Monday, July 22, 2019

टाकुरा सहकारीको छैठौं साधरणसभा सम्पन्न

रुपन्देहीको तिलोत्तमा–१ शंकरनगरमा रहेको टाकुरा बचत तथा ऋण सहकारी संस्थाको छैठौं साधरण सभा तथा तेस्रो अघिवेशन आज शंकरनगरमा सम्पन्न भएको छ । साधरण सभामा अध्यक्ष रमेश ज्ञवालीले प्रस्तुत गर्नुभएको नीति तथा कार्यक्रमहरु र कोषाध्यक्ष बिरेन्द्र रानाले प्रस्तुत गर्नुभएको आयव्यय विवरण परिमार्जन सहित पारित गरेको छ । करिव २ सय ३० शेयर सदस्यहरु रहेको सहकारीले आर्थिक वर्ष २०७३÷०७४ मा ७३ लाख १८ हजार निक्षेप संकलन गरी ८५ लाख ९५ हजार लगानी गरेको छ ।
कार्यक्रममा द्रव्याञ्जली ऋण तथा बचत सहकारीका अध्यक्ष कृष्णकुमार रेग्मी, सक्षम बचत तथा ऋण सहकारीका अध्यक्ष दिपक रायमाझी, जागृति बचत तथा ऋण सहकारीका सचिव खेमराज खनाल, आन्तरिक राजश्व कार्यालय बुटवलका कर अधिकृत हिमाल गौतम लगायत्ले बोल्दै गरीबी घटाउन सहकारीहरुले महत्वपूर्ण योगदान पुर्याएको
बताउनुभयो । सो अवसरमा यसै वर्ष सरकारी सेवामा प्रवेश गर्नुभएका शेयरधनीहरु खेमराज भण्डारी, विस्वास बराल, सागर गौतम र हिमाल गौतमलाई सम्मान गरिएको थियो। यस्तै संस्थाको उन्नतिका लागि योगदान पुर्याए वापत उत्कृष्ट सहकारी पुरस्कार बाट घनश्याम न्यौपाने, प्रकाश भण्डारी र गीतान्जलीदेवी कुँवर सम्मानित हुनुभएको छ । यसै बीच आजै सम्पन्न अधिवेशनले पुनः रमेश ज्ञवाली अध्यक्ष रहनु भएको नयाँ कार्यसमिति चयन गरेको छ ।समितिको उपाध्यक्षमा रजनिश्चन्द्र गुप्ता, सचिवमा राजेन्द्र कुँवर, कोषाध्यक्षमा बिरेन्द्र राना, रहनुभएको छ । यस्तै सदस्यहरुमा सृजना पन्थी ज्ञवाली, पशुपती चौधरी, घनश्याम न्यौपाने, सरस्वती देवकोटा, भोजराज पौडेल रहनुभएको छ भने लेखा समितिको संयोजकमा शंकर गौतम साथै सदस्यहरुमा रमेश ज्ञवाली र जानुका न्यौपाने रहनुभएको छ ।

लियो ३२५ बि २ नेपालको प्रथम जिल्ला परिषद सम्पन्न

लियो डिस्ट्रिक्ट ३२५ बि २ नेपालको पहिलो जिल्ला परिसद बैठक, छैठौ पदस्थापन तथा अवार्ड वितरण कार्यक्रम भैरहवामा सम्पन्न भएको छ। लायन्स डिस्ट्रिक्ट ३२५ बि २ नेपालका अध्यक्ष मधुसुदन शर्मा रिजालको प्रमुख आतिथ्यतामा सम्पन्न उद्घाटन कार्यक्रममा बिशिस्ठ अतिथि पूर्व गभर्नर घनश्याम भट्टराई ,पूर्व गभर्नर अरुण प्रताप राणा लगायत विभिन्न लायन्स तथा लियोका पूर्व अध्यक्ष, बर्तमान अध्यक्ष क्लबका प्रतिनिधि एबम अतिथि हरुको उपस्थिति रहेको थियो ।लियो जिल्ला परिसदका सचिब सरोज कंडेलको संचालन तथा अध्यक्ष शार्दुल मयुर कशौधनको अध्यक्षतामा भएको सो कार्यक्रममा पूर्व अध्यक्ष अमित गुप्ता रौनियारले अघिल्लो बर्ष समाज सेवामा उत्कृस्ट कामगरेका ३२५ बि २ अन्तर्गत नेपाल भरिका केहि क्लबहरुलाई अवार्ड प्रदान गरेका थिए। भैरहावामा सम्पन्न सो कार्यक्रम एरिया ४ अन्तर्गत संयोजन गरिएको र कार्यक्रमको सहजता तथा ब्यबस्थापन लियो क्लब अफ सिद्दार्थनगरले गरेको थियो । सो कार्यक्रममा हालका उपाध्यक्ष तारा गुरागाईं लायन्स अर्चित श्रेष्ठ , लियो रमेश अर्याल , रिजन ८ का सुदिप बेलबासे , लियो शित्तल ज्ञवाली , पूर्व अध्यक्ष लियो बिष्णु श्रेष्ठ , लगायतका ६५ क्लबका प्रतिनिधिहरुको उपस्थिति रहेको थियो ।

