । प्रदेश नं ५ को प्रतिनिधित्व गर्दै नेपाल आईडलको प्रतिस्पर्धामा रहेका बराल शुक्रबार भएको ‘एलिमिनेसन डे’ को नतिजामा उत्कृष्ट ८ मा आफ्नो नाम सुरक्षित गर्न सफल भएका हुन् । उत्कृष्ट ८ मा परे सँगै बरालले धन्यवाद व्यक्त गर्दे आफ्नो फेशबुक पेजमा यस्तो लेख्छन् – “निशब्द भएं तपाईंहरू सम्पुर्णको आकाश भन्दा पनि फराकिलो स्नेहले ।” धेरै धेरै धन्यवाद । माया नै माया मेरो तर्फबाट ।

नेपाल आइडलको सुरुवात देखि नै आफ्नो गायकीको कारण सबैको मन जितेका अमित एक चोटी ‘पफर्मेस अफ द डे’ बनेका छन् भने, बिहिवार तिम्रो हर प्रश्नको जवाफ मेरो चिट्ठी हरुमा खोज्नु ,यदि चित्त तिमिलाइ बुज्दैन भने मेरो सामुन्ने आएर सोध्नु , भन्ने गीतमा आफ्नो उत्कृष्ट प्रस्तुति दिएका बराल निर्णयक र दर्शकको भोटिङको आधारमा कम मत प्राप्त गर्दै शुक्रबार पुन ः एक पटक डेन्जर जोनमा परे ।

आफ्ना दाजु स्व.सुमित बरालको साङ्गितिक सपना साकार पार्न अघि बढेका अमित बरालले क्लासिकल र पप शैलीका गीत बढी मन पराउने गर्दछन् । प्रत्येक बिहिबार बेलुका ८ः ३० बजे एपी वान टेलिभिजनमा प्रसारण हुने नेपाल आइडलको टप ८ मा पुगेका अमितलाई जिताउन भोटको आवश्यक परेको छ ।

अमितका बुवा जिबन बरालले आफ्ना छोरालाई जिताउन सबैसँग भोटका लागि अपिल गरेका छन् । अमितलाई नेपाल आइडल सिजन २ बनाउन म्यासेजमा ०१ टाइप गरी ३१००९ मा पठाउनु पर्नेछ । भोट हरेक हप्ताको विहीबार राति ८ः ३० देखि शुक्रबार दिउँसो १२ बजेसम्म मात्र गर्न सकिने जनाइएको छ । देश र बिदेशबाट एप बाट पनि भोट गर्न सकिने छ ।

अन्तराष्ट्रिय चाईल्ड फेष्टिबल विजेतालाई बुटवलमा ड्रिम ईभेन्ट्स एण्ड ईन्टरटेन्मेन्टको सम्मान

बुटवल, कार्तिक
संयुक्त अरब इरिमेट्स (दुबई) मा आयोजना भएको जुनियर मोडेल ईन्टरनेश्नल २०१८, अन्तराष्ट्रिय बाल महोत्सवमा बुटवलका विधान गहतराजलगयात जुनियर मोडेलको उपाधिसहित अन्य चार जनाले विभिन्न विद्यामा सफलता प्राप्त गरेकाहरुलाई बुटवलमा सम्मान गरिएको छ । ड्रिम ईभेन्ट्स एण्ड ईन्टरटेन्मेन बुटवलले विहिबार बुटवलका एक कार्यक्रमको आयोजना गरी सम्मान गरेको हो ।

ड्रिम ईभेन्ट्स एण्ड ईन्टरटेन्मेनका अध्यक्ष प्रकाश मगरले नेपालबाट पहिलो पटक सहभागी भएको जुनियर मोडलिङ्ग विजेता हुनु आफैम गौरवको विषय भएको बताएका थिए ।प्रतियोगितामा सहभागि ३० देशका ३५ जना प्रतिस्प्रर्धालाई उछिल्दै सर्वोत्कृष्ट भएर बुटवलका विधान गहतराज जुनियर मोडलको उपाधि चुमेका थिए । । उपाधिसंगै उनले एक वर्षका लागि अन्तराष्ट्रिय मोडलिङ्ग कन्ट्याक्ट, गिफट ह्याम्पर हात पारेका छन ।

