Wednesday, June 19, 2019

पत्रकारिता दलीयकरण तर्फ उन्मुख भयो,रोकौं : उपाध्यक्ष ढुंगाना

रिपोर्टर्स क्लव नेपालका केन्द्रिय उपाध्यक्ष बैकुण्ठ प्रसाद ढुंगानाले मोफसलको पत्रकारिताको भबिश्य उज्वल रहेको बताएका छन् । उनले राजधानी काठमाडौंमा पत्रकारिता दलीयकरण हुदै गएको भन्दै प्रदेश ५ मा पत्रकारिता राम्रो भएको दाबि गरे । रिपोर्टर्स क्लव नेपाल प्रदेश ५ कार्यालय बुटवलमा आयोजित साक्षात्कारमा बोल्दै उनले सो कुरा बताएका हुन् ।

ढुंगानाले पत्रकारिता समाजका लागि गर्नुपर्ने भन्दै दलका भजन गाएर पत्रकारिता नगर्न समेत सुझाब दिए । बरिष्ट पत्रकार बालकृष्ण चापागाइले पत्रकारितामा मोफसलको राजधानी बुटवलको छुट्टै ब्राण्ड रहेको भन्दै मिडिया बलियो बनाउने काम पत्रकारको भएको बताए । क्लवका प्रमुख रामकुमार क्षेत्रीको अध्यक्षतामा भएको कार्यक्रमको संचालन प्रदेश सदस्य कपिल ज्ञवालीले गरेका थिए ।

शँकरनगर सामुदायीक बनमा गुडिया बनाउने तालिम

तिलोत्तमा, ३० जेठ । रुपन्देहीको तिलोत्तमा नगरपादिका वडा नं. २ शंकरनगरमा रहेको शँकरनगर सामुदायिक वन उपभोक्ता समूह १–४ ले समूहको बार्षिक कार्यक्रम अन्तर्गत गुडिया बनाउने तालिम संचालन गरेको छ । तालिमको एक कार्यक्रमका वीच उदघाटन गर्दै डिभिजन वन कार्यालय रुपन्देहीका सहायक बन अधिकृत गिरिप्रसाद गैरेले महिलाहरु अहिले पनि घर धन्दामै सीमित हुनुपर्ने बाध्यता र मान्यता रहेको भन्दै यस्ता तालिमले महिलाहरुलाई स्वरोजगार र आत्मनिर्भर बन्न टेवा पु¥याउने वताउनु भयो ।

सामुदायिक बनका अध्यक्ष राम गिरीले महिलाहरुको क्षमता विकास गर्न र रोजगार प्रदान गर्नका लागि तालिमले महत्वपूर्ण भूमिका खेल्ने भएकाले सामुदायिक बनले गुडिया बनाउने तालिम संचालन गरेको बताउनु भयो । पुरुषहरुको तुलनामा महिलाहरु हरक्षेत्रमा पछाडी परेकाले उनीहरुको नेतृत्व र क्षमता विकास संगसंगै स्वरोजगार र आत्मनिर्भर वनाउने उद्वेश्यले महिलाहरुलाई लक्षित गरेर सामुदायिक वनले विभिन्न रोजगारमुलक कार्यक्रम संचालन गर्दै आईरहेको र त्यसैको निरन्तरता स्वरुप यो पटक गुडिया बनाउने तालिम संचालन गरेको समूका सचिव ईन्दु थापाले वताउनुभयो ।

समूहका उपाध्यक्ष रबिन्द्र बस्नेतले समूहमा आवद्ध तिलोत्तमा १–४ का महिलाहरुलाई स्वरोजगार र आत्मनिर्भर बनाउने उद्वेश्यले विभिन्न आयमुलक तथा रोजगार मुलक कार्यक्रम संचालन गर्दै आईरहेको सामुदायिक वनले यो पटक गुडिया बनाउने तालिम आयोजना गरेको जानकारी गराउनु भयो । प्रशिक्षक सीता ढेंगा मगरले सहजिकरण गरेको तालिममा तिलोत्तमा १–४ का समूहमा आवद्ध ३० जना महिलाहरुको सहभागिता रहेको छ । बिहिबारदेखि संचालन भएको तालिम असार ७ गतेसम्म संचालन हुनेछ ।