मिस क्विन लुम्बिनीको अडिशन भाद्र ३१ गते बुटवलमा

मिस क्विन लुम्बिनी २०७४ को अडिसन हुने भएको छ । आफुमा भएको प्रतिभाको प्रश्फुटन गर्ने उदेश्यले लुम्बिनी अञ्चलका १६ देखी ३० बर्ष उमेरका युवतीहरुलाई प्रतिश्प्रधीको रुपमा लीइने संचालक शिल्पा बस्नेतले जानकारी गराइन । भाद्र ३१ गते बुटवल कालिकानगरको रोज पार्टी प्यालेसमा अडिशन राउन्ड हुने सो प्रतियोगितामा विनर हुनेले नगद शहीत गिफ्ट ह्याम्पर तथा फिल्ममा कामगर्ने अवसर समेट पाउने आयोजकका तर्फबाट राजु बस्नेतले बताए । अडिशनमा स्थानिय तथा रास्ट्रिय लेबलका निर्णायक हुने सो प्रतियोगितामा ग्राण्डफिनाले सम्म राष्ट्रिय स्तरका निर्णायसंगै सेलिब्रेटी समेत हुने आयोजकले बताएको छ । प्रतिश्प्रधिहरुमा व्यक्तित्व बिकाश , लिडर शिप , स्टेज , तथा सामाजिक क्रियाकलापमा अग्रसर हुनको लागि सो प्रतियोगिताको आयोजना गरिएको शिल्पा बस्नेतले बताइन । सो प्रतियोगितामा सहभागी हुनको लागि डाइनेस्टि गिफ्टहाउस बुटवल ,होटल अतिथि भैरहवा र रोज पार्टी प्यालेश बुटवलमा फारम भरि सहभागिता जनाउन सकिने उनले बताइन ।

श्रमजीवी ऐन लागू गर्नुपर्नेमा जोड पत्रकार महासंघ

नेपाल पत्रकार महासंघले श्रमजीवी पत्रकारको समस्या समाधान गर्न सूचना तथा सञ्चार मन्त्रालयको ध्यानाकर्षण गराएको छ। सञ्चारमन्त्री मोहनबहादुर बस्नेत र राज्यमन्त्री तप्तबहादुर विष्टको कार्यकक्षमा पुगी महासंघका सभापति गोविन्द आचार्यको नेतृत्वले मिडिया सञ्चालक, महासंघ र सञ्चार मन्त्रालय एकजुट भई भई श्रमजीवी ऐन लागू गर्नुपर्नेमा जोड दिएको छ। श्रमजीवी ऐनले छापामाध्यम, रेडियो, टेलिभिजन र अनलाइनमा नियुक्ति लिएर समाचारसम्बन्धी कार्य गरेको व्यक्तिलाई श्रमजीवी पत्रकार भनी किटान गरेको छ। सञ्चारमन्त्री बस्नेतले ध्यानाकर्षणपत्र बुझ्दै श्रमजीवी पत्रकार ऐन कार्यान्वयन र स्वतन्त्र प्रेसको पक्षमा आफू सदैव क्रियाशील रहने बताए।