यसैगरि अंकुश श्रेष्ठ प्रतियोगितामा फष्ट रनर अफ, रुचि केसी कन्जुन्यालिटि, नुतन राना बेष्ट पर्सनालिटि, याना राना मिस जुनियर ब्युटिफुल विद्यामा पुरस्कृत भएका हुन । प्रतियोगितामा भारत, दुबई, मंगोल, युक्रेन, साउथ अफ्रिका, हंगकंग, बंगलादेश, श्रीलंका लगायत ३० देशका सहभागि बालबालिकाहरुले प्रतियोगिताको विभिन्न राउण्डमा आफनो प्रतिभा प्रस्तुत गरेका थिए ।

प्रतियोगिताको ट्यालेन्ट राउण्ड, कल्चर शोमा नेपाली बालबालिकाहरु उत्कृष्ट प्रस्तुति दिन सफल भएका थिए । गहतराजले ट्यालेन्ट राउण्डमा नेपाली गित गाएका थिए भने बालबालिकाको टिमले नेपाली पोशाकमा सजिएर नेपाल र बुद्ध जन्मबारेमा परिचय दिने गरि प्रस्तुति दिएका थिए ।

सेन्टर प्लानर एण्ड फेशन रनवे ईन्टरनेश्नल मोडलिङ्ग ट्यालेन्ट एजेन्सीको आयोजनामा अक्टुबर १ देखि अक्टुबर ६ सम्म दुबईको जुमेरामा भएको प्रतियोगितामा सहभागिताबाट अवसर पाए नेपाली बालबालिकाहरुले अन्तराष्ट्रिय मञ्चमा उत्कृष्ट हुने प्रमाण पेश गरेको ड्रिम ईभेन्ट्स एण्ड ईन्टरटेन्मेनका अध्यक्ष प्रकाश मगरले बताए । रुपन्देहीबाट सहभागि भएर पहिलो पल्ट अन्तराष्ट्रिय मञ्चमा टाईटल जित्न पाउदा निक्कै खुशी लागेको र यसले बच्चाहरुको कन्फिडेन्स बढेको उनले दाबी समेत गरे । बालबालिकाहरु रहेका अन्तरनिहित प्रतिभा प्रस्फुटन गराउदै अन्तराष्ट्रिय मञ्चसम्म पुर्याउने उद्येश्यले प्रत्येक वर्ष विभिन्न देशहरुमा कार्यक्रम गरिदै आएको छ ।

जुनियर आईकनको प्रतिस्प्रर्धामा १४ जनामध्येबाट गहतराज विजेता बन्दै अन्तराष्ट्रिय मञ्चसम्म पुगेका हुन । बालबालिकाहरुलाई कन्फिडेन्ड बिल्ड अप, सेल्फ कन्फिडेन्ड, मोटिभेसनल, न्युटिसियन, पर्सनालिटि डेभलोममेन्ट, डान्सिङ्ग, सिगिङ्ग, म्युजिक, पब्लिक स्पीकिङ्ग, डविङ्ग, ¥याम्प वाक लगायत २५ दिनसम्म कक्षाहरु दिएर आयोजक ड्रिम ईभेन्ट्स एण्ड ईन्टरटेन्मेनले क्षमता विकास गराएको थियो ।

 

’फ्ल्यास मोब’ शैलीमा सार्वजनिक गरिने‘बुलबुल’ गीत

लगातार पर्दामा आइरहेकी अभिनेत्री स्वस्तिमा खड्काले टेम्पो ड्राइभरको भूमिकामा निर्वाहा गरेको फिल्म ‘बुलबुल’ को पहिलो गीत ’फ्ल्यास मोब’ शैलीमा सार्वजनिक गरिने भएको छ । यो शैलीमा भीडमा रहेका कलाकार अचानक गीत बजेसँगै एक जुट भएर नाच्न थाल्नेछन् ।

‘खुदाखुद्री’ बोलको गीत एकै साथ पाँच सहरमा सार्वजनिक गरिन लागेको हो । फिल्मको गीत यही कात्तिक १५ गते काठमाडौको काठमाडौं मल, पोखराको चिप्लेढुंगा चोक, बुटवलको ट्राफिक चोक, नारायणघाटको नारायणी किनार र बिर्तामोडको हनुमान कम्प्लेक्समा एकै समयमा रिलिज गरिने छ । १५ गते दिनको ३ बजे एकै समयमा बजारमा छरिएर रहेको डान्सरले अचानक गीतमा नृत्य गर्ने कार्यक्रम रहेको निर्माता अविरल थापाले जानकारी दिए ।

