Friday, February 15, 2019

अब सडकमा टिपर र ट्रक गुडाउँदा ३० को स्पीड

टिपरको तीव्रगतिका कारण दुर्घटना बढेकोभन्दै नियन्त्रणका लागि ट्राफिक प्रहरीले रुपन्देहीमा टाइमकार्ड लागू गरेको छ । ट्राफिक प्रहरीले अन्ततः दुर्घटना न्यूनिकरणतर्फ आइतबारदेखि नै लागू हुनेगरी नयाँ नियमसमेत लागू गरेको हो । प्रदेश ५ ट्राफिक प्रहरी कार्यालय बुटवलले पाल्पाको सिद्धबाबादेखि भैरहवा, कपिलवस्तुको गोरूसिंगेदेखि बर्दघाटसम्म चल्ने टिपरलाई समय निर्धारण गरेको हो ।

प्रदेश ट्राफिक प्रहरी कार्यालयका प्रहरी नायव उपरीक्षक माधव बुढाथोकीले बजार क्षेत्र र हाइवेमा टिपरको गति तीब्र भएपछि त्यसको नियन्त्रणका लागि अभियान थालिएको बताए । डीएसपी बुढाथोकीले भने, ‘पाल्पाको सिद्धबाबादेखि बुटवल धागो कारखानासम्मको ७ किलोमिटर दुरी २१ मिनेटमा पुग्नुपर्छ,२१ मिनेटभन्दा छिटो पुगे कारवाही हुन्छ ।’

टाइमकार्ड अनुसार चालकहरुले टिपर र ट्रक नचलाएमा कारवाही गरिने छ । टाइमकार्डअनुसार अब सडकमा टिपर र ट्रक गुडाउँदा ३० को स्पीड भन्दा बढी स्प्रीडमा गुडाउन पाइने छैन, भने चालकले तोकेको स्थानमा अनिवार्य टाइमकार्ड देखाइ इन्ट्री गर्नुपर्ने छ ।

सुनवलदेखि बर्दघाट ३४ मिनेट, सिद्धबाबादेखि मंगलापुर ३० मिनेट, मंगलापुरदेखि अञ्चलपुर भैरहवा १८ मिनेट, कपिलवस्तुको गोरूसिंगेदेखि सैनामैना मुर्गिया ६४ मिनेट, मुर्गियादेखि धागो कारखानासम्म ४० मिनेट र मुर्गियादेखि तिलोत्तमा मंगलपुरसम्म ४८ मिनेट लगाउनुपर्ने ट्राफिक प्रहरीको टाइम टेवलमा उल्लेख छ ।

तिलोत्तमा नगरपालिकामा वार्डबाटै घरनक्शा

नक्सा पास प्रक्रियालाई सेवाग्राहीमैत्री बनाउन तिलोत्तमा नगरपालिकाले वडा–वडामा पुगेर नक्सा पासको काम गरिरहेको छ । हरेक हप्ताको दुई दिन अर्थात् बिहीबार र शुक्रबार मात्र नक्सा शाखाको टोली कार्यालयमा रहने गरेको छ । बाँकी दिन शाखाका सबै कर्मचारीहरु फिल्डमा पुग्छन् । सेवाग्राहीहरुले पुराना घरको नक्सा पासको सबै काम वडा कार्यालयबाटैं प्राप्त गर्छन् । कर्मचारीहरु वडाबाटैं घरधनीको घरमा पुग्ने, घरको नापजाँच गर्ने काम गर्छन् । नगरपालिकाको यस्तो अभियानले सेवाग्राहीलाई सजिलो भएको छ । तिलोत्तमा नगरपालिकामा दैनिक सरदर तीन वटा नयाँ घरहरु थपिने गरेका छन् । नगरपालिकाको घरनक्सा शाखाले उपलब्ध गराएको घर नक्सा दर्ता संख्याले यस्तो देखाएको हो । नयाँ नगरपालिका भएकाले यहाँ अझै पनि घरहरु पूर्णतः नक्सा पासको प्रक्रियामा आउन सकेका छैनन् । नक्सा पासविना बनाइएको भत्काउने सम्मको अधिकार स्थानीय तहलाई छ । चालु आर्थिक वर्षको साउनदेखि कार्तिकसम्म यहाँ नयाँ ३ सय ५८ घर निर्माणका लागि नक्सा दर्ता भएका छन् । सोही अवधिमा २ सय १७ घरले निर्माण सम्पन्न प्रमाणपत्र लिएका छन् । यहाँ साउनमा ६८, भदौमा ८४, असोजमा १०२ र कार्तिकमा १०४ नयाँ घरको नक्सा पास प्रक्रियाका लागि दर्ता भएका छन् । यस्तै साउन, भदौ, असोज र कार्तिक महिनामा क्रमशः ७७, ४२, ५८ र ४० घर निर्माण सम्पन्न भएर घरधनीले प्रमाणपत्र लिएका छन् । ‘यस नगरपालिकमा सरदर दैनिक तीन वटा नयाँ घर नक्सा दर्ता हुने गरेको छन् ।’ नक्सा शाखा प्रमुख ईञ्जिनियर मनिष खनालले भने । यहाँ पुराना घरको नक्सा दर्ता नयाँको भन्दा झण्डै दोब्बर छ । नगरपालिका गठन हुनुभन्दा अघि निर्माण भएका घरहरु ‘पुरानो’ को रुपमा नक्सा पासका लागि दर्ता हुने गरेका छन् । यहाँ गत साउनदेखि कार्तिकसम्म ३ सय ३८ पुराना घरको नक्सा दर्ता भएको छ भने यहीँ अवधिमा १ हजार ३ सय ११ पुराना घरको नक्सा पास भएको छ । साउनमा १ सय ११, भदौंमा १ सय चार, असोजमा १ सय ६ र कार्तिकमा १७ पुराना घरको नक्सा दर्ता भएको हो भने क्रमशः ३७६, ४१७, ३४७ र १७१ पुराना घरको नक्सा पास भएको नक्सा शाखा प्रमुख ईञ्जिनियर खनालले जानकारी दिए । अहिले नगरपालिकाले पार्किङ सहितका घर बनाउन प्रोत्साहन गरिरहेको नगर प्रमुख उप–प्रमुख जगेश्वरदेवी चौधरीको भनाइ छ । नगरपालिका गठन भएपछि तिलोत्तमामा हालसम्म नयाँपुराना ११ हजार ९ सय ४२ घरको नक्सा दर्ता भएकोमा ६ हजार ७ सय ४७ घरले सम्पन्नता प्रमाणपत्र प्राप्त गरेका छन् । गत आर्थिक वर्ष २०७४÷७५ मा मात्र यहाँ ५ हजार ८ सय ३३ नयाँ÷पुराना घरको नक्सा दर्ता हुँदा सोही अवधिमा २ हजार ५ सय ८७ घरले सम्पन्नता प्रमाणपत्र प्राप्त गरेका थिए ।

