Thursday, September 19, 2019

प्रतिनिधिसभा र प्रदेशसभामा रुपन्देहीबाट को-को भिड्दै छन् ? [ सूची सहित]

    अब्दुल रज्जाक VS छविलाल विश्वकर्मा ,विष्णु पौडेल VS युवराज गिरी,घनश्याम भुसाल VS दिपक बोहोरा,भरत कुमार शाह VS डिलाराम आचार्य
प्रतिनिधिसभा र प्रदेशसभा निर्वाचनका लागि आज उम्मेद्वारी दर्ता शुरु भएको छ । दोस्रो चरणमा तराई र पहाडका ४५ जिल्लामा मंसिर २१ गते निर्वाचन हुदैछ । दोस्रो चरणमा प्रतिनिधिसभातर्फ १ सय २८ र प्रदेशसभातर्फ २ सय ५६ निर्वाचन क्षेत्रमा उम्मेदवारी दर्ता हुनेछ । प्रतिनिधिसभाको कुल १ सय ६५ मध्ये ३७ र प्रदेशसभाको ३ सय ३० निर्वाचन क्षेत्रमध्ये ७४ सिटमा मंसिर १० गते पहिलो चरणमा निर्वाचन हुँदैछ । ती क्षेत्रका लागि कात्तिक ५ गते उम्मेदवारी दर्ता भएको थियो । पहिलो चरणमा उच्च हिमाली तथा पहाडी जिल्लामा निर्वाचन हुनेछ । सदरमुकाममा खोलिएको मुख्य निर्वाचन अधिकृत तथा क्षेत्रअनुसारको निर्वाचन अधिकृतको कार्यालयमा बिहान १० देखि ५ बजेसम्म उम्मेदवारी दर्ताको समय तोकिएको छ ।

उम्मेदवारी दर्तासँगै उम्मेदवारहरूले निर्वाचन आचारसंहिता पालना गर्नुपर्ने आयोगले जनाएको छ । रुपन्देही जिल्लामा कुल ५ लाख २२ हजार ६ सय २ जना मतदाता रहेका छन् भने २ सय ८ मतदान स्थलमा ५ सय ९८ मतदान केन्द्र तोकिएको छ । रुपन्देहीमा प्रतिनिधि सभाका लागि ५ र प्रदेश सभाका लागि १० निर्वाचन क्षेत्र छन् ।

रुपन्देहीको लोकतान्त्रिक गठबन्धनका उम्मेदवार

प्रतिनिधि सभा १ अब्दुल रञ्जाक
प्रदेशसभा १ क ताहिर अलि
प्रदेशसभा १ ख हरि न्यौपाने

प्रतिनिधि सभा २ युवराज गिरि
प्रदेशसभा २ क काजिमान श्रेष्ठ
प्रदेशसभा २ ख महेशमान सिंह

प्रतिनिधि सभा ३ दिपक बोहोरा
प्रदेशसभा ३ क देबि चौधरी
प्रदेशसभा ३ ख रामचन्द्र ढकाल

प्रतिनिधि सभा ४ प्रमोद यादब
प्रदेशसभा ४ क अष्ठभुजा पाठक
प्रदेशसभा ४ ख बसिउद्धिन खान

प्रतिनिधि सभा ५ भरत शाह
प्रदेशसभा ५ क बिष्णु पोखरेल
प्रदेशसभा ५ ख फकरुदिन खां

रुपन्देहीको वाम गठबन्धनका उम्मेदवार
प्रतिनिधि सभा १ छबिलाल बिश्वकर्मा
प्रदेश सभा (१क) डा. कृष्ण न्यौपाने (१ख) दधिराम न्यौपाने

प्रतिनिधि सभा २ बिष्णु पौडेल
प्रदेश सभा (२क) लिला गिरी (२ख)भोजप्रसाद श्रेष्ठ

प्रतिनिधि सभा ३ घनश्याम भुसाल
प्रदेश सभा (३क) विश्वास बराल (३ख) तुलसीप्रसाद चौधरी

प्रतिनिधि सभा ४ ओम प्रकाश यादव (गुल्जारी)
प्रदेश सभसभा(४क)पल्लवी शुक्ला (४ख) सहबुद्धिन देवान