काठमाडौं बाहिर स्वयंसेवी डान्सरले नृत्य गरे पनि काठमाडौंको काठमाडौ मल अगाडि भने फिल्मकी नायिका स्वस्तिमा र नायक मुकुन भुसालले पनि ठुम्का लगाउनेछन् । भक्तपुरको हेलमेट डाँडामा पच्चीस वटा टेम्पो र सय जनाको कोरससहित ४ दिन लगाएर खिचिएको गीतमा १८ लाख भएको निर्माण टिमको दाबी छ ।

गीतको कोरियोग्राफी कविराज गहतराजले गरेका हुन । ‘खुद्रा खाद्री’ बोलको गीतमा निश्चल बस्नेत र रजिना रिमालको स्वर रहेको छ भने गीतको रचना र संगीत कोशिस क्षेत्रीले गरेका हुन् । फिल्ममा स्वस्तिमा खडकाका अलावा मुकुन भुसाल ,बुद्धि तामाङ ,दिपक क्षेत्री ,लक्ष्मी बर्देवा, जोयश पाण्डे, उज्जल अधिकारी ,सृष्टि भट्टराई आदिको अभिनय रहेको छ । फिल्म फागुन ३ मा रिलिज हुँदैछ ।

बुटवलको कार्यक्रमका लागि आइपुगे गायक कुमार सानु, दर्जनौ लोकप्रीय गीत प्रस्तुत गर्दै

बुटवल – यही शुक्रवार अर्थात असोज ५ गते तिलोत्तमाको मणिग्रामस्थित ड्रिमल्याण्ड गोल्ड रिसोर्टमा आयोजना हुने आफ्नो एकल गायन कार्यक्रम ‘कुमार सानु लाइभ इन लुम्बिनी’ मा सहभागिता जनाउन लोकप्रिय गायक कुमार सानु काठमाडौंस्थित त्रिभुवन विमानस्थलमा अवतरण गरि त्यहा मार्फत भैरहवा हुदै भर्खरै बुटवल आएका छन् । शुक्रवार साँझ ६ बजेपछि ड्रिमल्याण्ड गोल्ड रिसोर्टमा प्रारम्भ हुने एकल गायन कार्यक्रममा सहभागिता जनाउन गायक कुमार सानु आएका हुन् ।
बलिउडका सयौं चलचित्रका हजारौं गीत गाएका गायक कुमार सानुले हिन्दी, नेपाली, बंगालीसहित विभिन्न भाषाका २० हजार भन्दा बढि गीतमा स्वर प्रदान गरिसकेका छन् । यसअघि काठमाडौंमा आयोजना भएको एकल गायन कार्यक्रममा प्रस्तुत भैसकेका गायक कुमार सानु लुम्बिनीमा पहिलो पटक प्रस्तुत हुन लागेका हुन् । कुमार सानुले भारतको प्रख्यात फिल्म फेयर अवार्डदेखि पद्यमश्री सम्मको सम्मान पाइस्केका छन् ।
सन् १९९० को दशकमा सर्वाधिक सफल र लोकप्रिय भएका यी गायकले नेपाली संगीतमा समेत राम्रो छाप छाडेका छन् । उनले केही दर्जन नेपाली कालजयी गीतहरुमा आफ्नो कर्णप्रिय स्वर दिइसकेका छन् । अघिल्लो वर्ष काठमाडौंमा प्रस्तुत हुँदा नेपाली दर्शकले देखाएको माया तथा प्रेमबाट प्रभावित भएरै उनले पुन: नेपाल आउने चाहाना व्यक्त गरेका थिए । त्यसैको फलस्वरुप गौतम बुद्धको जन्मस्थल लुम्बिनीमा आयोजना हुने अन्तर्राष्ट्रियस्तरको सांगीतिक कार्यक्रममा कुमार सानुले सहभागिता जनाउन लागेका हुन् । शुक्रवारको कार्यक्रममा कुमार सानुले नेपाली तथा हिन्दी गरी झण्डे ३० वटा लोकप्रिय गीत गाउने कार्यक्रम छ । गायक सानुले लाइभ ब्याण्डसहित आफ्नो प्रस्तुती दिने छन् ।