बुद्धमावली देवदहमा कानुन र पर्यटन विषय पढाई हुने

देवदह, ३० जेठ । सगरमाथा आवासिय माबि रुपन्देही देवदहले आउने शैक्षिक शत्रदेखि कानुन तथा ट्राभल एण्ड टुरिजम बिषय अध्यापन गराउने भएको छ । आफ्नो रोजाईमा रहेका बिषय अध्ययनका लागि अन्यत्र जानुपर्ने विद्यार्थीको बाध्यतालाई अन्त्य गर्नका लागि स्थानीय स्तरमै सगरमाथाले कानुन तथा ट्राभल एण्ड टुरिजम बिषय अध्यापनको तयारी थालेको हो । बिद्यालयले बिहीवार पत्रकार सम्मेलन गरि कक्षा ११ मा सो बिषय अध्ययनको स्वीकृति प्राप्त गरेको र आउने शैक्षिक शत्रदेखि अध्यापनको तयारि पुरा गरेको जानकारी गराएको थियो ।

पहिलो बर्ष कानुन बिषयमा ८० जना विद्यार्थी भर्ना गरि अध्यापन सुरु गर्ने विद्यालयका प्राचार्य कृष्णप्रसाद पौडेलले बताउनुभयो । कानुन बिषय अध्ययनका लागि अन्य विषयकै सरह सामान्य शुल्क लाग्ने बताउदै पौडेलले विद्यार्थीको सुबिधाका लागि पुर्ण छात्राबासको ब्यवस्था समेत गरिएको जानकारी दिनुभयो । सगरमाथा माबि विद्यालय ब्यवस्थापन समितिका अध्यक्ष ऋषिराम सापकोटाको अध्यक्षतामा भएको कार्यक्रममा देवदह नगरपालिकाका मेयर हिराबहादुर खत्रीले संस्थागत विद्यालयले कानुन र पर्यटन बिषय अध्यापनको सुरुवात गरेर रुपन्देहीमै उदाहरणीय कार्य गरेको भन्दै प्रसंशा गर्नुभयो ।

उहाँले कानुन विषय पढ्नकै लागि टाढा जानुपर्ने झन्झटको पनि अन्त्य भएको उल्लेख गर्नुभयो । कार्यक्रममा देवदह ७ का वडाध्यक्ष पदम थापा, देवदह नगर शिक्षा समितिका अधिकृत नारायण पोखरेल, एन प्याब्सन प्रदेश ५ का बरिष्ठ उपाध्यक्ष विष्णु पौडेल, अधिवक्ता लिलाधर मरासिनी, नमुना बोर्डिङ स्कुलका प्राचार्य होमनाथ ढुङ्गाना, नेपाली काङ्ग्रेसका नेता बासुदेव रिमाल, ड्रिम देवदहका संयोजक सिद्दीचरण भट्टराई, डिल्लीराज मरासिनी लगायतले देवदह क्षेत्रका विद्यार्थीहरुको आवश्यकतालाई ध्यान दिएर सगरमाथा माबिले नयाँ बिषय अध्यापनको सुरुवात गरेर प्रसंशनीय कार्य गरेको बताउनुभयो । शिक्षक प्रदीप अधिकारीको संचालनमा कार्यक्रम भएको थियो । सगरमाथा माबिले यसअघि दस जोड दुईमा बिज्ञान, ब्यवस्थापन, मानविकी र शिक्षा संकायका बिषयहरु अध्यापन गराउदै आएको छ । बिद्यालयमा अहिले नर्सरीदेखी कक्षा १२ सम्म एक हजार ५ सय ५० विद्यार्थीले अध्ययन गर्दै आइरहेका छन ।

शान्ति समाज रुपन्देहीद्वारा रक्तदान, ४० युनिट रगत संकलन

बुटवल,जेठ ३० । मानव अधिकार तथा शान्ति समाज रुपन्देहीले बुटवलमा रक्तदान कार्यक्रम सम्पन्न गरेको छ । बिश्व रक्तदाता दिवसको सन्दर्भमा बुटवलको रक्त संचार केन्द्रमा आयोजित कार्यक्रमममा ४० युनिट रगत संकलन भएको मानव अधिकार तथा शान्ति समाज रुपन्देहीका सभापति डिपी खनालले बताए ।

कार्यक्रममा बोल्दै नेपाली कांग्रेस प्रदेश ५ संसदीय दलका सचेतक निर्मला क्षेत्रीले मानवीयतासंग जोडिएको रक्तदान कार्यक्रमको बारेमा सचेतना फैलाउन जरुरी रहेको बताइन् । उनले मान्छेको जीवन बचाउने रगतदान जस्तो पुण्यकर्म सबैले गर्नुपर्ने समेत बताइन् ।