प्रतिनिधि सभा ५ डिलाराम आचार्य
प्रदेश सभा (५क) भुमिश्वर ढकाल

रोचक प्रतिस्प्रर्धा
छविलाल विश्वकर्मा र अब्दुल रज्जाक
विष्णु पौडेल र युवराज गिरी
घनश्याम भुसाल र दिपक बोहोरा
ओमप्रकाश यादव गुल्जारी र प्रमोद यादव
डिलाराम आचार्य र भरत कुमार शाह

पुसमा हुने १४ औं राष्ट्रिय औद्योगिक प्रदर्शनी, कृषि, प्रविधि तथा पर्यटन महोत्सव २०७४ को थप उपसमिति विस्तार

बुटवल कार्तिक १६

रुपन्देही उद्योग संघ बुटवल र नेपाल उद्योग परिसंघ काठमाडौंको संयुक्त आयोजनामा “सम्वृद्ध नेपाल निर्माणको आधार, स्वदेशी उद्यमशिलताको विस्तार” भन्ने मूल नाराका साथ आगामी पुष ६ देखि १८ गतेसम्म संचालन हुन गइरहेको १४ औं राष्ट्रिय औद्योगिक प्रदर्शनी, कृषि प्रविधि तथा पर्यटन महोत्सव २०७४ को आयोजना सम्पन्न गर्नका लागि उपसमिति विस्तार कार्य भइरहेको छ । बुधबार थप ५ वटा उपसमितिहरु विस्तार गरिएको र हालसमम १६ वटा उपसमिति विस्तार भइसकेको संघका महाचिव माधबप्रसाद पौडेलले जानकारी गराउनु भएको छ ।
संघका कार्यससमिति सदस्य ई.नेत्रनारायण भण्डारीको संयोजकत्वमा गठित पर्यटन प्रवद्र्धन उपसमितिको सहसंयोजकमा समुन्द्र जि.सी., सदस्यहरुमा नारायण घिमिरे, जिवनकुमार बञ्जाडे, सन्दिप सापकोटा, सञ्जय लम्साल, निश्चल शर्मा, निरन्जन सिलवाल, चन्द्र थापा, अन्जन कुमार श्रेष्ठ, सन्जय बजिमय, मोहित मिया र दिपक घिमिरे रहनु भएको छ ।
त्यसैगरी कार्यसमिति सदस्य उपेन्द्र अग्रवालको संयोजकत्वमा गठित सूचना प्रविधि उपसमितिको सहसंयोजकमा पिताम्बर ज्ञवाली, सदस्यहरुमा नारायण श्रेष्ठ, नारायण खनाल, बाबुराम अर्याल, ठाकुर अधिकारी, यज्ञनिधि न्यौपाने, बालकृष्ण पोखरेल र पुरुषोत्तम अर्याल रहनु भएको छ ।
त्यसैगरी कार्यसमिति सदस्य प्रेम बहादुर आलेको संयोजकत्वमा गठित खानेपानी तथा सरसफाई उपसमितिको सहसंयोजकमा नारायणप्रसाद भण्डारी सदस्यहरुमा घनश्याम घिमिरे, नेत्र रुचाल, गोपाल गौतम, पूर्णबहादुर गुरुङ्ग, शेरबहादुर राना, कमल ज्ञवाली र युवराज कर्माचार्य रहनु भएको छ ।
त्यसैगरी कार्यसमिति सदस्य शिवकुमार पाठकको संयोजकत्वमा गठित सुरक्षा उपसमितिको सहसंयोजकमा नरबहादुर श्रीस सदस्यहरुमा हुमराज बस्याल, मदन पौडेल, विकासजङ्ग बस्नेत, धु्रब आचार्य, गोविन्द पाण्डे, गोविन्द भुसाल, छबिलाल अधिकारी, नारायण पाठक र बासु बस्याल रहनु भएको छ ।
त्यसैगरी कार्यसमिति सदस्य रेनुका खरेलको संयोजकत्वमा गठित अतिथि सत्कार उपसमितिको सहसंयोजकमा मिनासिंह शर्मा सदस्यहरुमा शारदा पौडेल उपाध्याय, रमा पौडेल पराजुली, जानकी श्रीस, शारदा खनाल, शोभाखर पोखरेल, चण्डी भण्डारी र खुम भण्डारी रहनु भएको छ ।