पछिल्लो समय रुपन्देहीमा विकासका ठूला पूर्वाधार निर्माण भैरहँदा जिल्लाको तिलोत्तमा नगरपालिकामा बस्ती विकास तीव्र रुपमा बढ्दै गएको पाइएको छ । यो जिल्लाका पूराना सहर बुटवल र भैरहवाबीचमा पर्ने नयाँ नगरपालिका हो । भूगोलका हिसाबले यो रुपन्देहीकैं मध्य भागमा अवस्थित छ । नगरपालिकाले हालै गरेको घरधुरी सर्वेक्षणअनुसार यहाँको जनसंख्या एक लाख पच्चिस हजार पुगेको छ । राष्ट्रिय जनगणना–२०६८ अनुसार यहाँको जनसंख्या एक लाख मात्र थियो ।
पूर्वाधार विकास, शिक्षा, स्वास्थ्य, रोजगारीलगायतका अवसरले यहाँ बसाईसराई गर्नेको चाप उच्च भएका हो । नगरपालिकाले यहाँ नयाँ–नयाँ योजना अघि सारेको छ । स्थानीय, प्रदेश र संघीय सरकारबाट यहाँ विकासका ठूला पूर्वाधारहरु यहाँ तीव्रतर रुपमा अघि बढेका छन् । प्रदेश राजधानी भएसँगै बुटवलमा रहेका सरकारी कार्यालयहरु समेत एकपछि अर्को यहाँ सर्न थालेका छन् । यी सबै कुराको प्रभाव बस्ती विकासमा देखिएको हो ।यहाँ होटल, बैंक तथा वित्तीय संस्था, उद्योगधन्दा, कलकारखाना, सेवा उद्योग खुल्नेक्रम तीव्र छ । ‘तिलोत्तमा भर्जिन सिटी भएकाले यहाँको जनघनत्व बढ्दै गएको छ । नयाँ घर थपिने क्रम उच्च छ ।’ नगरपालिकाका प्रमुख प्रशासकीय अधिकृत कृष्णप्रसाद सापकोटा भन्छन्– ‘यहाँ विकासका ठूला पूर्वाधार बनाउने पर्याप्त संभावनहरु पनि छन् ।’नगरपालिकाले यहाँ चक्रपथ, प्रादेशिक बस टर्मिनल, सामुदायिक अस्पताल, कोल्डस्टोर, फोहोरमैला प्रशोधन केन्द्र, औद्योगिक ग्राम, खेलकुद मैदानलगायत विकासका विभिन्न पूर्वाधार अघि सारेको छ । यहाँ प्रदेश स्तरको मेडिकल कलेज पनि बन्दै छ । यहाँ पहाडी जिल्ला गुल्मी, पाल्पा, अर्घाखाँची, स्याङ्जा, प्युठानलगायतका स्थानबाट मानिसहरु बसाइ सरेर आउने गरेका छन् । यी जिल्लाबाट विभिन्न प्रयोजनका लागि अस्थायी रुपमा बसोबास गर्नेहरुको संख्या पनि यहाँ बढ्दै गएको छ ।

विदेशमा यो साता : विदेशको खबर

फिलिपिन्सको चर्चमा विस्फोट, २७ को मृत्यु
मनिला –फिलिपिन्सको दक्षिणी क्षेत्रमा अवस्थित एक चर्चमा आइतबार बिहान भएको विस्फोटनमा परी २७ जनाको मृत्यु भएको छ।फिलिपिन्सको राष्ट्रिय प्रहरीका प्रमुखले देशको दक्षिणी क्षेत्रमा पर्ने सुलु प्रान्तको चर्चमा आइतबार बिहान एकैसाथ दुई विस्फोटन भएको जानकारी दिए। प्रहरी प्रमुख ओस्कार अल्बायाल्डेका अनुसार मृत्यु भएकामध्ये अधिकांश फिलिसिन्सका सैनिक रहेका छन्।“चर्चामा प्रार्थनाका बेला भएको विस्फोटनको हामी घोर भर्त्सना गर्दछौँ, सैन्य अधिकारीहरु र आम नागरिक मारिएका र घाइते भएका छन्, त्यो निकै दुःखद् छ,” फिलिपिन्सका रक्षा सचिव डल्फीन लोरेन्जानले भने। उनले घटनाका पीडितहरुलाई तत्काल राहत तथा उद्धारका लागि सहयोग गर्न पनि निर्देशन दिइएको बताए। घाइतेमध्ये केहीको अवस्था चिन्ताजनक रहेको र घटनाको विवरण सङ्कलन भइरहेकोले मृत्यु हुनेहरुको संख्या अझै बढ्नसक्ने अधिकारीहरुले जानकारी दिएका छन्।

ब्राजिलमा बाँध भत्किँदा नौको मृत्यु, कम्तीमा तीन सय बेपत्ता
रियो दी जेनेरियो – ब्राजिलको दक्षिणपूर्वी क्षेत्रमा रहेका एउटा फलाम खानीमा रहेको बाँध भत्किँदा नौ जनाको मृत्यु हुनुका साथै कम्तीमा तीन सय जना हराइरहकोे अधिकारीहरुले बताएका छन्। बाँधमा रहेको क्याफेटेरियामा खाजा खाइरहेका कामदारहरु बाँध भत्किएर आएको हिलोले बगाएर लगेको अधिकारीहरुलाई उद्धृत गर्दै बिबिसीले उल्लेख गरेको छ। हिलोले पुरिएर नौजनाको मृत्यु भएको पुष्टि अधिकारीहरुले गरेका छन्। ब्राजिलको मिनास गेराइस राज्यमा रहेको ब्रमादिन्हो सहर नजिकै रहेको सो बाँधस्थलमा उद्दारकर्ताहरुले माटो हटाउने मेसिन प्रयोग गरेर बेपत्ताको खोजी गरिरहेको बताइएको छ। ब्राजिलको सबैभन्दा ठूलो खानी कम्पनी भेलको स्वामित्वमा रहेको सो बाँध के कति कारणले भत्कियो भनेर हालसम्म पत्ता नलागेको अधिकारीहरुले बताएका छन्।