आयोजक पारामाउन्ट इन्टरटेन्मेन्टले रुपन्देहीको तिलोत्तमा नगरपालिका स्थित मणिग्राममा आयोजना गर्न लागेको यो कार्यक्रममा नेपालकै लोकप्रिय गायिका देविका बन्दनाले पनि आफ्ना दुई हिन्दी गीतसहित कुमार सानुसंगको ‘भरे आउँछु सपनीमा…’ गाउँदै छिन् । भारतका लोकप्रिय गायक तथा नेपालकी स्थापित गायिकाको एउटै मञ्चमा हुने प्रस्तुतीले दर्शकलाई रोमाञ्चकता प्रदान गर्ने निश्चित छ । कार्यक्रम का लागि भनेर जिल्ला भित्र र बाहिरका समेत दर्शक ले आफ्नो लागि टिकट बुकिङ्ग गरिसकेका छन् भने आयोजक का अनुसार केहि टिकट मात्र अब बाकि रहेको बताइएको छ। मणिग्रामस्थित ड्रिमल्याण्ड गोल्ड रिर्सोटमा आयोजना हुने सो कार्यक्रमको हाउस फुल हुन सक्ने भएकाले उचित ब्यबस्थापन र तयारी पुरा भैसकेको आयोजकको दाबि छ । कार्यक्रमलाई आवाजको दुनियाँको साथी दिनेश डिसीले सञ्चालन गर्नेछन् ।

गुरुङभाषाको चलचित्र ङ्ई माया क्यौंलाई (मेरो माया तिमीलाई)को बिशेस प्रदर्शन हुने

गुरुङ भाषाको चलचित्र ङ्ई माया क्यौंलाई मेरो माया तिमीलाई को बिशेस प्रदर्शन हुने भएको छ । बुटवलमा आज पत्रकार सम्मेलन गरि फिल्मको बिषयमा निर्माता गौतम गुरुङले भाषाको संरक्षण र सस्कृतिको जगेर्ना गर्न आफुले गुरुङ भाषाको फिल्म निर्माण गरेको बताउनु भएको थियो ।

प्रेम कथामा आधारित फिल्मको लमजुङ्ग स्यांग्जा लगायतको ठाउमा छायांकन गरिएको हो । करिब १७ लाखको लगानीमा निर्माण गरिएको फिल्मले समाजको बास्तबिकता बोल्ने नायिका अलिजा गुरुङ ले बताउनुभयो । फिल्म ङ्ई माया क्यौंलाई मेरो माया तिमीलाईको बिशेस प्रदर्शन अशोज ४ गते बिहान ८ बजे कालिका चलचित्र मन्दिरमा हुने बिशेष प्रदर्शनका आयोजक किरण तमुस्योले बताउनुभयो ।

लियो भलवारी युथको तीजगीत प्रतियोगिता सम्पन्न, लिटिल प्याराडाइज प्रथम

मोहन न्यौपाने , भाद्र २३ । लियो क्लब अफ भलवारी युथ तिलोत्तमा-७ भलवारिको आयोजनामा खुल्ला तीज गीत प्रतियोगिता सम्पन्न भएको छ । १० समुहको सहभागिता रहेको सो प्रतियोगितामा सबै प्रतियोगी समुहले देशको बिकृती बिसङ्गती र प्रगती तथा समुन्नत समाजको परिकल्पनामा आधारित व्यंग्यात्मक गीत प्रस्तुत गरेका थिए। प्रतियोगितामा लिटिल प्याराडाइज ईंग्लिश मिडिएम स्कुल प्रथम भएको छ भने प्रगतिनगर टोल बिकास सस्था दोस्रो र बिएन ग्रुप तेस्रो स्थान हासिल गर्न सफल भएका छन । प्रतियोगितामा प्रथम,द्वितीय र तृतीय हुने समुहले क्रमशः नगद रु. १० हजार , ७ हजार ५ सय  र ५ हजार सङ्गै प्रमाणपत्र सहित गिफ्ट ह्याम्पर प्राप्त गरेका थिए । प्रतियोगितामा उत्कृष्ट हुने सबै टिमलाई प्रमुख अतिथी पिडिजी एम जे एफ लायन अरुण प्रताप राणाले पुरश्कार प्रदान गरेका थिए ।