डिजेलमा १.५० ,पेट्रोलमा २ र ग्यासमा २५ रुपैया बढ्यो-आयल निगम

नेपाल आयल निगमले इन्धनको मुल्य बढाएको छ । निगमका अनुसार पेट्रोल, डिजेल र खाना पकाउने ग्यासको भाउ बढेको हो । नयाँ मूल्यअनुसार पेट्रोल सय रुपैयाँ प्रतिलिटर पुगेको छ । पेट्रोलमा प्रतिलिटर दुई रुपैया बढाइएको हो । यसैगरी खाना पकाउने ग्यास पनि महँगिएको छ । ग्यासको नयाँ मूल्य प्रतिसिलिन्डर १३ सय ५० रुपैयाँ पुगेको छ । ग्यासमा भने प्रतिसिलिन्डर २५ रुपैयाँ बढाइएको छ । यसै गरी डिजेल प्रतिलिटर ७५ रुपैयाँ ५० पैसा पुगेको छ । डिजेलमा एक रुपैयाँ ५० पैसा बढेको छ । इन्यिन आयल कर्पोरेसन्स ९आइओसी०ले नयाँ मूल्यअनुसार भाउ बढेकाले वृद्धि भएको निगमले जनाएको छ । निगमले आइओसीबाट इन्धन आयात गर्दछ । आइओसीले अंग्रेजी महिनाअनुसार एक र १६ तारिकमा नयाँ मूल्य सूची पठाउँछ । सोहीअनुसार यहाँ पनि मूल्य समायोजन गरिएको निगमले जनाएको छ । मूल्य बढेपछि पनि निगमको पाक्षिक नाफा १ करोड ९७ लाख रुपैयाँ घाटा रहेको प्रवक्ता वीरेन्द्र गोइतले बताए ।

तिनाउ बैंकद्धारा छात्रावृत्ति प्रदान

रीमा बि.सी.
बुटवल, कार्तिक १६ गते । आम्दानीको केही प्रतिशत सामाजिक काममा लगाउ भन्ने मान्यताका साथ तिनाउ विकास बैक लिमिटेड संगमपथ शाखाले बुटवलमा रहेको प्रगति निम्न माध्यमिक विद्यालयका १९ जना गरिब तथा जेहेन्दार विद्यालर्थीहरुलाई एक कार्यक्रमका वीच छात्रावृत्ति प्रदान गरेको हो ।
बैकले छात्राबृत्ति स्वरुप विद्यालयका १९ जना विद्यार्थीहरुलाई सुइटर, जुता लगायतका सामाग्रीहरु वितरण गरेको छ । गरिव, दलित, सुकुम्बासी र मजदुरका छोरा छोरीको बाहुल्यता रहेको विद्यालयमा छात्राबृत्तिसँगै शैक्षिक सामग्री वितरण गरेसँगै विद्यार्थीहरु बुशी भएका थिए ।
कार्यक्रममा बैकका शाखा प्रवन्धक केशब चौधरीले बुटवल उप–महानगरपालिका जस्तो मोफसलको राजधानी भएको उपमहानगरपालिकामा रहेको विद्यालयको अवस्थालाई देखेर केही सहकार्य गरेको बताए । चौधरीले हरेक वर्ष बैंैकले आफ्नो आम्दानीको केही प्रतिशत समाज परिवर्तनका लागि खर्च गर्ने कार्यक्रम अनुसार आफ्नो आम्दानीको केही प्रतिशत बैकको १२ औं स्थापना दिवसको अवसरमा सामान्य भएपनि सपोर्ट गरेको र यसले केही मात्रामा भएपनि विद्यार्थीलाई राहत महशुश भएको बताए ।
विद्यालयका प्राध्यानाध्यपक शिव कुमारी अर्यालले उपमहानगर जस्तो सुगम ठाउँमा भएर पनि ओझेलमा परेको विद्यालय र विद्यार्थीलाई सहयोग गरेकोमा तिनाउ विकास बैंकको संगमपथ शाखालाई धन्यवाद दिदै आगामी दिनमा अझ सहयोग र सहकार्यको लागि अनुरोध गरिन् । अर्यालले छात्रावृत्ति पाएका विद्यार्थीहरुलाई छात्रावृत्तिको सही रुपमा सदुपयोग गर्न आग्रह गरिन् । कार्यक्रममा विद्यालयका शिक्षक दिगविजय थारुले गरिव,दलित,जनजाति र मजदुरका छोरा छोरीले अध्ययन गर्ने विद्यालयमा आएर विद्यार्थीहरुलाई पढनको लागि प्रोत्साहित गरेकोमा वैंकलाई धन्यवाद दिंदै आगामी दिनमा अझ सहयोग गर्न आग्रह गरे ।
बैंकका प्रवन्धक केशव चौधरीको अध्यक्षयतामा भएको कार्यक्रममा बैकका कर्जा प्रमुख बरुण पौडेल एकाउन्टेन निलम श्रेष्ठ लगायतले मन्तव्य राखेका थिए ।