नेपाली भाषा पूर्णरुपमा प्रयोग प्रयोग नगरेकोमा भासा आयोगको आपत्ति

नेपाली भाषालाई सरकारी कामकाजका रूपमा पूर्णरूपमा प्रयोगमा नल्याइएकोप्रति भाषा आयोगले आपत्ति जनाएको छ । भाषा आयोगले शुक्रबार सरकारलाई बुझाएको आफ्नो पहिलो प्रतिवेदनमा त्यस्तो आपत्ति जनाइएको हो ।
गत २०७३ साल भदौ २३ गते स्थापना भएको आयोगले नेपालको संविधानको धारा ७ (१) मा नेपाली भाषा नेपालको सरकारी कामकाजको भाषा हुनेछ भनी स्पष्ट उल्लेख भए पनि सरकारी कामकाजमा यसको पूर्ण पालना नभएको भनी सरकारको ध्यानाकर्षण गराएको छ ।
शुक्रबार प्रधानमन्त्री शेरबहादुर देउवासमक्ष बुझाइएको प्रतिवेदनमा सरकारी कार्यालयमा अभिलेख राख्दा, शैक्षिक वा अन्य प्रमाणपत्र तयार गर्दा, पत्राचार गर्दा, पत्रमा कार्यालयको नाम र विवरण उल्लेख गर्दा वा छाप प्रयोग गर्दा, कार्यालयहरूको नामकरण गर्दा, औपचारिक समारोहमा सम्बोधन गर्दा, यातायातका साधन वा सार्वजनिक सरोकारका विषयमा भाषाको प्रयोग गर्दा, सार्वजनिक सूचना वा विज्ञापन गर्दा नेपाली भाषाको प्रयोग अनिवार्य गर्न राज्यका तर्फबाट संविधानसम्मत नीति तर्जुका लागि सिफारिस गरेको छ ।

निर्वाचन सुरक्षामा शंका नगर्न सरकारको आग्रह 

प्रदेश नम्बर २ मा असोज २ गते हुन लागेको निर्वाचन सु्रक्षाको बारेमा कुनै चिन्ता नलिन सरकारले सबैलाई आग्रह गरेको छ । गृहमन्त्री जर्नादन शर्माले तेस्रो चरणको यो निर्वाचनका लागि केन्द्रीय सुरक्षा समिति, क्षेत्रिय सुरक्षा समिति, जिल्ला सुरक्षा समिति सबै तिर छलफल गरि सुरक्षा संयन्त्र तयार पारिएकाले सुरक्षाको कुनै चिन्ता नलिन आग्रह गर्नुभयो । निर्वाचन सुरक्षाको लागि आवश्य पर्ने सम्पूर्ण तयारी पुरा भईसकेकाले भन्दै गृहमन्त्री शर्माले ढुक्क भएर भोट हाल्न मतदाता, आम नागरिक, कर्मचारी सबैलाई आग्रह गर्नुभयो । राजपा सहित सबै दलहरुले चुनाबमा भाग लिएको, मनोनयन दर्ताको क्रममा कुनै अप्रिय घटना नभएकाले पनि निर्वाचनमा कुनै खतरा नरहेको सरकारले बुझेको गृहमन्त्रीको भनाई छ । प्रदेश नम्बर २ मा खुल्ला सीमा क्षेत्र भएपनि छिमेकी देशबाट पनि कुनै सुरक्षा खतरा नहुने गरि सुरक्षाको प्रबन्ध मिलाईएको उहाँले बताउनुभयो ।