क्षेत्रीले सरकारले जनताको हक अधिकार कुण्ठित गर्नेकाममा लागेको भन्दै गलत कामको बिपक्षमा उभिन संचारकर्मीलाइ आग्रह समेत गरिन् । सो अवसरमा शान्ति समाजका केन्द्रिय बरिष्ठ उपसभापति गोबिन्द खनालले जिल्ला शाखाको गतिबिधिले समाजकै शीर उचो बनाएको बताए । उनले जीवन बचाउने कर्म भनेकै रक्तदान भएको भन्दै रक्तदाताको संख्या बढाउदै रगतलाइ निशुल्क बनाउनुपर्ने बताए ।

कार्यक्रममा समाजका केन्द्रिय सदस्य कृष्ण पंगेनी,अधिकारकर्मी माया गौतम,उच्च अदालत बुटवल बारका अध्यक्ष खडानन्द भण्डारी,कार्यक्रम संयोजक कउष्ण चौहान क्षेत्री लगायतले बोल्नुभएको थियो । समाजका जिल्ला सभापति डीपी खनालको अध्यक्षतामा भएको कार्यक्रमको संचालन समाजका रुपन्देही सहसचिब कपिल ज्ञवालीले गरेका थिए । कार्यक्रममा रक्तसंचार केन्द्र बुटवलको प्राबिधिक टोलीले सहयोग पु¥याएको थियो ।

पुष्पखेती, नर्सरी निर्माण तथा बगैचा ब्यवस्थापन तालिम

मणिग्राम जेठ ३० गते । ” पुष्प खेती गरौ आत्मनिर्भर बनौं, आयात होईन निर्यात गरौ ” भन्ने नाराका साथ ब्यवसायिक पुष्पखेती,नर्ससरी निर्माण तथा बगैचा ब्यवस्थापन सम्बन्धी एकहप्ते तालिम तिलोत्तमा ५ मणिग्राममा सम्पन्न भएको छ ।

प्रदेश ५ भुमि ब्यवस्था कृषि तथा सहकारी मन्त्रालयको सहयोग र फ्लोरी कल्चर एशोसिएसनको सह आयोजनामा भएको तालीममा भुमि ब्यवस्था कृषि तथा सहकारी मन्त्रालयका योजना शाखा अधिकृत आशा भण्डारीले प्रदेश ५ लाई फुलमा आत्म निर्भर बनाउनका लागी प्रदेश स्तरीय तालीमको आयोना गरेको बताउनुभयो । उहाँले फुलखेतीले वातावरण सन्तुलनमा मद्दत हुने र आयआर्जनको राम्रो श्रोत रहेको पनि बताउनुभयो । उहाँले करौडौ रकम बिदेश जाने जनशक्तिी बिदेश पलायन हुनेहुँदा फुलखेतीले रोजगारीको श्रृजनाहुने बताउनुभयो ।

उहाँले नेपाल सरकारले कृषिमा बिशेष जोड दिदै कृषिका कुनै पनि बिधामा कामगर्न चाहने किसानलाई अनुदान, सहुलियत कर्जा लगायतका योजना अगाडी सारेको उल्लेख गर्नुभयो । कार्यक्रममा मन्त्रालयका योजना शाखा अधिकृत लक्ष्मण घिमिरेले प्रदेश ५ भुगोल अनुसार सुहाउँदो हावापानी रहेकाले बर्षभरी फुलको उत्पादन लिन सकिने बताउनुभयो । उहाँले १२ जिल्लामा पकेटक्षेत्र बिकास गरी फुलखेतीका बिकास गर्नमा जोड दिनुभयो । सो कार्यक्रममा बोल्दै योजना शाखा अधिकृत लक्ष्मण घिमिरेले सहकारीलाई कृषिमा जोड्न सबै एक हुनुपर्नेमा जोड दिनुभएको थियो ।

फ्लोरी कल्चर एशोसिएसन रुपन्देहीका अध्यक्ष श्रृजना बश्यालको अध्यक्षता, भुमि ब्यवस्था कृषि तथा सहकारी मन्त्रालयका योजना शाखा अधिकृत आशा भण्डारीको प्रमुख आतिथ्य र योजना शाखा अधिकृत लक्ष्मण घिमिरेको बिशिष्ट आतिथ्यमा भएको तालीमको सहजीकरण लुम्बिनी नर्सरी तिलोत्तमाका संचालक रमेश पाण्डे, अर्गानिक मल उत्पादक कृषक तिलक भण्डारीले गर्नुभएको थियो । तालीममा प्रदेश ५ का २५ जना कृषकहरुको सहभागिता रहेको थियो ।