बुटवलमा पहिलोपटक सप्तक संगीत बिद्यालय सञ्चालन

क्लासिक साउण्ड एण्ड मिडिया प्रालीले बुटवल तथा यस आसपासका संगित सिक्न चाहाने बिद्यार्थीहरुका लागी संगीत बिद्यालय सञ्चालन गरेको छ । बुधबार बुटवलमा पत्रकार सम्मेलनको आयोजना गर्दै आयोजकले बिद्यालय बिहिबार बाट शुभारम्भ हुने जानकारी गराएको हो । पत्रकार सम्मेलनमा बोल्दै प्राली तथा बिद्यालयका प्रबन्ध निर्देशक देवराज गैरेले बोल्दै आफु यो क्षेत्रमा केही समय भएपनि कार्यगरेको हुँदा यो क्षेत्रका ब्यक्तिको संख्या कम हुँदा आफुले यो बिद्यालय सञ्चालन गरेको बताए ।
उनले यो बिद्यालय संगै म्युजिक भिडिउो, चलचित्र तथा सञ्चार माध्यम लगायत सम्म सञ्चालन गर्ने किसिमको बिधान समेत बनाएको बताए । बिद्यालयबाट गाएन, नृत्य, गितार , सारंगी, मादल, हार्मो्नियम लागायतका सबै किसिमका सुबिधा रहेको बताए । बिद्यालयमा गाएन बिधामा खेमा रानाले अध्यापन गराउने तथा नृत्य भने राज कुमारी साहीले प्रशिक्षण गर्ने कार्यक्रममा जानकारी गराईएको हो । कार्यक्रममा डान्स सेन्टर सञ्चालक मनोज खड्का , बरिष्ठ पत्रकार खिमानन्द भट्टराई लगायत बोलेका थिए । कार्यक्रमको सञ्चालन एन बि कडेंलले गरेका थिए ।

संयुक्त नियमित बैठक तथा सम्मान कार्यक्रम सम्पन्न

बिश्व हिन्दु महासंघ रुपन्देही, नवजागृती पुस्तकालय, दुर्गाभवानी शिवकुमारी सैंजु बृद्धाश्रम र नवजागृती सामाजिक भवन ट्रष्टको संयूक्त नियमित बैठक तथा सम्मान कार्यक्रम सम्पन्न गरेको छ । हालै सम्पन्न उद्योग वाणिज्य संघको निर्वाचनमा नवनिर्वाचित पदाधिकारीहरुलाई सो अवशरमा सम्मान गरेका थिए । चारवटै संस्थाका संयुक्त कार्यबाहक अध्यक्ष महेश्वर प्रसाद श्रेष्ठले चारवटै संस्थाको गतिविधी बारे प्रकाश पारेका थिए ।
सो सम्मान कार्यक्रममा प्रमुख अतिथि बुटवल उद्योग वाणिज्य संघका नव निर्वाति अध्यक्ष खेम हमालले धर्मको संरक्षण गनुपर्ने समय आएको बताउदै कला र संस्कृतिको रक्षाका लागि सबै एकजुट हुनु पर्ने बताए । त्यस्तै बुटवलको ट्राफिक व्यवस्थापनमा देखिएको समस्या समाधान गर्न र उद्योग कलकारखानामा नियमित विद्युत आपुर्ति गर्न आफुहरुले सक्दो भूमीका खेल्ने बताएका थिए । सो अवशरमा संघका बरिष्ठ उाध्यक्ष उज्वल कसजु, चारवटै संस्थाका महासचिव बेनबहादुर पौडेल, रामचन्द्र भुसाल, प्राध्यापक डा. बाबुराम ज्ञवाली, महिला समितिका अध्यक्ष अम्बिका पौडेल, महासचिव सुजिता शेरचन, संस्थाकी कार्यालय प्रमुख उर्मिला श्रेष्ठ लगाएतले बोल्दै चारवटा संस्थाले बुटवलको सामाजिक बिकासमा खेलेको भुमिका र पुराएको योगदानको चर्चा गरेका थिए ।