मलेसियाको राजामा सुल्तान अब्दुल्लाह निर्वा्चित
नयाँ राजाका रुपमा सुल्तान अब्दुल्लाह अहमद शाह निर्वा्चित भएका छन्। संवैधानिक राष्ट्रप्रमुखका रुपमा निर्वा्चित सुल्तान मलेसियाको १६औं राजा भएको अधिकारीहरूले जनाएका छन्। राज्यद्वारा सञ्चालित समाचार संस्था बेर्नामाले जनाएअनुसार यही जनवरी ३१ तारिखका दिन उनले पद वहाली गर्नेछन्। यसअघिका राजा सुल्तान मुहम्मद पाँचौले यही जनवरी ६ मा राजिनामाको घोषणा गरेपछि नयाँ राजा चयन गरिएको हो। मुस्लिम–बहुल मलेसियामा सन् १९५७ यता कुनै राजाले तोकिएको समयावअधि नसकिँदै राजिनामा दिने उनी पहिलो राजा हुन। उनले राजिनामा दिनु पर्नाको कारण अहिले सम्म स्पष्ट पारिएको छैन। तर उनले रुसी पूर्व सुन्दरीसँग विवाह गरेकाले राजिनामा दिएको बताइएको छ। राजा निर्वा्चित हुन नौमध्ये कम्तीमा पाँच मत अर्थात् बहुमत पाउनु पर्दछ। बहुमत नपुगेमा त्यसपछि पालो भएको राज्यका सुल्तानको नाममा यही प्रक्रियाबाट मतदान गर्ने परम्परा रहेको छ । सिन्ह्वा

भुटानका राजाकी आमा लुम्बिनीमा
छिमेकी मुलक भुटानका राजाकी आमा (क्विन मदर अफ भुटान)आसी दोर्जि वांग्मो वांग्चुक, राजुकमारी सोनाम डेचान वांग्चुक सहित राजपरिवारका अन्य सदस्यहरुले बुद्धजन्मस्थल लुम्बिनी र कपिलबस्तुको तिलौराकोट सहित बिभिन्न बौद्ध सम्पदास्थलको अवलोकन भ्रमण गरेका छन् । बिहान लुम्बिनी स्थित मायादेबी मन्दीर परिसरमा उनिहरुलाई लुम्बिनी बिकाश कोषका उपाध्यक्ष सुरेन्द्र मुनि शाक्य, निमित्त सदस्य सचिब तथा लुम्बिनी बिकाश कोषका योजना प्रमुख ईं सरोज कुमार भट्टराई लगायतले स्वागत गरेका थिए । सो क्रममा रानी आमा वाग्चुक सहितको टोलीलाई लुम्बिनीको आध्यात्मिक, धार्मिक र पुरातात्विक महत्वका साथै लुम्बिनी गुरुयोजनाको बिषयमा निमित्त सदस्य सचिब भट्टराईका साथै कर्मचारी दिलिप राईले जानकारी गराएका थिए ।
भ्रमण टोलीमा रहेकाहरुले शुक्रबारै कपिलबस्तुको तिलौराकोट लगायतका स्थानको समेत अवलोकन भ्रमण गरेका छन् ।

आठबर्षमा बनेन, तिनबर्षमा बन्नुपर्ने सडक

वर्तमान ओली सरकार जनताले अभिमत पाएर बनेको हालसम्मकै शक्तिशाली सरकार हो । चुनावी घोषणा पत्र देखी सरकारका निति तथा कार्यक्रममा समेत जनतालाई पानिजहाज देखी रेलसम्मका सपना बाँडेको सरकारले भइरहेका सडक र संरचना समेत प्रयोग गर्न योग्य बनाउन नसक्दा जनतामा निराशा पैदा भएको छ । भएका सडक त सवारीसाधन गुड्न योग्य छैनन् भने रेल र पानिजहाजका कुरा गर्नुको के अर्थ ? भन्दै आम जनताले वितृष्णा पोख्न थालेका छन् । देशभर जिर्ण र खाल्डा खुल्डी नभएको कुनै सडक छैन । बन्दै गरेका संरचना तोकिएको समयभन्दा बर्षौँ ढिला भईसक्दा पनि सरकार म्याद थप्नमै व्यस्त छ । यसैको एउटा उदाहरण बुट्वल–बेलहिया सडकखण्ड पनि हो । पटक–पटक म्याद थप हुंदै चैत्रसम्म सक्ने बताइएको निर्माणाधिन बुटवल बेलहिया व्यापारिक मार्ग फेरि पनि भनेको समयमा पुरा नहुने निश्चित भएको छ । कूल २७ किलोमिटर दुरीको मार्ग अन्र्तगत मणिग्रामदेखि बुटवलसम्मको खण्ड निर्माण पुरा भए पनि पुरा संरचना भने निर्माण भै नसकेको छ ।