निर्धन उत्थानलाई अल्टिमेटम

राजन पन्थी । निर्धन उत्थान लघुबित्त बित्तीय संस्था लि. केन्द्रिय कर्मचारी युनियन काठमाण्डौले आफ्ना माग पुरा गर्न संस्थाको ब्यबस्थापन पक्षलाई ३०दिने अल्टिमेटम दिएको छ। युनियनले संस्था ब्यबस्थापनसंग बिगतमा भएका सहमती कार्यान्वयन र सेवा सुबिधामा बृध्दी लगायतका ७ बुदे माग पुरा गर्न भन्दै सो अल्टिमेटम दिईएको जनाएको छ।

युनियनले ब्यबस्थापन पक्ष संग वार्ताका लागि महेन्द्र प्रसाद चौधरीको संयोजकत्वमा ५सदस्यिय वार्ता टोली समेत गठन गरेको छ। युनियनका केन्द्रिय अध्यक्ष भोज बहादुर लामिछाने द्वारा हस्ताक्षरित पत्रमा सो कुरा बताईएको हो। ब्यबस्थापन पक्ष समक्ष प्रस्तुत उक्त पत्रलाई सरोकारवाला निकायहरु श्रम कार्यालय र नेपाल राष्ट्र बैक लगायतका ८ ठाँउमा बोधार्थ समेत दिईएको युनियनले जनाएको छ।

बाल श्रमविरुद्धको अन्तर्राष्ट्रिय दिवस:१६ लाख बाल श्रमिक नेपालमा कामगर्दै

बालबालिका श्रममा होइन सपना हेर्न रमाउँछन् भन्ने नाराका साथ आज विश्व बालश्रम विरुद्धको दिवस, नेपालमा पनि मनाईंदैछ । अन्तराष्ट्रिय श्रम संगठन आइएलओ को महासन्धी पारित गरेको दिनको सम्झनामा जुन १२ तारिखमा विश्व बालश्रम विरुद्धको दिवस मनाउने गरिएको छ ।

नेपालमा सन् २०२५ सम्ममा सबै प्रकारका बाल श्रमको अन्त्य गर्ने लक्ष्य राखिएको छ । तर आईएलओको तथ्याङ्कअनुसार नेपालमा ५ देखि १७ वर्ष उमेर समूहका १६ लाखभन्दा बालश्रमिक छन् । तीमध्ये ६ लाखभन्दा बढी बालश्रमिक जोखिमयुक्त पेशा ब्यवसायमा आवद्ध रहेको पाइन्छ । होटल, पर्यटन, मनोरञ्जन क्षेत्र, घर, इँटाभट्टा, गलैँचा कारखाना, सवारी साधन, ग्यारेज, उद्योग लगायतका क्षेत्रमा बालश्रमिक रहेको श्रम, रोजगार तथा सामाजिक सुरक्षा मन्त्रालयले जनाएको छ ।

मन्त्रालयले यस वर्ष पहिलो पटक साढे ७ करोड रुपैयाँ बजेट बालश्रम न्यूनीकरणमा छुट्याएको छ । सशस्त्र द्वन्दका बेला आमाबाबु गुमाएका बालबालिका जोखिमयुक्त काम गर्न बाध्य भएका छन् । यस्तै २०७२ सालको भूकम्पका कारण पनि धेरै बालबालिमा श्रम गर्न बाध्य भएका छन् । बालश्रम विरुद्वको ऐन तथा नियमावलीले बालश्रम गर्ने गराउनलेलाई कानुनी अपराधको रुपमा राखेको छ । तर पनि १४ वर्ष मुनिका धेरै बालबालिका श्रम गर्न अझै पनि बाध्य छन् ।

‘स्वथ्य रगत सवैका लागि’ रक्तदानले शरीरमा कुनै असर पार्दैन

विश्व रक्तदाता दिवसको अवसरमा बुटवल दिवसको औचित्यका विषयमा अन्तरक्रिया कार्यक्रम गरिएको छ । ‘स्वथ्य रगत सवैका लागि’ भन्ने नाराका साथमा दिवस मनाएको हो ।