मनोमानी शुल्क असुल्दै ल्याबहरु, डेंगुरोग परीक्षणमा बृद्दी

बुटवल : रूपन्देहीमा अहिले डेंगुको सक्रमण बढ्दो छ । लुम्बिनी अञ्चल अस्पतालमा हालसम्म करिब १ सय ८६ भन्दा बढी बिरामीहरूमा डेंगुको संक्रमण देखिएको छ ।

डेंगुको संक्रमण देखिएपछि यस क्षेत्रमा स्थापना भएको मेडिकल ल्याब्रोटरीहरू(ल्याब)ले मनोमानी रूपमा परीक्षण शुल्क लिने गरेको पाइएको छ ।
बुटवलमा रहेको नेशनल प्याथ ल्याबले २१ सय रूपैयाँ डेंगु परीक्षण गरेवापत शुल्क लिएको पाइएको छ । ल्याबमा कार्तिक १२ गते गएका एक बिरामीलाई नेशनलले सेवा शुल्क सहित २२ सय ५ रूपैयाँ लिएको प्रमाण दैनिक पत्रले फेला पारेको छ ।

त्यस्तै बुटवल उपमहानरपालिका जनस्वाथ्य ईकाइमा डेंगु परीक्षण गर्दा सेवाग्राहीले ३ हजार रूपैयाँसम्म तिर्नुपरेको गुनासो आएको छ । बुटवल उपमहानरपालिका स्वास्थ्य ईकाईका प्रमुख डा. रमेश केसीका अनुसार उपभोक्ताबाट ल्याबले डेंगुरोग परीक्षणमा ३ हजार रूपैयाँसम्म लिएको गुनासो आएको छ । उनले उपभोक्ताहरूले गुनासो गरेको र सो विषयमा आवश्यक छलफल पनि अगाडि बढाएको बताए ।

उनले बढी रकम लिएको जानकारी आएपछि मेलान रूपन्देहीसँग छलफल गरिएको र आगामी दिनमा यस्तो नहुनेमा आफू विश्वस्त भएको जानकारी दिए ।
मेडिकल ल्याबहरूको संस्था मेडिकल ल्याब्रोटरी एशेसियसन नेपाल(मेलान) का अनुसार डेंगु परीक्षण गरेको शुल्क १ हजार मात्रै हो ।

मेलान रूपन्देहीका अध्यक्ष गुणानिधि खनालले डेंगु परीक्षणको शुल्क १ हजार रूपैयाँ मात्रै भएको बताउँछन् । उनले बढी रकम लिन नपाइने र कसैले लिएको पाइएमा कारबाही गरिने समेत बताए ।

ल्याबहरूले ५ प्रतिशत सेवा शुल्कको रूपमा ५० रूपैयाँ भने लिन पाउने उनको तर्क रहेको छ । बजारमा डेंगु परीक्षण कीटको अभाव भएको भन्दै बढी मूल्य लिने गरेको समेत पाइएको छ । तर मेलान रूपन्देहीले भने डेंगु परीक्षण गर्ने टीको अभाव नभएको बताएको छ । जनस्वास्थ्य शाखा बुटवल उपमहानरपालिकाका प्रमुख डा. रमेश के.सी.का अनुसार डेंगु रोगको विरुद्व अहिले जनचेतानामूलक कार्यक्रम अगाडि बढाएको जानकारी दिए ।

अहिले विद्यालयका बालबालिकाहरूलाई लक्षित गरेर विद्यालयका शिक्षक–शिक्षिकाहरूलाई तालिम र सचेतना प्रदान गरिएको जानकारी दिए । अहिले बुटवल र आसपासमा देखिएको डेंगुलाई महामारीको रूपमा लिन नसकिने भन्दै लामखुट्टे नियन्त्रणको लागि विषादी छर्नको लागि रोग नियन्त्रण महाशाखाबाट मात्रै अनुमति पाएर गर्न सकिने र त्यो रोग नियन्त्रण महाशाखा तथा ईपिडीयोमोलोजी शाखाबाट मात्रै कारवाही हुन सक्ने उनको भनाई रहेको छ ।