तीन वर्षमा सक्ने लक्ष्यसहित शुरु भएको आयोजना आठ वर्षमा पनि पूरा नहुँदा सडक हिउँदमा धुलाम्मे र वर्षायाममा हिलाम्मे हुने गरेको छ । धुलो र हिलोले विशेषगरी मोटरसाइकलमा यात्रा गर्नेहरुले सास्ती खेप्नुपरेको छ । सडक निर्माणका क्रममा डिजाइन परिवर्तन, शुरुको डिजाइनमा २ वटा नाला मात्र रहेकोमा थप २ वटा गरी ४ वटा नाला निर्माण गर्नुपरेको, विद्युत पोल र खानेपानी पाइप स्थानान्तरण, सडक सिमा भित्रका घर र संरचना हटाउन ढिलाई, कच्चा पदार्थको अभावजस्ता कारणले आयोजना समयमै पुरा हुन नसकेको आयोजनाका प्रमुख जिवेन्द्र मिश्रको तर्क छ ।
बुटवल राजमार्ग चौराहादेखि गोलपार्कसम्मको ३ किलोमिटर सडक विस्तार कार्य भने अदालतको फैसलाले रोकिएको छ । चार प्याकेजमा ठेक्का सम्झौता गरी काम भएकोमा १२ किलोमिटर मध्ये ५ किलोमिटरमा बेसको काम समेत शुरु हुन सकेको छैन । ७ किलोमिटर क्षेत्रमा मुख्य लेनमा ग्रावेल गर्ने र पहिलो लेयरमा अलकत्रा बिच्छाउने गरिएको भएपनि ५ किलोमिटर क्षेत्रभने खाडल सहितको धुलाम्मे छ । आयोजनाका इञ्जिनियर योगेन्द्र अधिकारिले यसवर्षको जेठ महिनादेखि असोज महिनासम्म नै पानी परेकोले काम गर्न कठिनाई भएको बताएका छन् ।
मणिग्रामदेखि सुनयनापथसम्मको ३ किलोमिटर र मधवलियादेखि लखनचोक सम्मको ३ किलोमिटर गरी ६ किलोमिटर सडक टेलिकम ईण्डिया लिमिटेड टिसिआईएलले एक अर्ब रुपैयां लागतमा ठेक्का सम्झौता गरी निर्माण गरिरहेको छ । त्यस्तै सुनैनापथदेखि मधवलियसम्मको ३ किलोमिटर खण्ड ६२ करोड रुपैयां लागतमा कालिका रायमाझी र लखनचोकदेखि अञ्चलपुर सम्मको २ किलोमिटर सडक बिरुवा श्रेष्ठ एपेक्स जेभीले ४१ करोड रुपैयां लागतको ठेक्का सम्झौता गरी निर्माण गरिरहेका छन् ।
चैत्रसम्म थपिएको समयमा पनि काम पुरा नगर्ने निर्माण कम्पनीसंग आयोजनाले जरिवाना असुल गर्न सक्ने छ । आयोजना प्रमुख मिश्रले फागुनसम्म सर्भिस लेन सहितकै सबै सडक निर्माण पुरा हुने दावी गर्छन् । यो मार्गको मुख्य सडक १०.४० मिटर चौडाईको चार लेन रहेको छ भने सर्भिस लेन दुवैतर्फ ६ मिटर चौडाईको छ । बिचको डिभाइडर ३ मिटर चौडाईको छ भने डिजाइन स्पिड ८० किमि प्रति घण्टा रहेको छ । आयोजनाको कूल लागत ५ अर्ब ८६ करोड हो । स्थानीय तहहरुले नदिजन्य वस्तुको ठेक्का लगाई नसकेकोले बांकि रहेको सडकमा नदिजन्य पदार्थको अभाव छ । प्रत्येक वर्षको विनियोजित वार्षिक बजेटको ९५ प्रतिशत भन्दा बढी रकम भने आयोजनाले खर्च गरेको छ । बुटवल बेलहिया ब्यापारिक मार्ग अन्र्तगत भैरहवाको सडक र डण्डा पुलको निर्माण जिम्मेवारी लिएको कालिका तामाङ प्यासेफिक जेभीलाई करिव एक करोड जरिवाना तिराइएको छ । गत मंसिर महिनामा सम्पन्न गरी सक्नुपर्ने काम समयमा नसकेपछि उक्त कम्पनीले ९४ लाख ७९ हजार रुपैया राजश्वमा दाखिला गरिसकेको आयोजनाका प्रमुख जिवेन्द्र मिश्रले बताएका छन् ।

बुटवल–बेलहिया ‘सिक्स’ लेन सडकको निर्माण कार्य आउँदो चैत्रसम्म पूरा नहुने देखिएको छ । व्यापारिक मार्ग विस्तार आयोजनाले गत दशैंमा बुटवल–बेलहियाको यात्रा सहज रुपमा गर्न पाइने बताउँदै आएको थियो । तर, अझै ५ किलोमिटर सडक बन्न बाँकी रहेकोले बाँकी अवधिमा त्यो निर्माण पूरा हुने संभावना देखिँदैन । सडक निर्माणमा ढिलाई हुँदा यात्रु र स्थानीय बासिन्दाले लामो समयदेखि सास्ती खेप्नु परेको छ । नेपाल–भारत पारवहन सहज र व्यापार विस्तार गर्न आर्थिक वर्ष २०६८र०६९ देखि सिक्सलेन लेन सडक बनाउन सुरु गरिएको थियो ।
पछिल्लो समय तोकिएको चैत्र मसान्तसम्म सडक निर्माण गर्न ठेकेदारले धमाधम काम गरे पनि समयमा पूरा नहुने देखिएको छ ।’मुख्य लेनमा कालोपत्रे गर्न बाँकी मणिग्रामदेखि गोदार इन्जिनियरिङसम्म चार प्याकेजमा अहिले काम भैरहेको छ । मुख्य लेन निर्माण गरिएको स्थानमा पनि सर्भिस लेनको काम बाँकी नै छ । आयोजनाले चार वटै ठेकेदारको सम्झौता ४ महिना थप गर्ने तयारी गरेको बुझिएको छ । आयोजनाका अर्का इन्जिनियर योगेन्द्र अधिकारीले यस वर्ष लक्ष्यअनुसार काम भए पनि निर्धा्रित समयमा काम पूरा हुने अवस्था नरहेको जनाए ।
यो सडक निर्माणमा सुरुवातबाटै ढिलाइ भैरहेको छ । निर्माण हुन बाँकी धेरैजसो सडक तिलोत्तमा नगरपालिकामा परेकाले नगरपालिकाले निर्माण कार्य तोकिएकैं समयमा सक्न पटक–पटक आयोजना र ठेकेदार कम्पनीको ध्यानाकर्षण गराउँदै आएको छ । ‘विभिन्न बाहाना देखाउँदै सडक निर्माणमा ढिलाइ भैरहेको छ ।’ तिलोत्तमा नगरपालिका प्रमुख बासुदेव घिमिरे भन्छन्, ‘बाटो बिग्रदा यात्रुहरु निकै मर्कामा पर्नुभएको छ ।’आयोजना निर्माणको कूल लागत ५ अर्ब ८६ करोड मध्ये अहिलेसम्म ४ अर्ब २८ करोड रूपैयाँ खर्च भैसकेको आयोजना प्रमुख जीवेन्द्र मिश्रले जानकारी दिए । बन्न बाँकी सडकका लागि १ लाख ७० लाख घनमिटर नदीजन्य पदार्थ आवश्यक पर्ने जनाइएको छ । आयोजना प्रमुख मिश्र भन्छन, ‘अहिले नदीजन्य पदार्थको अभाव छैन । आवश्यक पर्ने पदार्थ पनि सहजै पाइएको छ ।’
आकाशे पुल समयमा भएनन् सम्पन्न
सिक्स लेनमा निर्माणाधिन १० वटा आकाशे पुल मध्ये ७ वटा यसै असार मसान्तभित्र सम्पन्न गर्ने सम्झौता भए पनि सबै पुल सम्पन्न हुन सकेन । केही पुलहरूको एक तिहाई काम भए पनि कुनै ठाउमा फाउण्डेसन समेत बन्न सकेको छैन । योगिकुटी, राजमार्ग चौराहा, मिलनचोक, हस्पिटललाइन, ड्राइभरटोल, भैरहवा (आँखा हस्पिटल अगाडि) र देवकोटा चोकका आकाशे पुल निर्माण सम्पन्न हुने आयोजनाको थियो । इञ्जिनियर अधिकारीले प्राविधिक कारणले पुल निर्माण हुन नसकेको र अहिले पहिले को गुनामा धेरै काम भएको बताए । पुल निर्माणको ठेक्का महादेव खिम्ती एसेएटिक र महेश जेभी, बर्दघाटले लिएका छन् । ११ करोड रूपैयाँमा अपाङ्गमैत्री समेत रहेका पुल १५ महिनाभित्र सम्पन्न गर्ने गरी ठेक्का दिइएको थियो ।तर समय बित्न केहि महिना बाकि रहदा समेत सो सम्पन्न हुने छाल देखिएको छैन ।