बुटवलमा राष्ट्रिय औधोगिक प्रदर्शनी हुने

नेपाल राष्ट्रिय उद्योग व्यापार संगठन बुटवलले आगामी कात्तिक ८ देखि १८ गतेसम्म बुटवलमा ‘राष्ट्रिय औधोगिक कृषि तथा पर्यटन प्रवद्र्धन प्रदर्शनी २०७४’ आयोजना गर्नेभएको छ । यहाँको समग्र आर्थिक विकासमा टेवा पु¥याउने उद्देश्यले प्रदर्शनी आयोजना गर्न लागिएको आयोजकले बताएका छन् ।
संगठनको बुटवलमा बसेको बैठकले प्रदर्शनीको लागि विभिन्न तयारी मूल तथा उपसमितिहरु गठन गरेको छ । प्रदर्शनीको लागि संगठनका अध्यक्ष खेम श्रीसको अध्यक्षतामा १ सय ५१ सदस्यी मूल समिति तथा अन्य १४ वटा उपसमितिहरु गठन गरिएको श्रीसले जानकारी दिनुभयो ।विभिन्न स्वदेशी तथा विदेशी गरी करिब साढे तीन सय स्टलहरु सहभागी हुने प्रदर्शनी बुटवलको बुटवल मण्डपमा १० दिनको लागि आयोजना गरिने छ । विभिन्न १४ वटा उपसमितिहरु गठन गरिएका छन् । स्टल निर्माण तथा दर्ता उपसमिति संयोजकमा प्रविणबहादुर पाठक, सांस्कृतिक उपसमितिमा गोविन्द गैरे, सचिवालय तथा सूचना उपसमितिमा सिताराम रसाईली र केशव श्रीस, आर्थिक व्यवस्थापनमा बाबुलाल पाण्डे र बाबुराम आचार्य, खानेपानी तथा सरसफाइमा जिवलाल पौडेल र रुपेश पौडेल, पार्कीङ यातायात तथा वाल उद्यानमा नवराज पौडेल, टिकट बुकिङमा घनश्याम घिमिरे र नारायण भण्डारी, मुद्रण तथा प्रकाशनमा पशुपति पौडेल, सुरक्षा व्यवस्थापनमा नेत्र रुचाल, विद्युत व्यवस्थापनमा तुलसीराम भण्डारी, खाद्यान्न तथा आवासमा विष्णु पाण्डे, गेट तथा मञ्च व्यवस्थापन न्याजुद्धिन मिया, प्रचार–प्रसारमा यमलाल मरासीनी र परिचयपत्र व्यस्थापनमा लोकनाथ पन्थी रहेका उपसमितिहरु गठन गरिएका छन् । राष्ट्रिय स्वाधिन अर्थतन्त्र, औधोगिकरण तथा व्यापार विविधिकरणमा मद्दत पुगोस् भन्ने लक्ष्य लिएर प्रदर्शनी आयोजना गरिएको प्रचार–प्रसार उपसमितिका संयोजक यमलाल मरासीनीले उल्लेख गर्नुभयो ।

वाइसियल अब भ्रष्टाचार र सामाजिक कुरीति बिरुद्द लाग्छ:फेमस

नेकपा माओबादी केन्द्र निकट युवा सगठन योङ कम्युनिस्ट लिगको प्रदेश नम्बर ५ को अध्यक्षमा जितेन्द्र पुन मगर फेमश निर्वा्चित भएका छन जसको उपाध्यक्षमा माधव बस्नेत,यदु ज्ञवाली,गोपाल वलि,सुरेन्द्र थापा,सरोज खडका र सचिव मिना चदरा,सह सचिवमा गोविन्द भुषाल,दिल्ली बहादुर चन्द,युवराज थापा र कोषाध्यक्ष दिपक राना चयन भएका हुन । हिजो सम्पन्न प्रदेश सम्मेलनले फेमशको अध्यक्षतामा ९९ सदस्यीय प्रदेश कमिटी गठन गरिएको आज वुटवलमा आयोजित पत्रकार सम्मेलनमा सार्वजनिक गरिएको हो ।पत्रकार सम्मेलनमा बोल्दै माओबादी केन्द्रका केन्द्रीय कार्यलय सदस्य तथा वाईसीएल ईन्चार्ज मणि थापाले अव वाइसीएल आर्थिक समृद्धि तिर लाग्ने बताएका छन ।सम्मेलनको उदघाटन माओबादी केन्द्रका नेता बर्षमान पुनले गरेका थिए भने वाईसीएल अध्यक्ष राम प्रसाद सापकोटा दिपशिखा लगाएतहरुको समेत उपस्थिति रहेको थियो । अब देशमा आर्थिक समृद्दी आवश्यक भएकोले समाजको कुरीति कुसस्कार अनि भ्रष्टाचारको बिरुद्द लाग्ने अध्यक्ष फेमसले बताए । साथै उहाले सामाजिक सेवा , ब्यबसायिक उत्पादन र स्वरोजगारको सृजनाको कामलाइ अगाडी बढाई एकबर्ष भित्र देखिने गरि पाचहजार युवालाई स्वोरोजगारमा समाबेश गर्ने बताउनुभयो । साथै वाइसियलको कार्यसमितिमा उपाध्यक्ष माधब बस्नेत , यदु ज्ञवाली ,गोपाल वली ,सुरेन्द्र थापा , सरोज खड्का ,सचिबमा मिना चदरा ,सह सचिबमा गोबिन्द भुसाल ,दिल्ली बहादुर चन्द युवराज थापा ,कोशाध्यक्षमा दिपक राना , त्यस्तै अनुशासन बिभागमा प्रेम चापागाईं ,लेखा आयोगमा बलबहादुर केसी लगायत का ९९ सदस्य हरु रहेका छन् ।