भैरहवामा औद्योगिक व्यापार मेलाको तयारी तीव्र, ६० करोड कारोवार हुने अपेक्षा

भैरहवा, १५ कार्तिक । उद्योग व्यापार संगठन रुपन्देहीले भैरहवामा यही कात्र्तिक ३० गतेदेखि मंसिर ११ गते सम्म आयोजना गर्न लागेको चौथो राष्ट्रिय औद्योगिक व्यापार मेला कृषि तथा पर्यटन महोत्सवको तयारी तीव्र रुपमा अगाडी बढेको छ ।
परनिर्भर अर्थतन्त्रलाई आत्मनिर्भर अर्थतन्त्रमा रुपान्तरित गरी राष्ट्रिय साना तथा घरेलु उद्योग र व्यापारको प्रोत्साहन तथा प्रबद्र्धन गर्ने उद्देश्यले आयोजना गर्न लागिएको “चौथो राष्ट्रिय औद्योगिक व्यापार मेला कृषि तथा पर्यटन महोत्सव–२०७४” को लागि मेला स्थल अञ्चलपुरमा अहिले तीव्र रुपमा निर्माण कार्य भइरहेको छ ।
राष्ट्रिय स्वाधिनता लागि राष्ट्रिय अर्थतन्त्र, राष्ट्रिय अर्थतन्त्र निर्माणका लागि राष्ट्रिय औद्योगिकरण तथा व्यापार विविधिकरण भन्ने मुल नारालाई आत्मसात गरेको संगठनले आयोजना गर्न लागेको महोत्सव स्थलमा हाल सचिवालय निर्माण, महोत्सवको आकर्षकको रुपमा रहेको हाल सम्म नेपालमै नबनाइएको आधुनिक तरिकाको (ड्रागनको मुखबाट प्रबेश गर्ने) गेट निर्माण, मायादेवी मन्दिर निर्माण, स्टलहरु निर्माण, माछापोखरी निर्माण लगायतका कामहरु भइरहेको स्टल निर्माण उपसमितिका संयोजक लक्ष्मण भण्डारीले बताए । हालसम्म करिब ४० प्रतिशतसम्म निर्माण कार्य सम्पन्न भइसकेको बताउँदै भण्डारीले १६ गतेदेखि सचिवालय लाइ नै मेला स्थलमा सारेर कामलाई अझ तिब्रता दिइने जानकारी दिए ।

महोत्सवको आर्थिक व्यवस्थापनको लागि मुख्य प्रायोजक, प्रायोजक लगायतको व्यवस्था पनि भइसकेको आयोजकले जनाएको छ
महोत्सवमा उद्योग, व्यापार, कृषि, पर्यटन, होटल, प्रबिधि तथा अटो लगायतका क्षेत्रको प्रतिनिधित्व हुनेगरी ३५० स्टलहरु राखिने लक्ष्य लिइएको महोत्सवमा हालसम्म विभिन्न क्षेत्रका गरी १ सय ५० स्टलहरु दर्ता भइसकेको संगठनका निवर्तमान अध्यक्ष खिम बहादुर खत्रीले बताए ।
३ लाख दर्शकले अवलोकन गर्ने र कम्तीमा ५० देखि ६० करोड सम्मको कारोवार हुने अपेक्षा राखिएको महोत्सवमा महोत्सव स्थल बुटवल–भैरहवा सडकखण्डको नजिकै रहेकाले लक्ष अनुसार दर्शकको सहभागिता हुने र कारोबार पनि अपेक्षा अनुसार हुनेमा आयोजक संस्थाले विस्वास लिएको आर्थिक व्यवस्थापन उपसमिति संयोजक सचिन रोक्काले बताए ।