नयाँ गाउँ माविले स्वर्ण महोत्सव मनाउने

बुटवल रुपन्देहीको बुटवल नयाँ गाउमा रहेको नयाँ गाउँ माध्यमिक विद्यालयले आफ्नो स्थापनाको ५० औं वर्ष पुरा गरेको अवसरमा स्वर्ण महोत्वस मनाउने भएको छ ।विद्यालयले सप्ताहब्यापी कार्यक्रम गरेर माघ २१ गतेदेखि २८ गतेसम्म स्वर्ण महोत्सव मनाउन लागेको हो ।

विद्यालयले सोमबार पत्रकार सम्मेलन गरि विशेष कार्यक्रमका साथ सप्ताहब्यापी कार्यक्रम गरेर स्वर्ण महोत्सव मनाउन लागेको जनाएको हो । स्वर्ण महोत्सवको अवसरमा विद्यालयले सामुदायिक र संस्थागत विद्यालयबीचमा वक्तृत्वकला, हाजिरीजवाफ, कविता प्रतियोगिता, खेलकुदमा भललिवल, क्रिकेट लगायतका प्रतियोगिता गर्ने तथा अन्तरविद्यालयका विभिन्न कार्यक्रम गर्ने विद्यालयका प्रधानाध्यापक पुरुषोत्तम भट्टराईले बताउनुभयो ।

विद्यालयले स्वर्ण महोत्सवको अवसर पारेर पन्चवर्षे विद्यालय सुधार योजनालाई पनि अगाडि सारेको छ । विद्यालयले अगाडि सारेको पन्चवर्षे योजना अनुसार सेमिनार हल, सुचना केन्द्र, सरस्वती बाटिका लगायतका पुर्वाधार खडा गरि २०८० सम्म योजना सम्पन्न गर्ने प्रधानाध्यापक भट्टराईले बताउनुभयो । विद्यालयले ४ करोड ३५ लाखको पन्चवर्षे योजनालाई अगाडी सोरको उहाँको भनाई छ । २०१९ सालमा स्थापना भएको विद्यालयले यो अवस्थामा आईपुग्दा धेरै सुधारका कार्यक्रम गरिसकेको छ । विभिन्न रचनात्मक कार्यक्रमका साथ हुने सप्ताहब्यापी कार्यक्रम अन्तरगत दुई दिन हुने स्वर्ण महोत्सव मुल समारोह विद्यालयले गर्दै छ ।

पहिलो दिन विष्ण पौडेलको आतिथ्यतामा २७ गते र २८ गते मुल समारोह सामाजिक विकास मन्त्री सुदर्शन बरालको आतिथ्यतामा हुने कार्यक्रम रहेको विद्यालयले जनाएको छ । एक हजार आठ सय ६० विद्यार्थी अध्ययन गरि रहेको विद्यालयले पाँच वर्षमा दुई हजारबढी विद्यार्थी संख्या पुर्याउने लक्ष्य पनि लिएको छ । तिनाउ पश्चिमको नमुना विद्यालयका रुपमा नयाँ गाउँको स्तरोन्नती गर्ने विद्यालय ब्यवस्थापन समितिका अध्यक्ष पुरुषोत्तम बस्यालले जानकारी दिनुभयो ।

यसैबीच विद्यालय सुधार कार्यक्रम अन्तरगत केही समय अगाडि गरेको महायज्ञबाट बोलिएको दुई करोड ४२ लाख रकममा ३६ लाख ७२ हजार उठेको र अझै ११ लाख उठ्न बाँकी रहेको र महायज्ञ सम्पादन गर्न २५ लाख ३१ हजार खर्च भएको विद्यालय ब्यवस्थापन समितिका अध्यक्ष बस्यालले जानकारी दिनुभयो ।

उहाँले महायज्ञबाट संकलन हुन बाँकी रकम संकलनका लागि विद्यालय लागि परेको समेत बताउनुभयो । स्वर्ण महोत्सवको अवसरमा विद्यालयले स्मारिका समेत विमोचन गर्ने भएको छ । पत्रकार सम्मेलनको संचालन शिक्षक रामप्रसाद बन्जाडेले गर्नुभएको थियो ।

ओमसतियामा फागुन ३ देखि भोजपुरी मेला हुदै, प्रचण्डले उद्घाटन गर्ने

    मोहन न्यौपाने, तिलोत्तमा सिटी । यहि फागुन ३ गतेदेखि शुरु हुन गैरहेको ओमसतिया कला सस्कृति खेलकुद तथा कृषि प्रबर्धन महोत्सवको तयारि पुरा हुने चरणमा छ । नेकपाका अध्यक्ष पुष्पकमल दाहाल प्रचण्डले फागुन ३ गते उद्घाटन गर्ने कार्यक्रम रहेको सो मेला फागुन ११ गतेसम्म चल्ने आयोजकका तर्फबाट संयोजक शिव कुमार धवलले बताए ।श्री रामजानकी मन्दिर रंगशाला सभाहल ब्यबस्थापन समितिको आयोजनामा हुन लागेको सो मेलामा बिशेसगरि थारु मधेसी भोजपुरी कला सस्कृति र भेसभुसाहरुको प्रदर्शनी , स्टल, खाना , बृहत सास्कृतिक कार्यक्रम अन्तरास्ट्रिय कबड्डी प्रतियोगिता, भलिबल प्रतियोगिता , थारु नाच झुमडा प्रतियोगिता , ओमसतिया डान्स आइडल मार्शल आर्ट तेक्वान्दो पुरुष तथा महिला कुस्ती महा-मुकाबुला प्रतियोगिता, बाल उद्दान, मतका कुवा , कृषि , ब्यापार , उद्योग , अटो प्रदर्शनी बिज्ञान प्रबिधि लगायतको प्रबर्धन गरिने संयोजक धवलले बताए । ओम सतिया-६ नरैनापुर, रंगशालाको प्राङ्गणमा हुने महोत्सवको समुद्घाटन गर्न नेकपाका अध्यक्ष प्रचण्ड आउने भएकाले पनि सो मेलालाइ ऎइतिहासिक दृष्टिकोणले गरिमामय मानिएको छ ।