नेपाल रेडक्रस सोसाइटी जिल्ला शाखा रुपन्देही र रक्तसन्चार सेव केन्द्र बुटवलको आयोजनामा रिपार्टर्स क्लव नेपाल प्रदेश ५ बुटवलमा भएको कार्यक्रममा रक्तदानले शरीरमा कुनै असर पार्दैन भन्ने कुराको जागरण ल्याउनु अवस्यक रहेको बताए । उनीहरुले रक्तदान गर्दा स्वस्थ्यमा असर पर्छकी भन्ने डरले रक्तदान गर्न पछि पर्ने गरेको भन्दै त्यस्तो भ्रम चिर्न पनि नयाँ खालको जागरणको अवस्यकता औँलाए ।

कार्यक्रममा बोल्दै लुम्बिनी प्रादेशिक अस्पताल बुटवलका मेडिकल सुपरिटेन्डेन्ट डा.कृष्ण खनालले अस्पतालले विरामीको आर्थिक अवस्था हेरी सहुलियत दिने गरेको बताए । उनले स्थानीय तहहरुले जिम्मेवारी पुरा गर्ने गरी सिफासिस गर्न अझै पनि नसकेको बताए ।
त्यस्तै कार्यक्रममा बोल्दै मेलानका केन्द्रिय उपाध्यक्ष रमेश पान्डेले चेक जाँच गर्ने मेसिनहरुको खरावीका कारण परिणाम गलत आउने गरेको बताए । उनले पछिल्लो समय रक्तदानमा केही जागरण आए पनि व्यापक बनाउन अभियान संचालन गर्नुपर्ने बताए ।
आम्दा अस्पतालका कार्यवाहाक प्रमुख केशव शर्माले अस्पतालहरुले रक्तसंचार केन्द्रसँग समन्वय गरिरहेको बताए । उनले कतिपय अवस्थामा अस्पतालका कर्मचारीको कमजोरीका कारण घट्ना घट्ने गरेको भन्दै सचेत हुनुपर्नेमा जोड दिए । कार्यक्रममा बोल्दै मानव अधिकार तथा शान्ती समाजका केन्द्रीय उपाध्यक्ष गोविन्द खनालले मानवको सेवा र संरक्षण गर्नु हामी सबैको दायित्व हो ।यस्मा सरकार उदासिन देखिन्छ ।
नेपाल रेडक्रस सोसाइटी जिल्ला अध्यक्ष प्रेम लाल उदासको अध्यक्षता, कृष्ण चौहान क्षेत्रीको संचालनमा भएको कार्यक्रममा पत्रकार, सरोकारवाला निकायहरुको सहभागिता रहेको थियो ।

गुल्मीको रुपाकोटमा बादर आतंक ! किसान हैरान

मिन प्रसाद गैरे , गुल्मी , २९ जेष्ठ । पश्चिम नेपालको प्रदेश नम्बर ५ स्थित गुल्मी जिल्ला चन्द्रकोट गाउपालिका रुपाकोट-७ का कृषकलाई बांदरले सारै सास्ती दिन थालेको छ । वांदरले स्थानीय कृषकको खेतीपाती सखाप पारि दिएको छ । हाल खेतबारीमा रहेका मकै तथा अन्य बाली बांदरले सखाप पारिसकेको छ भने घर स्कुल गर्ने स-साना बालबालिका र बृद्दबृदालाई समेत हिंड्न दिएका छैनन् ।

बांदरको यस्तो ज्यादती पछि स्थानीय कृषकले बांदर नियन्त्रणका लागि पहल गरिदिन स्थानिय प्रशाशन तथा गाउपालिकालाई अनुरोध गरेका छन् । जिल्ला कै हुँगा, चिदीपानी, मजुवा तुरांग लगायतका स्थानिय बासि र व्यवसायी पनि बाँदरका कारण हैरान छन् । बादरले अन्नबाली खाने, भाच्ने, छानो च्यात्ने संगै कति पटक पस्केको भात नैं बाँदरले बोकेर हिंडेको स्थानीय सुनाउंछन् । गुल्मी चन्द्रकोटको क्षेत्रमा पर्ने जंगल क्षेत्रका स्थानीयलाई बढीजसो बांदरले उत्तिकै सताउने गरेका छन् । दिउसो होस् या राती, हरेक समयमा जंगल क्षेत्रबाट आउने बादरले किसानको बालीनाली नष्ट गर्ने गरेको छ ।