चौथो माउण्ट स्टार फुटबल प्रतियोगिताको आजको खेलमा सुनौलो संगम विजयी

आशिष सूर्यवंशी
बुटवल, १५ कार्तिक । बुटवलमा जारी माउण्ट स्टार नकआउट फुटबल प्रतियोगिता अन्तरगतको आजको खेलमा सुनौलो संगम देविनगर विजयी भएको छ ।
माउण्ट स्टार युथ क्लब बुटवलको आयोजनामा जारी आजको खलमा फर्साटिकर युवा क्लब सर्फाटिकलाई ३–० गोल अन्तरले सुनौलो संगम विजयी भएको हो । यो संगै सुनौलो संगम बुटवल सेमिफाइनलमा प्रवेश गरेको छ ।
जीतका लागि सुनौलो संगमका सवि गुरुङले पहिलो हाफको २१ मिनेटमा गोल गर्दै टिमलाई अग्रता दिलाएका थिए भने पुनः दोस्रो हाफको २४औँ मिनेटमा संगमका मन्दिप थापाले गोल थप्दै खेललाई दोब्बरमा पुर्याएका थिए । तिन मिनेट पछि सुनौलो संगमकै लागि सवि गुरुङले ब्यक्तिगत दोस्रो गोल गर्दै खेललाई ३–० मा पुर्याए ।
आजको खेलमा सुनौलो संगमका सवि गुरुङ म्यान अफदि म्याच घोषित भए । नहरपुर माविको खेल मैदानमा भैरहेको उक्त प्रतियोगिताको फाइनल खेल २५ गेत हुने छ । प्रतियोगितमा विजयी हुने टिमले २ लाख ५ हजार र उपविजेता टिमले १ लाख १ हजार नगद सहित कप, मेडल र प्रमाणपत्र प्राप्त गर्ने छन् । त्यसै गरी सेमिफाइनलिस्ट २ टिमले २५÷२५ हजार नगद प्राप्त गर्ने छन् भने वेष्ट प्लेयर, हाइस्कोरर, वेष्ट किपरले पनि नगद पुरस्कार प्राप्त गर्ने छन् ।
बुधबार (भोली) नारायणघाट फुटबल क्लब चितवन र पश्चिम प्रहरी तालिम केन्द्र बुटवल बीच खेल हुने छ ।

देशको समृद्धिका लागि सामूहिक प्रयास आवश्यक छ : उपप्रधानमन्त्री महरा

देशमा संविधान कार्यान्वयनको पूर्णतातर्फ लागिरहेको समयमा सामूहिक प्रयासमा देशमा आर्थिक सशक्तिकरण गर्ने समय आएको उपप्रधानमन्त्री कृष्णबहादुर महराले बताएका छन् ।
बुधबार भिजन लुम्बिनीसँगको बुटवलमा भएको कअन्तरक्रियामा माओवादी केन्द्रका नेता महराले देश परिवर्तनको बाटोमा अगाडी बढेकोले लगानीमैत्री वातावरण निर्माण गर्ने समय आएको बताएका हुन् । उनी भन्छन्, ‘स्थानीय निर्वाचन सकिएसँगै प्रतिनिधिसभा तथा प्रदेशसभा निर्वाचन पछि मुलुक समृद्धिको बाटोमा लाग्ने निश्चित छ । दृढ ईच्छाशक्ति, लगानीमैत्री वातावरण र सामूहिक प्रयासले विकास सम्भव हुन्छ ।’ उनले नेपालमा लगानीमैत्री उपयुक्त वातावरण बन्दै गएकोले कृषि, पर्यटन, शिक्षा, स्वास्थ्य, पर्यटन तथा पूर्वाधारका क्षेत्रमा लगानी गर्न आग्रह गरेका हुन् ।
विना विभागिय मन्त्री रहेका माओवादी नेता कृष्णबहादुर महरा प्रतिनिधी सभा निर्वाचनमा दाङबाट चुनाव लड्दैछन् । महरा एमाले–माओवादी वामगठवन्धनका साझा उम्मेदवार हुन् । चुनावी अभियानमा जिल्ला जाने क्रममा नेता महराले आसन्न निर्वाचन सम्पन्न हुँदा देशले मुहार फेर्ने बताए । ‘अब नेपाली जनताले बनाएको संविधानले नै विकासको खाका तर्फ उन्मुख गराएको छ । युवाहरुले चाहे परिवर्तन सम्भव छ,’–उनले भने ।
दाङ क्षेत्र नम्बर २ मा टिकट पाएपछि महरा रोल्पाबाट पूनः दाङ्ग झरेका हुन् । उनले पहिलो संविधान सभा निर्वाचनमा दाङ्ग क्षेत्र नं. ३ र दोस्रोमा रोल्पाबाट चुनाव जितेका थिए ।

RECENT POSTS