मेलामा हाल चर्चित बनेका बालगायक अशोक दर्जी , ए आर बुढाथोकी , टंक बुढाथोकी , भोजपुरिका सुपरस्टार गायक नायक तथा भोजपुरी र बिहारी डिजेहरुको समेत उपस्थिति रहने बताइएको छ । नेपालमा तराइ क्षेत्र मै पहिलो मानिएको यस्तो मेलाले स्थानिय भाषा सस्कृति र रहनसहनलाई अझै माथि उकास्न सहयोग पुग्ने आकलन गरिएको छ ।

धनगढ़ीमा जन्मेको मध्यमबर्गीय परिवारको कथा”रणबीर” : शुशिल सिटौला

माघ १८ मा ३ चलचित्रको महाभिडन्त हुदै छ । कृषिप्रधान देशमा कृषि पशुपालनमा बनेको फिल्म गोपी , कमेडी फिल्म  सयकडादश र एक्सन तथा लभस्टोरी फिल्म रणबीर । आफैमा एउटा मध्यमबर्गीय परिवारमा जन्मिएर पनि सबैकुरा पाउन विभिन्न त्याग र तपस्या गर्ने दमदार युवकको भूमिकामा शुशिल देखिदैछन् । फिल्ममा एक्सनसंगै कमेडी , लभस्टोरी रोमान्स र विभिन्न मनछुने संगीत पनि छ । तिरिमिर तिरिमिर तिन तारा अहिले चलेको गीत मध्ये एकपर्दछ सो गीतले पनि रणबीरलाइ उचाइमा पुर्याइरहेको छ ।

धनगढ़ीको सामाजिक घटनाको चित्रण गरेको यस फिल्मलाइ गोबिन्द सिंह भण्डारीले लेखन तथा निर्देशन गरेका छन् । मधेसबाटै उदाएको कथालाई धनगढ़ी डडेलधुरा पोखरा हुदै काठमान्डौसम्म खिचिएको छ । करिब एक करोड ७५ लाखमा निर्माण भएको फिल्ममा पुराना शसक्त कलाकारदेखि नया कलाकार समेत देख्न पाइने छ ।
फिल्म रणबीर प्राबिधिक उपकरण मेहनत र कलाकार को संयुक्त प्याकेज भएकोले फिल्म सबै तरहले एकदमै ससक्त बनेको फिल्मकि निर्माता गोमा बिस्ट थापा बताउछिन ।

आफुले डेब्यु गरेको फिल्म कथा र निर्माण पक्ष सशक्त र मन परेको पाएकोले नै २०१२ मै मिस नेपालमा सहभागी हुदै आएको फिल्म खेल्ने प्रस्तावाहिले स्वीकारेको डेब्यु नायिका सुबेच्छ्या खड्का बताउछिन । आफैमा आरजे भिजे समेत रहदै केहिगीत समेत गुनगुनाएकि नायिका खड्का पछिल्लो फिल्म इण्डस्ट्रिकि सम्भावना बोकेकी कलाकार हुन् । फिल्म मेकिङ्गमा निकै रमाइलो अनुभव गरेकी खड्काले फिल्म रणबीरमा एउटि सोझी युवती प्रियाको भूमिकामा छिन ।

साउथ इन्डियन फिल्ममा समेत काम गरिसकेका निर्देशक भण्डारीद्वारा लिखित फिल्ममा टिका पहाडी, प्रशान्त ताम्रकार, रवि गिरी, नरेश पौडेल,शैलेश्वरी सिंह, शुशील सिटौला, सुवेक्षा खड्का र सुपुष्पा भट्ट लगायतको सशक्त अभिनय रहेको छ । फिल्ममा माया, मित्रता र बदलाको कथालाई प्रस्तुत गरिएको छ ।फिल्म माघ १८ बाट प्रदर्शनमा आउँदैछ ।

बेरोजगार युवाको स्वरोजगार कथा”गोपी”

नेपाली युवाहरुमा देखिएको बेरोजगार समस्यालाई उजागर गरिएको फिल्म हो गोपी । देशमै केहि गर्न चाहने र स्वरोजगारमा रमाएको एक युवाको शसक्त कथा गासिएको फिल्म गोपी यहि माघ १८ गते देखि देशभर प्रदर्शन हुदैछ । गाइपालनमा रमाएको युवा र त्यसमा परिवारले लगानी गर्न अकस मानेको कथा बिचको तारतम्य फिल्म गोपी मा देखाइएको छ । गोपी यस वर्षको प्रतिक्षीत फिल्ममध्येको एक हो । मौलिक कथामा निर्माण भएको फिल्मले विदेशी मोह त्यागेर स्वदेशमै नीजि गाई पालन गरेर बसेको एक युवकको संघर्ष र सफलताको कथा भन्छ । माघ १८ गतेबाट प्रदर्शनमा आउने तयारीमा रहेको फिल्मलाई दीपेन्द्र लामाले निर्देशन गरेका हुन् ।