साप्ताहिक राशीफल :चक्रपाणी डुम्रे

मेष ः सामान्य समय छ । स्वास्थ्यमा समस्य आउने छ ।
धार्मिक कार्यमा वितृष्णा जाग्ला। कृषिमा अपेक्षित
उत्पादन नहोला । यात्रामा अवरोध होला । साताको
अन्त्य तिर निकै राम्रो छ ।

वृश ः भाग्योदयको समय छ । धार्मिक कार्यमा रुची बढ्ने छ
मान सम्मान बढ्ने छ । रोकिएको धन प्राप्त होला ।आट,
उत्साह बढ्ने छ। धन,मान र कृति बढ्ने छ।
मिथुन ः उत्तम समय छ । मिष्टान्न भोजन प्राप्त होला। सभा
सम्मेलनमा सरिक भैयोला। परोपकारिक कार्यमा रुची बढ्ने
छ।रोकिएको कार्य सम्पादन होला ।मन खुसी रहने छ ।
कर्कट ः आय आर्जन नयाँ स्रोत प्राप्त हुनेछ । पदोन्नतिको सम्भावना छ। यात्रा सफल हुनेछ । देवता र पितृहरु प्रति आस्था बड्ने छ । मन प्रसन्न रहने छ।

सिंह ः सामन्य समय छ । कार्यमा बिलम्भ होला ।आपसी
मनमुटाव बढ्ने छ।खर्च नियन्त्रण गर्न गाह्रो पर्ने छ।जग्गा
जमिनको कारोबारमा फाइदा होला ।आर्थिक
दृष्टिकोणबाट शुक्रबार र शनिबार निकै राम्रो छ ।
कन्या ः राम्रो समय छ । मनमा सन्तोष छाउने छ। विद्यामा
प्रगति होला मान प्रतिष्ठा बढ्ने छ। यात्रा सफल रहने छ ।
मान्यजनको आशिर्वाद मिल्ने छ।

तुला ःसामान्य समय छ । लेनदेनमा बिवाद होला। स्वस्थ्यमा
समस्य आउन सक्छ ।कार्यमा बिलम्भ होला ।साताको अन्त्य
तिर निकै राम्रो समय छ ।

वृश्चिक ः शैक्षिक क्षेत्रमा निकै राम्रो प्रगति होला।
धार्मिक आस्था बढ्ने छ ।आम्दानीको तुलनामा खर्च बढ्ने छ
। काम गर्ने जोश जागर बढ्ने छ ।
धनु ः वैदेशिक यात्राको सम्भावना छ । पतिपत्नीको
सम्बन्धमा तिक्तता आउन सक्छ । व्यापार व्यावसायमा
नोक्सानी बेहोर्नु पर्ला । बोल्दा बिचर पुर्याउनु राम्रो
मकर ः राम्रो समय छ। विद्यामा प्रगति होला ।
मनोरञ्जनमा रुचि बढ्ने छ । आफन्तको प्रयाप्त सहयोग
मिल्ने देखिन्छ । जागीर नोकरीमा पदोन्नति होला।
सन्तान पक्षबाट सहयोग मिल्ने छ।