क्लबका अध्यक्ष लियो गोबिन्द बन्जाडेको अध्यक्षतामा सम्पन्न कार्यक्रमको पहिलोचरणमा उद्घाटन गर्दै प्रमुख अतिथी पिडिजी एमजेएफ लायन अरुण प्रताप राणाले क्लबले गरेको सामाजिक कार्यको खुलेर प्रशम्शा गरेका थिए । उनले छोटो समयमै क्लबले सामाजिक बिश्वस्नियता र जागरणको कार्य गरेकोमा सस्थाको प्रगतिको कामना गरेका थिए।

सोही कार्यक्रममा बोल्दै अतिथी लायन एमजेएफ अर्चित श्रेष्ठले युवाहरुको जामतले गरेको समाजिक सेवासङ्गै सास्कृतिक पर्वको महत्व समजमा छर्न सफल क्लबलाई आगामी दिनमा अझै प्रगतिको शुभकामना ब्यक्त गरेका थिए ।

सो कार्यक्रममा बोल्दै जिल्ला समन्बय समितिकी सद्स्य जमुना लम्सालले समाजको बिकृती बिसङ्गती हटाउदै क्लबले महिलाहरुको महान चाडको अवसरमा गरेको तीजगीत प्रतियोगिताले एउटा जनचेतना जगाउन सफल हुने कुरा बताइन् । उनले युवाहरूको सहभागिता रहेको क्लबले समाजमा गरेको कार्य उत्कृष्ट रहेको बताइन ।

क्लबका निबर्तमान अध्यक्ष अर्जुन चौधरिले क्लबलाई स्थापना कालदेखि सहयोग गर्नुहुने समाजका सबै दानबिर तथा सहभागिता जनाउनुहुने सबै प्रती आभार ब्यक्त गर्दै क्लबको प्रगतिको कामना ब्यक्त गरेका थिए।

उद्घाटन सत्रको समापन गर्दै क्लबका अध्यक्ष गोविन्द बन्जाडेले सबै सहयोगिप्रती आभार प्रकट गर्दै समाजमा चेतना स्तर बढाउन र समाजिक दायित्व बढाउन क्लबलाई सबै तरहबाट सहयोगी भुमिका खेल्ने सबैलाइ धन्यबाद ज्ञापन गरेका थिए । उनले प्रतियोगिता सास्कृतिक चाड मनाउन मात्रै नभै समाजको चेतनामा वृद्धि गर्नु क्लबको उदेश्य रहेको बताए ।

उद्घाटन सत्रपछी सम्पन्न सो खुल्ला तीजगीत प्रतियोगितामा चेलिबेटी बेचबिखन , महिला हिंसा , कर र स्थानिय तह , महिलाको बेदना , युवा दुर्ब्यशनीका बिरुद्द आवाज लगायतका बिषय बस्तुलाई प्रस्तुत गरिएको थियो । सो तीज गीत प्रतियोगिताको सन्चालन क्लबका सचिब रबिन जोशी र शुश्मा सापकोटाले गरेका थिए।

जनउत्थान साकोसको तीजगीत प्रतियोगिता सम्पन्न, उपाधि कामना आमा समुहलाई

मोहन न्यौपाने , तिलोत्तमा भाद्र १५ । जनउत्थान साकोस तिलोत्तमा १५ कोटिहवाको आयोजनामा आफ्नै सदस्य बिचको तीजगीत प्रतियोगिता सम्पन्न भएको छ। साकोस कि अध्यक्ष ज्ञानु पौडेलको अध्यक्षता तथा आन्तरिक मामिला तथा कानून मन्त्रालय प्रदेश नं. ५ का सचिव डा. मान बहादुर विकेको प्रमुख आतिथ्यतामा सम्पन्न सो प्रतियोगितामा कामना आमा समूह बिसौरियाले प्रथम स्थान हासिल गरेको थियो । उपाधि जितेसंगै कामना आमा समुहले नगद रु. १० हजार प्राप्त गर्यो भने दित्तीय हुदै मनकामना जनउत्थान समूह भलवारीले नगद रु. ७ हजार र तृतीय हुदै जागरण जनउत्थान समूह भलवारीले नगद रु. ५ हजार प्राप्त गरेका छन् । प्रतियोगितामा अन्य सबै प्रतियोगीले सान्तवना स्थान हासिल गरि नगद रु.२/२ हजार प्राप्त गरेका छन् ।