हालसालै रिलिज भएको फिल्म ‘प्रसाद’ मा निःसन्तान श्रीमानको भूमिका निभाएका अभिनेता विपिन कार्की यस फिल्ममा एक गाईपालक किसानको चरित्रमा छन् । अभिनयबाट पात्रलाई न्याय दिलाउन सक्नुपर्छ भन्ने मान्यता बोकेर कलाकारितामा होमिएका उनी ‘गोपी’ लाई पृथक फिल्म भन्न रुचाउँछन् । गोपी युवा सोरोजगारको अभियान समेत भएको बताउदै अभिनेता कार्कीले पहिलो पटक फिल्ममा किसानको भूमिका निभाएको र सम्भवत कृषिप्रधान देशको फिल्म दुनियामै कृषि पेशालाई अपनाइएको फिल्म गोपी पहिलो रहेको बताएका छन् । फिल्मको प्रचारका लागि चितवन,हुदै बुटवल पोखरा पुगेका उनले पत्रकारसँग गफिँदै भने, ‘यसअघिका फिल्मभन्दा मलाई यस फिल्ममा फरकरुपमा देख्न पाउनुहुन्छ ।’ उनी फिल्ममा सबैले देखेभोगेकै कथा रहेको बताउँछन् ।
‘हामी सबैले नजिकबाट देखेको र भोगेकै कथा भएता पनि फिल्ममा यो कुरा आजसम्म आएको थिएन । यसकारण ‘गोपी’ दर्शकलाई मन पर्नेमा विश्वस्त छु’, उनले भने । यो फिल्ममा उनको अपोजिटमा दुई अभिनेत्री छन्, सुरक्षा पन्त र वर्षा राउत । दुवै फिल्ममा विपिनको प्रेमिकामा भूमिकामा छन् ।
फागुन २ गते प्रेमी संजोग कोइरालासँग लगनगाँठो कस्ने तयारीमा रहेकी वर्षा पनि अहिले फिल्मको टिमसँगै मोफसल दौडाहामा छिन् । उनि बुटवल आउदा दह्सक फ्यानले बिहेको शुभकामना संगै ब्राइटर लभ को केक तथा पुष्पगुच्छाले शुभकामना समेत दिएका छन् । उनले फिल्ममा आफू भेटेरिनरी डाक्टरको भूमिकामा रहेको बताइन् । पशु चिकित्सकको भूमिका निभाउन गाह्रो भएको उनको अनुभव छ । उनी भन्छिन्, ‘गाईवस्तु निकै मनपर्छ तर धेरैनजिक भने कहिल्यै भइनँ । यसकारण पशु चिकित्सकको भूमिका निभाउन साह्रै गाह्रो भयो ।’ कलाकारसँगै मोफसल टुरमा रहेको फिल्मका लेखक सामीप्यराज तिमल्सिनाले विदेश जाने लहर चलिरहेको अवस्थामा ‘गोपी’ ले स्वदेशमै केही गर्न सकिन्छ भन्ने सन्देश दिने बताए ।
काठमाण्डौ नजिकै रहेको टोखामा सुटिङ्ग गरिएको फिल्म १ करोड ५० लाखको लागतमा निर्माण भएको फिल्मका कार्यकारी निर्माता श्रीधर पौडेल हुन् । आरोही केसी निर्माता रहेको यसमा भोला सापकोटा, अंकित खड्का, प्रकाश घिमिरे, रमेश अधिकारी, कुन्ती सिमलीलगायतका कलाकारहरुको पनि अभिनय छ । शैलेन्द्र डि. कार्कीले फिल्म खिचेका हुन् ।

भ्रष्टाचार बिरुद्दको अभियानमा १०० कडा १० : नायिकाको पहिरनले अझै कडा बन्दै

देशमा मौलाईरहेको भ्रष्टाचार न्यूनिकरणमा केही भएपनि सहयोग पुर्याउने आशामा निर्माण भएको फिल्म १०० कडा १० माघ १८ गते बाट प्रदर्शन हुदैछ । चलचित्रको टोलि यतिबेला देश दौडाहामा छ । फिल्म मार्फत नेता कार्यकर्ता ले समेत ओहो मैले त गल्ति गरेरैछु भन्ने कडा जवाफ र सवाल दिने निश्चित भएको भन्दै यसै चलचित्रका कलाकार तथा निर्माता समेत रहेका राजाराम पौडेल ले बताउदै आएका छन् । उनि भन्छन ” फिल्म हेर्ने बित्तिकै दर्शकले घरमा भएको समान कहाँबाट आयो कसरि किन्नुभयो भन्ने प्रश्न गर्छन ” ।
त्यसो त १०० कडा १० ब्याज जत्ति कडा छ त्यत्तिनै कडा बुटवलमा भएको पत्रकार सम्मेलनमा नायिका करुणा श्रेष्ठ भईन । हेर्दा जति सरल र खुलस्त देखिन्थिन करुणा त्यति नै चिसो मौसममा कडा र हटकेक देखिएकी थिइन् । पत्रकार सम्मेलन शुरु भएको करिब ४५ मिनेट पछि निर्माता रज्जु प्रधानसंगै आएकी उनि आउदा सबैका नजर आफैतिर पार्न सफल भईन । रातो शर्टवानपिसमा आएकी उनलाई जति लुगा कफ़र्टेबल भैरहेको थियो त्यति नै पत्रकार दीर्घामा रहेकालाई असजिलो महसुस भैरहेको थियो ।

संचालकले स्वागत गर्दै सिटमा बस्न आग्रह गरेसंगै केहि पत्रकार जुम मै ब्यस्त भए भने केहि मुख फर्काएर क्यामेरा अफगर्न बाध्य भए । खासै चासो नदिए जस्तै केहिले हेरे तर प्रतिक्रिया देखाएनन तथापि नायिका करुणा आफुलाई केहि असजिलो नमानी मज्जाले जवाफ दीइरहिन । आफ्नो भूमिका डेब्यु भएकाले शसक्त अभिनय गरेको र चलचित्रले आफ्नो कलाकारिताको टर्निङ्ग पोइण्ट सफलताको बाटोमा दोहोर्याउने उनको भनाइ छ । हाइट र मिलेको ज्यानमा मसक्क खुलेकी करुणा नेपाली चलचित्रमा सम्भावना बोकेकी अनुहार समेत हुन । हरेक सवालको मुश्काउदै जवाफ दिने उनको कंफीडेण्ट बोलि र ब्यबहारमा मात्र होइन पहिरनमा समेत देखिएको थियो ।

मंगलबार बुटवलमा आयोजित पत्रकार सम्मेलनमा चलचित्रका निर्माता तथा कलाकार राजाराम पौडेलले नेपाली चलचित्र क्षेत्रले फड्को मारिरहंदा यस चलचित्रले पक्कै समाजमा सकारात्मक प्रभाव पार्ने बताए । उनले देशमा मौलाईरहेको भ्रष्टाचार न्यूनिकरणमा यस चलचित्रले केही भएपनि सहयोग पुर्याउनेमा आफ्नो समूह विश्वस्त रहेको समेत जनाए । चलचित्रका नायक उत्सव न्यौपानेले युवा जमातले देशमा भइरहेको नकारात्मक कार्य रोक्नका लागि खेल्न सक्ने भूमिकाको बारेमा चलचित्रले जानकारी दिने बताउंदै पहिलो चलचित्र भएकाले सबैले आफ्नो अभिनय मन पराईदिने आशा रहेको उल्लेख गरे ।