कुम्भ ः मध्यम समय छ। विपक्ष सक्रिय होलान् । मनमा
खिन्नता बढ्ने छ ।सवारीसाधनको प्रयोगमा होशियारी
रहनु होला ।बुधबार पछिका दिन निकै राम्रा छ्न ।
मीन ः यात्रा सफल रहने छ । प्रेमी(प्रेमिकाको मेलन होला
। दाम्पत्य जीवन सुखद रहला ।कला र संगीत तर्फ रुची बढ्ने
छ । मन प्रसन्न रहने छ ।रोकिएको कार्य सम्पन्न होला ।
प्रस्तुतकर्ता ज्यो. चक्रपाणी डुम्रे (शास्त्री)
अकला देवी ज्योतिष एवं वास्तु सेवा केन्द्र
ति.न. पा. १ नयाँमिलचोक
सम्पर्क ः ९८५७०३५४६१

सबैका आराध्यदेव विश्वकर्मा:चक्रपाणी डुम्रे

हरेकवर्ष आश्विन १ एक गते विश्वकर्मा भगवानको पुजा गरिन्छ ।भगवान विश्वकर्मा सन्दर्भमा पौराणिक प्रसङ्ग छ कुनैसमय मातालक्ष्मी भगवान विष्णु सङ्ग प्रश्न गर्दै भन्नु भो भगवान ।भक्तहरु हजुरको अनेक रुपको भक्ति पुर्वक पृथ्वीमा पूजाआजा गर्छन् । यी सबै रुप समान नै छन् कि फरक छन् ? तब विष्णु भगवानले भन्नुभयो त्यही रूपको बारे भन्छ हे लक्ष्मी तिमी सुन चारैतिर प्रकाशित गर्ने सुर्यका समान चम्कने विश्वकर्माको रूप धारण गरी सृष्टि गर्ने इच्छा जाग्दछ पहिले ब्रह्मालाई रच्दछु ।

त्यसपछि ऋृग्वेद ,यजुर्वेद,सामवेद लगायत शिल्प कलाको प्रतिपादक अथर्व वेदको पनि प्रदान गर्दछु। यही वेदद्वारा शिल्पकारहरुले अनेक वस्तु रचना गरेका हुन् ।तसर्थ जो शिल्पकार विश्वकर्मा भगवानको ध्यान गर्दछ उसको सबै दुस्ख हटेर जान्छ । यसरी श्री विष्णुले आफ्नो रुपको वर्णन गर्नुभयो।यै पौराणिक मान्यता अनुसार विश्वकर्मा भगवानका रुपमा मान्दै अएको हो । कसैले विश्वकर्मालाई ब्रह्माका पुत्र पनि मान्छ्न । विश्वकर्मा पूजाको दिन उद्योग कलकारखाना पुर्णरूपमा बन्ध गरिन्छ । सवारी साधन धोइ धुलाई गरिन्छ ।
मजदुर हरु पुर्ण बिदामा हुन्छन् र पनि कलकारखानामा जम्म हुन्छन् अनि ध्वजा पतका फुल मालाले आफु सदैव प्रयोग फलामका मेसिनरी औजार ओरपर झकिझकाउ बनाउनुका साथै मेसिनमा स्वस्तिक लेखी पुजा गर्ने गर्दछ्न। आआफ्नो सवारीसाधनमा विश्वकर्मा भगवानको फोटो टासि पूजा गरिन्छ । यसरी पूजा गर्दा सवारीसाधन छिटो नबिर्गीओस् ,दुर्घटना नहोस् भन्ने कामना गरिन्छ ।घरघरमा फलामका औजार सफा गरि पूजा गरिन्छ।
यसरी वर्षेनी विश्वकर्मा भगवानको पूजा गर्दा उद्योग ,कलकारखाना , ग्यारेज लगायत अन्य मेसिनरी औजार सफा हुन्छन् र लामो समयसम्म टिकाउ हुन्छन् । सङ्गै पूजाआजा रमाइलो गर्दा मजदुर र व्यवसायी सम्बन्ध समधुर हुन जान्छ। भगवान विश्वकर्मा आशिर्वाद सबैलाई मिल्नुका साथै कल्याण पनि हुन्छ । dumrechakrapani@gmail.com

RECENT POSTS