प्रतियोगितामा प्रथम दित्तीय तृतीय र सान्तवना हुने सबैलाई प्रमुख अतिथि आन्तरिक मामिला तथा कानून मन्त्रालय प्रदेश नं. ५ का सचिव डा. मान बहादुर विकेले नगद , गिफ्ट ह्याम्पर तथा अबिर सहित सम्मान गर्नुभएको थियो । सो प्रतियोगितामा बोल्दै पमुख अतिथि  विकेले ग्रामिण तहमै रहेर छोटो समयमा जनताको मनजित्न सफल जनउत्थान सहकारी प्रदेशकै उदाहरण भएको बताउनुभएको छ । उहाले जनतामुखी कार्य गरेको सहकारीले प्राप्त गरेको बिभिन पुरष्कार र देशमै उदाहरणिय काम गरेको प्रति खुलेर प्रसंशा गर्नुभयो ।

सो कार्यक्रममा बोल्दै साकोसकि अध्यक्ष ज्ञानु पौडेलले जनताको सहभागिता र दायित्वले पाएको पुरष्कार सबै सदस्यमा समर्पित गर्दै आगामी दिनमा यस्तै साथ् र सहयोगको अपेक्षा गर्नुभएको थियो ।
उहाले महिलाहरुको सहभागिता र सम्मानका लागि सधैको बर्षजस्तै गरिने तीजगीत प्रतियोगितामा सहभागी सबै समुहलाई धन्यबाद ज्ञापन गर्नुभयो । केहि समयमै ३०० जना बिपन्न गरिब र उत्पीडित तथा पिछडिएकाका लागि सदस्यता दिने बताउदै अध्यक्ष पौडेलले त्यस्तो बर्गको सदस्यता बनाउने व्यक्तिलाई सम्मान गरिने पनि बताउनुभयो ।

त्यस्तै सोहि कार्यक्रममा बोल्दै सस्थाका ब्यबस्थापक रनबहादुर थापाले  सस्थाले गरेको सामाजिक कार्य जस्तै आयआर्जन , सिपमुलक तालिम , स्वरोजगार कार्यक्रम , ब्यबसायी सम्मान , महोत्सब सम्मान , तीजगीत प्रतियोगिता , विपद ब्यबस्थापन ,सरसफाई अभियान , उद्दमशिलता ,सुत्केरी स्याहार , विभिन्न अक्षयकोश लगायतका कार्यमा सरिक हुदै जनताको सुखदुखमा सदैब साथ् दिने बताउनुभएको थियो ।

सो प्रतियोगिताको अवसर पारि सस्थाले विभिन्न कार्यमा सहयोग गर्ने सत्ताको अक्षयकोशको लागि सम्मान सहित डबल नगद प्रदान गरिएको थियो । स्थानिय क्लब , संघ सस्था , बाल क्लब , नियमित रक्तदाता , उत्कृस्ट करेसाबारी गराउने बिष्णु माया डम्मरपाल , दुर्घटनामा परि मृत्युहुने बन्दना चौधरीको परिवारलाइ नगद रु २ लाख सहित अन्य व्यक्ति तथा सस्थालाई नगद सहित सम्मान गरिएको थियो । हाल १ सय ४ करोडको पुजी रहेको सस्थाको आफ्नै पुजी ८ करोड रहेको छ ।

हाल १२ हजार सदस्य रहेको जनउत्थान सहकारीले दक्षिण एसियामा गरिएको छनौटमा नेपालबाट जनउपयोगी सर्बोत्कृस्ट कार्य गरेकोमा इण्टरनेशनल गुणस्तरिय अवार्ड एक्सेस समेत प्राप्त गरि कास्य पदक प्राप्त गरेको छ । हाल भैरहवामा पहुच कार्यालय स्थापना गरेको सहकारीले निकट भविष्यमा मणिग्राम ,मंगलापुर , पश्चिम अमवामा समेत पहुच कार्यालय स्थापना गर्ने निर्णय गरेको छ ।

पर्ल सेकेण्डरी स्कुल कोटिहवामा सम्पन्न भएको सो कार्यक्रममा राष्ट्रिय कलाकार अनुराधा घर्ति अतिथी कलाकारहरु रोहन थापा, कृष्टिना राना, रितिषा के सी लगायतले आफ्ना गायन तथा नृत्य प्रस्तुति देखाएका थिए । सस्थाकी कोशाध्यक्ष सरु रानाको स्वागत मन्तब्यबाट शुरु भएको सो प्रतियोगिताको संचालन सस्थाकि सचीव अन्जु जैसी, कोषाध्यक्ष सरु राना, सिस्टर्स क्लब संयोजक केश कुमरी लुइँटेल र व्यवथापक रन बहादुर थापाले क्रमैसंग गर्नुभएको थियो।