करिब १ करोड ७० लाख लागतमा बनेको यस चलचित्रको गित दाईलाई कुरा लाईदिने सातो खाईदिने युट्युबमा चर्चित भइसकेको छ । माघ १८ गतेदेखि देशभर प्रदर्शन हुन लागेको फिल्ममा रामशरण पाठकको निर्देशन रहेको छ। ३ वटा रिलिज चलचित्र संगै उत्रिएको चलचित्रमा राजाराम पौड्याल, मनोज गजुरेल, उत्सव न्यौपाने, करुणा श्रेष्ठ, अमृत ढुंगाना, सोनिया राई लगायत मुख्य भूमिकामा रहेका छन् ।

मान्छेहरु डोरीलाई सर्प ठानेर झुक्किन्छन् प्रचण्ड डोरी हुन , जनताले मागेको नेता ओली होइनन्, प्रचण्ड हुन् : विष्णु पौडेल

काठमाडौं । नेपालमा कम्युनिष्ट पार्टीहरु जति छन्, ति मिलेका भन्दा धेरै फुटेको इतिहास छ । त्यसैले भनिन्छ, कम्युनिष्ट पार्टीहरु सकभर मिल्दै मिल्दैनन् । मिलिहाले पनि लामो समय मिलेर बस्न सक्दैनन् । कि गुट बनाएर पार्टी चलाउँछन् कि फुटिहाल्छन् । पुष्पलाल श्रेष्ठले २००६ सालमा स्थापना गरेको नेपाल कम्युनिष्ट पार्टीको इतिहास हेर्दा यस्तै देखिन्छ । यही आलोचित इतिहासमा उभिएर एमाले र माओवादी केन्द्रलाई मिलाएर बनाइएको नेपाल कम्युनिष्ट पार्टीको ‘हटसिट’मा हुनुहुन्छ, नेकपाका महासचिव विष्णु पौडेल ।

पार्टी सञ्चालन गर्ने ९ जनाको उच्चस्तरीय सचिवालयको महासचिव बनेपछि पौडेललाई अब अर्को चुनौती पनि छ, कम्युनिष्ट पार्टीको फुट्ने इतिहासलाई गलत साबित गर्ने । र पार्टी एकतालाई एकढिक्का बनाएर वर्षौं वर्ष टिकाउने । त्यसअघि बामदेव गौतम, नारायणकाजी श्रेष्ठ र जनार्दन शर्मासँग मिलेर विष्णु पौडेलले चुनावका लागि वाम गठबन्धन बनाएर एमाले र माओवादीलाई एकताका लागि हौस्याउनु भएको थियो । एकताका लागि पार्टीको सिद्धान्त बाहेक सबै विषय टुंग्याइएका पनि थिए । सबै तयारी गरेर मिति समेत प्रस्ताव भइसकेका बेला तत्कालीन माओवादी अध्यक्ष प्रचण्डले बराबरी संख्या नपाए एमालेसँग एकता नगर्ने भनेर अड्डी लिनु भएको थियो ।

यही बीचमा आएर दुई पार्टीका नेता र कार्यकर्तामा सन्नाटा छायो । तर ओली गुटका नेता भनेर चिनिएपनि प्रचण्डलाई ‘डाइनामिक’ नेता मान्ने विष्णु पौडेलले एकताको डोरी बाट्न माधव नेपालको सहयोग लिनुभयो । पौडेलको समन्वयमा एकताका लागि माधव नेपालले अग्रसरता लिएपछि प्रचण्ड अडानबाट पछि हट्दै ओली सँग एकताका लागि बैठक बस्न तयार हुनु भएको हो । यसको श्रेय अहिले माधव नेपाललाई भन्दा बढी पौडेललाई गएको छ । कारण पार्टी भित्र कुन नेतामा के क्षमता छ ? अनि त्यसलाई उपयोग गरेर कसरी एक कदम अगाडि जान सकिन्छ ? भन्ने राम्रो ज्ञान अध्यक्ष केपी शर्मा ओलीपछि पौडेलमा पनि देखिएको छ ।

अब यही ज्ञान भएका पौडेललाई नेपाल कम्युनिष्ट पार्टीलाई थप बलियो बनाएर देशलाई समृद्धि तर्फ लैजानका लागि पार्टीलाई मजबुत बनाउने जिम्मेवारी मात्रै छैन । फुटबाट ग्रसित नेपाली कम्युनिष्ट पार्टीको इतिहास बदल्ने चुनौती पनि सामुन्नेमा छ । झण्डै १५ हजार नागरिकको बलिदानी । त्योभन्दा बढी घाइते र अंगभंग भएकाको खबरदारी । यही बलिदानी र खबरदारीको परिचय बनेको माओवादी जनयुद्ध । यी सबै उथल पुथलपूर्ण माओवादी आन्दोलनको लेखाजोखा गर्दा हात लाग्ने उपलब्धी हुन्, संविधानसभा, गणतन्त्र र आजको संघीयता । जसको नेतृत्वकर्ता थिए, पुष्पकमल दाहाल प्रचण्ड ।

परिवर्तनका लागि रगतको खोला बगाएपनि प्रचण्ड शान्ति वार्ता रोजेर संसदीय अभ्यासमा आउनुभयो । देशको राजनीतिक व्यवस्था फेर्न ठूलो जोखिम मोलेका प्रचण्डलाई समृद्धिको यात्रामा सँगसँगै हिँडाउने तत्कालीन एमाले नेताहरुको चाहना अहिले पूरा भएको छ । ‘कतिपय मान्छेहरु डोरीलाई सर्प ठानेर झुक्किन्छन् नि । त्यही हो प्रचण्डको गतिलाई बुझ्न नसक्नेले गर्ने टिप्पणी यस्तै हो’ पौडेलले भन्नुभयो ‘प्रचण्ड अस्थिर देखिएपनि त्यस्तो नेता हुनुहुन्न । प्रचण्ड धेरै गतिशील र डाइनामिक नेता हुनुहुन्छ ।’

- Advertisement -

RECENT POSTS