जिल्ला स्थित सो क्षेत्रमा किसानले लगाएको मकै लगायत अन्य फलफूलका बाली नष्ट गरिदिएपछि स्थानीय मारमा छन् । किसानहरुका अनुसार एक साता यता अचाक्ली रुपमा प्रत्येक दिनरात बादरले दुःख दिने गरेको छ । तर पनि बनसंग सम्बन्धित निकायले चाँसो दिएको छैन ।

तिलोत्तमा नगरपालिकाको ६ लेण्ड सडकमा डष्टबिन

तिलोत्तमा । शंकरनगर खानेपानी उपभोक्ता तथा सरसफाई सस्थाले आफनो कार्य क्षेत्र भित्र पर्ने तिलोत्तमा नगरपालिकाको योगिकुटीदेखि डाइभरटोलसम्मको ६ लेण्ड सडकको दुबै किनारमा डष्टबिन राखेको छ ।
सस्थाले सडकको दुबै किनारमा रहेका बिद्युत पोलमा करिव डेढ सय डष्टबिन राखेको हो । त्यस्तै शंकरनगरचोकदेखि शंकरनगर बन बिहार तथा अनुसन्धान केन्द्रसम्मको सडकमा पनि सस्थाले डष्टबिन राख्ने भएको छ ।
सस्थाले योगिकुटीमा एक कार्यक्रमको आयोजना गरी डष्टबिन राख्न सुरु गरेको छ । योगिकुटीमा बिद्युत पोलमा डष्टबिन राखेर कार्यक्रमको शुभारम्भ गर्दै प्रदेश ५ का उद्योग पर्यटन वन तथा वातावरण मन्त्री लिला गिरीले शंकरनगरबाट सुरु भएको खुल्ला दिशामुक्तको अभियानले राष्टिय रुप लिए जस्तै सार्बजनिक क्षेत्रको सरसफाईमा सुरु गरेको यो अभियानले पनि व्यापकता पाउने बिश्वास व्यक्त गर्नुभयो । उहाले फोहोर बिर्सजन र सरसफाई प्रत्येक नागरीकले आफनै घरबाट सुरु गर्नु पर्ने र सार्बजनिक क्षेत्रलाई वातावरण मैत्री र सुन्दर सफा बनाउनु पर्ने बताउनु भयो ।

यसै क्षेत्रबाट प्रदेश सभामा निर्वाचित मन्त्री गिरीले सडकमा फोहोर हुन नदिन सफा सुग्घर बनाउन सके र सहित रुपमा टाफिक व्यवस्थापन गर्न सके तिलोत्तमा बिकसित मुलकका शहर भन्दा कम नहुने बताउनु भयो ।
उहाले तिलोत्तमाको मात्र नभई समग्र रुपन्देही जिल्लाको फोहोर व्यवस्थापनका लागि उर्जा, मल कारखाना के स्थापना गर्न सकिन्छ भन्ने सम्वन्धमा प्रदेश सरकारले बिस्तृत अध्ययन गर्न लागेको पनि जानकारी गराउनु भयो । कार्यक्रममा बोल्दै तिलोत्तमा नगरपालिका वडा नम्वर २ का अध्यक्ष दधिराम गौतमले शंकरनगर खानेपानी उपभोक्ता तथा सरसफाई सस्थाले खानेपानी र सरसफाईका क्षेत्रमा गरेको कार्यले वडाको काममा निकै सहयोग पुगेको बताउनु भयो ।

सस्थाका अध्यक्ष हरी प्रसाद तिवारीले सस्थाको कार्यक्षेत्रलाई पूर्ण सरसफाईयुक्त बनाउन र ६ लैण्ड तथा अन्य सडकको सौन्दर्यता बढाउन सस्थाले डष्टबिन राख्न सुरु गरेको बताउनु भयो । उहाले आवश्यकता परे कार्य क्षेत्रका अन्य सडकमा पनि डष्टबिन राखिने बताउनु भयो । सस्थाका कार्यसमिति सदस्य बेल प्रसाद शर्माको सञ्चालन र उपाध्यक्ष ओम प्रकाश खरेलको स्वागतमा कार्यक्रम भएको थियो । सस्थालाई तिलोत्तमामा शाखा कार्यलय रहेका साइन रेसुगां डेभलपमेण्ट बैक, मिसन डेभलपमेण्ट बैक, नेपाल कम्युनिटी डेभलपमेण्ट बैक र गरीमा बिकास बैकले डष्टबिन सौजन्य गरेका छन ।

RECENT POSTS