आमा र छोराछोरीबिच अझ प्रगाढ र सुमधुर सम्बन्ध बनाउछ : निर्माता सन्तोष सेन

   मोहन न्यौपाने , बुटवल । आफ्नो प्रमोशानल यात्रा तिब्र बनाएका “मेरीमामु” निर्माता सन्तोष सेनले भाद्र १५ बाट देशभर प्रदर्शन हुने फिल्म “मेरीमामु”को प्रदर्शनबाट सबै आमा र छोराछोरी बिचको सम्बन्ध अझ प्रगाढ र सुमधुर बनाउने बताएका छन् । बुटवलमा भाद्र १० गते मेरिमामु रमाइलो कन्सर्ट लिएर आएका सन्तोषले पोखरा, बुटवल, चितवन, इटहरी, दमक, धरान आदि शहरमा फिल्मका मुख्य कलाकारका साथमा देशका प्रमुख शहरहरुमा सो कन्सर्ट गर्ने बताएका छन् । बालमनोविज्ञानमा आधारित साइकोलोजी फिल्म भन्न रुचाउने निर्माता सन्तोष सेनले आफ्नो फिल्मको प्रदर्शनपछि हरेक परिवारमा आमा र छोराछोरी बिचको सम्बन्ध अझ प्रगाढ र सुमधुर बन्नेमा आफु ढुक्क रहेको बताएका छन् ।

आफ्नै कान्छो छोरो अयुब सेनलाई प्रमुख भूमिका दिएका उनले छोरासंगै उसको साथीको भूमिका निर्बाह गरेका बुट्वलकै प्रतिभा क्रिजन गौतम र बिशेस भूमिकामा कुकुरको अभिनयले दर्शकको मनछुने बताएका छन् । सारुक ताम्राकारलाइ बुवाको भूमिका दिएका उनले नव-अभिनेत्री कुसुम गुरुङलाइ आमाको भूमिका निर्वाह गराएका छन् । भाद्र १५ गतेबाट देशव्यापी प्रदर्शनका आउन लागेको फिल्म “मेरीमामु” मा उनी ७ वर्षे आयुब सेनको आमाको भूमिकामा छिन् ।
अहिले चर्चामा रहेको गीत र ट्रेलरले गति लीइरहदा नायिका अश्लेशा ठकुरीलाइ पनि दर्शकले पुन : सन्तोषकै फिल्ममा देख्न पाउने भएका छन् ।चलचित्र “मेरीमामु” ले फिल्म नै लिड गर्न सक्ने एउटा नया बालकलाकारलाइ उदय गराउनेमा ढुक्क छन् निर्माता सन्तोष सेन । उनको आफ्नै छोरा आयुब मात्र होइन क्रिजनले पनि फिल्मनै लिड गर्न सक्ने भूमिकाको लागि तयार भएको खुलाशा गरेका छन् । क्रिजनको भूमिकाको बारेमा बोल्दै उनले आयुबको प्रमुख भूमिका भएपनि उसको जिबनमा आइपर्ने उतार चढावहरुलाई क्रिजनले फिल्ममा साथ् दिदै सम्झनायोग्य अभिनय गरेको बताए ।फिल्म “मेरीमामु” यहि भाद्र १५ गते खुल्ला रिलिज सहित देशभर प्रदर्शन हुदैछ ।

लिटिल स्टारकि छात्रा सुसिला बनिन पहिलो तिलोत्तमा डान्स स्टार

मोहन न्यौपाने, तिलोत्तमा । तिलोत्तमा डान्स स्टारको उपाधि लिटल स्टार इन्ग्लिश स्कुलकि छात्रा सुसिला सिंजालीले जितेकी छिन । भोटिङ्ग र जजको ५०/५० को आधारमा सो उपाधि सुसिलाले जितेकी हुन्। तिलोत्तमा नगरपालिका भित्रका प्रतिभाको प्रष्फुटन गर्ने उदेश्यले न्यु सत्यसाइ कला केन्द्रको आयोजनामा शनिबार सम्पन्न तिलोत्तमा डान्स स्टार २०७५ मा सयौ दर्शकको माझ भव्य कार्यक्रमका बीच सो उपाधि सुसिलाले जितेकी हुन् ।

न्यु सत्यसाइ कला केन्द्रको आयोजनामा गत जेष्ठ १२ गतेदेखि शुरु भएको करिब ३०० जनाको अडिशनबाट छनौट भएका ५० जनालाइ क्वाटर फाइनलबाट २५ जना छनौट गरि सेमी फाइनलमा प्रवेश गराइएको थियो । सो हि २५ जनाबाट ग्राण्ड फिनालेका लागि टप १२ छनौट गरि प्रतियोगितामा प्रतिश्प्रधा गराइएको थियो । प्रतियोगितामा बिजेता बन्ने सुसिलाले नगद रु ५० हजार सहित ट्रफी प्रमाणपत्र सहित गिफ्ट ह्याम्पर प्राप्त गरेकी छिन भने , फस्ट रनरअप नमुना इन्ग्लिश बोर्डिंग स्कुलकि रिमा झेडिले नगद रु २५ हजार सहित ट्रफी र प्रमाणपत्र प्राप्त गरिन ,त्यस्तै सेकेण्ड रनर अप श्री दुर्गा माध्यमिक बिद्यालयकि आरति थापाले नगद रु १५ हजार सहित ट्रफी र प्रमाणपत्र प्राप्त गरेका छन् । प्रतियोगितामा भिवर चोइस बनेकी पर्ल .ई.बो.स्कुलकि छात्रा इशा पुनले नगद रु ३५ हजार सहित ट्रफी र प्रमाणपत्र प्राप्त गरेकी छिन ।

यम पुन , मोहन गुरुङ , र मिना बुढाथोकी जज रहेको सो प्रतियोगितामा तिलोत्तमा नगरपालिकाका अग्रज व्यक्तित्व हरुमा सम्मान समेत गरिएको थियो ।तिलोत्तमा नगरपालिकाकी उपप्रमुख जगेश्वर देवी चौधरीको प्रमुख आतिथ्यतामा सम्पन्न सो ग्राण्ड फिनालेमा तिलोत्तमा नगरपालिका भित्रका कलाकार तथा उद्घोषकलाई समेत सम्मान गरिएको थियो । सम्मान हुनेमा उद्घोषक रुकु पाण्डे ,डिआइ डि टप ८ मा पुग्न सफल कोटिहवाका रोहण थापा , गायक धनबहादुर गुरुङ , गायक तथा सारेगम भारतका लागि गएका अप्सर अलि , र नृत्य प्रशिक्षक मदन नेपाली रहेका छन् ।

आफुले गरेको यसप्रकारको सम्मानले भावी सन्तति र अग्रज हरुमा समेत सकारात्मक र सम्मानको भाव फैलिने बिश्वास सहित अझै लुकेर रहेका प्रतिभा र अग्रजको खोजि गर्दै आगामी कार्यक्रममा सम्मान गरिने न्यु सत्यसाइ कला केन्द्रका अध्यक्ष सुन्दर गुरुङ ले बताए । साथै उनले केहि दिन लगत्तै मिस तिलोत्तमा सिजन २ मार्फत फेरी दर्शक सामु आउने उदघोस समेत गरेका छन् ।

यस अघि मिस तिलोत्तमा , डान्स स्टार , लुम्बिनी गट ट्यालेन्ट , मिस्टर एण्ड मिस गुरुङ , नाचौ सुपरस्टार सिजन १ , २, ३ सम्पन्न गरिसकेका सुन्दरले आगामी दिनमा अझ प्रतिभाको प्रश्फुटनका लागि समाजमै म्मिलेरा काम गर्ने बताए । सो कार्यक्रममा बोल्दै तिलोत्तमा नगरपालिकाकी नगर प्रमुख चौधरीले , समाजमा भएका यस्तो लुकेर रहेका प्रतिभाको प्रष्फुटन गराउने कार्य गरेकोमा न्यु सत्यसाइ कला केन्द्र प्रति खुसि ब्यक्त गर्दै अझ प्रगति र यस्तै सामाजिक कार्यमा अग्रसर हुन आग्रह गरेकी थिइन् ।

न्यु सत्यसाइ कला केन्द्रको आयोजनामा केहि दिनमै सार्बजनिक हुदै गरेको मिस तिलोत्तमा २०७५को तयारि पुरा भएको अध्यक्ष सुन्दर गुरुङले बताए ।

- Advertisement -

RECENT POSTS